بخر الزجل ومخايل لطيف رايس عصبة الزجل بسدني

يا مخايل الشعار بسدني كتار
خلو الزجل يلمع بدنيا الانتشار
ليش دخلك ما طلع جوقة زجل؟
عصبة زجل معقول تاخد ها القرار؟

مخايل لطيف

Latif Mikhael
يا طراد بالغربة طردنا همّنا
وعصبة زجلنا بالمحبة تضّمنا
لكن ما فينا نفكِّر بجوقة زجل
بنخاف من بحر الزجل ما يطّمنا

ألشاعر سليمان طراد

ما زال عصبه للزجل عامل ويا
عامل نبي ي الشعر لا تظهر حيا
أسس بسدني جوقتك تا ندعمك
لا تخاف موجي ما اعتدى عا الانبيا

Latif Mikhael
ما دام جهدك هيك للجوقة سعي
مضطّر يا سليمان بدّل موقعي
معقول تلعب يا بحر مع أنبيا
لكن ببحر الشعر لا تلعب معي

ألشاعر سليمان طراد

العب معك؟ مش عيب تحكي ها الحكي
وتغير الموضوع تا تبين زكي
يلي براسو بينلعب ما بليعبو
توكل..! اوودي غيرك على المعركه

Latif Mikhael
سوسو حكي ويا ريت سوسو ما حكي
ناوي مع الريّاس يفتح معركه
كلما هرب من جيشنا متلك نفَر
بودّي حدا تَ يرجّعو عالمملكه

الشاعر سليمان طراد

يا موقف من الخوف ع بوابك غفر
جرمك معي بالشعر مش رح بنغفر
لعندي اذا بتبعت العصبه كلها
تاكد لعندك مش رح بيرجع نفر

ألشاعر سليمان طراد
لوما يا سدني مخايلك يشكي الطفر
قبرو بايدي بالمعنى بينحفر

يا موقف من الخوف ع بوابك غفر
جرمك معي بالشعر مش رح بنغفر
لعندي اذا بتبعت العصبه كلها
بقضي عليها وما بخلي ولا نفر

ألشاعر سليمان طراد
اووف
لوما يا سدني مخايلك يشكي الطفر
تا كان قبرو بالمعنى بينحفر
اووف
يا موقف من الخوف ع بوابك غفر
جرمك معي بالشعر مش رح بنغفر
لعندي اذا بتبعت العصبه كلها
بقضي عليها وما بخلي ولا نفر

Latif Mikhael

شو قصّتو سليمان عصبتنا غزا
يمكن هجومو يدّفعو دمّو جزا
لمّا العصبة يهجموا ويقضوا عليك
لقمة الرحمة عَ حسابي والعزا
" بعيد الشر عن قلبك

ألشاعر سليمان طراد

بتقضو عليي...ههه ...لا تتأخروا
وكل القوا تا يدعموكن سخروا
ومن بعد ما تتامرو عليي استحو
ولموا تيابي تقاسموه و(ذخرو)
من كلمة (دخيره )
لما كنت صلي وباسمي تبخرو
يسهر معي الزيتون وانتو تشخرو
اووف
بتقضو عليي...ههه ...لا تتأخروا
وكل القوا تا يدعموكن سخروا
ومن بعد ما تتامرو عليي استحو
ولموا تيابي تقاسموه و(ذخرو)
من كلمة( ذخيره)

Latif Mikhael
مُش كل موسى بينسما موسى الكليم
ولا كل سارق تاج بنقلّو زعيم
يا طراد تَوبك تَوب مهري من قديم
لنّو دخيره ولا مزوزق يا فهيم
انْضلّيت تتحامل عَ خيّك بو نعيم
بتطّر انّي أحرقو بنار الهشيم
والاسم يا سليمان ناوي غيّرو
حتى ما يتوازى بسليمان الحكيم

ألشاعر سليمان طراد

مينك انت تا تغير اسامي ومين
بيقدر يغير غير الرب العالمين
ما انت منفي العمر بسدني وسجين
ومشتاق متلي ودابحك سيف الحنين
وكيف بدك للزمان تغيرو
ومش قادر تغير تيابك يا حزين

ألشاعر سليمان طراد
يا مخايل بلبنان اهلك ناطرين
تتغير الأوضاع ويعودو البنين
يا نايب التغيير فيك بنستعين
غير ورخص بس سعر البانزين
اووف
مينك انت تا تغير اسامي ومين
بيقدر يغير غير الرب العالمين
ما انت منفي العمر بسدني وسجين
ومشتاق متلي ودابحك سيف الحنين
وكيف بدك للزمان تغيرو
ومش قادر تغير تيابك يا حزين