محاورة سليمان وعصام يوسف سألنا على سليمان

نقل محاورة جرت ب موقع مشتاوي بين الشاعر عصام يوسف وسليمان طراد يعني انا ههههه
وبطلب من كل الشعراء اللي بيحب ينقل محاوراتو لها المنتدى بكل رحابة صدر هيك بيزيد المنتدى غنا
ورح بلّش بنفسي

عصام
سألنا على سليمان اسم الموضوع وهيدا الرابط

http://www.mshtawy.com/vb/forum16/9070/
--------------------------------------------------------------------------------

سألنا على سليمان كيفو.. وين صار ؟ *** قال صفّى بالمواقع مُســـــــــــــــتشار
و قال كان اليوم طـــــــالع عَ "المنار" *** و سجـّل على"المستقبل"مبارح حوار
شي فلان أحــــــرز عا فلان الإنتصار *** و شي فلان ماشي عا طـريق الإنحدار
و من كتر مو شـــاطر و عندو موهبي *** عم يطلع بْبرنامج ولاد الصــــــــــغار

يـــــــــــا ميــــــــــة أهلافيك..!!يا شاعر لوين؟***هاجم عا نسر الموهبة..يا بو حنين
يوم الأحد...!! لو شفتني..؟ ويوم التنين***هيدي برامج يـــــــا حبيبي...!! أون لين
حريّــــــــــة الأعلام عاالأنسان دين***وعندي رسالة أنفتاح على التنين
وجودي حدث ...!!! عا كل شاشات الوطن***ومنها عجيبي ان شفتني..؟ عا الشاشتين

عصام يوسف

لمّا النظر داخ و على الشاشات شاش *** شِـــــــفنا بحرغـَزّة جرح من دون شاش
ما زال يَ ســــــليمان شاطر بالنقاش *** و فيك تعـــــــرف من مات و مين عاش
وصار عندك بالبنوك حـــساب كاش *** و من كل شاشه صرت عم تقبض معاش
ما بواخزك لولا تـَركـــــــت المنتدى *** بيجــــــــــوز يا سليمان ما بتحكي بَلاش

سليمان طراد
خوّفتني بقبض المصاري.. الباليّة***خوف النسورة...من الجبال العالية
الثعلب اذا ما داق عنب الدالية***بيـــقول...عنها حامضة..؟مش حاليي
غــــالي أنا...!!! وسآل كل الجالية***الفيها سياسة.. معارضة ..وموّالية
ووقّف بلاش...!!! قبال واجهة الدهب ***وعوّد عيونك عا العقود الغالية

عصام يوسف

بتحكي بْبحــور الموهبه و مْواجها *** و لانك خرج لا مْجابها و لا مْواجها
لا إنــــــت دهـباية ْ مرا عا تاجها *** و لا عقــــد غالــي داب عا ديباجها
إنت فزّيـعة قصــــــب عَ الواجها *** جـِبْناك تحمـي كـــــرومنا و إنتاجها
و لليوم بعدو هَ الحرامي عم يجي *** بـْيـِقطف عنب و بيدفشــك عَ سياجها

سليمان

فليّت قمل القافية براس الوحي***ومشّطت شعر الموهبة عا مسرحي
وخليّت وج البدر منّي ينتحي***ولو رحت من ها المنتدى رح ينمحي
سيّج كروم الشاعريي يا جحي***تا تضل وحدك تاكل الحق..استحي
جايي تا هدّ سياج مشتاوي عليك***وخلّي القصب عا جلدك.. وانتف لحي

عصام يوسف
هالمنتدى هيكــــــــل إذا بتـدمّرو *** بقيامتـــــــــي بتالت نهار بعمّرو
حاجي عيونك عَ الوهم يتسـمّروا *** يا ريت عا شمس الوفى يتسـمّروا
ليش زندك بالضــــــغينه تجمّرو *** و كان لازم عَ الحرامي تشـــمّرو
أكـــــبر جريمه كبّر براس اللئيم *** و إشــــتريلو سلاح منـّي و نمّرو

ضحّكتني...!!!وما قدرت...؟هدّي خواصري***فكّرت حالك...!! متل أبن الناصري
رح هدّ هيكل..؟ فوق راسك مهتري***وأمنع لصوص تبيع فيه وتشتري
حرامي التنك ما غش مرّة الجوهري***حاجي تلطّش بالحكي...!!لا تفتري
واللي بيسرق من حضن الله بيوت***بسوق الأدب بنقول عنّو عبقري

عصام يوسف
مشـرف قسـم الزجـل المميز من مواضيعه :
0 حلا منّو .. و فيه
0 دَير كتابك
0 أنا فاتح سماوي
0 نقر عَ الخفيف ...
0 كيف لو بتدق بالعشرين يا شفيق
تاريخ التسجيل: Feb 2007
الدولة: دبي
العمر: 34
المشاركات: 890

permalink

--------------------------------------------------------------------------------

يا ســـــــــليمان شو طبعك فكاهي *** صِــــرت تـِضحك تَ تلفت إنتباهي
نـْفخت بالون صــــــدرك قد جـرّة *** كأنـّك حاكـــــــــــــم مْدينة ملاهي

مَ شـَلله قصـــــــايدك نقشه و طرّه *** و كاتب كل حَــــــرف بْلون زاهي
خـَرج يتعلـّقــــــــــــوا جوّا و برّه *** على بواب المطــــــاعم و المقاهي

قلت بلكــــي في عندك نفس حرّه *** و بَدَل ما تتـّخذ موقـــــــف تجاهي
تركت اللص يســــــــرق كل مرّه *** من باب التكبّــــــــــــر و التباهي

و رغم كلشي زرعت فيك المسرّه *** و عطيتك هيبتي و عزّي و جاهــي
بس نســــــــــيت في كاسات مُرّه *** و "من تحت السواهي في دواهي"

إذا من حضن الله ســـــرقت درّه *** أنا إنسان واضـــــــــــــح اتـّجاهي
تَ صفـّي شــــاعر بحجم المجرّه *** باخد من حضـــــــــــن الله المحبّه
و بعطي الناس من ذاتو الإلهـــــــــــــي

يا سرّاق...!!! المعاني والدراري***تعا من الصيـــــــن تا تسمع قراري
قراري بالزجل للحق أشهد***وشهود الحق ما بتقبض مصاري

انا من جعفر...؟السارق..!!معقّد***سرق بو الطيّب...!!وجدد خياري
ونقل عا لغة المحكي..؟وجدّد***النقل بالفن..؟بعتبرو حضاري

انقلولي بعلبك ومليون معبد***تا خلّي العز ما يفارق جواري
وما بدي تبدعوا بجهل التمدّد*** اخترعتوا الحرب حتى عا الأتاري

وتا نرجع للأفندي وكيــــف فنّد***شعور الكبريا بنفخ الصداري
وعطاني جاه وعليي استأسد***وقال بيعجبو...!!! لمعة حجاري

بأول ملتقى تركتو مّمددّ***وبعد سنتيّن فايق تا يباري
قرّب قد ما بدّك تودّد***بغير الخمر ما بتنضّح جراري

انا بو شربل الأهداف سدّد***بمرمى كل شاعر كنفشاري
وحكمي عليك رح يصدر مأبد***انشالله فيك تتحمّل عياري

انا سرّاق عمرو ما تردّد***شفطّت الغيم تا اسقي الصحاري
وبها الأعياد يا يوسف تأكد***سرقت الوقت تا كمّل حواري

انت بالمنتدى مشرف مجرّد***من الأشراف...!!!تعيّينك أداري
ما عندك قاعدة..؟وشاعر معقّد***وحزاري تغلط بحقّي حزاري

انا باحث سرق...؟مليون منجد***تا ينجح بالمفاعل اختباري
وانت خلّاق تا يبدع ...!! استنجد***بفكر شيطان...!!!هدّامي ودماري

انت بالمنتدى ...!!!!الموقع مهدّد***الفزع ما يصير موقعنا تجاري
وما زالك مؤمن ..!!!الليلي تعمّد***عا ايدي واشكر النعمة لأنو
ما بدي عليك سجّل انتصاري

عصام يوسف

تأنّى لا تقطـّـــع عَ الحرف *** بالقرّادي المحـــبوكي
بين الحرف و بين الحرف *** قنابل ذرّه مشـــكوكي

شِعرك لوحـه بالتصـــوير *** من شجرة عيد الميلاد
مرّه عا أصـــفر بتصـــير *** و مرّه عا أحمر وقـّاد
و حتّى تشـــعشع بالتفكير *** لازملك وصلات جداد
و كهربجـــي فهمان كتير *** يشد اللمبه "بالسوكي"

__
شديّت ..!!عليك وما لقيت***شاعر يلقى شدّاتي
ومن شدّه..؟ زغيري طقيّت***وكهربتك من ردّاتي
تقّلت شويّي ويا ريت***لو تتحمّل كلماتي
ما شافوك على الوب سيت***متل القملة المفروكي

عصام يوسف

ما شـَلله عزمك شو شديد *** بالأفــــــــــكــار و بالأوزان
يا ريتك "ميشال شْــديد" *** و قلبك متلو مفتـّـــــــح كان
من كترة مانك صَــــنديد *** و بْـتفــرك قـَمْل و ســـــيبان
سمعنا عندك فلم جْـــــديد *** مع "أرنولد" و"ساسـوكي"

بو شربل... شاعر ما اهتّم..!!*** بأفلام العصر المحروف
وأشعارو ورد بينشم***وبالموقع ..!!شاعر معروف
لو أنّو القصّه.. ياعمّ***قتل ..وضرب ..؟وسحب..!! سيوف
كنت بمشّي نهر الدم***بين عنقك والسكسوكي

حلو كتير، خليتوني كمان اسرق بعض الوقت من قدّام أعمالي وأشغالي الكثيرة تا استمتع بهيك شعر عالي الجودي.