عدنان سعيد وبحر الزجل شرايي وغنا

Adnan R. Saeed
Autor
Administrador
بأوّل شهر نيسان بغياب الوعي
بحر الزجل من رحم والدتو وعي
و كانت الكذبه ... و طاف بحر الألمعي
عا شطوطنا و وصّل هديرو لمسمعي
ما تكون كذبة و بالشعر عم تدّعي
و تكون تا عملناك متل الأصمعي
ريّاس جوقات البيغنّو عالأصول
عم يكتبولك شعر تا تكتب معي
-------
يا شمس لما من المجرّه بتطلعي
بيكون وهجك من حرارة مطلعي
ولما عا بيتك بالغياب بترجعي
بيكون ليلي بلّش يجد السعي



يا شهر نيسان الحلو كذب وصيح
وقلو ل ابو بهاء منبرنا جريح
خايف بعد ما وسطوك تحط زيح
تروح يا عدنان شيح بقلب ريح
ههههههههههه
اووف
يا ريت عادل (الزجل الأصيل) كان يكتبلي وسميح (Samih Khalil)
بس النقابه اخدي وقتن منيح
ههههه
(Georges Lteif) ولطيف لولا بيدعم وبيحط زيح
كانت قلامي تعودت تكتب مديح
وحتى سعاده( الشاعر انطوان سعادة ) لو كتبلي عن صحيح
بتعرف وفايي ما بهشم بالمنيح
وحتى حبيب( Habib Bou Antoun) وشربل( Charbel Kamleh ) بتعرف صريح
ان كتبو الي كنت المنابر بستبيح
من هيك لا تفزع على بحر الزجل
عم حاورك هوي وضميري مستريح





Adnan R. Saeed
Autor
Administrador
عايدتك مبارح بشعري و بالنهيد
حتى تجي و نعمل سوى للشعر عيد
و نطرو معي انصار منبرنا الوحيد
حتى تجي و ما جيت حتى تمد إيد
و لما ندهتك تا مجد شعرك يزيد
ليش ما اعتذرت و ليش ضلّيتك بعيد
بلا احترام طلعت و وجودك زهيد
و قررت كنت الملتقى ما عود عيد
لكن كرامة عين جمهوري الفريد
رح ارجع و كفي حواري عن جديد
و بحلف ب الله الجابني حر و عنيد
ما بحاورك تا تصير للأخلاق سيد
=====
و مع احترامي لكل اقطاب القصيد
ان نزلو معي بالشعر بيصيرو عبيد
و لولا سقيتك انت كباية نبيد
بتتسلطن و بتصير في عندك رصيد
السمّيتهن في كتار منهن عالأكيد
عم يشترو الاشعار من شاعر شريد
و يللي مولّع بالنبيد و بالقمار
بيبيع حتى يفيد غيرو و يستفيد
=====
ان ما كنت صادق حامل الصيت الحميد
كتاب الفصل بكرا استلمو من البريد
و هلق معي عن درب هالتدجيل حيد
يمّا بفتّك فت لو كنّك حديد
و كفّي الحوار و صير بين ديي شهيد
او حل عنّي و عا فؤادي لا تزيد


اووف
ما زال حابب ردة معنى تزيد
وتظلم البحر وتتنخي بعبد الحميد
بلش معي بموضوع تاني ولا تحيد
تا يعرف الجمهور مين هوي العنيد
وعا غيبتي لا تعلق وعارف اكيد
شعنينة الأطفال عندي اليوم عيد
هههههههه
الشاعر اذا ما كان أسعد ( اسعد سعيد) أو سعيد (سعيد عقل)
ما فيك عنّو تقول بالمره سعيد
أسعد خوابي الموهبه وشعرو نبيد
وعمّك سعيد جنون فلسفة القصيد
اسعد الفكره بيشتريها من العبيد
وجنون عقل بياخد لمطرح بعيد
السكران لوما يبيع فلسفة الأدب
ما كان فيه يكمّل الجيل الجديد


Autor
Administrador
يللي اشترى الفكره تا صاغ الجوهره
مش متل يللي كز رده مصوره
الشاعر عليه الناس تبقى مشوهره
تا يطل عا حصانو بنخوة عنتره
مش تا يجي وحافظ بيوت مكسره
او مشتري القصدان من هالمسخره
البيضل ضايع عا دروب الفرفره
و سكران ما بيعرف الشب من المرا
انشالله بيوعى وتنتهي السكره و يجي
يحكيلنا و يقول مين اللي اشترى

Colaborador destacado
اووف
عدنان ما بتفهم بازمه وانكماش
انتي بتفهم بالسرير وبالفراش
هههههههه
ما زال صار الدفع ببلادك فراش
وسعر الطيوره طاير وسعر العشاش
هههههه
اووف
الشاعر عند ما يصير طالع عا المعاش
وين الغلط من كرم انتاجو..ان عاش
الشاعر اذا من دولتو بيقبض معاش
ما كان باع الحرف مره تا اعتاش
نجوم الأغاني النجّمو ونفشو رياش
هدرو حقوق الشاعر وهون النقاش
فيروز والصافي ما دفعو اغنيه
غنّو وقبضو وكل الحانن بلاش

Adnan R. Saeed
Autor
Administrador
اكبر جريمي الشاعر الكلّو حنان
يسرق كلامو مطرب مزوزق جبان
يمّا كلامو يضيع مع صوت الكمان
حتى الموسيقي يصير جزدانو ملان
و يللي بيسرق شعرك و شعري كمان
تا بمهرجان الشعر يركب مهر جان
هيدا شو منقلّو اذا تفاصح و قال
مبارح كنت بالشعر نجم المهرجان


ألشاعر سليمان طراد
Colaborador destacado
بايام موسى وزين حتى وبو سليم
وخييك بو شادي وجريس وجيل القديم
كان الزجل يطلع تا يوصل للصميم
واليوم ما بيوصل بوصفه من الحكيم
ههههههه
اووف
قلو عفاك ان كان مبدع مش غشيم
وحافظ منيح ومنطقو منطق سليم
اكتب َووزع للشباب َوللحريم
وولع المنبر بعرفك شاعر كريم
المنبر برأيي مسرح العملو حكيم
الصوتو حلو خلاه يوصل للنعيم
وانتي وانا من كتر ما هدينا زجل
عا النار بدنا نروح والله العظيم



Adnan R. Saeed
Autor
Administrador
احرقني انا بخّور عطري لو انتشر
بتوعى القداسي و مش رح تكذِّب خبر
و انت و أنا للشعر عينين النظر
و شفاف تحكي همس و تتمتم عِبَر
و عا جهنّم ان حبيت يا بحر السفر
رح كون بايع كون عيّشني بطفر
و بايع وطن سارق حلم اطفالنا
وما بكون شاري شعر تا غش البشر




ألشاعر سليمان طراد
Colaborador destacado
انا شاعر قصيدي ما بيعو
ولا بساير ملحن او بطيعو
تا يظبط لحن يكسرلي القصيده
مهما يدفعو ما بيستطيعو
وما بقبل اشحد ولا مد ايدي
عا رزق الغير تا العالم يضيعو
ولانو الشعر مش قيمه زهيده
ما لازم ينهدر حقو لصنيعو
لانو في اغانينا العديده
الاغاني بلا اسامي عم يذيعو
لها الاسباب رح حمي الحديده
وغرق في مواجي من جميعو
وافضخ كل اجيال البليده
اللي صارو فن هابط عم يشيعو
موسيقى ساقطه وكلمه بليدي
والمصروع جمهورو صريعو
ونقابتنا مشاكلها عديده
وزجل لبنان عم يخسر بديعو
بعد ما فقسو شعرا جديده
القصايد بالوقيه عم يبيعو
وفي شعار من كتر الحسيدي
منهن كل من لاحق قطيعو
وجيل القحط بنصب المكيده
يذكر مين كاتبلو تا اغنى
قبل ما يشدق ويرخي بنيعو

Adnan R. Saeed
Autor
Administrador
تعا يا منبر اللي كنت عالي
و نجوم الشعر فوقك عم تلالي
بخوابي الشعر حدّي اليوم إركع
تا تتعلّم عا شعر الإرتجالي
إشمأزو الناس منك يا مزعزع
و من شعّارك المن دون رسالي
تعا تا كرومك من جديد نزرع
تا يعقد زهرك و تحلا الحقالي
مافي ولا نجم عا خشابك بيلمع
ومافي تجديد ... كلّو شعر بالي
و خوابي الشعر ما صارت المرجع
لو إنّو كان هالمنبر مثالي
ابعتولي "البالمجد" بعدو بيطمع
تا تشوفو شو رح بيعمل قبالي
يا إما من "العمر" شاعر مولّع
تا إطفي جمرتو بشعري الخيالي
و من "المسرح" الفيه الشعر ودّع
يجي أو يعمل لغيرو وكالي
و من "البيدر" يجي البيحب يسمع
شعر مسكوب فيه الخمر حالي
و تا حتى من "الليالي" شعر نشبع
يجي قيدومها يغنّي بمجالي
انا بحب الخوابي تصير موقع
لهالشعّار اصحاب المعالي
العبالو يشمخ و يطلع و يطلع
اذا شرّف لعنّا وما بغالي
رح نخلّيه متل البدر يسطع
لأنّو عالخوابي ان مر مرّه
البيكون رخيص رح بيصير غالي