حسان البسطاطي سلاح ومال

أووف أووف
يا حسّان القصيده..شوّهوها
وسبّوأمها ولعنو أبوها
واذا ما جيت متل الطير هلّق
يمكن يقتلوها ويدفنوها
انا بعرف بإحساسك معلّق
ببنت الشاعريه الجهزّوها
تا تاخد حرف عن ربو مطلّق
ورفضت للرتابي يخطبّوها
لها الأسباب حيط الشعر شلّق
اذا بتحبّها وحياة الله
لحقها من قبل ما يزوجوها


حسان


يا" طراد " هودي لّي عم يسبّو
تركهن ع مهلن حئدن يصبّو
و كاس ل جفا لي نصب بل خابي
منل كاس زاتو بيرجعو يغبّو
لبيكون ب بيوت ل شعر رابي
زهر ل ربيع بيضحك بعبّو
بيفتح بوج ل شمس بوّابي
يكاغيلها بئلبو متل ببّو
و بنت ل شعر بعيون جزّابي
لّي سحرها ربّ ل شعر صبّو
بتضل طول ل عمر عزّابي
و ما تاخد غير شاعر شهم
بيحبّها و تكون بتحبّو


قراده

اووف اووف
بدنا يا بسطاطي حل
لها البنت المش كذّابي
خايف ما تعنّس وتضل
ببيت الكلمه عزّابي
تشتك تشتك
بنت الكلمه والأشعار
الحبّوها وما حبوها
ان اخدوها تسكر بالبار
وحتى تشرب جبروها
ما بتتغيّر مهما صار
ولو بطحة بيشربوها
ما بتسكر ألا بأفكار
دموع الشعر الخلّابي
تشتك تشتك

حسان

بنت ل كلمي بتسئي جرار
ل فكر بجمرة شفّتها
بتتغاوا متل ل أنهار
ل زهر مسيّج ضفّنها
حتّى تنجا منل أخطار
و تحفظ جوهر عفتّها
لازم تبئى ليل نهار
متل ل حيّي ل نشّابي

سليمان

الله يساعد منبريان
الحامل عا كتافو همومو
لا بسوريا ولا بلبنان
ممكن َاقزامو يقومو
لكن لو بدو حسان
يركز عا الشعر هجومو
بيحتاج سلاح سليمان
وما بيحتاج الدبابي

حسان
سوريا مراية لبنان
فيها ل سحر بيتجلّا
سلاحن تالوت ل إيمان
الله يحميهن الله
و إنت سلاحك يا سليمان
ما بيزكّرني إلاّ
بنوع فرودة بت رسلان
لّي بتئوّس جنّاني
Re

سليمان

يا حسان المنبر صار
فلت لسان وضرب كواع
صدقني صاير محتار
كيف بغني ولف كواع
فرودة أفكاري اشعار
رصاصتها دهشه وابداع
بس المشكل بالشعار
ما بتتحمل نقد زغير
والله طلعت من تيابي

حسان

خوابيكن فيها نكهات
بنكهة ئانا يوم ل عرس
بتغني ل تاريخ بصفحات
بين ل روم و بين ل فرس
لي خلّو ل منبر عركات
سيف و خيل و رمح و ترس
لا بتستطيبهن كاسات
و لا بتطيئن ل خوابي








سليمان طراد
يا شعر حيي سوريا ومشتى الحلو
وضيف بملقا ضيوفنا فواكي وحلو
حسان .. منبر شعرنا الما بتجهلو
رافقت كل مراحلو وداعم الو
حابب بلمحه خاطفه تحكي ملو
عن سر استمرار ها الفن الحلو
ومش بس تحكي عن الماضي بالزجل
حابب معي تبرج على مستقبلو

حسان بسطاطي
مستئبل ل شعر ل بتوبو حاكني
شفت بسما عيون غيوم ل داكني
ما بتئبل بيوت ل شعر ل مساكني
بحروفها ل متحرّكي و ل ساكني
بدنا شي زلزال بنفوس ل راكني
تايحرّك بحور ل ئصيدي ل ساكني
تا يهبّط بيوت ل شعر ل مصدّعه
و يدشّر بيوت ل ئصيدي ل ماكني

سليمان طراد
شو باك جايي تهبط وترجم حجار
متل ال كانك عند بوتين مستشار
سألتك سؤال وكان قصدي بهالحوار
نرجّع الوحده...بالمصير وبالمسار
المنبر متل اوكرانيا تحت الحصار
والكل يعني الكل ساهم بالدمار
شو رايك المجلس السوري نرجعو
وانت وانا نتحكم باخد القرار

حسان بسطاطي
تركلي بوتين ل بل نصر مالو نصيب
يتئلّب بأوكرانيا فوء لّ لهيب
و ل مجلس ل سوري ل سرء كون ل رحيب
متل ل بيسرء لئمتو من نياب ديب
كبّ ل مناصب يا سليمان ل حبيب
الله بزاتو نصّبك شاعر أديب
ل شاعر بيدعس فوء كرسة "بايدن "
حتّى يحوّش زر زنبء للحبيب

سليمان طراد
قبل الحكي.. جبلك سيكاره ومنفضى
من حيث صوتك رح يلعلع بالفضا
يا للأسف ما فيك ترجع للمضا
وما فيك تتكابر على حكم القضا
اللي صار من يومين مع راضي ورضا
دوخ مسيح المشرقي والمرتضى
شاه وملك والقيصر الظرف اقتضى
انو بحبر صيني انمضا سك الرضا
يا بوس إيد لكاتبة نص السلام
يا روح بوس الحبر مطرح ما انمضا

حسان
حسان بسطاطي
بين ل سياسي و ل شعر بل عنوني
في فرء واضح مر عبر ل أزمني
ئلب ل شعر لهفي و براءه و و لدني
و ئلب ل سياسي مكر خبث و ملعني
كلشي نسفك دم و حروب بهل دني
و راحو ضحايا حرب من بان و بني
ضاعو بمسعى ل صين و بشحطة ئلم
بين إتفاء ل سعدني و ل أيرني
سليمان طراد
شو باك عم بتسب افضل اتفاق
متل ال كانك ما بتسعى للوفاق
شبعنا كذب عا شعبنا شبعنا خناق
ما في حدا الا وطعم الحرب داق
تأمل معي المشهد وركز عا العناق
وكمل معي الموضوع عا زات السياق
وادعم ملك طور بعهدو المملكه
بيني وبينك..! يحرق عضام العتاق
حسان بسطاطي
إيران كانت بل مضا مهد ل زكي
دولة حضاره بل فعل مش بل حكي
و ليوم دبّت شعبها بل تهلكي
و صارت ع مسند طائفيّي ترتكي
و ل مملكي أرض ل وحي ل مباركي
جابت نبي ضوّا ل لّيالي ل حالكي
إيران كانت مملكي صارت خراب
ل ريّاض كانت رمل صارت مملكي
سليمان طراد
شو ها الوصف للمملكه وشو ها المزيج
خداج جوقات الزجل غير الخديج
لما اخترقو بلادنا ودار الهبيج
وبالحرب خفنا يغيرو عنا النسيج
إيران بعتت ميغ يا بو الميج ميج
و المملكه بعتت مصاري بلا ضجيج
بدك تقلي مين ساعدنا وصدق
سلاح الايراني الفاد او مال الخليج


حسان بسطاطي
بحكي متل منّا عيوني شايفي
يلّي ب ئلبي بيكرج علا شفايفي
بمرجح على غصوني ل طيور ل زايفي
حتّى ما تبئى منل جوارح خايفي
سليمان يا بحر ل مواجك طايفي
ما بتئدر تئارن بهيك مسايفي
بين ل بيدعم جيش تا يحمي وطن
و بين ل بيدعم حزب يحمي ل طايفي
سليمان طراد
لنك يهودي ولا شعب من بلشفيك
ولنك من الزينات من ستات شيك
حق التنمر عا حزب مين العطيك
وبالحرب عارف انت بدمو فديك
بين اللي فيك تحرر وبين الما فيك
ما فيك ما تختار تا تقاوم شريك
بفضل انا اعطيك تا تصمد سلاح
ولا بيعك الأوهام حتى اشتريك




يا بسطاطي قبل ما تنتقدني
وايدك توصل على طراف ادني
لازم تعترفلي بالخساره
واذا مش فاهم الموضوع ادني
انا الشعب اللي قاوم بالحجاره
وخيي الفارسي وحدو السندني
وانت بتدور بالصحرا دواره
تا تشحد مالها اشعرت بدني
العلم والمال بالعالم تجاره
يمكن يشترولك بس هدني
ووحدو المدفع البيرد حاره
عند ما الشعب بالعركه اعتمدني
كفاك تضل عايش عالدوارة
تشحد عطف من روما وسدني
وتنقل من سفارة عا سفارة
وعدني ما بقى تنطنط وعدني
انا بإدي جمعت قمح الكوارة
تا جوعك مات بين كدنة وكدنة
وانت شفت الغرب علم وحضارة
ومالك جمّع جيوش وحصدني
العراق وليبيا اصدق عبارة
اسعدني بشي خبر عنهن اسعدني
انا قبلك دقت كاس المرارة
التآمر عن ارض جدي بعدني
انا ما جيت عا الغربه زيارة
التقاتل بالوطن هوي الا خدني
انا زرعت الدول عزم وشطارة
وعا غيرو المتّكل نام وحسدني
انا لما اليهودي شن غارة
عا أرضي ما قدر متلك فسدني
بفضل مقاومة خصمي توارى
وغمرني المجد والعزم اعتمدني

اذا بتقبل نصيحة واستشاره
على الجولان يا حسان خدني
ت قاتل متل ارنستو غيفاره
العبيد تحررو وعاشوا بلدني
مابدي يكون ما عندك جداره
وتقبض من يهودي بزمانك
وتصرخ ظلم من ارضي طردني

اووف

قصيدة ختام خيينا حسان بسطاطي

تعا من جرود كوبا يا غفارا
على ل جولان تا نعمل زيارا
و عَ مجدل شمس طلعة شمس نطلع
و عَ صبح جبينها نوسّع ل طاره
من شبابيك عينك ئوم إئشع
مداميك ل تطوّر و ل حضاره
ما في بيت إلاّ مو مشعشع
و ما في تمييز بين حاره و حاره
*
شوف ل غاز و ل مازوت نبّع
و وصل ع بيوتها بئوّي و غازه
إذا فيها سندياني بتئطع
بيتختخ عضمك بئلب ل نظاره
فيها ل آذن معاشو بيطلع
ئد معاش ريّس بل وزاره
إذا فيها عصا جدّك بتزرع
بتزغف متل مشمش عين داره
*
بعكس غوطة ل شام و سهل سعسع
بحر أخضر و حورتها مناره
صارت يابسي صفرا بيدمع
عليها من ل ئهر رمل ل صحارى
*
دخلك ليش هل دب لّي فظّع
و ع أركيلة وطنّا حط ناره
دشّر شعبنا يرجف مكرتع
و عندو ل نفط طايف بل كواره
دخلك ليش ما ل جولان رجّع
تغفى بحضن إمّا ل إختياره
و منها عل ئدس غرّب و كوّع
و على حيفا ويافا شن غاره
*
يا غيفاره ل زجل يا بحر أوسع
منل بيمخرو عبابو بمهاره
إنت شاعر شهم أفظع و أروع
منل تربّعو بعرش ل إماره
إذا بتسمع شطر كيّس بتولع
متل مرفأ مريسه بلا شراره
*
و هلء بعد ما ل وائع تصدّع
و صرنا نحارب بجهل و جئاره
دخلك كيف بدها ل ئدس ترجع
و أطفال ل حجاره شباب صارو
و بئيت روسهن متل ل حجاره