ولو راحو بعدن بالبال

راجع مجدك يالبنان****من الغربة تا يتغنا
الضيعة شتاقت لسليمان****ولوعظت خوري حنا
**********
البلغربة علّا البنيان****من جبينوعرق وجنّى
ولأرضو مالو نسيان****حتى على بيتو تأنى
ونحنا مرجعنا الديمان****وبوادينا بنتكنّى
الي بيقصدها بالايمان****ب عيشو دوم مهنّا

موضوع: من علمني حرفا... الخميس أبريل 10, 2008 1:58 pm

يسلم تمك يا حسان +++++ إللي أنت واحد منا
وبيك أسس البنيان +++++ وببلادو فرح وغنى
لكن ما لفوا النسيان+++++ بيبقى استاذو لحنا
وتلميذو كان سليمان +++++ بعدا كلماتو بالبال
ويا ريتو بعدو عنا

[b]
ما غلّط ب قولو القال****من خلّف زاد حصادو
وعندوتلاميذو رسمال****عاددهم متل ولادو
انشالله بكرا تروق الحال****ويرجع كلمن عا بلادو
بديرونا نغني الموال****حجال البدبشة دقّوا
رجعوا حبابي لموطنّا

موضوع: أكيد بدنا نرجع الجمعة أبريل 11, 2008 9:25 am

سافرنا وشو بدنا نجيب +++++ قررنا بدنا نجاهد
واحد حامل الصليب +++++ والتاني الظرف يعاند
وموطنا الغالي الحبيب +++++ جبار وبعدو صامد
أنت تلميذو النجيب +++++ بلادي حبيتا باشعار
يرحم يللي علمنا

البيحب بلادو باشعار****عتابا معنّى وقرادي
بصليبه تحدى الاخطار****وبعنادو الغربة يعادي
اللبناني مواطن جبار****وقفة عزّو زوادي
لما بيوصل عالمطار****بيبوس تراب بلادو
سلمنا واللّه هي سلمنا

الفجر بضيعتنا بنشق +++++ بيفرح ما بيبقى مقهور
والخبز الأسمر بنرق +++++ بتدوقوا وانت مسرور
شعب الضيعة يقول الحق++++ دوما يرفض يشهد زور
وبابو متأهب يندق +++++ هيكِ علمنا الاستاذ
لهيكِ عمر سيدنا

الضيعة مانا بالبنيان+++++ وشجرات تطال الفلا
الضيعة ايمان ووجدان+++++ وشبيبة بدا العلا
الضيعة بتربي الانسان +++++ يساعد خيو اللي ابتلا
ويآسي جارو الحزنان +++++ دايمن سامع صوت الرب
لبي انجيلو كلمنا

الغربي مانا شربة خمر +++++ ولا مازة من ضيعتنا
ولو قضينا فيها العمر +++++ وتآلفنا بغربتنا
البعد بيكوي متل الجمر+++++ الغربي بنارا حرقتنا
لكن من الله في أمر +++++ تا أدي هالرسلي
وسَلم يلي سَلَمنا

يسلم تمك يا حنا.... فيك بيكبر موطنا
و حسان اللي علمنا... و بمنتدى هالشعار
ارز الرب بيتغنى

موضوع: برحليوني أصيل السبت أبريل 12, 2008 3:24 pm

تكرم عينك يا كروم +++++ عنبك من أطيب لكروم
الضيعة بسواعدنا تقوم+++ بالصدق منكتب عنوان
تا بولادا تتكنى

يامهاجر أبعد ما يكون****بقدملك عزّي جلالة
وضيعتنا ناقصها فنون****تاترفرف بيرق عالي
البرحليوني ببرحليون****عم يكتبلك رسالة
عونك بدنا والله يعون****خدنا الرخصة للتعليم
يرحم بونا يوحنّا

أهلا وسهلا ب آميل****الطل علينا بهالندوي
يعني الضيعة فيها جيل****من المبدا عامل قدوة
حط قوافي قوافي شيل****وعالغير نقال العدوة
وخلّي الدفة بيوت تميل****تا يرجع ذكر المرحوم
أقوى قوافي يتبنّى

موضوع: مدرسة الضيعة الإثنين أبريل 14, 2008 2:18 pm

عم بسمع أخبار كتار +++++ بضيعتنا الوضع قاسي
تلاميذا هربوا من الدار++++ بغيرا بدن دراسي
ونسيو لي أضا اسفار +++++ نفسو وحياتو ناسي
يتحدى كل الأخطار +++++ تا يعلي مجد الضيعة
وشعبا يعيش ويتهنى

ما نسينا ذكر المرحوم******يللي كرمال ولادو
متلو ما بقا في قدوم******لمّ الضيعة بعمادو
منو نظرة تزيل هموم*****و بكلمة لرب الأكوان
البركة يردّا ع بلادو

بضيعتنا جنّو العقال****ونسيو ال خوراسقف عملو
الّي من ضلعه عضمه شال****وصليبه ممسمر حمله
يمكن حمل الضيعة مال****هلا هلا يا جملو
الله يرحم هلّي قال****روسن صخر الما بيحن
زيواني ب معجنّا

ويل الضيعة لبعد الحرب +++++ أحقاد الماضي بتعيد
بنفسا بتنزل جلد وضرب +++++ وجديدا ما بيبقى جديد
بدا مصاري من الغرب +++++ بلا زراعة ولا حصيد
ضاعت وضللت الدرب +++++ لا بتسمع صوت الانجيل
جهنم أحلى من الجنى (الجنة)

موضوع: رد لأميل الجمعة أبريل 18, 2008 11:36 pm

قالوا ما مات ل خلف +++++ واحد، أو شي دزيني
ولا انطفى ذكر الألف +++++ كتاب الضيعة، لمديني
ولو شلش الدلبي شلف +++++ جدك دلبي تطال الغيم
وأنت دلبي من عدادو

موضوع: ملاحظة الجمعة أبريل 18, 2008 11:41 pm

يمكن للشعراء في هذه الصفحة الانتقال للصفحة الأولى حيث مكتوب انتقل للصفحة 1 2، لمشاهدة الردود هناك

الضيعة صار نهارا ليل****وحمالا مالو ورزحو
وشايف انو رابي جيل****اهلن للرزقة نزحو
نزحت ولكن عندي ميل****ولادي قالولي ومزحو
ما بنبدل ضيعة بجبيل****نحنا الضيعة ما خنّا

موضوع: لعندو ظروفو السبت أبريل 19, 2008 10:55 am

لعندو ظروفو ما بينلام +++++ ومعروف الظرف قاسي
وشبيبة عندا أحلام +++++ وحلم الشعب أساسي
لبدو يكسر الأقلام +++++ يوقف عام الدراسي
انقدر يغفى وجفنو ينام+++++ بيبقى هوي وصمة عار
ومانو أصل بمعدنا

و لو راحو بعدن بالبال******كل ما بنسمع شو قالو
من شهدن حلي الموال******و بغيابن عنّا طالو
الخوراسقف هوّ الحلاّل******للضيعة بينسى حالو
عاكنيستنا رد الضّال******* وعلى دربو بونا جان
و بنفخر انّو منّا

موضوع: نعم يا أميل السبت أبريل 19, 2008 6:29 pm

ضيعتنا في إلها رجال +++++ سباع الغاب بتتغددَى
دنيا ودين بكل مجال +++++ وروح الطاهر لمفددَى
اللي ماتو وغابو يا خال+++ ذكرن باقي ما صددَى
واللي عاشو بهل الأحوال +++ عندن أكبر رسالي
إن فادو واستفادو

(كتبت الحرف مكرر متل " المفددى" لعدم وجود الشدة في البرنامج العرب على الانترنت)

البرحليوني أجدادو****مهدّة لصخر الصواني
البرحلوني من عنادو****خبزو من جبينو جاني
ولاد الضيعة ما نقادو**** وما رضيو بصف التاني
العالخيرمربى ولادو****حتى يقولو لأحفادو
هالبلطة جدك سنّا

حابب اتذكر جدي +++++ ماشي بإيدو مسبحتو
يغني يقلو كم ردي++++ وكل مرة سمعتو ربحتو
ومرة بإيدو لمهدي+++++ الصخر لي قاسي زحتو
ولما الغللي ما تقدي+++++ يا جاري ما تعتل هم
تعشا وتغدى معنا

جدّي وجدّك بالماضي****و رجالن كان الأصلي
شو يبقى فكرن فاضي ****يرضو يتغدّو بصلي
وهالجيل المنّو راضي****ورابي عا شرب النسله
كلمن بمعشّي حاضي****قاضي الّي بيحكم عا جيل
نحنا حكينا وما هنّا

موضوع: أجدادنا الأربعاء أبريل 23, 2008 1:39 am

يا محلا جدي الفلاح +++++ ينببت خير بأرض البور
ينشف عرقاتو ويرتاح+++++ ويتحللى بكَمشة زعرور
وعند الحسبي والأرباح+++++ جارو مبسوط ومسرور
كاتم سر الما بينباح+++++ بيرفض يشهد كلمة زور
متال بتبقى مرجعنا

"جدي" أي أجدادنا

» راحو عا قطر ههه
» فكرت ارسم صورتِك بالبال