انا والشاعر عقاب ابو شوقي والشاعر عمار وحرف

بعد حركشي بالشاعر عقاب العم أبو شوقي وتدخل عمار البراضعي صارت ها العركي الجميلي
وتدخل الشاعر الكبير حرف

سليمان
يا أبو شوقي بالتحدي مدنا***وحاجي على الجمهور تحكي وبدجل
ولو كنت شوقي بالزجل مش قدنا***عمار وسليمان رب المرتجل
الشاعر عقاب ابو شوقي
عمار وسليمان كيف تجمعو * يحيكو بعتم الليل عالقاضي دجل
عن غيكم بالحال ولو وارجعو * قبل الخجل من ذلكم يقتل خجل
كان الغراب يسير وولادو معو * جرب بيوم يلم كرجات الحجل
لاعاد يعرف موقعو من منبعو * ولاعلم زغاليل البغاث ولا انقبل
هذا القليل من الكثير توقعو * سهم الغلط بيعود حالا بالعجل
صف الحكي الجهال يمكن يسمعو* بس العلم والفكر ما بيقبل خلل
ياطامع بغزل الحرير تضيعو * تعلم ياناطح صخرما بتعمل بطل
سليمان
عا منتدى الشعار مين القدمك***تحكي بأدب مفروض فينا نعلمك
عمار وسليمان كفو ألمك***ان ضليت تحكي بناكلك متل السمك
بها المنتدى معروف عنا أحترام***كرمال ها الكبرة الجليلي بنرحمك

رد ابو شوقي
كيف الادب بيكون ياجاهل اصول * صف الحكي بالعرض يما بعرض طول
رديت وتراخيت لمعت الجمل * حذرت حتى القول ما يقرع طبول
ما كل اسم يكون باسمو الامل * خللي الحكيم يجود بس يقول
الرحمي من الرحمان يا كبر الجمل * لاقط سهامك نسر, يازغلول
مسكين عندك بموازينك خلل * داير على مشروع تعمل غول
قاصد ياسل يم ان غصت وحمل *احذر من الطوفان يا مهبول
رد سليمان
ظبط الوزن الكاتبو يا بو كسور***ولا تكتب الوزنين كسرت السطور
ضليت صابر عا الكسر أربع شهور***حلك بقا تتعلم تهز الشعور
بيت المعنى الكاتبو وعندك غرور***وزنين موجي مكسرة فوق الصخور
ولو صرت تعلى عا المنابر بالزجل***ما بيوصل الجلبوط عا مجال النسور
رد عمار مدير المنتدى
ياأبو شوقي عقاب في رد الجــــــــــواب

الهجرس ماعمرو تهجّم على سباع غاب

لومــــــا لجيري والكرامـــــــــة لشيبتك

بتاكل قصاص كبير من أقــــــــوى عقاب

رد ابو شوقي
يابرق خبر رعد لايزيد الجلل* يعمل ضجيج وطبل تايقلق جبل
الشعر مثل الورد لازم نزرعو * يعطرلطيف الجو يهدينا القبل
الشعر علم وفكر يبني مطلعو *قبل الشجاعه الرأي لنو مرتجل
والشيب ماهو عارحتى نمنعو* لكن اذا بتشيب من خوفك خجل
صف الحكي ممنوع حتى اسمعو *معنى و عتابا كان اوردة زجل
***-رد عمار
رح شوف كنو مطلبك مطلب حنــــان
ونـــــاوي تحلّي للشعــــر كل الوزان

لاتلـموني ان رديت عندي عنفــــوان
مابحب داري خاطر شويعر جــــبـــان

وعمار انت بتعرفو. و بالامتـــــحـــان
معروف عندو المرء يُكرم أو يـُــــهان

من هيك واجب رد ع ذات البـــيـــان
وبقول شو بتعطي بتآخــــــذ يافلان

إزرع صليبي القمح مــابتحـصد ندم
واللي بيزرع قمح مابيحصـــــد زوان
رد سليمان
يا كاتب الأشعار عندك عاجزي***مطحبش بوزنك والقصيدة مهزهزي
فوتو ا عا مدرسة القوافي ..المحرزي***هوني مباشر بث عنا التلفزي
ومش بس بوشوقي...؟ ورواد وصاحبو***بالدور بدكن تمرقو عا المخبزي
رد الشاعر حرف
سامع قوافي جداد منها مجهزي
وبالارتجالي شفت فـــيها نكرزي

وياموهبي لوما الحرف تــتـجوزي
راحت حياتك مابقى تتــــــــعزي

واللي عيونو رح تجابه مخــــرزي
وحاقد وقلبو ليل كلو ونرفـــــزي

ع مركزي واحد ورا الثاني بتجوا
تتعلموا بالشعر خلق المعجزي
رد ابو شوقي
إياك تتحدى تقافةّ شكسبير
ولا تظن نفسك بالشعر تعمل امير
بتعرف بوشوقي نبع وبسكبو غزير
وفكرو الأخطل والفرزدق أو جرير
منو بتاكل بالشعر خبز الحياة
وبمخبزك ماضل دكدوكة شعير
رد سليمان
قديش بدك فت خبز الملهمين***وكفوف تاكل عا الشمال وعا اليمين
نحنا ما عنا كبير بيعلي الجبين***ألا أله الكون رب العالمين
ومنشان تدفع حق خبزي يا حزين***بدك بصف تكون بين الجاييعين
الموهوب شق الفجر خبزي بياخدو***وخبز الشعير بنتركو للخايبين
رد ابو شوقي
تماديت ياسليمان جاوزت الحدود* وماتركت للحيطه صحاب ولا جنود
وقعت وماسمى عليك اهل ولا حسود* نصحتك نصيحه ع الهدايه رد عود
خبزك فطيربلا ملح باخل جحود*
خبزك زوان وفضلة الحبات سود
اسبح ياسلّ يمّان في علمي ورود
اسمع يافكر جوعان اشبع تا تجود
***-
ابو شوقي

سليمان
بعدك بتكسر بالوزن يا خيبتك......وحامل قرش مقدوح خزق جيبتك
لم غبت عنا كييفت بغيبتك.....راسك عنيد وبس هيدي عيبتك
كنا كسرنا راسك بشعر الزجل.....واللي شفع يا عقاب الله وشيبتك
ابو شوقي
ياحامل الميزان والذمه بكان * اترك ميدان الشعر العب كشتبان
غبت مثل الشمس دوره للزمان*ورجعت اشرق تايضوي هالمكان
لماعروس الشعر لبست ارجوان*من ابيض الشعرات باقه للربيع
جددامل بالحب لون اقحوان***
سليمان
يا عقاب شعرك شب طايش وانحرف......وشعري بشرع الفكر مصدر للشرف
وعمار يا جلبوط عن جد اقترف......أكبر جريمة بحق لم أسمك صرف
سكر عا حالك بابك ورد الدرف.....ملوك الزجل سلمان رقبتهم قرف
ولا تقول شعرك أقحوان وياسمين....مبييض شعرك صار عا كتر الخرف
رد عمار
بعرف بـــو شوقي لابس تياب العفاف
و بّـذِكــر إسمو تبارك وطهّر شفـاف

بالشيب أبــيـض ناعتو ؟ حاجي تخـاف
بـــاقي الوقار بشيبتو ونخبـــو سلاف

حبيت إسمو إصرف وقلّــــو وقـــــــاف
تضحك على سليمان بقوافي ضعـاف

لا إقـحــوانك بعد شــــــــــــوك بيقبلو
ولاذيب شــعري بيقـبل بمتلــــو خراف
رد سليمان
بيكفي تحييز يا مدير المنتدى...مش محرزي الجلبوط أكل عا الغدا
أنت المدير وضل قاعد عا حدا.......شو خصك بموضوعنا من المبتدا
العقاب حية مرقطة وشعرو بدا....أبيض متل زحليطة الشربت ندى
لا أنت قدي بالزجل والمرجلي.....ولا أبو شوقي بيسمع بأسمو حد ا ا
بو شوقي يرد
احيي جميل الذكر حافظ عالصديق*قابل جميل القول بالشعر الانيق
لوكنت يا شعرو ر بتجدي الطريق* كنت بشعورك خفت قصف المنجنيق
عيبك عبت عمار وبفضلو غريق* خاين مبادي وعهد ماعندك رفيق
مر الذهب عالنار ماهمو حريق*شوف الصدا بمعدنك ياسل فيق
طبعك غبي عم يرفدك بكل ضيق*حاسد بياض الشعر تاج الملهمين
احلف برب الناس والبيت العتيق
***سليمان
ما زال بالتبيض بتحب الصحاب.....خليك أبيض متل دب بقلب غاب
نحنا يا بو شوقي بدنيا الأغتراب......كسرنا روؤس الزل فكيينا الرقاب
لا تفتكر رح أرحمك عندك عقاب ...جسمك عا شكل الأرنبي وأسمك عقاب
وعن ها البياض سماع شو قال المتل.....راح التلج بان المرج شفنا التراب
حرف
دشّر مدير المنتدى بالو يديــــــــــر ... ع الزغير المتلك ومتلي كبـــــــــيــــــر

غاب التلج حان بمـــــرج حرف القدير ... يردك مكتف واقع قبالو أسيــــــــــــــــر

لا بشوف ذمي عندك ولافي ضمير ... اندقيت بالمغزال بيروح الحريـــــــــــــــر

وبيصير مرج المنتدى من دون عبير ... لو غاب عمار المافي غيرو مديــــــــــــر

وزهر الشعر بيموت وبيذبل كمـــان ... ونحل المواهب شهد مابيعطي القفير
رد سليمان
يا حرف دشر ها الجماعة الخاييبي.....وشو دخلك معنا يا فرخة أرنبي
مبارح تركتك خلف مني تختبي.....شو جايبك قلي يا volzمخربي
الأكلو كفوفي بالليالي المرعبي.....راحوامن الساحات زحف ودبدبي
وما ضل غير عمار والشايب عقاب.....معرم متل شي ديك فوق المصطبي
رد ابو شوقي
الدون يبقى زغير لو ركب الجمل * سافرت وتغربت باقي بوجهل
مدام عندك جهد بتكسر قلل * يامدّعي لو تطل ع القدس بعجل
كرهت البياض الناصع وثلج الجبل* يا قلب اسود من شرورك والزلل
دب القطب مع الف عله بينقبل* مابيعمل شويعر مراجل والهبل
ارنب لطيف وابيض برقة حمل **اسود لسانك عقرب بسمّ الخجل
ذاب الثلج والنبع بخيرو شمل*مثلو بياض الشعر بعقلي سكب
فكره اللئيم تمرد وثوبو بدل ***
رد سليمان


يا دب ليش تقول عن حالك حمل.....ونهرك من الأبداع ما بعمرو حمل
ما في ألك بالربح يا شويعر أمل.....طالع بجسمك من بعد قتلي دمل
عمار خاف عليك وبعطفو شمل.....حطك بقلب المنتدى عد اكتمل
والجمل لو بيشوف حردبتو وقع....لكن يا حسرة كيف بيشوف الجمل

ابو شوقي


شويعر طلب قمحات بفخي سقط = بيصف بالصفحات كم كلمي لقط
سارق الشعار كم كلمي شفط = لكن تركت الحكم للقاريء فقط
جاوب عانفس القافيه وذات النمط = واترك لغيرك كشف صح من الغلط
شرطي عليك بواجب القول اشترط= جهز افكارك لوبتملك يا ضعيف
جاوب علىالموضوع شعر بلا نقط

***




--------------------------------------------------------------------------------
سليمان
شوف الجبال بلا شجر بشعة كتيير0***وما في حرف من دون نقطة يا كبير
وراسك متل البلاط جامد متل شيير***لا في بلاغة ظاهرة يا شكسبير
أن كنت شاعر جد عا دربي المسير***نقطة وحرف لا تضيع الموضوع سير
شعرك ما فرخ حيث في تحتو بلاط***وما بتطلع الأزهار ألا عا الغدير

ابو شوقي
ر د مسمم سرورك ورا دار* مطرماصار سلسالك ولا صار
صرصور سل ومل لو صرصار* كم مر مر وطار حولك عار
اصدع رداء المكر واللهو لومكار*اردع هواك وكره كالاحرار
الحول والطول لله ما للحار * حار ولهى المكروه حل وطار
حل امح الحسد حد للحرار *عود ورود ردد كالاسد هدار
سلم سلك مرماك حار ودار* حد كاس الملك حس هالمهوار***-



b]


سليمان


شاهدشبقتو شال شنكولة شكال***شرف شوارب شعرك وشكلك شقال
شايب شروق وشمس شقع شقف شال***شو شغلك شقفات شعري شال شال
شقفت شقفي شفتك شوف الشلوش***شفافك شقف شقعات شملقت الشوال
ابو شوقي

مادام ياشعرور حددت المصير* شربت وزرعت الحجر بقلب بير
مطنب بكثر الغشم يا باع القصير* مفلس قليل الزاد بفكرك فقير
زاحف عبطن الارض ومأخر كثير * مهموم لوشعار تنعم بالحرير
بيلزم بيوت المعجمه معلم خبير* ان كان عندك علم اثبت ياصغير
اما اعتذر تاتنال مغفرة المدير * وبسامحك لوقلت بطلت الغرور
عالمعة البرقات مابيوقف غفير
***
ابو شوقي



ابو شوقي


شيــخ فن في شيبـة خضبـت * فتفت فتي في بيت ذو شجن
شيــق تيــق بيقظـــة ثبتــت * يتقـي شيـن نقنـاق ذي خشن
شفتــي شققت بي خشنت* بشقــاق شــب بقبقاب ففـــني
***\
ا

سليمان
هلق أبو شوقي بها الجرم انلقط***بعلمي ما بدو من النقط ياخد نقط
يا واقع على الفخ يا جمل السقط***شعار نحنا بمنتدى الكلمة فقط
راكض ورا البرقات بفصل الشتي***وشو نسييت أنو البرق في عندو نقط




ابو شوقي
تأكدت انك جاهل وعقلك صغير* والعلم ماشفتو بعينك ياضرير
لوحكيتك بردات ملياني عبير * وذكرت فيها مجد لبنان الكبير
بترد يا مغفل بالله تستجيـــــر* وبتهل بالدمعات تاتنقط كثيـــر
مابينعفك با لعلم استاذ ومدير* عندي نصيحه اترك الشعار
وارجع على بلوذان تا ترعى حمير
ابو شوقي
وارجع على بلوذان تا ترعى حمير


قاسي يا بو شوقي
سليمان
شو هاللسان الفالت وشو ها السباب***يا ألف عيب الشوم يا شايب عقاب
بعلمي في عندك زوق ومحبة وأداب***شو صار قلي وشو جرى تا ظهرت ناب
بلشت تهجي الشمس يا شقفة سحاب***لهيئا أكيدي عيونك السودا ضباب
يا بركعك عا البحص تطلب مغفرة***يا بدبحك بالعيد قدام الشباب




ابو شوقي


[center]مادامك رفضت القساوه رفعت ايد * وان عدت كررت الغلط برجع بزيد
وبتسامح وبهدي الزهرعربون عيد* وبهد يك باقة ورد بالعام الجديد
بها المنتدى منعود ونصافح بايد * نهني الشباب الطيبه مع كل غيد
***
ابو شوقي

كل عام وانتم بخير سنه حلوه للجميع عام 2008




سليمان

يا أبو شوقي دابحتني قصايدك***ما كان قصدي بالمعنى قييدك
وكل عام وانت بخير مع كل الشباب***برفع العشرة بالزجل ...؟وبعييدك

ألي الشرف عمي أبو شوقي حاور شاعر كبير بشعرو وقدرو
بس مرة تانيي خفف أيدك عليي ولووو ما بقا عيدا
باييي شباااااااااب وكل عام وانتو بخيييير




ابو شوقي

مادام الشعر حقق انتصارو * و عرفنا كيف منجلل وقارو
باقات الورد بحملها بايدي * هدية عيد للنادي وقمارو
***ابو شوقي