الياس جرجوره والبحر

حوار شبه ارتجالي بين بحر الزجل والياس جرجوره
مع إنو وقتي مش لإلي .
الياس جرجوره
.
يا طراد صار الوقت للجدّ وخُطاه
ما عاد نقبل شعر ماشي عا خَطاه
قدما عطاك الربّ في غيرك عطاه
والكلّ شاكر دوم للرب وعطاه
واليوم غيرك طلّ والشعر امتطاه
وخيّل على بيت القصيدة تا سطاه
لك
لو كنت بير من العلم والمعرفي
اتفضّل لأنّي عارف البير وغطاه
بحر الزجل
يا ناطر تغطي جروحك باللباس
وتغش حالك شاعر وتخلق حماس
تعلم قبل ما تعمر ترك الاساس
وتشقع مداميك القوافي عا القياس
بتقول عارف سر بحري يا الياس
وحامل سيوف المرجله من مار الياس
طيب ما زالك عارف البير وغطاه
ليش جايي للشحاده بالكياس
الياس
Elias Jarjoura
ما جيت إشحد جيت بكياسي فقط
فوق الحروف الفاضية حطّ النقط
يا طراد ما في طير هالغيم التقط
إلا وعا راسو متل ما علّا سقط
عنّك سمعت اليوم: "فادي" وما لقط
فنّ الكتابة ولا درع شعري لقط
من هيك جايي علّمك تكتب منيح
صار الوقت ينقال: "فادي ما سقط
ألشاعر سليمان طراد
بسقط انا...؟مش عيب تحكي بإنفعال
سقوطي سقوط التلج عا روس الجبال
بسقط متل موقع ..بخطة احتيال
منشان اربح بالمعارك والقتال
وكل اللي السقطوا بالمعارك والنضال
هودي شرف لبلادنا .. وما في مجال
تهين الشهيد اللي سقط بالمعركه
ارجع ل أصلك يا عميل الإحتلال
Elias Jarjoura
يا ساقط من عيون قلب اللي احترق
مات وما شفتو ولا النظر منّك سرق
لوما عمالة ليل بالصبح المرق
دمّ الشهادة كان نورو ما شرق
ساقط معي بالإمتحان ومن عرق
زندي العمالة مليحها علينا برق
لوما العمالة بين فكر وموهبة
ما تخلّدو القصدان عا سطور الورق
ألشاعر سليمان طراد
خوّفتني من الحب يا جفن الكحيل
تعاملت بالغمزات مع دم التقيل
شوف بحرب لبنان عا مجال الطويل
بفضل العماله كم خسر شعبك قتيل
ما تضيّع الجمهوروتبيّن هبيل
ما في عميل بها الدني بيعمل كفيل
اللي تعاملوا بسوق الخيانه تشنّقوا
البيقيو حمات الدار قضيوا عا العميل
Elias Jarjoura
مخّك يا إبن طراد شو اللي صايبو
كلما بقلّك تيس بتقلّي حلبو
بلبنان ما في رمش يعلا حاجبو
كلو عمالة بمشرقو وبمغربو
ربعو عميل لسوريا عم ننسبو
ربعو عميل لإسرائيل بمطلبو
ربعو على إيران حظو جايبو
ربعو الخليج مظبّتو ومرهّبو
وكلما عميل بيخسر بأرض الوطن
بيبقى عميل لغير دولة غالبو
روح سحاب
ألشاعر سليمان طراد
عندك بشر عا الخارطه اوسخ نفوس
بتنباع بريالات روحن والفلوس
الا المناضل ضل بالحرب الضروس
مآمن بخطو رغم قهرو بالحبوس
وهيدا اعترافك بالتعامل والجلوس
مع جيش تشرب شاي وتدق الكؤوس
يعني عميل وعم تقلّي بلا حيا
حطيّت راسك بين قطّاع الرؤوس
Elias Jarjoura
عا هالجواب ال عالشعر مالو جميل
بقلك متل ما قال بالماضي خليل
"شو باك ضايع لا طريق ولا سبيل
الله يردّك صوبنا بعد الرحيل"
بعمل عميل على البخل ضد البخيل
بخلّي الكرم يفرش موايد للأصيل
بعمل عميل بقلب لبنان الجميل
لمّا بشوف الساكنو جايب بديل
ببطّل عميل بوقت قطّاع الرؤوس
يرجع ضميرو يفيق ويبطّل عميل
ألشاعر سليمان طراد
لما العماله تصير واقع للشعوب
ننسا وطنا... وليش تا نعذّب قلوب
قبلت العماله وكنت مجرم بالحروب
واللجنّدك حقنك ..ودعمك بالحبوب
تعاملت مع محتل و حملت الذنوب
وكيف شكل بدنا نصدّقك راجع تتوب
لك حل عنّا وفل عا ديار البلي
ما عاد بدنا ياك تسكن بالجنوب
Elias Jarjoura
يا تارك بلادك ل ديدان الوغى
لسانك زعجني كتر ما لتّ ورغى
الله لأنو الطهر بالدنيا بغى
خالق إلك شيطان، شوف المبتغى
ل نَص الوزاري مسمعك لولا صغى
فضل العمالة بتعرفو يا ببّغا
درب المقاوم ما التغى بفضل العميل
وما فيك تلغي درب بعدو ما التغى
ألشاعر سليمان طراد
فضل العميل...؟منين ها البدعه منين
الأهداف ما بيتقارنو بين التنين
فضل العماله قلتها..!! وكيف لاك عين
حتى التشابه تخلقو وتشيل دين
ما فيك تلغي عملتك عا الحالتين
وعيب الأسد يتشبّه بجبن البسين
تا نقبلك معنا مواطن بنصحك
إلعن الشمر بكربلا وحب الحسين