خالد فاروق وبحر الزجل

خالد فاروق

الشاعر إذا من الحرف في عندو وجل
لولا كتب شي يوم أو بيت.. ... ارتجل
وما حمّم الفكرة بعبير......... المعرفة
عا هامش النسيان بِ حطّو.. .. الزجل





ألشاعر سليمان طراد

بين الزجل والشعر في فارق كبير
فرق السما والأرض والواقع مرير
الشاعر ضميرو بيشتري تا يعيشو
الزجال حتى يعيش بيبيع الضمير

خالد فاروق

حكينا عن الشاعر إذا غنا بشعور
جايي بتوب الناقد تعبي السطور
بموضوع كمل تا يشوفو الحاضرين
مين السواقي الناشفة ومين البحور

خالد فاروق

هالمهرجان اللي انقصلو الشريط
بدو عقل ولسان بالكلمة سليط
ومش بحر لو بتكون أكبر من محيط
لح رجعك بركة عطش بتراب بور
حكينا عن الشاعر إذا غنا بشعور
جايي بتوب الناقد تعبي السطور
بموضوع كمل تا يشوفو الحاضرين
مين السواقي الناشفة ومين البحور


ألشاعر سليمان طراد

اووف اووف
لوما المعزه ما كنت بكتب معك
تا تختمر بالموهبه وتا تندعك
لكن عليي هجمت الله ينزعك
رجال المنابر انت من انصافها
ااووف
لما السواقي بتضعف على ضفافها
بيعربش العليق فوق كتافها
واللي بيغرق بالسواقي وبالبرك
بيموت رعبه بحورانا لو شافها

خالد فاروق

منيح المعزة حاضرة يا ألمعي
حتى تخلي المتلك يغني معي
رجال المنابر شوف ورجال الوعي
غربلتهن حتى فكارن أمحلو
قلنا إلك موضوع ياشب الحلو
يا بحر محصور بزوايا ساحلو
جايي تخوف مارد بموج البحور
و لولا علو ما بيوصلو عا كاحلو

ألشاعر سليمان طراد

غني معي غني معك شو ها الحكي
بغزه احترم ..معمول اكبر معركه
مطلوب منّا بالهجوم مشاركه
حكّامنا بها الشرق مصدر للقرف
اووف
تموضع بقا بموضوع واتركلي الترف
وسافر ع غزّه وشوف معركة الشرف
افتح الجبهه بسوريا مع جبهتي
وإنسا النقي بالنفس ت ناخد طرف
خالد فاروق
Autor

غزة يا جرح بخاصرة إيامنا
بينزف قهر من خيخنة حكامنا
و كف بدنا ناخد طرف إنت وأنا
و مسكرة حدود القدس قدامنا

ألشاعر سليمان طراد

لما الجدار تعمّر افتكرو اليهود
ما عاد قادر شعبنا يفك القيود
الطوفان كذّب كل حكّام العرب
الإيمان بفلسطين ما عندو حدود

خالد فاروق

الطوفان يا سليمان أبطالو حمل
ع شراع طرز فوق خيطانو الأمل
الإيمان مابيكفي بصدر الثايرين
و ما بيكتمل ت ينتهي بصدق العمل


ألشاعر سليمان طراد

تركلي الأساطير ولا تسكر بالحماس
وشوف الحقيقه اليوم ع خطوط التماس
كيف البطوله من الجهاد ومن حماس
خلو جنود الاحتلال مشتتين
اوف اوف
في وعد صادق صدقّوه المؤمنين
لا تشكك بإيمان ناس مقاومين
ان بلشت تزرع شك وتهبّط حجار
بتكون عم تتآمر على الصامدين


خالد فاروق

شوباك تهمة تهمتني وبخيالها
نفسي أنا شككتها في حالها
ما قصدت شكك جيت حتى خبرك
الروحة على فلسطين بدها رجالها

لشاعر سليمان طراد
اعزريني يا فلسطين الوفيه
انا ما كنت مؤمن بالقضيه
لأنو ها القضيه بالبدايي
خطّر حسيّتها كانت عليي
طريق القدس يا خالد دعايي
علينا مرقوها بسؤ نيي
وعملو بموطني اكبر جنايي
وفهمنا بعد حرب جهنميه
كنا كلنا من دون درايي
وياما تدبحو بيك وبيي
كان الكل عا خطوط الرمايي
وع الحواجز نقتل عا الهويه
التآمر يا صديقي كان غايي
وانتو بقلب سوريه الأبييه
اجاكن داعش يأسس ولايي
بأفكار العصور الجاهليه
انشالله تنتهي الحرب ومنايي
زورك ..نشرب القهوه سويي
وغزه الغاليه الها حكايي
مع الدوله العدوى العنصريه
قتل وهدم كل يومي بنايي
ودما بتسيل تحت المدفعيه
لها الاسباب احكي الحق جايي
ودافع عن كرامي مشرقيه
وخلي الكل يا خالد ورايي
يقول النصر ل فلسطين جايي
وانا ويّاك عا القدس الشريفه
ندخل لا وصايي ولا حمايي