غسان شديد والبحر من جديد

غسان شديد عا الصلب
تعا يا شعر بنّج إنفعالي
وبلا ما تحصل الليله قتالي
في شاعر ع الخوابي فات فوتي
مشكّل ع ذنودو ولا مبالي
يا غسان الجبيلي بعد موتي
بدها تزعل عليي الليالي
لأنومن القبر لو سمعت صوتي
بدّك تحتمي بجنح الشديدي
وتحفر قبرك برمل الجهالي
اووف
نطرتك تعتذر ..عن ها الإهاني
وتركع ركعت الذل المهاني
وما ترفع راسك قبالي لأنو
بدي اقطعو بأربع ثواني
اللي فالق ربنا بطنو ورنو
يا عدنان افتكرتو الاصفهاني
بالميدان اخجل يا شرنو
قبل ما يقوم ليك الكوتراني
بخوابينا العتاق كبار غنو
ومن كبار الكبار ال عازماني
ضربة واحدة ومش رح يتنو
شيلو شديد هاتو شديد تاني
شديد الطبّل وزمّر ل فنو
وعلى العركه دعى غيري ودعاني
ظن الناس خاب وخاب ظنو
لأنو البحر ما بيرد ميت
ما رح بيغص بها البهلواني


غسان شديد

أوف أوف أوف
جيت الشعر غيّرت مفهومو
ومتل الشمس غطيت عا نجومو
مش كلما شويعر طلع من جحر
بيفطّر ببصلة لعم يصومو
يا مفتكر حامل عصاية سحر
والشعر وحدك كنت مظلومو
غسان كلماتو الحلا والسحر
وعا دفاترو النحلات بيحومو
وجبيل ما بتخشا هدير البحر
وانتو عا شبر موي بتعومو
حتّى اذا بتنحر وريدي نحر
وحطيتني بالقبر بعد الموت
لمتلي بتالت يوم بيقومو

Ghassan Michel Daoud Chedid
Colaborador destacado
أوف أوف
علي يا ملوك الشعر ردّي
واذا بغلط علي تراب ردي
ويا عشاق الشعر مني استعدو
لسفرة بين ردة وبين ردة
ويا عدنان هالعدمان ردّو
بيرجع بين مدّة وبين مدّة
متل شعار عا فكرة استعدو
لعركة بخنجر مطعوج مسدي
يا ردو يا وراي الشعر ردو
يما حملو سليمان عدّة
واذا المعدوم بدو كون قدّو
انتو فسّرولو مين قدي
واذا ما بتوضعولو اليوم حدو
بدي نيّمو عا شفار حدّي
واذا ما بشوفو من السبت حدّو
دقو جراس موتي نهار حدي
ولا تبكو عا غيابو ولا تحدو
وعلي يا ليالي الشعر حدي
لأني مغلّط وغنيت حدو
تحت سابع بحر تبقو قبروني
اذا بينحطّ اسمو بعد حدي


حوار رائع عمرو شي سنتين بين شاعرين كلنا منحبهن للي هني ألشاعر سليمان طراد و Ghassan Michel Daoud Chedid
بنصح قراءتو وووووووو من الشعراء انهن يكفوه
المحكشوووووووون ع صفحتو ب قللو ل خيينا غسان
ألشاعر سليمان طراد
غسّان ابن شديد بشكر غيرتك
عنّي سألت..ولو انهارت ليرتك
كلما نحس بطعمة قراص العسل
تأكد بيكون الكل جايب سيرتك
غسان شديد
مهما تعاكسنا الدنيه عا دروبنا
بيضل من كرم الوفا مشروبنا
متلك ومتلي ومتل كل الأوفيا
عا شفافنا مكتوب سرّ قلوبنا
سليمان
سرك المخفي لو ظهر عا مبسمك
بتحس نشّف دمك وخرسن فمك
خليك خافي علتك افضل.. وعيش
تأمل بضحك الغيم وبحزن السمك
غسان
كلمّا بتعالي عيش مع واقع مهين
بغفّي بصومعة الصمت سرّي الدفين
الشكوى لغير الرب ذلّ وانتقاص
من هيك تمّي بيضحك وقلبي حزين
سليمان
لاتغلف النسيان بوراق الأمل
ويكون حلمك طفل بعدو ما اكتمل
السر أبرة بنج بتغفي الضمير
وابره زغيره بتقدر تنيخ جمل
غسان
مخبّي بعيني دموع بتعبي بُرَك
واسرار لولا انثرتها الدهر انزرك
وبالعدل لمّا يخل ميزان الضمير
متل اللي قلبو ضد افكارو اشترك
سليمان
ما زال قلبك ضد افكارك ارتاح
وحاسس بنشوه صادقه وبالإرتياح
معناتها الله ما بيحاسب غشيم
الجنّه إلك من دون ما تقلع فتاح
ههههههههههههههههههه
وهون بقللي غسان بعد ما طالبتهن بكمالة الحوار
من تنينّا مافي ولا فكر انصدم
مهما النار تقدّ والظرف احتدم
الله بكلمة ، من العدم كوّن وجود
وبالشعر بخلق كون تاني من العدم
غسان
من تنينّا مافي ولا فكر انصدم
مهما النار تقدّ والظرف احتدم
الله بكلمة ، من العدم كوّن وجود
وبالشعر بخلق كون تاني من العدم
سليمان
بتخلق دني..!!وقفت الكلمه بالحلق
عا ها الكلام بيلزمك مني فلق
لما بتضرب بالوطن ازمة وجود
معقول ترجع متل ما الله خلق
غسان
عرفتك شقي وربّك ما بدّك تتّقي
وفي فرق ما بين النقي وبين الشّقي
لا بالأرض عم تلتقي افكارنا
ولا بالسما ارواحنا رح تلتقي
سليمان
معقول بعدك ناطر ظهورو وجريح ؟
من بعد صلبو..ورايح تزيح الضريح
ان ما كنت يا غسان ثرثار ومرا
من الصعب انو يظهر عليك المسبح