وصف عروس للشاعر يوسف عيسى

كان هناك محاورة رائعة جرت منذ اكثر من تلاتين سنة بين الشاعر يوسف عيسى والشاعر نجيب كرم وبعتلي القصيدة
الشاعر يوسفى عيسى طراد وننتظر قصيدة نجيب كرم اذا أي شخص يحصل عليها فعليه أن ينزلّها للأمانة شوفو
والجدير بالزكر أن الشاعر نجيب أبن أخت الشاعر يوسف عيسى طراد من برحليون

يوسف عيسى طراد

يا خال رح دلّك عا عفرفورة***عنها بيتاخد ألف صورة
هيدا أنت بتناسبك يا خال***ومن جميع الناس مشكورة

بيلبقلك تغنيّلها موّال***هي بالكبر والحسن مشهورة
راسها بيطلع سبع ترطّال***ودينيّن بالأزميل محفورة

وجفونها تلاتين سنتي طوال***وايدين قدّافات شختورة
وبالعمر ياما بقلّبي أجيال***وأجر لوقة وأجر مكسورة

ومودال تمها طارت الغربال***بتكلّمك بفرد شفتورة
وعا شكلها ما بيلتقى مودال***وعين ذوكا وعين معوّورة

وسنانها أكبر من المغزال***للنهورة بيصلحوا جسورة
ومكتفيّي بالجمال ومال***ومزيّني بالسم حيدورة

من المحرمة للمنشفي للشال ***متجهّزي من شارع شتورة
عشرة يرد...!!!خيّطلها رحّال***ما فصّلو لا فرد تنّورة

وبعيونها انغرموا ألف عتّال***ومعهم تا ترضا يندروا ندورة
قلال ستّات الملاح قلال***بيلبقلك تقلها يا سنيورة

تكلّل عليها وكون فاضي البال***لا تخاف ما بيحصّلك ضرورة
خلّي التهاني تكون بالأوتال***وشهر العسل بيشير حنتورة

وعن يدّهاحظ الحلو بتنال***كتيرعا محبوبها غيورة
والعمر عيشو لا جفاولا قتال***وما في تلاق وتتركك وتروح
مجبور فيها وفيك مجبورة

ملاحظة يوسف عيسى شاعر أمي وهو عمّي

يوسف عيسى طراد

الحق والطمع عند الأنسان

الطمع والحقد فكرة جهنّميي***الحقد فيها ما فيها معنوّيي
ويا حاقد للوفق ما ضل موضع***تا كنّا نقدر نحل القضيي

ويا أنسان بخيّيك لا تطمع***ما نها لاك ها الدنيي ولا ليّي
خلّي بابك لخيّيك مشرّع***وعيّطلو انا خيّيك يا خيّي

وثوب الحقد عنّك روح أخلع***وصلّي من عبكرة ومن عشيّي
الحقد عا الناس قلّي شو بينفع***الحقد وقّف حواجز عسكريي

الحقد على الدني كلّا توزّع***وشعب لبنان نال الأكتريي
الحقد خلّى وطنا يصير موقع***صواريخ وقزايف مدفعيّي

الحقد محبة الأنسان زعزع***وراحت عيشة الحلوي الهنيّي
الحقد بشعوبنا كلّا تمقطع***وورّت كل خلفي عائليي

ويا مسؤول عن لبنان أسمع***شبعنا من جيوش الأجنيي
منحصد متل ما نحنا بنزرع***زرعنا الشوك بالأرض الغنيي

تعوا تا كلنا للرب نرجع***وسويّي كلنا نعيّد سويّي
صار بلادنا للكل مرتع***والله عم يجازينا لأنو
تركنا الحق وتبعنا الخطيّي

» قصيدة للشاعر نجيب كرم
» للشاعر : سعود الأسدي
» هدية للشاعر نجيب
» تجديدقصيد بالعتاب للشاعر حرف
» اشتقنا للشاعر بو شوقي