يلا يا شباب موشح

عصام يوسف
لومهما الشـاعر فكـّر *** حــالو نِسْـيان
بيت الشـِعــر بْيـتزكـّر *** بيت الجـــيران

سليمان
شعب الجوّوه ماتعكّر***عمرو ما احتج
ولو جابو اكبر عسكر***بالعركة انزج
ولو ميّة معبر سكّر***يا غزّة الحج
عليكي واللي بيتنكّر***أكبر شيطان

حسن كوثاراني
أعقل لا تنده جارك ... جارك مغشوش
من شارون بيتبارك ... يدعيلو بوش
لهبة نارك من دارك ... لا تنادي وحوش
مبارك موقعنا وبارك ... خيي سليمان

سليمان

دعيتوا القمّة وما حضرتوا***وقلتوا في بُعد
ومعبر غزّة سكّرتوا***وما شبعتوا بعد
وعدتونا بحل وصرتوا***تمطّوا بالوعد
متل اللي بيوعد مرتو ***بأول نيسان

وعد الكاذب مرمطنا = وشفنا الأغـلاط
بدون لسان بيربطــنا = وأوثق الربــاط

الفرّق فينا وفرفطـنـا = وعدك ياشبــاط
ومين البدو يزمطنــا = بغزة ولــبـنــان

* * * * * * * * * *

بتندب لبنان وغزه ... وقاعد بالقصر
مصّلي ل لات وعزه ... وحاجج ب مصر
كف رح تشعر بالعزي ... وأمجاد النصر
وعم بتولول وتعَزي ... متل النسوان

سكوتي من تبــر مقـضي = بقصر الأبطـــــال
لو شايف حكيك فِضــــي = بيطلع بطــــــّــال
مابـــــــــدي وقتي مـضـي = واعمل رئبــــــال
أشـــرفلي إندب حـــــظي = ع هالعربــــــــان

* * * * * * * * *

هالخيبر صعب يخلي ..بسمتنا تصــير
خلى لبــنان لفـــــلي ..ينضام كثــــير
وهيك بغزي لمحتلـي..زرعهـا تعـــثير
وخايف هالمحنة تملي ...ارض الجولان

افكارك عيب ان سبت = نسـوان قــلال
فلتحـــــــيا الام الربت = للحرب رجال
والحجة بـمصـر تخبت = حتى الدجــّـال
مانشوف بكفـرو ثـبت = حرب الإديـان

ب كلمة حقق حلمي ... وكتبلك حرف
بنورو يزيح الضلمي ... لا تغض الطرف
لا تدعي لحل السلمي ... خصوصي بهالضرف
أضعف أيمانك كلمي ... ضد العدوان

الأم اللي ربت ناصر ... ع فعل الخير
ربت متوطئ قاصر ... تابع للغير
حتى تشدْ الأواصر ... جامع وادير
مطرح م صلا الناصر ... ردو اللي كان

مين اللي عنـي قلـك = رايـح للسلـــــــم
مقاوم بالأسم محلك = بتحـيي الزلـــــم
نحنا النصر منعملك = تاتحــــقـق حلم
تعلم ع الدرب بدلك = كيف الشجـعان

* * * * * * * * * * * *

كل إم وإلها عوايـــــــــد = مـابتترجــــاك
بتنجب شو ربك رايــــد = ورد وأشــواك
و مافيـــــــك علينا تزايد = زرنا الافـــلاك
ومن نوع الخاين قـــايد = تبعث خــــوّان

********************

د

د معة ام لبتربــــي ... عن سبع بحور
والخلفة نعمة ربـــي... جابتها نمـــور
ويلي خايف متخبي ...من نور النــور
ما بيطلع عنا حبـــي ...بعزم وايـــمان

ياجايي تخوّن خييك ...لاتخطى حدود
اسأل بالاول بيك ...عن اقوى جنود
نحنا اللي حمينا حييك ...مابين اسود
لاتغدر تبقى بفيك ...أرض السلطان

[quote="عمار البراضعي"]

مين اللي عنـي قلـك = رايـح للسلـــــــم
مقاوم بالأسم محلك = بتحـيي الزلـــــم
نحنا النصر منعملك = تاتحــــقـق حلم
تعلم ع الدرب بدلك = كيف الشجـعان

* * * * * * * * * * * *

كل إم وإلها عوايـــــــــد = مـابتترجــــاك
بتنجب شو ربك رايــــد = ورد وأشــواك
و مافيـــــــك علينا تزايد = زرنا الافـــلاك
ومن نوع الخاين قـــايد = تبعث خــــوّان

********************

[/qu
ي ســـاكن بعينيي ... لا تعمل فرز
جبينك شمس الحريي ... مبروزي برز
الأمة البتجيب سميي ... عتراب الأرز
قبلة للأنســـــــــــانيي... مهد الأنسان

أمس بحفلة غريفي ... حمّام العين_
حملتك كحلي ع ريفي ... ببو العين
قرعة عمار نضيفي ... طولا ذراعين
كرامة قرعة هالريفي ... بحبَ القرعان+

[center]

غزّه خللتنا نبكي
ونزيد دموع
كنا نلقط عا الدبكة
بين ال المجموع
محبوكة الخدعة حبكة
فهمنا الموضوع
علقنا أسماك بشبكة
ومات الخلقان

اشتقنا للمنتدى وللأحباب رح اتصفح المنتدى من جديد

حسن كوتراني كتب

ي ســـاكن بعينيي ... لا تعمل فرز
جبينك شمس الحريي ... مبروزي برز
الأمة البتجيب سميي ... عتراب الأرز
قبلة للأنســـــــــــانيي... مهد الأنسان

أمس بحفلة غريفـــــي ... حمّام العيـــن
حملتك كحلي ع ريفـي ... ببو العيـــــن
قرعة عمار نضـيـفـي ... طولا ذراعين
كرامة قرعة هالريفي ... بحبَ القرعان

********************

رد عمار

سميي قبلك بن يـــاسـر = أو بو عــمار
وع الإسم بتطلع خـاسر = بين الشــعار
واحد للإعدا كــــــاسر = بين الثــــوار
وواحد بدماغــو آســـر = كفر الإيمـان

* * * * * *

بالعتـمة بضوّي شمـوعي = تاشـــوف الشوف
وع نهرو صب ولـــوعي = والوحي يطـــوف
ولو ريفك حمل دمـــوعي = بتحكي مكشــوف
وكل قرعة بين جموعــي = ترجّح مــــــيزان

* * * * * * * * * * * * *

شَعري مكلل بالشيبي ... وبحْب الشيب
وشِعري من مجد شعيبي ... وبحب شعيب
وأنتو قرعتكـــن عيبـــي ... وما قلنا عيــب
شمشون العنــدو هيبي ... شَعرو العنـــوان

يا عمار ميسرني ... بشعر الموزون
الشوف الغالي اسرني .. طيفو الميمون
حتى لــــو بتكســرني .. بقلك ممــنون
والجولي بتخسـرني .. صاحب . ربحان

شمشون بشعرو تهنا = الصلعة مش عـار
بأعظم منو بتكـــــــنـا = الجيشو كــــــرار
أجمل حكمة بموطــــنا = من شعرا كـبـار
مــاتقاتل لما غــــــنـا = زين وحـمـــــدان

* * * * *
تســـــلملي كلما بتحدي = جوهر غنـيـت
اللي بيجحد فضلك جحدة = إيدو شــلــيـت
اتخاويـــنا وصرنا وحدة = بس ان فليـت
كل المــوقع مش وحدي = بيطلع خسران

* * * * * *

شمشون تعِلم مني ... القوي والبطش
وبيسكت لما بغني ... لا تلطش لطش
حتى تبين حد مني ... وتكفي المطش
يا قرعة لا تتكني ... بشعرات فلان

بو رواد وبو شادي ... وشعيب كبار
غلو ع الغصن النادي ... بتم الأزهار
وتاما ابقى متمادي ... عملت ل عمار
عينيي جرن عمادي ... وقلبي قربان

من حمكةّ شيـخ معلم = ع حلق الراس
قلتلك مني تعلـــــــــــم = لاتكـــز دراس
من فتوةّ أصلع سلـّــــم = نهجو بينبـــاس
جاوبني ورد تكـلـــــــم = دخلك شو كان

* * * * * * *

بو رواد وبو شـــادي = مع موسى زغيب
عطيوني خير شهادي = مابتعــــرف عيب
ولو بعدو زين الهادي = وقعــــــها شعيب
ومن قربانك بالنــادي = بيشـبع فــــنــــان

* * * * * * *

يا موقعنا الحبّونا***فاتوا من جديد
وبمحبتهم طقّونا***وما مدّوا الايد
الشيخ بيطلب والبونا***قال من بعيد
حاجي موشّح خلّونا ***نسمع قصدان

ع السريع تكرم بو شربول

تزكرتك يا ابن الكــــــوتـراني = عند ماكانت عيـونك تراني
شفتك وقتها بحفلة غريــــــفـة = وتلاقوا الـــمعاني بالــمعـاني

انا قلام الوحي عندي مضيفة = وبنات الموهبة بتعشق لساني
خطبت القافية الحلوة الشريفـة = وكتبت كتابها بعرس الغناني

طلعت ع مطهم الخيل العنيــــفة = وفتقت الغيم تاشتى عياني
وتاإمحي بشعرنا الكلمة السخيفة = الرسالة حملتها بعنقي امانة

انا مابنزل بعركة ضعيفـــــــــة = ولا تشبهت بفلان الفلانــــي
القوافي بسكب بسرعةّ قذيفـــــة = الغزارة بتسبق مدافع ميداني

ان قلت عمار ياكحلة ع ريفي = الواجب ارفـعــــك اعلا مكاني
وعند ماتبلش حروب العنيـفة = إلك مخصوص ببعثلك حصانة

لاتفزع بعمل العركــــة خفيفة = لأنـــــــو عليك مابيقسى حناني
ويا أهلا فيك بتضلك حليفـــي = لأني عرفــتـك بشعر الأصالي
ابن ارزة عتيقة وسنديــــاني

* * * * * * * * *

--------------------------------------------------------------------------------

شيخ بيسبق ع الجلوي ... جناحات الطير
وطاهر ثابت ما بيلوي ... عن درب الخير
مشم متلك شاعر بلوي ... وبي عكس السير
قلنالو الحلقة حلوي ... وشو جنتلمان

شعيب وموسى وبو سمرا ... بيطيب الذكر
لأحساسي متل الخمرا ... اءلهام وفكْر
وعمَار معمر عمرا ... بأفكارو البكر
وانشالله بيبقى عَمرا ... بعمر الأزمان

ع حالي اتركني مقوقع = بكتــاب كبير
بقدملك هوي امّـــوقـّع = ديوان يصير

وبالموقع شو بتتـــوقع = غير التعـبـير
بتشرفيك صار الموقع = أكثر عمران

* * * * * * * * * * * *

يا عمّار ب حروف الكتابي *** صورة عنفوانك والصلابي
متل ما فيك عزة نفس فيي *** وبصدري متل ما بصدرك رحابي
أنا بعْتزْ لو تقسى علـــيي *** لأني بعشق الطلي المُهابي
متل ما بعشق الخمرة الشهيي *** اسقيني الشعر من أعتق خوابي
واءذا عندك غزارة شاعريي *** بشرط ما يكون أسلوبك رتابي
قصفني ب قذائف معنويـــي *** وبقلبي ريتها تكون الأصابي
يا أرض الشوف يا أرض الحميي *** ي جنة للتصابي والصبابي
أبن عمك حسن باعت تحيي *** لبو سمرا الوفي من أغترابي
شفت ع منبرك طلي بهيـــي *** متل طلة سبع ع قلب غابي
على المنبر شفت عمّار خيي *** أنا بحكي بأصلي ع غيابو
وبيحكي بأصلو ع غيابي

رجع عمار يبنيلك عـــــــمـــارو = ع أعلى صـروح للشعر بوقـارو
صدر البيت سجـــــــلك بـإسـمك = وإلي العتـبات طــــوبـلي بــدارو

رجعت إعتز بوجــودك برسـمك = بشعرك خي روحـي بإعـتـبارو
وفخر بالشعر حتى كون خصمك = نعلّم غيرنا الأخـــــــوي تباروا

ممكن لوكنت انـــــسان إســمـــك = من غيـرو بتــقــل دمو وعيارو
قذايق بضربك تاشـــــل جسمــك = المفاصــل فكـفك وإقطع خبارو

لكن بعد مالقيـتك بقـســـــــــــمـك = مــبـــــدع خمّر الخمرة بجرارو
كسمي ما فــرق بالأصل كسمـك = وابن الأصل مابينسى الأصالي
ولابيفرق مسارك عن مسارو

* * * * * * * * *

ياعيني بسلسبيل الشعر طوفي ** وعلى عمّار وسليمان طـــوفي
ت أكسـرْ عطش قلب الحبايب ** عصرت الروح تا أسقي ضيوفي
يا دار العزْ يا دار القرايـــــب ** حُبك دَين جينا الدُين نـــــــــو في
بربوعك حلا العنقود طايب ** قالت جود حاتم من كفــــــــوفي
قلت عنِكْ ملاك الطهر نايب ** قالت معبَد النســـاك صـــــوفي
قلت خيي ال عَنو كنت غايب ** شوفي. وعا المنابر رح تشوفي
في خيين عندن رأي صـايب ** تا يبنو بَيت عا عمّــــار مــوني
وانا بعَمْر بي بيتو من حروفي

حسن لاتروح تاضل مقــــابيلك = بطهر الروح مابـــلاقـــي بديلك
عالي صروح نبعك كوثــــــراني = الورد بيفوح عطــرو ع سبيلك

أنا من بقاعنا الباقي ضمـــــــانـة = عتيق الخمر من أرضـو هاديلك
معي سليمان من ذات المكـــانــي = خليل النت رح يبقى خلــــــــيلك

قصدنا نشوف شو عندك معاني = المديـنة حروف والمــوقع دليلك
بدون دفوف قدمت التهانـــــــــي = بجنوبي وشوف وشمالي زميلك

ولأنك خي أفكــار الفطـــــــــانـي = متلك ماشفت بــــــــــولاد جيلك
حُسن نية بجــمال الخُلق بـــــاني = وبحسن الصيت بتعـمـّر جميلك

قلت مجبور عمـّرلك مبــــــانـي = وإسمـــــك حـلـل وشفت بإيميلك
أول حرف من إسمـــك وتــاني = حس الكــــــــــوّنــــــو الله تاينبع
على مفرق الجنة بسلسبيلك

* * * * * * * * *

تعا يا شعر ع مخدة سراري ... أغفا وأحلم بطلة نهـــاري
وكلما تشوف غيم الليل كَشْح ... بَشْر فجر ألهامي الحضاري
انشفت عمّار سارج مُهر أصبح .. على جنوبي ومارق حد داري
يا أسماعيل أبنك قوم أدبــــح .. وكَرّم صاحبي وخيي وجاري
أنا ما كان قصدي جوخ أمسح .. بمدح الشوف ت يزيد اعتباري
م شعري بالعروبي دَمْ ينضح .. وقلبي أممي ودمي يســـــــاري
وأذا سليمان ي عمــار لمْــح .. ت يقفرني ب ميدان التبــــاري
لأنو ملَعّب ودوري منـــكـــح .. قصدو يلوَن الشعر الحــــواري
وما زال الأسم بعيونك توَضْح ..والكوثر بقلبك نهر جــــــــاري
أذا عَمْرت بالفردَوس مسرح .. الجنة قايمي بأسمي وفــــعلي
ونهري اللي عم بيسقي الحَوَاري

تعــــــــي يا ملهمة بفكرة رزيــنة = هديـــــــــة قدمي عني بزيــنة
على جبيني اعبسي بشعر المقفى = الزجل والنثر خلقوا ع جبيني

ابو النـــــــــــواس قبلي كان قـفـا = قناني الخمر بليالي السكـيـني
وكاســــــــي بشربو بعدو مقــفى = وخمر الشعر سكرو مـا إذيني

حسن بالشعر زيت الحب صفى = وع إبراهيم نادى بلا ضغيـنة
ضحّى بطفل لكن مـــــــــاتــوفـى = تحوّل كبـــــش باليد الأميـنـة

وانا الأولاد بالضيعة بـّـــصــفّا = واذا ماكفت منجمع مدينـــــــي
وبذبح عجل صيت الطي طفـى = ان قال البرمكي زيارة جاييني

وإجا سليمان متلك وهــج دفى = وطلع ع النت ضحكتلو سنيني
واذا الإطراء مسحـةّ جوخ صفا = انا بالشعر مابشطب حنيـــنـي

عن الذمة حكي وألوان كفــّــــى = ومافـرّق بـ دينو وبين دينـــي
نــار الجهل بين القمح طفــــــى = قبل مـاتـاكل الغلة الثمـيـــنــي

وانا بالشعر شاعر مش معـفـّا = تاإقـفر جوهرو ونوع الخزيني
المتلك شايفو كفى وفـــــــــــّـى = وحواري العِين ع منابر زجلنا
خلقوا ع يسارو وع يميني

* * * * * *

» موشح رصد
» موشح العمر عادم
» شميلة موشح facebook
» شو يا شباب ما في ترحيب!!!؟؟؟
» عا الطبخ يا شباب