عبد والله مارون داغر وسليمان طراد

حوار عبد والله مارون داغر وسليمان طراد
مارون
ما بخاف اخطار الرياح المتعسي
تطحش عا عصبه مقدّسي ومكرّسي
ما في رياح بتقدر تهدّ الحصون
المستوفيه كامل شروط الهندسي
سليمان
ويلات سوريا ما حدا منا نسي
وزلزال تركيا آثارو متعسي
الزلزال لما بيضرب بيخرب بلاد
من هيك سلم عا البنا والهندسي
سوريا الواو ساكنه
مارون
الله اللي هندس ها الدني بتطليعتو
عدّة عوامل خرّبت زرّيعتو
ولوما الدّيانه شاف بدها هندسي
ما عاد فوق الصخر اسّس بيعتو
سليمان
يا ريت الله فرد قشي قشنا
وع الحيط وقفنا وبفردو رشنا
ما زال الله اللي مبيض وشنا
وهوي اللي عمر ليش بين نشنا
أسس عا صخر كنيستو وعندي سؤال ؟
معقول..! مار بطرس بزاتو غشنا
مارون
هيدا سوءالك في شكوك وفي عما
وهيدا السوءال كتير بيكلّف. دما
صخر الكنيسه لسلطة الرب انتما
عيف الجحيم ولا تجيبو عا الحما
انفرجيت مار بطرس عا طهرك والتقى
بيجوز يفتحلك شي معبر عا السما
سليمان
البيكون فاتح للكرم اطهر كفوف
ما في رسول بيمنعو الله يشوف
الله في عندو تفرقه وعندو ظروف
وفضّل فقط تلميذ قلّو روح طوف
وسلطه عطاه وكان عا بطرس عطوف
ومفتاح جنّه سلّمو بين الألوف
ليش دخلك ما عدل الله وعطا
مفاتيحها لكل ال معو يا فيلسوف؟
مارون
Maroun Dagher
يا طراد بدّك عدل يرضيك وصواب
الاّ الهك ما بيعرف ها الجواب
ليش بطرس فضّل وليش استجاب
القي عا ربّك ها الملام وها العتاب
بيجوز الله للطمع عامل حساب
والجنّة ال فيها رياحه من العذاب
لولا لغيرو يسلّم مفاتيحها
كانت الجنّه تحوّلت ساحة خراب
سليمان
ما زال خونت البقيه والقدر
حقي وصلي ربنا حتى انغدر
لما قرار الصلب ب عيسى صدر
يوضاس كان بوقتها شرو بدر
حتى العداله بالسما فيها كدر
ودروبها فيها كواع ومنحدر
لو كان الله عادل ..وعندي شكوك
ما كان ابنو بها الدني دمو انهدر
مارون
المرحوم ادم كان اسوء اختبار
مدري الأذى من الارض مدري من البدار
وبين السما والارض في اطلاق نار
وعا صلب يسوع انمضا اخطر قرار
ومتلك انا محتار وشكوكي كتار
لمحّو الخطيّه كيف ها التدبير صار
اختلفو ملايكة السما عا عرشها
وكان الفدا بالصلب آخرة النهار
سليمان
ادم وحوا كانت امورن عدم
قسمو الجنه بالدراع وبالقدم
ولما الطمع أعمى عيونن واصطدم
بعقاب قاسي بعد ما الله انصدم
قلنا العداله هيكل ولولا انهدم
بايام فيه يشيدو الرب القدم
لكن بعد صلب المسيح بنكتفي
نقول الله الحاكم ونحنا الخدم
مارون
نحنا جماعه امرنا مش. مالكين
نحنا نتيجه للظروف الهالكين
ويليّ على دروب الخطيّه سالكين
عكس اللي ضوّو بالليالي الحالكين
وبين البنا والهدم يا ما معاركين
وامر القيامه للخلقنا تاركين
ونحنا منخدم ربّنا من قلوبنا
ومنطيع امرو تا نضّل مباركين
سليمان
مازالنا عباد ما عنا صلا
بمعبودنا الا نطيعو ب مبلى
زاد الفقر ببلادنا وزاد الغلا
ونصاب كلمن كرسة بلادي اعتلى
قلبي يا داغر من ظلم الله انتلى
وصبري فقدت وما عدت شفت الحلا
يا بيعدل الرحمن معنا بها الدني
يا بضل اتحداه...يا بطل صلا
مارون
لاجل التحدّي اليوم مجمعنا انعقد
تا نشوف شو عندك عتب عا المعتقد
الله على سادوم بالماضي حقد
وخلّا ال ما طاعو بقلب بيتو ينوقد
وايّوب بعد الصبر عا جروحو رقد
ونعمة خلاص النفس بالرب افتقد
انكان الكفر حبّات ايمانك نقد
لا تحاسب الخلّاق عا كنز انفقد
ولا تفتكر الله موظّف مكتبك
وموظّفو تا يحلّ شو عندك عِقد
سليمان
يلي موظف للديانه والصلاة
مش عدل يقبض كل ما انسان مات
عندك ب لاهوت التدين ابهات
وعندك بكهنَوت الكنايس اب هات
الله موظف..مش موظف بالحياة
وقاضي علينا بالحياة وبالممات
هوي الخلقنا ومتل ما بدو بنجي
ساعه رجال بنخلق َوساعه بنات
مارون
نحنا جماعه امرنا مش. مالكين
نحنا نتيجه للظروف الهالكين
ويليّ على دروب الخطيّه سالكين
عكس اللي ضوّو بالليالي الحالكين
وبين البنا والهدم يا ما معاركين
وامر القيامه للخلقنا تاركين
ونحنا منخدم ربّنا من قلوبنا
ومنطيع امرو تا نضّل مباركين
سليمان
مازالنا عباد ما عنا صلا
بمعبودنا الا نطيعو ب مبلى
زاد الفقر ببلادنا وزاد الغلا
ونصاب كلمن كرسة بلادي اعتلى
قلبي يا داغر من ظلم الله انتلى
وصبري فقدت وما عدت شفت الحلا
يا بيعدل الرحمن معنا بها الدني
يا بضل اتحداه...يا بطل صلا
لاجل التحدّي اليوم مجمعنا انعقد
تا نشوف شو عندك عتب عا المعتقد
الله على سادوم بالماضي حقد
وخلّا ال ما طاعو بقلب بيتو ينوقد
وايّوب بعد الصبر عا جروحو رقد
ونعمة خلاص النفس بالرب افتقد
انكان الكفر حبّات ايمانك نقد
لا تحاسب الخلّاق عا كنز انفقد
ولا تفتكر الله موظّف مكتبك
وموظّفو تا يحلّ شو عندك عِقد
سليمان
يلي موظف للديانه والصلاة
مش عدل يقبض كل ما انسان مات
عندك ب لاهوت التدين ابهات
وعندك بكهنَوت الكنايس اب هات
الله موظف..مش موظف بالحياة
وقاضي علينا بالحياة وبالممات
هوي الخلقنا ومتل ما بدو بنجي
ساعه رجال بنخلق َوساعه بنات
مارون
عيف الديانه وفلسفة لاهوتها
ولا تدخل باسرارها وكهنوتها
كل نفس محتاجه تا تجمع قوتها
تمنع فرص قبض المصاري تفوتها
تبعنا القداسه واحترمنا بيوتها
وغطّت بوعظ رجالها عا سكوتها
الله خلقنا للدني ياقوتها
وما حرّم العصفور ينقد توتها
وزيّن منازلنا ببنات وبالشباب
متل القصيده الزيّنوها بيوتها
ختام سليمان
لما ربنا جلَّ جلالو
خلق ادم بجنه وشاف حالو
قلو ترحرح و فيها تنعّم
ما هوّي خالقو و عارف خصالو
ولانو الرب بالمخلوق اعلم
فلت شيطان حدو تا وشالو
وقلو طالب الرب المعظّم
بشريكه ..وعن محاسنها. حكالو
وبعد ما لج والأحساس سمم
شعورو تحرّك بحالو ل حالو
وطالب تنخلق .والرب أكرم
عليه بضلع شالو من شمالو
وقلو حب همّك بس اعلم
في شجره ثمارها اوعا تطالو
ولعب شيطان حوا وصار بقحم
خفايا قلبها والطهر شالو
وقنعها تجرجرو صوب المحرّم
وهون انحط ع ضهرو جلالو
وبلا ما نطوّل السيره وبمعجم
نبرم مين مخطي من عيالو
لازم نشهد الانسان أجرم
و أبالستو على فكرو احتالو
هوني خالقو اجرم وأظلم
وترك إبليس يمشي احتيالو
كان بلا خطيّه فيه يرحم
حياة اللي خلقهن عا مثالو
وياما انبيا ودّى وكلّم
وعقد عا كل صالح اتكالو
ليش ما بوقتها الأحكام عمّم
وخلّى الكون ماشي بإعتدالو
كان الشعب من حالو تعلّم
وبلا ما ينصلب ابنو بدالو
وتا نرجع للوطن ياما تألّم
شعوب وحظهن بالحرب نالو
يا ألله ما انت الله وأعلم
فيك الحرب تلغي انفعالو
حرام تدشّر الطفل الميّتم
يبكي والدو وعمّو وخالو
وكتر ما الشعب عا الإجرام..أجرم
ان حكّم أنبيا كانو استقالو
لها الأسباب ها الجرح الموّرم
بقي يطرح سؤالو من خلالو
ماانت الخالق القادر الأعظم
بكلمه الكون بتقرر زوالو
على كل حال نحنا شعب معدم
وقياس المرء فصّلتو ع مالو
انا عاتبتك ولا تظن بندم
لأني دايق المريّن منك
واذا بدك تا احكي منيح عنّك
شكّي بددو وقلبي المعذّب
تا آمن فيك...جاوب عا سؤالو
ختام مارون
ما بعرف مين الّف ها الروايي
ونسبها لاءي دين واءي غايي
خمس اسفار بالتوراة جمّع
ونقلنا من حكايه عا حكايي
اجا موسى شريعة رب شرّع
وعطاه من الوصايا كم ايي
ووصل خط البدايه بخط يخضع
لعهدو وسلّمو صك الوصايي
حكي عن ادم القبلو تلوّع
من حوّا الغمرها بالعنايي
كيف بشهوتو فيها تمتّع
وعن الممنوع ما عندو درايي
لآدم بس الله كان مرجع
وآدم طايعو وحامل الّرايي
ليش الرب عَنّو راح يمنع
ثمره طعمها طيّب كفايي
يا الله كان لازم انت تقنع
بعازة آدم لشهد الغوايي
بلا ما تشتهي عَينو ويفقع
قلبو قهر من ضعف الوقايي
الدني تاريخها الانسان لوّع
الغلط من خالق الانسان جايي
غير بدار لازم كان يزرع
بحقلو ويعمل لحقلو حمايي
تا ما الشر زرع الخير ينزع
وصبحي ينزع وينزع مسايي
اجا طوفان نوح الموت شبّع
وسلّم ربنّا لنوح الولايي
ولادو عا بساط الارض وزّع
وعطا براهيم اغنام وعصايي
وقَلّو قد ما عينك بتقشع
بتاخد ارض وبتاخد رضايي
وبيسوع المسيح الكفر ودّع
وقال تنّعمو بخيري وعطايي
لا كان الجوع بالانسان يشبع
ولا ال بالحرب في عندو هوايي
شِبِع من كتر ما اجرم وفطّع
وقِضي عا كل سكّان البنايي
ما همّو مين شرّد مين لوّع
واذا بهاالمسءله باخد مدايي
عا مين الحق عا اللّقم المدفع
يمّا عا العطي امر الرمايي
يمّا عا السياسي اللي تربّع
على العرش ولِبِس افخم عبايي
من الشّاريه تا يقتل ويقمع
ويضمن فعل شرّو بالشّرايي
يا الله طلّ عا شعبك تطلّع
انا بايمانك الناصع غنايي
وتا ترضي طرادصرخاتو تسمّع
عنّو الحقد بيعد والنكايي
لانّو من قسى الايّام موجع
وب ميّه مقّدسي بدّو سقايي
عليه تحنّن وارحم واشفع
ووضحّلو كلامك بالقّرايي
كتر ما من الكفر اخبار شقّع
لِغي عهد التطوّر والحضاره
ورجّعنا على عصور البدايي