حكي وصمت بين حرف وسليمان

مشرف عدد الرسائل : 519 تاريخ التسجيل : 15/03/2008

سليمان كتب
وتم النقل حسب الطلب مع التركيز على الموضوع=====================

كنت افتكرتك شاعر وعندك وعي***تاريك عاشق لحوسي يا مدعي
ومن بعد ما شقفة لسانك قصّها***ما فيك الا تلحس المبرد معي

ما بقا فيك تغلط انت مقصوص لسانك هههههههههههههه
=============
رد حرف
اخرس انا لوكنت تفكيري نما = والمبرد شبيهك بحربي إنما
رح اقتلك والشعر منك ريّحو = وارثيك بالاشعار لكن بالوما
=======================
وسلامةّ قلبك بس بالشعر طبعا
========================
سليمان

وهلق بدي الموضوع خشّوا يا دفوف***اشتاقت خدود الموهبة تاكل كفوف
لوما لسانك بالزجل ما بتنعرف***بتضل يا حرّوف حرف من الحروف
==========================
حرف

بكتب بمحي بدون ما احكي بعجـل = وبالمنتدى كلـــــــــــو كتابة المرتجل
كل يوم ببعث ابجدية من الحروف = وقدموس تاني تعترف حرف الزجل
=============================
وانا اخرس رح بارزك يلا تاشوف

سليمان
بين الحكي والصمت موضوع ابتدا***شرّف نقال محاورتنا عا الهدى
تا نشوف حرف الأخرس اندار الحكي***بسكون ساكت بس عضوّ بمنتدى
=============================
حرف

ناقل الصفـحة شايفو متـل الملك = سكوتو ذهب ضبضب الفضة واستحي
باعث خيالو بنصب تذكاري إلك = تاتضل منو تآخذ فكــــــــــــار الوحي

=============================

صوت المدافع ولّع الجبهة وقصف***والريح متلو قبل ما يمطر عصف
ومن قبل ما تنطق الكلمة رح تشوف***عمرك بصوت الزاعقة بتكّة انقصف
ههههههههههههههههههههههههههههههه

مشرف عدد الرسائل : 519 تاريخ التسجيل : 15/03/2008

شوف القمر والشمس والنجـم الرهيـب = لا صـوت إلــهم لا سميع ولا مجيب
وهيـــك الفـــــرق بيـني وبينك يالبـيب = بميـزان عـــادل مانطق كلمة تعــيب
قضيت عمرك ثرثـرة بضــفدع غريب = ع النقنـقــة مافي حسيب ولا رقيــب
تعــلّـــم من شمــوخ الجبـال الصامـــتة = وكيف الإهابة بالشمس عند المغيـب
=============================

شو صار صوتك مختفي بالمنتدى***وما قدرت تفرض هيبتك شعرك سدى
كيف الجبل بتقول أخرس شو بدا***بيعزف كمنجا بالحقالي وبالودا
وحتى البحر بيصير يحكي عا الهدى***وبيعزم الحلوين عا وقعة غدا
عكسك انت بتموت عشبة يابسي***وعليك يا حرّوف ما بيسأل حدا

هههههههههههههههههههههههههههههههههههه

مشرف عدد الرسائل : 519 تاريخ التسجيل : 15/03/2008

سليمان لاتدفــــش كلامك دركبي = والصمـــت هوي علم أصـعــب ياصبي
عنو انرحت تاتزور مرة المكتـبي = بتشوف شو عنو انحكى بهــــــالتجربي
التفسير عنو كتيــر شغلي متعبـي = ورح خـبــرك من روح حرف الموهبي
يللي بربو مآمــــن ويوم الأخــير = يصمت وخــير يقول وصــــــانـا النبي
===========================

ما زال بالأديان فهمان وضليع***قلّي الحقيقة بالوصايا عا السريع
لوما المؤذن بالصلا صوتو بديع***ما كان للأذان قيمة يا فظيع
وصوت الجرس بالدير بوعّي الجميع***وحتّى الأمومة صوت والطفل الرضيع
وولادة الأنسان يا أخرس بكي***وفرحة الأهل بتنعرف بالواع وييييع
هههههههههههههههههههههههههههههههههههههه
واااع وييييع صوت الطفل وقت البيخلق ههههههههههههه

مشرف عدد الرسائل : 519 تاريخ التسجيل : 15/03/2008

بالمنــــتـــدى من دون مايسأل حدا = قاعــد خيالي شاقـــــــــط اللاح وبدا
صافن بصفحــــاتو على ابعد مـدى = بالصمــت إقرا كتاب لكن ع الهــــدا
الإيمان بدو صـمت وسكون وهـدى = والصــبر بدو سكـوت من أمس وغدا
ولوما سكتت بالصيد نقزّت الحجال = وطاروا بدون قواس من هالمنــــتدى
=============================
هههههههههههههههه واع ويييع منين دقيتها هاي هههههههههههه

شاقط خيالك بس لا تزعج حدا***وخليك متل الخلد قاعد عا حدا
صوت الحجال الزاعجك بالمنتدى***خلّاك حرف العبقريّي بالشدا
ورح فهّمك يا حرف لكن عا الهدى***بنبرة خفيفة بس عا ابعد مدا
دقّة الكاس بديننا علامة فرح***ومن دون صوت الكاس ما بحب الغدا
ههههههههههههههههههههههههههههههههههههههههههههههههههههههههههههه
ومنين انتي جايب شاقط خيالي ههههههههههههه

مشرف عدد الرسائل : 519 تاريخ التسجيل : 15/03/2008

لومــا الصمت بنبيذ راقــــد بالجرار = زوم العنب كان خل بدل الخمر صـــــار
ومـــن قبل دق الكاس ببيوت العـمـار = لوما الصمت مابيفرحوا فيها كثـــــــــار
سليمان إسأل بو أسامة بإختــــبـــــار = صمت الخمر مفروض عن هيبة ووقار
وشوفو الحرف ع شكل لوحـة معلقة = بتعبيرها بيـتمعنوا مخـــوخ الكبــــــــــار
=========================

زرزق نبيد وصب لا تشغل البال***نسر البلاغة ما بيغفا عا التلال
وخلّي الموسيقا صاخبة وشرّف نزال***عا ساحتي وبالفلسفة شد الحبال
خش الدفوف بيجبرك عا الأرتجال***وايّاك تسكت عيب ...!!!مش هيك الرجال
صمت الظلم بيعلّم الناس الكفر ***وصوت الضمير بينقذ ولاد الحلال

كيف بتشفلي زرزق ههههههههههههه

مشرف عدد الرسائل : 519 تاريخ التسجيل : 15/03/2008

بالصمت حرف المرجلي محــتــــلــها = دقيقةّ صمت ع الروح عندي مألهة
يمكن لأني اتقنت فكرة بجلـــــــــــهــا = وزر النوايـــــــــــا حمــــلــوني كلها
شوف الشمس لما بيشرق ضـــــــلــها = بالصمت ضوت ع الخلــيـقة مطلها
وشاعر العندو موهبي وحر الضمـير = سارح بصمتو النفس يروي غـــلها
============================
وكيف بتلاقيلي وزر النوايا هههههههههههههههههه

في هذا الموضوع الجميل اعجبني جواب سليمان في دقة الكاس التي لا يلذ طعام بدونها، ولها نكهتها الخاصة في ثقافتنا، غير أن رد حرف أتى متينا في كلامه عن هدوء عصير العنب ليصير خمرة الوحي على حد قول جبران خليل جبران...
وتستمر المعاني العميقة والطرافة الصامتة والمتكلمة تتدفق من شاعرين كبيرين يحسنا استخدامها وتطويعها. فإلى المزيد والأفضل الذي نحن بغاية الشوق له.

دقيقة صمت مظبوط عن روح الفقيد***فيها بلاغة من الحكي تا نستفيد
وبعد الدقيقة ليش قلّي عا الأكيد***صوت البيصلّو بينسمع متل النشيد
يا حرف عن موضوعنا حاجي تحيد***خليك ساكت متل ما بدّك وزيد
عا شرط كلما تقول ردّة بالوما***انقلّك بقلب المنتدى...؟ صوتك ..!!فريد
هههههههههههههههههههههههههههههههههههههههههههههههههههههههههه

" وبعد الدقيقة ليش قلّي عا الأكيد***صوت البيصلّو بينسمع متل النشيد"
...
"عا شرط كلما تقول ردّة بالوما***انقلّك بقلب المنتدى...؟ صوتك ..!!فريد"

رد موفق

مشرف عدد الرسائل : 519 تاريخ التسجيل : 15/03/2008

كوبيلو كرمالك هالحكي بس شوف لما بدي حاور قرود الموهبي كيف بيردوا
1
نهج البلاغة السطّرو السيد عـــــــلي = كرّم البــــــاري خلقـتو وقدرو علي
بيقول كلما العقل زاد بيعـــــــــــتــلي = وقل الكلام بشخــص عالي المنزلي
حتى بهيبة أو دوا مشـــــــــــــبه إلي = بينفع قليـــــــلو كثــير كثرو مشكلي
ولقمان قال الناس لو افتخروا بحكي = ضلك يا إبـني بحسن صمتك أولي
======================
2
سليمان صوت الطبل مـش إسلــــــــــــوبنا = والصــمــــــــت للخلاق زاد قروبنا
بالصمت جينا اليوم نمحـــــــــــــــي ذنوبنا = ولوحــــة طبيعية الشفق ع غروبنا
وقرط الحكي بيزيد صــــــــــــــــار عيوبنا = وشاشةّ حاسوبك صامتة ومطلوبنا
تقرا بصمت ع شاشتو . وصمت الكبـــير = الرامـــــات هني الذاكرة بحاسوبنا
=======================
3
حاجي متل صوت النوريي هـــودسي = بتزلغط وبتـكّــــــــــر عامل مجرسي
علم النفس بدو ثـقـــــــــافي ومـدرسي = وصفنةّ خيــــــــال بفيلسوف مأسسي
وليك الأرز صامت اذا ريحــــك قسي = وبالصمت خلّـــــد ع جبال مرووسي
وصمت الشجر طعماك من خيرو ثمر = وصوتو وحفيفو هرهر وراقو ونسي
=============================
4
سليمان شوف الصمت بعد الإختـــبار = بدو قراءة بمحكمة وعدل وقـــــرار
ليك المكاتب صامتة بهيبة ووقــــــــار = والسر بدو صمت مــــــــابدو خبار
حتى الغيم بالصمت ماشي بلا عيـــــار = من دون صمتو ماعطي الغلي بذار
ولوما القمح يصمت لصوت المطـحنـي = ماضل بالدنيـــــــــا كبار ولا زغار
===========================
5
الدخان ياسليمان صامــت مــــاحكي = ويامــــــــا العدو استخدمو بالمعركي
اتفرج على اكبر قـــــــــــلاع مشبكي = عواميدهـــــا بالصمت صب البرمكي
وبعلبك وصيدا وصـور مشـــــاركي = نطحوا السما وبالصمت فلسفةّ الزكي
من هيك صمتي ورد تايفوح العبير = وفــــــرم البصل بيحدحد عيونك بكي
==========================
6
ياخصـــم مهما يكون في عندك مـرام = لسانك ع شكل فراش عم يفتل قوام
الصمـــت زيني والسكوت بشكل عام = متل السلامي بالنهايي والختــــــــــام
بداء الصـمت لومـتـت بضربلك سلام = بيضــل افضل من دوا مثرثر غلام
بصمتي عملت عاقل يامجنون الحكي = ومجنون يحكي وعاقل بيسمع كلام
==========================
قصيد ختام كمان ياكوبيلو ههههههههههههههههههههههههههههههه
اصمتي ياريح ع زهور البوكايي = إخرس يارعــد فالق سمـــــــــايي
هزيم الرعد مزعـــــج كل وادي = وسكــون الليل ياسعدي وهنــــايي

انا ماكان بدي بصمت عـــــــادي = ومع برهـوم رحنا للنهـــــــــــايي
حكيتو والحكي ولّد اعــــــــــــادي = ياريتــو الصمت لفو عن هــدايي

صمتي رسم بدو جـو هــــــــادي = حديثك نقنقة بقلـب القنـــــــــــــايي
سكوتي صار لوحــــة من بـلادي = خلاّبي المناظــــر ياضنــــــــــايي

وابو شربل اذا عامل منـــــــــادي = ردّي ياكــــــــــــــــواكب ع ندايي
صمت قدموس تايجيب السعــادي = حفر ع الصخـر حرفو من البدايي

الصمت للموت عنوان المبــــــادي = الصمت مــش ثرثرة متل الحكايي
الصمت بالحرب بتحبوا القيـــــادي = الحكي عم يكشفك من وين جايي

الصمت مفروض لو زرت العيادي = بلا إقـــلاق راحــــــــــة والروايي
الآية لفها صمت العبـــــــــــــــــادي = واذا ماصغيت ع حـرفـــي تاتفهم
صعبي ترتقي ع مستوايي
=============
هيك حرف ياكوبيلو بيحب فابقى ياريت بتسأل اللي قللك بدو يبارز
اذا في لهالحمل خلال ساعتين وانا حاضر

الوداع ياسليمان وباي
حرف

1
نهج البلاغة السطّرو السيد عـــــــلي = كرّم البــــــاري خلقـتو وقدرو علي
بيقول كلما العقل زاد بيعـــــــــــتــلي = وقل الكلام بشخــص عالي المنزلي
حتى بهيبة أو دوا مشـــــــــــــبه إلي = بينفع قليـــــــلو كثــير كثرو مشكلي
ولقمان قال الناس لو افتخروا بحكي = ضلك يا إبـني بحسن صمتك أولي
======================
1
صمت الأفاعي سم والكرّة حجل***وصوت المدافع نار والدخنة أجل
يا ساكت بوج الظلم حاجي دجل***ملوك العرب خلّوك اخرس بالعجل
سكوت العرب عن مجزرة غزّة خجل***ولو كنت مصري فتحت معبر بالعجل
وجبلي يا مستر حرف منبر دون دف***تا جيب شرلي شبلن يرندح زجل

لا ترد بترجاك خليّك ساكت راجعلك هههههههههههههههههههه

2
سليمان صوت الطبل مـش إسلــــــــــــوبنا = والصــمــــــــت للخلاق زاد قروبنا
بالصمت جينا اليوم نمحـــــــــــــــي ذنوبنا = ولوحــــة طبيعية الشفق ع غروبنا
وقرط الحكي بيزيد صــــــــــــــــار عيوبنا = وشاشةّ حاسوبك صامتة ومطلوبنا
تقرا بصمت ع شاشتو . وصمت الكبـــير = الرامـــــات هني الذاكرة بحاسوبنا

رد سليمان

بالع لسانك والعيون منفنجرة***ودابغ قبالي متل كعب الطنجرة
صمت الزكي خلّى البلاغة مصبّرة***وصوت الحقيقة بيطلع من الحنجرة
تركني طبل جمّع صبايا مزنّرة***بدبكة جميلة بقلب ضيعة عامرة
ولا كون متلك بو بريص بلا لسان ***بزرق عيوني كل ما تمرق مرا
هههههههههههههههههههههههههههههههههههههههههههههههههههههههههه
كيف شفتلي بزرق

حاجي متل صوت النوريي هـــودسي = بتزلغط وبتـكّــــــــــر عامل مجرسي
علم النفس بدو ثـقـــــــــافي ومـدرسي = وصفنةّ خيــــــــال بفيلسوف مأسسي
وليك الأرز صامت اذا ريحــــك قسي = وبالصمت خلّـــــد ع جبال مرووسي
وصمت الشجر طعماك من خيرو ثمر = وصوتو وحفيفو هرهر وراقو ونسي
=============================
صمت البنا مرفوع من صوت الحجر***وصمت البشر معروف من كترالضجر
لا في نور بتحب تحكي ولا غجر***لوما الحيا بركان من دمع انفجر
ضيق الوضع خلّاك تهجر عا مجر***وبالمنتدى صوت الحقيقة ما انأجر
وقّف متل شي بووم مقطوش اللسان ***واشحد بيوت من البلابل عا الشجر

ههههههههههههههههههههههههههههههههههههههههه خليّك ساكت لا ترد راجعلك بكرى انشغلت اليوم

تعا شوفو كيف سليمان مستأسد لأنو سبع الغاب غاب. آخد مجدو ومكتر. خذوا هذا القول القطع مني: سكوت حرف هو سكوت العاصفة التي إن أتت ستقطلع كل الشوك من طريقها. أنا أكثر من يعرف حرف، عرفته من كل كلمة كتبها، وكل حرف رسمه قصيدة دهرية، حرف يا أعزائي يتنفس شعر، يحلم شعر، يكتب شعر، حرف: "ينام ملء جفونه عن شواردها، ويسهر الخلق جرّاها ويختَصِمُ".
خذ مجدك الآن يا سليمان واضحك بعبك ودعني أردد مع الشاعر:
"ففي العرينة ريح ليس يقربه === بنو الثعالب غاب الأسد أم حضروا"
وحاشاك يا سليمان من الثعلبة، وافهم القصد.
نعم يا سليمان... في انتظار عودة حرف، انتظر حرب.

سليمان شوف الصمت بعد الإختـــبار = بدو قراءة بمحكمة وعدل وقـــــرار
ليك المكاتب صامتة بهيبة ووقــــــــار = والسر بدو صمت مــــــــابدو خبار
حتى الغيم بالصمت ماشي بلا عيـــــار = من دون صمتو ماعطي الغلي بذار
ولوما القمح يصمت لصوت المطـحنـي = ماضل بالدنيـــــــــا كبار ولا زغار
===========================

رد سليمان

حردان من برهوم حاجي مهزلي***برهوم شاعر دوم عندو منزلي
وانتي يا ليلى غياب حرف تحمّلي***الندّاب فوقو صار جتّة محمّلي
مبارح بو شربل كان عندو مشكلة***وجايي الحقيقة اليوم يحكي كاملة
صوت الرشح بينبّهك تاخد دوا***وصمت البحص بالدم متل القنبلة

هيدا ها البيت من وحي الوجع لأنو كنت بالمستشفى مبارحة اجتني بحصة ووجع لا يحتمل هههههههههههههههههههههه

5
حرف

الدخان ياسليمان صامــت مــــاحكي = ويامــــــــا العدو استخدمو بالمعركي
اتفرج على اكبر قـــــــــــلاع مشبكي = عواميدهـــــا بالصمت صب البرمكي
وبعلبك وصيدا وصـور مشـــــاركي = نطحوا السما وبالصمت فلسفةّ الزكي
من هيك صمتي ورد تايفوح العبير = وفــــــرم البصل بيحدحد عيونك بكي
==========================

سليمان

شكيّت أبرة بعرق حرف وما شكي ***فكّرت ميّت ...!!!بس بلّش بالبكي
وتا ضحّكو بلّشت فيه الزكزكي***تا ري الخواجا مطنّب خدودو وتكي
شو ها المكش ومعتبر حالو زكي***وليلى ما بعرف ليش كل مشاركة
بتقول انّو حرف زلمي بالزجل***وبيضل متل القرد صايم عا الحكي
ههههههههههههههههههههههههههههههههههههههههههههههه

ياخصـــم مهما يكون في عندك مـرام = لسانك ع شكل فراش عم يفتل قوام
الصمـــت زيني والسكوت بشكل عام = متل السلامي بالنهايي والختــــــــــام
بداء الصـمت لومـتـت بضربلك سلام = بيضــل افضل من دوا مثرثر غلام
بصمتي عملت عاقل يامجنون الحكي = ومجنون يحكي وعاقل بيسمع كلام
==========================
رد سليمان
ما دام بدّك فلسفة وحكمة ومقام***لا تروح تحكي طب عا وجّك ونام
موقع بو شربل يا حرف عندو نظام***البيضل ساكت فيه قلل احترام
وتا خبّرك بالشعر قدّام الكرام***واحكي الحقيقة الجارحة وبوجه عام
لمّا بيحكي هون بوشربل دهب***ولمّا بتسكت انت بتغلّي الكلام
هههههههههههههه خليّك ساكت حتى يغلى الكلام ههههههوبين النوبة والنوبة عم طقك

يا نوبات البحص نتفي ارحميني***تا كفّي محاورتنا دشّريني
اتركيني فجّرك بالعمر مرّة***قبل ما تغلطي وتفجّريني
عرفت نوباتك البصمت مرّة***وألك يومين عم بتعذبيني
اذا الليزر عليكي مرّ مرّة***بيحرق دينك ودين الضغيني

وانت يا صمت عشت بقلب جرّة***اعطيني مي من صوتك اعطيني
لأني عا الأرض مجرور جرّة***شلحني الأخ تا أوقف ما فيني
ومازال الصمت يا حرّوف جرّى***وميل بينحت ب بحصة تخيني
انا قررّت جر المي جرّة***تا اشلح بحصتك محروق ديني

انت بتقول أنّو الناس حرّة***تسكت عا الظلم .. يا ديك تشيني هههههه
كفاك تطل عا شاشة الحرّة***سكوت..؟؟ وروح ..!!!اسكن بالمدينة

انت بصلة طويلة بس حرّة***مع الخلّاط وشويّة طحيني
بنفرم راسك وبنحط قرّة***وليلى وعين كوبيلو يدوقوا
سلاطة طيبّي ب بصلة حزيني
ههههههههههههههههههههههههههههههههههههههههههههههههههه

وهلق اذا بدك تترك المنتدى احلا صرت مفروم هههههههههههههههههههههههههههههه

سلامتك يا سليمان وتصير عال العال. ومش بحصة، مقلع ما يهمك.

مشرف عدد الرسائل : 519 تاريخ التسجيل : 15/03/2008

تعا ياشعر مــــــابـيـنك وبـيـنـي = عـــــــــاتبـني اذا مابــسد ديني
انا وهمس القوافي الصمت لفـنا = بإشـارة ولغـــــز فاتح عينـتيي

اتحفنا ياقمر صــامت اتـحـفــنـا = جنـود المــوهبي رجحوا بعيني
الصمت بكتابنا الجالس ع رفنا = الصمت بالعطر جوات الجـنيني

وغياب الحرف مين الحب شفنا = الما دشّر منتدى بلا فـرك ذيني
الحرف لو غاب كلمــتكم بتفنى = ولأنـــو السبع مابيترك عريـنـو
وع راسو يسرح بغابو الحصيني
============
اول شي سلامتك ياسلمون
تايوجد مزحك كثيرو وقلـيــــلو = طريق يخلصك مني بسبيلو
وبعام جديد حاجي تضل جاحد = القـوافي وربها المافي بديلو
الإلو إسبوع من حروّف شـاحد = قوافـــي بكرها تطيب عليلو
افتكر انو ابتدى بنيسان واحـــد = وحجة ما لقا تالحرف يقنع
بكذبو الأبيض بيشفي غليلو
==========
واذا عنجد كنت مريض مرة تانية سلامتك أما إذا بعرف تهرب من الموضوع ياويك من حرف
انت وغيرك وعلى فكرة صرت رح طق بالموضوع بفرد ليلة وريّح راسي وخلي خصمي معو
من الوقت جمعة تايرد ههههههههههههههههههه بلكي بيآخذ راحتو ... بس على فكرة نسيت شغلي
اذا حدا بيفكّر حرف تارك المنتديات بيكون عم يحلم وبشكل خاص سليمان وعمار ياويلكم مني
هدوا اجريكم من هون وهيك ورررررررررررررررررررر عليهم ..... واللي بدو يبارزني ارتجالي
ع الماسينجر أول بريد لاء التاني كمان لاء ثالث بريد !!!!!!!!!!!!!!
كمان لاء وبريدي بتعرفـــــــــــــــــــــــــــــــــــــــــــــــــــــــــــــــــــــــــــــوه

» شادي موسى وسليمان طراد نص وكل
» الثنائي حرف وسليمان
» حبيب وسليمان والصورة
» عدنان وسليمان نقد زجلي
» التعليق ع التحدّي = محمّد وسليمان