الثنائي حرف وسليمان

حرف
اذا شي تنين بيحبـــــــوا التحدي ... نحــــــــنا منفتـحو بحب ومودي
بشرط تكسير راس وشعر مطلق ... وسحب معـلاق ع التربـةِ بيودي

ولا تقولــــــــوا الثنائي العين بلق ... ورح يداري حدا بحربـو الأجدي
وكم صفحة فتحنا ومـيــــــن علق ... عليها وإشنـقــــــــو بحروف يدي

كــــــــــفا ياسالك الدرب المزلق ... استحي ياصاحب الفكرة ومابدي
تحط فخــــوخ للنــسر اللي حلق ... وندامةِ تقرقش كواعـــــك بيقدي

الفرد منـــــــــــا بكل موقع تألق ... وبغيرو كان عنـــــوان التصدي
وضميرك ماصحي ولانهـار قلق ... الغفا ومزنجر بنومـــــو مصدي

البي مسّح جوخ ومربى مجـلــق ... بيتسرسب بي أوقــــــات التعدي
وباب القلب قدامـــــــــو تغـلـــق ... الوقع محروم وكـمشـتـــو بكفي
زحط مرحوم ع الإصبع مهدّي

سليمان
نحنا قصدنا بالشعر نعمل هجوم.......بكل موقع وانطفا ومض النجوم
وصاحب الفكرة تفرج وضلو بعيد..........عارف بحملو ركيك مش قادر يقوم
[/color]

حرف
الناكر أدب شــاعر كبير ومرتــشي ... حاقد ضعيف وخاف يهبط مستــواه
وصاحب الفكرة النيرة معنا مشي ... وصاحب الفكرة الباطلة تقبر عزاه

حرف
شتي ياســــــــما وياأرض ميدي ... رجع ع موقعــــــو حرف القصيدة
وهزيم الرعد عـــــاد بحق يدوي ... بذينين النصب إلنــــــــــــا مكيدي
طلب مـنـــــــــا نروح تنين قدوة ... نزور مواقـــــــــــــع البعدا جديدة
ورحنــــــــــا نفتتح بالشعر ندوي ... ضرب صيت الفزع راس الجريدة
ومع الخافوا انصاب بألف عدوي ... الهلع زتـــــــــو على مسافة بعيدة
وبقي بلبل شدى بالشــــعر شدوي ... سليمان الماـــــــــفي غيرو رفيقي
وخيي وشاعر وإيدو بإيدي

حرف
انا ياموقعي الوحدك رجـــايي ... تركتك غصب عني يامنـــــــايي
ومنــــــــك كل وحيي بستمدو ... البداية منك وفيك النهـــــــــــاية
غبت عنك تاشوف اللي تحدوا ... بحرف إرفع ع سطح المجد راية
وع إسمك كل من أشّـر بيــدو ... قطعتا بسيف إلهامي وهنــــــايي
ولأني لونـــــــــك بقلبي بودو ... يوم بقيت رايح يوم جــــــــــايي
إقــــــــرا جديدك وللصح ردو ... اذا بيحتاج تنقيح وعنــــــــــــاية
ودعانــا شويعر ورودو ما ندو ... وبقي متفرج . بقلو بغــــــــنايي
ياحسرة. شفـتك بأفكــار صدوا ... وزهورك صار لازملا سقــــاية
لاضدي كنت أو للخصم ضـدو ... ولا كورس خرجك تزقف ورايي
وأنا شاعر وحي الالهام مـــدو ... متعود على أصــــــــول الرماية
ومعي سليمان عزماتو اشتــدوا ... وقصدنا البشعر عندن هــــوايـي
حبوب المسبحة الطقوا بِــــردّو ... شواهدها على القافي حمـــــايـة
بأيا منتدي مالقيت قـــــــــــــدو ... وفرض ع مواقع العالم وصايــة
وسقف العاندو ع الراس هدو ... وختم بابو بشمع أحمر كفاية
ومتل ماهاجروا جدي وجدو ... هاجرنا المنتدى وعدنا لغاية
بعد ما تخرسنوا الكانوا يردو ... رفعنا راسك وعدنا لربوعك
وهدفنا كان نعملك دعاية

بمهمةّ شعر تانعطي إجابة

حرف

طلعت من موقعي رافق صحابي
القصد تانقشع الفينا ومنا

ونخلق للزجل رابط قرابي

ولأنو صاحبي سليمان جنا

مع حرف البلاغة والكتابي

تاجسدنا حمورابي المعنى

واحد خلد بشعرو شريعة
وترك تاني شريعة ع حسابي

سليمان
نزلي يا نسور غطي بمنتدانا.....الليالي غافيي بجنة وفانا
وقديرة تحلقي أكتر وأكتر.....الفضا مفتوح من درفة سمانا

يا قاصد بالشعر تا تكون أشطر....ضروري تزين جوهر مستوانا
ولا تستهزل بشاعر قد عنتر......بحرب الشعر عمرو ما توانا

هجم حرف المنابر ما تأخر....سحب روح القصيدة من غننانا
وعصر من غيمة الشعر المقطر....قوافي بكر زادت من غننانا

أجانا باهت وأسود وأشقر.....وشواقل مع رواجح عا حمانا
وكسرنا روس شعريي بنفخر.....من اللي دق فينا أو هجانا

وفي شاعر صار وجو لون أصفر.....الفزع خلاه يهرب من لقانا
لأنو حرف وسليمان أشعر....سكبنا الزوق عا المنبر قصيدة
وبعتنا نجوم تشرف عا روتانا
حرف
مريض وبالزجل معروف دائي ... وشـعـــر المرتجل وحدو دوائي

ع متلي فتشت بالكون كـــــــلو ... لقيت رفـيق ناطرني بسمـــــائي

صرت إسعد صباحو وشعر قلو ... وع ذات الوزن يسعدلي مسائي

وعلى سطح النجوم العميـهـلوا ... هجمنا تنيننا هجــــــوم الفدائـي

الشعر مش عاطفة بدو ع حلّــو ... وناس مدهلقة بمدحو النهـــائي

ولا ماسح جـــــــوخ حبينا نملو ... لأنو مجرثم ودائو وبــــــائي

الشعر ع حرف وسليمان دلــــو ... الفدغــوا جبين خط الأستوائي

وياذلو الما بيعرفنا ياذلـــــــــــو ... بعد مايجرب بيصرخ ضميـرو

ياعيني عليك ياأقوى ثنائي
حرف
طلعت من موقعي شاعر مســــالم ... ع الطور الشـعـر والباري مكالم
الوصايا العشر حاملها بقصـيــــدة ... وعلى كتاف النجم ناصب سلالم
التقيت بشاعر فكارو جديـــــــــدة ... مارد شعر وبوجــــــــــــو معالم
قلي حطها ايدك بإيـــــــــــــــــدي ... تانبقى عنترة والزير ســــــــالم
ورحنا برحلة الشعر الفريــــــــدة ... نزرع ورد ونزيــــــــــح المئالم
ومن حروف النصر نكتب جريدة ... ونلقن دروس لكل ظــــــــــــالم
طلع قدامنا مواهب عديــــــــــــدة ... والعالم بتشهد مين عـــــــــــالِـم
ولما بصدق حمينا الحديـــــــــــدة ... وكسرنا روس جهـّــــال المعنى
بهت باهت وشاقل ضل حالم
عمار
أنا ويــــّـــاكم بفجر البدايي ... ملوك الفن في عنا حمايي
القوافي الناصعة علينا بتلمع ... زرعنـا الشعر آية حد آيي

بسمانا الجفت بالخرطوش لعلع ... وما في شعار متلك ياضنايي
سفقنا المشعر وشاعر الأقرع ... ووراكم يبرموا صــاروا وورايي

وصــــار الزرع كل مكان يطلع ... الحبة سنبلة تعطي الغاية
وحملنا المنجل سوية الأفظع ... وقت ترم الحصيدة بالنهاية

دعــوني وجيت لا أحلا . ولا أبدع ... منها صار......... للعندو هواية
وبمطرح ما اندعى سليمان يطلع ... عصر غيم الشتا بموقع شِتايي

الفارابي قد جولاتو وأروع ... عملنا مثلث وجلنا ... بدراية
إبن خلدون أو إبن المقفع ... وابن رشد بـــــنصر رافع راية

أنا مقــــــاوم بقاعي العين بقلع ... غريزي عادتي بحب الرماية
وإنت نسر الشمالي الما بيشبع ... من أرانب هزيلة بلا عنـايي

وحرووف اللي معنا الربح جمـّـع ... لأنو السبع ما بظنو كفايي
يجيه شويعر مغيلم مطــــــــوع ... قصدو بالوزن يعمل دعاية

وما زال المنتدى صاير مولع ... تأغزي نجوم سهراني بسمايي
واذا أبجر جديد ومش مطبع ... تاسوسو وطوِّعو بشعر الهداية

ومع الحرف المذهّب شوف وإسمع ... كيف ان زت نقد بلا درايي
تا رد الهاجمو مطبش مخلع ... اللي شقلو الباب أو فتحو التحدي
تاهوا مكسرين و ع العصاية
سليمان
يا صفحة منتدانا اليوم قيمي.....حفلة عيدنا بتكبير قيمي
لأنو العيد قرب عا الخليقة.....وقدرها تقرب رجال الحكيمي

أنا حبيت من غربي عميقة......عييد كل مؤمن من صميمي
واللي شاف مش هيكي الطريقة.....أكيدي نيتو منها سليمي

أنا أنسان مؤمن بالحقيقة......وما بقبل كون شاهد عا الجريمي
وجريمي بأرضنا نشعل حريقة.....اوطنا يكون مصدر للنميمي

وتنرجع للتحدي بلا موسيقا........عزفت الموت <عا بيانو.؟.>غريمي
وهزمنا جيوش بمواقع شقيقة......أنا وحرروف خلينا المنابر
تشوف الموت....؟ ما شفنا الهزيمي

» حكي وصمت بين حرف وسليمان
» صياد الدبق بين عمار وسليمان
» حبيب وسليمان والصورة
» سامر خوري وسليمان طراد عا الفيسبوك
» شادي موسى وسليمان طراد نص وكل