ليش الجبل عم يحترق

خلصنا بقا ما عاد بدنا حروب
لأييّا سبب بتفجرو الحالي
شوفوا الطفالى مشردتها دروب
وكرمال الله وقفّو قتلي

وين التعايش وين ألفتنا
والصيف جايي ورايحا السوّاح
بخمسين حيط بها الحرب فتنا
وأمتين يا لبنان رح نرتاح

الأخبار عن لبنان عم تغلي
ومين السبب ما همنا المقصود
المتلي أنا عم ألتهي بشغلي
وغيري التهى بالنار والبارود

قالو بجبل لبنان نيّالو
كل العندو مرقد العنزي
واللي ما عندو اليوم أحلالو
ما النار رح تحرق معا الأرزة

يا شعبنا المجروح الله كبير
لاتتركوا الشيطان والوسواس
ياخد حلم أطفالنا ويصير
حلم السعادة لازمو حرّاس

حنّوا علينا يا عرب كرمال
الله العطاكم ثروة النخوة
ولا تتركونا بحقدنا القتّال
خلّو الأيمان يهز فينا جبال
ونعيش بين ضياعنا اخوة

يا عيني ع الشعر

ما اروعها اخي سليمان

يا ألف أهلا بعلي...شرّف عا موقع صار***زينة مواقع زجل ...أعضاء معروفي
يعصر بيوت الغزل...من معصرة افكار***ويدوق طعم العسل....ويضيّف ضيوفي

شاعر عرفتك زكي...بمنتدى عمّار***وتابعت شعرك قبل....عن جد نتّوفي
لكن في عندي عتب...ب محاورة يا جار***حاور ت أبن الوفا...بأوزان ما بتووفي

ايّاك تغلط بقا...يا شاعر الجبار***خليّك معنا نسر..عا جرود مكشوفي
هوني الأصالة تعا...تا نجدد الأفكار***ونشد خيط الوزن...ونشيل معزوفي

يا هلا بعلي العتب عا قد المحبة حرام ب موقع ...م ...تنزل مستواك ارجع للعرين تحياتي

واعتبر ها البيت بيتك وحاضن للزجل والشعر والوزن

» مرة بيروت ومرة الجبل