هجوم بلا وعي

موضوع: هجوم بلا وعي الخميس فبراير 12, 2009 6:20 pm

ما أروع الشـــاعر على درب الخَـــيال ... يكـــتب على قباب الســــما بحبر الجَمال
شــال البدر تا يحط ع جبينو عـــــــقال ... وسّحــب خيوط الشمس للكتفين شـــــــــال
وينك ي بو شـــربول ع الساحة نـــزال ... ونادي على عمــــار تا نخوض المجــال
بركي إذا نزلو صناديد الــــــــــــــــزجل ... بيتضبضبو الولاد مــــــن درب الرجــــــال

يا كوتراني الشعر حدد موقعوا***وجاب الشبيبة عا المنابر يطلعوا
وبعرف اذا رخيّت ايدي بيطمعوا***فيّي... ما بزعل بس منّي يقنعوا
بدنا الشباب اليوم روكز يتبعوا ا***ونانسي وهيفا يقشعوا ما يسمعوا
عمّار غايب ما بعتلي شو السبب***صرلي شي جمعة ونص مش حاكي معو

بكلمِة صباح الخير جايي صبّحك = وبقلّك من القلب : الله يربّحك
عا حالتو سليمان ، مش رَح يكبَحَك = وجودو بجنبَك يا حلو بيقبّحَك
لوَّنْتَك وجايي لحتّى بحبحَك = و بأيّ نهر بيعجبَك رح سبّحَك
وعبّيلك جيابَك ملبّس عا كَرَز = ودبدب عليك وقول الله يسامحَك

يا معبيين ملبـــسْ جياب الـــصبي .. رح لّبْــــــسو بدلة فُنـون مقــصبي
لاكن يا أبني اللي بيـــمشي دبدبي .. رقبتو بيــــفكْها بهل الـــــتجربـي
صبحــتني سامحتـــني ها الشقلبي .. هيدا الحَــكي ما بيكتبو إلا الغبي
سَبح بأسم الآب ولأبن الأبـــــي .. ما زال داعيني ع نــَهر المـــوهبي
بعدو المعَمدْ أطهر من الّعَــــــمدو .. والنهر عم يشحد طهارة من النبي

سليمان كتب:: يا كوتراني الشعر حدد موقعوا***وجاب الشبيبة عا المنابر يطلعوا
وبعرف اذا رخيّت ايدي بيطمعوا***فيّي... ما بزعل بس منّي يقنعوا
بدنا الشباب اليوم روكز يتبعوا ا***ونانسي وهيفا يقشعوا ما يسمعوا
عمّار غايب ما بعتلي شو السبب***صرلي شي جمعة ونص مش حاكي معو

يا جيل بو درسين ألله يقطـــعو ... لا بينفعو ولا بيسمعو ولا بيشبـعو
وكلما على حفلة مياعة بــيــندعو ... خمــسين هيــفا قدّهــن ما تمايــــعو
روكز متل أرزة وصافي مــنبعو ... متل العـشب عا كعـبها عم يطـــلعو
مننطــر أخــونا بو أسامة نشاورو .. إما بغــيابو ها العشب مــنــــقــــبعــو

سامحتَك بسكّر عَ تمّ الطِّفْل ذاب = سوّيتلي ندوة عَ تفكيك الرّقاب
وعيسى نبي .. من ربّنا حامِل كتاب = شو في الك وقفة معو يابو الشّباب ؟
شوف النّبي اسماعيل عا رمل السّراب = عطشان باكي وقلب إمّو بالعَذاب
مَرّة ذهاب من القلق مرّة إياب = دقّ التراب وربّنا خيرات جاب
ولو رحت يَ معمَّد على نفس التّراب = بتشوف زمزم نبع تغسيل وشَرَاب
وبتشوف هالحجّاج بين مروَة وصفا = بيتبارَكو وبيكسبو أجر وثَواب
*** = ***
رَح عيدها ورَح علّمَك صيد العقاب = يَ سلاح عمرو ما ضَرَب طلقة وصاب

اقتباس :: يا جيل بو درسين ألله يقطـــعو ... لا بينفعو ولا بيسمعو ولا بيشبـعو
وكلما على حفلة مياعة بــيــندعو ... خمــسين هيــفا قدّهــن ما تمايــــعو
روكز متل أرزة وصافي مــنبعو ... متل العـشب عا كعـبها عم يطـــلعو
مننطــر أخــونا بو أسامة نشاورو .. إما بغــيابو ها العشب مــنــــقــــبعــو

كبير الخشم بالغطرسة لولا بدا = مندقّ خشمو بدون مَ نشاوِر حدا
مين الـ عَ برحليون باعِتْلَك ندا = يمكِن حكولَك عندنا زاكي الغَدا
فيك وبلاك الشِّعْر ضاوي المنتدى = معلّق قناديل المعنّى بالوِدى
من بعد عمر طويل ضيّعتو سدى = مفكّر وصِلْت المَجْد والعزّ ابتدا
وإنت الـ إذا بتعمل صيانة للمخيخ = آقلّ شي بدّك سنة تقبِّع صدا