سليم شلهوب والبحر زهره ومقبره

سليم شلهوب والشاعر ألشاعر سليمان طراد موضوع مستحدث بعتقد ما انطرح
زهره ومقبره.
خوري ومرا يعني بالمجاز
ما بين زهره ومقبره يا ادمي
من دون شرح ولا خجل ومقدمه
بتحب انك تنرمى بباقة زهور
يما على قبر الحبيبه تنرمى
سليم
عندي حبيبه بذكرها عمري فخور
لكن رماها حظها بحض القبور
ولليوم تا إحفظ وفاها بعدني
ببوّس حجار القبر وبرش الزهور
البحر
سأـلتنك سؤال وما وصّلي ولا جواب
ورديّت ردّي غامضه وفيها عذاب
أكبر خطيه ع القبر ترمي الزهور
وتبّوس تراب المكفن بالتراب
سليم
لما حبيبي بالتراب بيندفن
بيضل حيّ ولو أكل جسمو العفن
في جسم صار تراب غافي بالتراب
وفي روح قلبي عاملو إلها كفن
البحر
ما زال قلبك قبر مش رح كذّبك
وتا نصدّقك ونقولها ما اعزبك
سامح الخوري ولا بقا تهجي المرا
وادفن بقلبك سرها المعذّبك
هههههه هههههههه
سليم
جرح الهوى ما أوجعو وما أعذبو
عا قد ما بيعذّب منستطيبو
وحدو إذا ما تقطّب بإيد الحبيب
ما بيقدر بإيدو الطبيب يقطبو
البحر
انتي اذا بيناتنا بتستطيبو
جسم الحبيب من القساوي بتعطبو
تا يصح جرحك من حبيبك يا سليم
لازم شفافك عا الهجا يتقطبو
خخخخخخخخخخخخخخخخخخخ
سليم
لما حبيبي عا قلب غيري التجى
فجرو انطفى من بعد ما ليلو سجى
حتى ن هجيتو بيعرف ببيت القصيد
شعر الغزل بيدوب بحروف الهجا
البحر
من قال انك يا غزل سكر نبات
وبتدوب عا شفاف الصبايا والبنات
ما انت ورده للحياة وللممات
عم تنرمى متل الرصاص من السلاح
اووف اورف
لما حبيبك صار بمهب الرياح
لوما انجرح من كلمتك ما كان راح
حس .يا سلوم بيتك مقبره
فتش على حريتو..ومنك ارتاح
سليم
تكرم عينك يا جان
عرفتو خطيرومبسمو مبسم حرير
وحامل طموح براس مش حامل ضمير
تخمين مش عارف أنا أكتر خطير
وعندي كرامه قد ما عندو طموح
لما بوجودو ينتلي قلبك جروح
سليمان
بتقول تا ما تصير جسم بدون روح
ياللي بيجي ت يشيل روحك بالنكد
بترتد ليك الروح ساعة ما يروح
عا مل خطير وليش ع بالك خطر
انو عليي قادر تشكل خطر
سليمان يا سلوم من مده نطر
ترجع لعنا مهذب ودافي اللسان
اووف
رجعت الك روحك؟ على ايا مكان
ما انت ميت يا مشحر من زمان
زاهد وناقم ع الغرام وع النسا
مش بس روحك اخدي قلبك كمان
سليم
شاعر بدمي العشق من بدء الأزل
لكن حبيبي بعد ما عني انعزل
هوي قبل ما يموت عمرو بينتهي
وبخلد أنا وطيّب بأبيات الغزل
قديش بالي عليك رح يبقى طويل
بتنكر دليلي كل ما بقدم دليل
لا تقول عني رجعت من بعد الرحيل
بقلب الخوابي كنت خمره ولم أزل
سليمان
لما الخوري يغفر ذنوبك بقول
بدرك ضوي وما عاد مشرف ع الأفول
الأنسان حتى بالسما يصرلو قبول
لازم بصابون الندامه ينغسل
اورف
يا طالب من النمس قرشله وعسل
لا تضل ناطر قوم بيكفي كسل
تنازل بقا عن كبريائك واعتذر
جدد شبابك واعملو شهر العسل
سليم
مروج الحلا عطيت سبل من مصدري
وبالقمح والخيرات طايف بيدري
وشفاف تمّي كتر ما مصّت عسل
صار العسل بالتم عندو سكري
يا مؤمن وماشي على النهج الصحيح
عم نبهك حتى ضميري يستريح
لا يخدعك خوري لبس توب المسيح
بإسم الرساله عم يبيع ويشتري
سليمان
مش عدل يا ورد الصبا العاش ونما
فوق المقابر هيك انك تنرمى
ويا ابو طوني فورت فيي الدما
كلما لسانك سب خوري وما شكر
اووف
الخوري الخوري كتير اسمو بينذكر
متل الكانو ربنا خان ونكر
ما زال عم بتقول ما عندو ضمير
روح عا بكركه وحاسبو ان كنك دكر
سليم
لا تخاف خاف ولو على بالك خطر
حوّل على بكركي وإهجم عالخطر
بتكون من خوري لبطرك نقلتي
من تحت دلفه ل تحت مزراب المطر
بدي محل الزودة ذكرك بمقطع من القصيدة اللي ألقيتا ترحيباً بغبطة البطرك لما زارنا بطنبوريت تا قلك إنو المؤمن بالقيم ما بيخاف من حدا
وبمحكمة ألله العدل نبراس
فيها بدل
ما الحق يتجلى
صوت العداله أعلن الإفلاس
والظلم فيها عربد وصلّى
ومعيشين الناس بالوسواس
القاضي فيا عن واجبو تخلى
يا ريت فيك تفيق الإحساس
براسو ت نحن فيك نرفع راس
الظلم كلو منقبلو إلا
ياللي بيجي من محكمة ألله
سليمان
بالاحتفال الصار عندك بالقرى
ل مار بشاره كنت حامل مبخره
هههههو
ومن كتر حبك ل مرا ما بتنقرى
ياما ركعت تا يرجعولك ها المرا
ههههه
اخر بيت معنى اسمحولي اقسا ع سلوم
صرلك شي عشر سنين رقص وغندره
شو ه الغرام ؟ الما وصلو عنتره
البتحبها فالت عليها المديره
والله عليم ان نص حكيك افترا
الحامل وفاها بتاخد ك صوب الثرى
وع قبرها بتوضع زهور معطره
ولك خايف تعيش بها الدني حتى تموت
ضايع ما بين المدبره و المقبره
هههههه
سليم
أول مرا بوجودها قلبي احتفى
وكنت عامل صدرها حرام الدفا
غابت بعد عشرين عام وما انطفى
الحب اللي بعدو وهج نورو ما اختفى
ولما على تاني مرا حظي لفى
بالمبتدا فيها شفت ذات الصفه
حبيتها وبوجودها عمري اكتفى
ما كنت عارف رح بتطعن بالقفا
ولما اختلفنا والوفا تحول جفا
وصارت متل عله ما في منها شفا
ما بنكر عيوني ما عم تعرف غفا
وبكيت على غياب الحبيب المصطفى
أوجع بكي من عين عم تذرف دموع
لما البكي بيكون عا موت الوفا
وهيدا رد تاني إذا ما عجبك الأول.
سليمان
اووف
اورف
علة وجودك قلبك المرهف رقيق
فتح عيونك ..لا بقا تطنش ..وفيق
ما فيك مره تجبلها الزهر الانيق
وترجع بتاني نهار تحمل منجنيق
هههههه
اول مرا حبيتها بحق وحقيق
كانت وفيه وصادقه وكنت الرفيق
تركت بقلبك جرح ما صح..وغميق
من هيك حتى غيابها مش عم تطيق
وتاني مرا حبيتها حب الطليق
كنت الها زوج ما كنت العشيق
رفضت تكون التانيه وشقت طريق
حتى صرت من بعدها بدمعك غريق
ما عرفت قيمتها البعد ما تركتك
وهلق بتندب عا الجديد وع والعتيق
سليم
دار الحرب بين الأسد وقرانبو
ما عاد عندي خلق رد وجاوبو
ما زال من عينو فقع شرش الحيا
وكل ما بقلو تيس بيقلي احلبو
عم جاوبك من نزف روحي والحنين
بتسكب ع جرحي جمر فوق البنزين
ل عوّد على سموم القُمامه منافسو
بيدوّخو عطر الحبق والياسمين
إذا بدك متل هودي في عندي كتير منهن
سليمان طراد ختام
انا عا المقبره فله وخزامي
الوفا فوح عبيرو من كمامي
واذا عا ترابك الدمعات سالو
تبسم يا عدو " الابتسامي
يا بو طوني الزواج وانفصالو
تفاهم مش عداوي مستدامي
اذا الزوجين عن حقدن تعالو
بيصير الانفصال بلا ملامي
وت نحكي قصة الحب وخصالو
اسمعني بدون ما تقاطع كلامي
الغرام الصادق بجرحو جمالو
وعذاب الروح بعتبرو غمامه
اذا المعشوق والعاشق احتالو
على احساسهن مع احترامي
الزواج بيفقد القيمه ل حالو
بضرب صحون او ضرب الصرامه
الشريك العم تفكر ب بدالو
الفراغ العاطفي .. وين الشهامه
استغلالك ل عاطفتو بد الو
وراسك دافنو متل النعامه
اللي ماشي للغريزه بأنفعالو
لموعد انفلاتي او غرامي
لومو مش على خوري ع حالو
لأنو عارف الفصل الختامي
اللي حبّو حظّن من الحب نالو
وبلا ما ندخل بطرح الأسامي
لها الأسباب يا ..عمّو.. يا خالو..
ارضا بعيشتك من دون بلوه
وكفى عمرك بخير و سلامه
بو طوني اذا تسآلت عليه بيضل بي وخي وعم وخال وصديق ومشاكس غرامي
بس طفل بقلبو وباخلاقو بعتذر منو اذا نكرزتو
سليم شلهوب ختام
إنت ما بتمشي غير بالكرباج هلق فضيتلك وتعلم كيف بيكتبو شعر
م رح بتحل يا منقّص مقامي
غير ما قوّم عليك القيامي
كفى ضاقت على جهلك خلاقي
بدك عقل يفهم عا كلامي
أنا أرحب من مجالك نطاقي
ومدى باعك قصير على كمامي
بمجال النسر لا تجرّب تقاقي
بنعف ريشك برشقة سهامي
غطّي جسمك ببولاد واقي
تا ما تجرحك شفرة حسامي
إذا كنّك إنت وزّ العراقي
بطلقة شعر بتشنكح أمامي
وإذا كنّك إنت شاعر زقاقي
أنا شاعر من النسل الإمامي
بيكفّي جعدنه وهزء وتشاقي
أنا بوصيك ت تحقّق مرامي
متلي تصير تكتب شعر راقي
من قماش الوحي لابس عمامه
بكتابك ما بيبقى بيت باقي
إذا ما كان سراق وحرامي
وت دفّي صدرك بغمرة عناقي
وت عنّك يرفعو رفاقي الملامه
وت يحصد مطلعك زقفة رفاقي
وت عنك ينحكى شهم و عصامي
بفخر وإعتداد بجو ناقي
بإيدي بلبّسك تاج الزعامه
أنا إنسان من أول فياقي
خلقت مغروم وملوهج هيامي
عشقت الشعر واللحن الفراقي
القلم بينزّ حبرو من مسامي
الغزل جدول عيون الغيد ساقي
رويتو من جروحي ومن مُدامي
العشق شفتو وفا وحب وتلاقي
وعزّة نفس وشموخ وتسامي
وإذا المعشوق بيقرّر فراقي
وبعينيه الطمع زادو تعامي
بدل ما تدوب روحي بإشتياقي
بقلّو روح مع ميّة سلامه
ما بنطر بعد ما عوكر رواقي
غراب النحس ت يجيب العلامه
الكرامه خط أحمر عا وراقي
وطريق الذل ما بيعرف غرامي
وت تبقى النفس حرّه بإنعتاقي
بقلب القلب بتموت المشاعر
عندما تدق أجراس الكرامه
اهروب