شو يا شباب ما في ترحيب!!!؟؟؟

أنَا مِشْ بِالغَلَط إسْمِي مُحَمَّد = أنَا مْحَمَّد عَلى عَصْرِي وْزَمَانِي
مَسِيح المَعْرِفِة بْفِكْرِي تْعَمَّد = وْنَبِينَا الهَاشِمِي البُرْدَة هَبَانِي

انا محمد عمر خطيب من عرابة البطوف بالجليل الاسفل بفلسطين المحتلة......
مخربش على جدران شعر الزجل...
هوايتي السباحة ضد التيار "انا ما بعرف اسبح بالمي"
بتمنى الاقي محل بيناتكو
وبتمنى الاقي ترحيب......

تحياتي......... محمد خطيب

يا مية أهلا فيك يا محمّد
ها المنتدى للشّاعر مجنّد
فتّح زرار الشعر والألهام
وخلّي الوقت يسرق من الأيام
والروح قبل الجسم تتعمّد

أهلا بالشاعر محمد الخطيب نتمنى له اجمل الأوقات

موضوع: welcome again and again الجمعة أبريل 18, 2008 12:23 am

يا لسارج بالشعر خيول +++++ وحابب على الجولات تجول
تا يشرق نجمك عا طول +++++ معرفتك إلها اسماء
ما بتتعدى على الإصول

أهلا وسهلا بالجليلي وبالجليل****بندعيلك بترحيب بالعمر الطويل
وان كنت انت جد فارس الميان****فرجي الأصايل كيف بيكون الأصيل

اهلا بشاعر شب عاش بمطلعو.......الكلمة اللطيفة و القوافي بمدمعو
بين الشباب تحس حالك بالجليل.....تضرب وتر الحان حتى يسمعو

اهلا بالشاعر محمد حبيب القلب

سليمان كتب:: يا مية أهلا فيك يا محمّد
ها المنتدى للشّاعر مجنّد
فتّح زرار الشعر والألهام
وخلّي الوقت يسرق من الأيام
والروح قبل الجسم تتعمّد

أهلا بالشاعر محمد الخطيب نتمنى له اجمل الأوقات

يَ حْرُوفِي مَ تْلُومُونِي = إْنْ بِكْيِت عَ الشِّعْر عْيُونِي
يِسْلًم ثِمَّك يَ سْلَيْمَان = عَ الشِّعْر البَرْحِلْيُونِي

Hanna كتب:: يا لسارج بالشعر خيول +++++ وحابب على الجولات تجول
تا يشرق نجمك عا طول +++++ معرفتك إلها اسماء
ما بتتعدى على الإصول

تْحَرَّك بِإحْسَاسِي لَهِيب العَاطِفِي = مِن رَد حَنَّا إل نَوَّر وْشَمْسِي طِفِي
مِن لَهْجْتَك بَيَّن بِأنَّك فَيْلَسُوف = ومِش بِالغَلط مُشْرِف عَ قِسْم الفَلْسَفِة

hassan akkary كتب:: أهلا وسهلا بالجليلي وبالجليل****بندعيلك بترحيب بالعمر الطويل
وان كنت انت جد فارس الميان****فرجي الأصايل كيف بيكون الأصيل

شِعْرَك يَ حَسَّان إلْ بِالكُون إنْتَشَر = بْمِنْشَار إحْسَاس الشِّعِر حَرْفَك نَشَر
ولَمَّا إللِّي مِثْلَك بِمْدَحُو فِيِّي أنَا = فِيِّي سَاعِتْهَا ضُم حَالِي لَلْبَشَر

elie trad كتب:: اهلا بشاعر شب عاش بمطلعو.......الكلمة اللطيفة و القوافي بمدمعو
بين الشباب تحس حالك بالجليل.....تضرب وتر الحان حتى يسمعو

اهلا بالشاعر محمد حبيب القلب

الله يْخّلِّي العُود وِالشِّعْر الجَمِيل = وِيْدِيم أهْل المُنْتَدَى خَي وْخَلِيل
بْأرْض الجَلِيل بْدِق أوْتَارِي أنَا = وْإنْتِي مِن بْلادَك بِهَالشِّعْر الأصِيل

» لا تواخذونا يا شباب
» يلا يا شباب موشح
» عا الطبخ يا شباب
» كلمة ترحيب
» ترحيب بالصحافي الكبير كلوفيس الشويفاتي