هجوم مزدوج من حرف

مشرف عدد الرسائل : 519 تاريخ التسجيل : 15/03/2008

عمار وسليمان حاجي تدعــوا = من تحت او من فوق عندي بتوقعوا
تنيناتكم شعار مش رح تطلعو = العا مستوى حرف الهجومي بيطلعوا
من فوق ياعمار عنقك بقطـعو = ومن تحت باطي صاحبك رح قطعو
وتاترتضو وماتزعلو جايب ميزان = وكفوف طق بموقعك وبموقعو

بضربي جايي يشيل تنين === ويتفاخر عنتر شداد
حسبنا إنو غراب البين === طلع إنو لعب ولاد

7arf كتب:: عمار وسليمان حاجي تدعــوا = من تحت او من فوق عندي بتوقعوا
تنيناتكم شعار مش رح تطلعو = العا مستوى حرف الهجومي بيطلعوا
من فوق ياعمار عنقك بقطـعو = ومن تحت باطي صاحبك رح قطعو
وتاترتضو وماتزعلو جايب ميزان = وكفوف طق بموقعك وبموقعو

الهيئة علي عامر خدودك رقّها***وسيارتك بالنص فلت ملقها
رصاصة الرحمي من تحت رح طقّها***ومن فوق جمجمتك بسيفي شقّها
عمّار وسليمان شعرا حقّها***تفتح مواقع بالزجل من حقّها
نحنا ملوك القافيي ورب القصيد***وبسّ الضفادع ما بنسمع نقّها

الله وكيلك بدنا نحطّك بالنص وننزل فيك طق كفوف وحلو موضوع ثلاثي بين النص وتحت وفوق ههههههههههههههههه

مشرف عدد الرسائل : 519 تاريخ التسجيل : 15/03/2008

سليمان فاضي وقش من تحت انجبل = وعليه مش رح رد تايحني السبل
عمار تاه لفوق أعلى من الجبل = بيفهم لأنو والتحت عندو هبل
لكن اذا زعلان ببعثلو قبل = مع اعتذاري المعتدي بموسم قبل
فوق وتحت رح حطكن وابقى الوسط = خير الأمور منحسبو وبينقبل
===========================

ياخيي علي عامر شاعر كبير بيلبقلو واذا طقني او طقيتو شو الك علاقة يامتحامي بغيرك
فرجينا بزعك شو بيطلع منك انت وعمار تبعك واذا كنتوا رايدين تكفوا معي قلو لصاحبك
عمار يرد لأنو اذا ما رد ماعدت رح طق فيكم لا من فوق ولا من تحت ههههههههههه

عمّار سنبل فجّ فاضي بالفلا......و سلمان نازح تحت من ثقل البلا
و حرف المنابر كرسة العرش اعتلا.....تيطقّ راس تنين و يقلّن هلا
عالمذبحة يا فروخ بالدّم نطلا......هالنتدا محمرّ بالرّيحة نتلا
ريحة عفن من شعر سلمان الفهيم.....و عبقة عطر بخّور من حرف الصّلا

رائع يا حرف يا كبير اي وين بدّهن يبينوا معك والله والله لا يطمّوا راسن تحت التراب هههههههههههههههههه

تاتهاجم الشــــــــــــــعار بدك بينة = ودرب الحرب لاتـــــظن معنا هينة
سليمان تحت الأرض حطك بالدني = و عمار روحك شـالها انجسمك فِني
صارلي بدرب فـيــك ستعـشـر سنة = وراجــع لفوق وتحت تحكي بولدني
طابة تا نلعب فــــــيك مابين التنين = وتامنحني تطــــلع وترجـع منحني

* * * * * * * *
وتكرم عينك ياحرف افندي لما الواجب بيدعي منرد بس نشالله ماتجبرنا
نعلمك غير طق الكفوف لأنو الهيئة بدك كتير تعليم هههههههههه

مشرف عدد الرسائل : 519 تاريخ التسجيل : 15/03/2008

عمــــــــار وسليمان لا تـتـمنـفخوا = وبغير شعرا تهدســوا أو تنـتخوا
سليمان شـفنا تحت اعصابو ارتخوا = وعمار شفنا فــوق بالعركة رخو
الطابة في إلها بلف ع النص نفخوا = والحرف جايي بنص إبرةّ منفخو
فطبول ينفخكم سوا يطلع طلـــــوع = ولتحت بتصيروا اذا بيشـــلّـِخــو
===========================
يلا خليكم انتو فوق وتحت وانا واقفلكم ع النص بالمرصاد يلا الطالع
كف والنازل كف هههههههههههههه وعلى فكرة بدي تعلموني كيف
الرحمة بس . لإني بالشعر مابرحم حدا ابدا والله يرحمكم هههههههه
وتحياتي الك ياشامخ ياملك ولعيونك شوف شو رح يصير فيهم وهاي
حبة مسك مني الك هالردة :

كلما ع نص الحرب صوبي بيقطعوا = من حرف سيفي لحم رح يتقطعوا
ومن فوق ياعمار راسك بقطعو = والتحت مني خيل جايي طبّعو
كونوا متل شامخ نجوم بيسطعو = ومتل الحرف ع النص حاجي تدعوا
كل مدعي ومن فوق عندي نهايتو = والمن تحت شامخ بينهيها معو
============

يا حرف انت كبير و العالم صغار.........نحنا نجوم الموهبة اخذنا القرار
نقطع وصال الناس و نردد شعار.........انوّ القمر و الشّمس مشيوا عالمسار
بنص الفضا يتمايلو و جنبن قمار.......من فوق او من تحت ترسملن قطار
تركتك انا تا تطق راس الداعية.........بعتلي انت سلمان لا تحت الفقار

تكرم عينك يا حرّوف مش رح ارحمو ولوووووووو غالي والطلب رخيص هاهاهاهاهاهاهاهاهاهاهاهاهاهاههيهيهيهيهيهههههههههه

7arf كتب:: سليمان فاضي وقش من تحت انجبل = وعليه مش رح رد تايحني السبل
عمار تاه لفوق أعلى من الجبل = بيفهم لأنو والتحت عندو هبل
لكن اذا زعلان ببعثلو قبل = مع اعتذاري المعتدي بموسم قبل
فوق وتحت رح حطكن وابقى الوسط = خير الأمور منحسبو وبينقبل
===========================

ياخيي علي عامر شاعر كبير بيلبقلو واذا طقني او طقيتو شو الك علاقة يامتحامي بغيرك
فرجينا بزعك شو بيطلع منك انت وعمار تبعك واذا كنتوا رايدين تكفوا معي قلو لصاحبك
عمار يرد لأنو اذا ما رد ماعدت رح طق فيكم لا من فوق ولا من تحت ههههههههههه

شو باك يا حرّوف نجمك عم ينوس***وبالنص واقف متل أمها للعروس هههه
بدك يا ابني سنين من سلّو دروس***تا تصير شاعر قادر وتحمل كؤوس
من دون تحت وفوق ما بتقدر تبوس***اوجّك يا حرف النص بيضلو عبوس
وبتصير متل الراقصة بنص الطريق***وعمّار وسليمان بشكّو الفلوس

هههههههه يا حبيب القلب من فوق بنشكشكلك ومن تحت بنشك شك لك هههههههههه
لا تلعب مع ملوك الكلمة عارفني مسافر هههه رجعت طق راسك

shemi5 كتب:: يا حرف انت كبير و العالم صغار.........نحنا نجوم الموهبة اخذنا القرار
نقطع وصال الناس و نردد شعار.........انوّ القمر و الشّمس مشيوا عالمسار
بنص الفضا يتمايلو و جنبن قمار.......من فوق او من تحت ترسملن قطار
تركتك انا تا تطق راس ال
داعية.........بعتلي انت سلمان لا تحت الفقار

بعتوك عنا مين ماضيلك صكوك***وحسان سالخ جلدك وما في شكوك
جايي تا تحمي حرف من حرب الملوك***وبتقول كامل شعرك وما ضل توك
غيّر يا شامخ من تحت دقنك و لووكlook***ومن فوق ربّي شواربك فتّل تروك
وخليك طابش فوق بيضة قبالنا***ولا تجّرب تقد المراجل عا الديوك

ههههههههههههه روح يا حبوب شفلك غير شغلي واشتغلها وخلص من حسان ومحمد اول شي هههههههههه

مشرف عدد الرسائل : 519 تاريخ التسجيل : 15/03/2008

الجبال ردوا عل ودايا بتـنـــبـسـط = وفوق وتحت متل السهول تبســطوا
كوافير شوفو بالصبايا شو انبـــسط = شعراتهن ع النص عندو يمـشطـّوا
سليمان تحت وبالقبر جسمو ارتبط= وعمار لو من فوق ريحي مشنطـطو
ولوما القشاط اللي بيربط بالوسـط = فوق وتحت كانوا ثيابن قـشـّـــــطوا
===========================ا
قال ملوك قال والله متل العلكة على نص دراسي بلوك فيهن ههههههههه
بغيب بغيب عنكم بقول يمكن تحسنوا برجع بلاقيكن كرمالك ياعليلي لورا

خليّك يا حرّوف عا المنبر حريص***وبالنص نص قصايد الشعر العويص
بالسوق سوق النص بيضلو رخيص***وبنص بركة ميّ بتشم الفطيص
وتحت المغارة بس بيعيش الرهيص***ومن فوق نور الشمس بي بيّن بصيص
ولوما الزردة من تحت بقشاطنا***ما كان فيك تشوف من فوق القميص

مركز العالي للمـعــــالي .والســــــؤال = مركز التحت من الأساس بهيك حال
من هيك فوق وتحت طلّع ع الجبــال = ما بين فوق وتحت للدنيا كمال
ومن دون فوق وتحت مافي اعتــدال = ولوما السـما والأرض غيم النص زال
ومن دون راس وكعب لو طفلك ربي = من وين قلي ياوســـــــط شفت الجمال

* * * * * * * *

مشرف عدد الرسائل : 519 تاريخ التسجيل : 15/03/2008

عمار لو من فوق مابينفع علاك = ولا تحت ياسلو مكان الملهمين
اياك ياانسان تاتنسى السواك = والسبع مابيختار غير وسط العرين
وليك الطفل يللي رح بيمشي وراك = من قبل مايخلق بيتكون جنين
تغذى برحم الإم تايخلق ملاك = وع النص موصول بحبل صرة مبين
=========================

[=]يا نص الدائرة مشكوك رزّة***وعا ضهرك كلمن بيفز فزّي
تحتك نار حمرة يا ضنايي***وفوقك ريح هز الكون هزّي
انت بالنص بتنص الحكايي***وكتابي بالحكايا عم يغزّي
لأنو تحت ايدك صار غايي***وألو بقلوبنا حب ومعزّي
انا تحت الأرض متل اللقايي***دهب مطمور لون الدر لزّي
وفوق الصدر سلسالي مرايي***وانت متل العريشي الما بتطعم
نصّك مهتري وجايب مجزّي

مشرف عدد الرسائل : 519 تاريخ التسجيل : 15/03/2008

يافوق وتحت شو بتسووا بلايي = الكسرة تحت و الفـتــــــحة بعلايي
انكنتوا سكــــون أو شدة و ضمة = انــا بالنص باقي متل آيــــــــــــــة

عطيت من الوســـــط قلبي ودمي = النهاية وصلتها بأجـمـــــل بدايـــة
وواحد صار تحت الارض رمة = وغيمة المارقة فوق بسمـــــــــايي

انا الجسم العطاكن خير هــمــــة = وانتوا غبار ع ذيال العـبــــــــــاية
انا الورد البنصو كل شــــــــــمة = عطر ع النص عم يهدي البوكاية

انا كتاب الإذا حمــلــــتو بسـمّـي = لا فوق ولاتحت. نصو الهدايـــــة
تحت وفوق صفيتوا مذمـــــــــــة = بتهجوا الكل لكن مــــــــــن عدايي

وضلك ياتحت مطموم طــــمـــة = بتنك وتراب وزبالة ونفايـــــــــــة
وانت يافوق لو محتاج لمـــــــــة = علوّك ضفدعة فوق القنــــــايـــــة

اذا العينين فوق بريد عــــــــمـّي = وتحت اقدامك انراحوا بوصايـــة
بتعيشوا سوا واحكوا بذمــــــــــة = انراح القلب من نص البيـعيــشـوا
كل الناس بتشوف النهاية
=======================

يا نص لسان لاتحكي الحقيقة***بلانا ما ألك تمضي وثيقة
القلم من فوق عم بيخط آيــــــــــــــة***وانا ورقة تحت منّو رقيقة

انت بالنص متل اللص جايي***تا تعمل عا الزجل خدعة وطبيقة
لقيت الباب سكّر يا ضنايي***وفوقك عتبة البيت العتيقة

انا تحت الفضا نجمة بسمايي***وانتي بعدك بنص الحريقة
فوقك جاب عمّار العصايي***وتحتك بحص قاسي وهيك بدّك
تركع نصب ب نص الحديقة

ههههههههقلنالك كبار ما فيك تلعب معنا ما اقتنعت

مشرف عدد الرسائل : 519 تاريخ التسجيل : 15/03/2008

ياكعب الكعب لاتدعس ع كعبي = لأني بشرّبك طاسات رعــــــــبة
انكنـتـوا كبار بالشعر اقنــعـوني = مش فوق وتحت تحـــــكوا بتعـبة

الوسط بيضل أكبر في عيونــي = اذا استفتا سألت شعـــبك وشعـبي
وتاتاخذ بالطهر والصدق موني = النبي قدّس ســـــرارو بنص كعبة

الوسط معروف بالخزنة المصونة = وحديدا فــــوق والأجرين لعـبة
الوسط بيقول بالحقل ازرعونــــي = بدونو صعب حقل الزرع يعبي

واذا بنص الفضا بتهــــــــاجموني = بحربي بتتعبوا من نص جعــبة
وع فوق وتحت فرض تفضّـلوني = لأنــو كبير مافي غــــــــير الله
وصعبة انعدّ غيرو كبير صعبة

=================

ياأعمى القلب ماعندك معــاني = لافوق وتحت يما بميل ثاني
انكنك بالوسط لاتكون نــــاسي = نزل من غيمنا كتاب الدياني

انا بخمر الإيمان بدق كـــــــــاسي = بعبي لفوق تادقو بفـطاني
وتحت قفى كاساتو خي راسي = وانت عالنص خليت القـناني

القبضة تحت بالسيف الأساسي = وفوق الراس بيقطع ثماني
انكمشتو انت عاخطوطي وتماسي = بدو يجرحك نصو أماني

ولأنو بالبنا العمـــــــــــار قاسي = بيدعم تحت تايعلّي المباني
تركنا النص بالجو الحماسي = ورفعنا من تحت ولفوق بيرق
لأنو عالوسط رفعو إهاني
====================

بنص الخليقة الرب يسوع نرسل........و بنص نهر الاردن زنوبك غسل
فوق الصليب تعلق بغلطة بشر..........و عالنص بين تنين بالخل نغسل
و فوقو شعار الموت للشعب نتشر.........و من تحت سيف البغض بضلاعو نسل
نحنا يوحنا لكان اصلب من عشر.........تحدا وطاوة شعب و تحاشا لكسل
ضبب جبن لسنين من عمرو نشر.........عربش مع العذرا عا نص الجلجلي
و مرسل بنص الكون عالارض نرسل

الله شي حلو يا عمار لا تواخذني ما كنتش سامعك
وموضوع بيفش الخلق اكتر من رائع الله يقويكم[left][b]

اسمحولي اول مشاركة اعلن اعجابي بها الهجوم وقدم
اسما تحياتي لزملائك الباشا عمار وياريت الأستاذ حرف بيئولنا اسمو يعني علشان نتعرف ويحصلنا الشرف طبعا
اذا مافيش مانع .....
اشوف وشكو بخير
وعلى فكرة منتداكو اكثر من رائع اشكر كل زملائي الأعضاء وإدارتكو الكريمة
ورمضان كريم للجميع

حنا العتيق

مشرف عدد الرسائل : 519 تاريخ التسجيل : 15/03/2008

حــــــــنا العتيق القاصد بحالـــــو = حنا جديد يصير مـــــــــــــــــودالــو

حدادي وبويا لازمو وتصفـــــيح = تايصير مـــــــــتل الحرف بـمجالو

مني لاتزعـــــل بس للتوضيـــــح = قدمـــــــــوس كل حروفنا عيـــــالو

وتاتصير تعرف بالحروف منيح = عن حرف اقرا وشوف بعد البحث

بتصير تعرف مين امثالو
============
حرف

» هجوم بلا وعي
» هجوم من محور شفيق ديب
» هجوم عا جعفر حيدر
» هجوم كاسح اجتماع بالخوابي