هجوم عا جعفر حيدر

وينك يا جعفر هات من بحرك مواج***وحاجي عتب عا بو علي بالشعر حاج
أول شخص جايي تا أعلن احتجاج***عا غياب شاعر عبقري غيّر مزاج
ما عرفت موجك ليش بعّد وانحسر ***وبحر الزجل بيضل موجو عا البلاج

صح خطأ انا بدي قول موجو هههههه

بيدق

وبحر الزجل بيضل ( موجو ) عَ البلاج

__________________

doPoem(0)

الحاج بيدق

مبارح يا بيدق كان أثنين الرماد***وطقيّت شيخي ورحت تا جيب الولاد

ما كنت عارف ألف بيت الشعر زاد***وأمنت أنّو كان صح الأعتقاد

وبتمون عا الدمّات يا شيخ النقد***لمهم أوعى تنتقد مرّة الولاد

ههههههههه اكيد بيزعلو متل طا ر طوسي هجوم عا جعفر حيدر Beer

[center]رح بشــــــكرك يا صـــاحبي بالمبتــــــدا
يا ريتني ( شـــــــاعر ) على المسـرح بدا

شــــــايف كبـــــار الناس نزلو عالهـــــدا
وبشـــــــعرهن غطو الفضا والمنتــــــدى

شــــو عاد باقي ؟؟ المتلنا راحو سدى
يا حســرتي !!! ضعنا على طراف المدى

ولما نســــــور الشـــعر عالســـاحة يجو
بدهن المتلي ...... يوقفـــولن عا حِـــدا

***

ياريتني بهالمنتـــــــــدى دفقة صدى
وياريتني بالشـــــعر شي قطرة ندى

__________________

جعفر حيدر
وطنـي غربتـي .... وشــعري زمـاني

ما تقول صرت كبير بعدك معتبر***ولو كنت جايي شكشك جبينك أبر
صرلك سنة ما ضربت عا الموقع حجر***وتارك نشاز الموهبة يهري الوتر
حدود النظر حد الجمال بيوقفوا***وعين الحلا بتوقاف حارس للنظر

خليّك معنا وحركش سنين الضجر***لسانك مسمّ وبس تعليّقك درر

[/center]

جعفر حيدر يرد

ما كبرت .. بعدي زغير في فن الزجل
من هيك متل الطفل عشـــــــــقان الأمل

وبالمنتدى كلما كتبت حرف انجبل
بالحب .... بتلاقي تفاســـير وعلل

فضلت ابقى بعيد .... عا كتاف الجبل
شــــــــــــم الهوا .. واقرا تراتيل الغزل

جبيني وضوّ الشمس .... صعبي تشكشكو
ما عرفت دون كيشــــــــــــوت من حلمو انهبل !!!

***

ســــــــــــليمان من موقع على موقع نقل
وباقي باسم الشـــــــــــــعر والكلمة بطل

بكل المحبة يا ابو شربل
جعفر

__________________

وطنـي غربتـي .... وشــعري زمـاني

ابو شربل

وصلنا يا جعفر عا السما من الحلم قوم ***دعسنا القمر بالعلم وعصرنا غيوم
وبالمنتدى ضليّت ما خليّت بووم***وهلق اجا دور الخوابي والكروم
جبينك بورد الموهبة رح شكشكو***وضو الشمس رح خيّطو بنور النجوم

عن حلم دون كيشوت مش ممكن يدوم***ما زال بو شربول بلّش بالهجوم

اثقل الكرى جفوني وآخر شي أراه قبل أن اغمضهما هو هذه الأبيات الجميلة، ساحلم بالنقد، وآتيكم به على عجل عندما تصحو عيوني من النعاس، المهم أن تأتونا بالمزيد، وسنسمح للشاعر الكبير ب" موجو" طالما منعرف نسبح منيح، والمعنى بقلب الشاعر.

تركلي الشـــــــباب بحالـها .. وضلك أمير
اللي راح .. راح ... وجدّ عا دربي المسـير

بدي حرف أكبر من شـــــــــــطوط القفـير
وبدي شــــــــــــــعر بيفتّح عيون الضرير

وبالموهبــــة !!!! عندك - إذا بدك - وحي
بينزل عليـنـــــــا متل زخّ الزمـهــــــــرير

***

خلي النجــــــوم .. وعيش معنا عالحصير
وخلي اللي بدو يصير بالعالي ..... يصير

__________________

وطنـي غربتـي .... وشــعري زمـاني

تركت الشبيبة لحالها وأحوالها***سائت بعد ما بيّنت أعمالها
وريح التحدي لم عصف زلزالها***من المنتدى ...الأقزام نخ وشالها
لكن بو شربل بالزجل يا شيخنا***ما بينحني تا نجوم الله يطالها

يا شيخ شوف المشيخة ورجالها***بعدن بشر ما توصّلو للآلهة

جعفر حيدر
والله رائع يا سليمان
رائــــــــــــــــــــــع

ريح التحـــــــدي نخ ... يفتــــح لي بواب
بالشــــــعر ... حتى الشعر للريح استجاب

سليمان .. شيل المشيخة .. وشيل الشـباب
وجبلي من الأشـــعار !! لو شقفة ســــراب

بدك نجوم تشــــــــــيلها ... وتعمل سحاب
تخيـــــط جـدايل شـــــمس تتفصـــــل تياب

تركني أنا وتراب ضيعتــــــــــــــنا معـي
من تراب جيـــــــــت ... بضل لازق بالتـراب

****

يا ريتني شـــــــــيخ .. ومعي نتفة حجاب
تا بخـّـرك ... وتصــير ما شــــي عالصواب

__________________

وطنـي غربتـي .... وشــعري زمـاني

مرمغ جبينك بالرمال وبالوحول***ما زال راضي انت..!! شو منقدر نقول
ضو الشمس بينخ وبينزل نزول***تا يرش ملح البحر بالأربع الفصول
لكن الشمس الريج ما بيطالها***وأرز المنابر غير سبلات الحقول

تا فيك بالموضوع تمشي عا أصول***ألبوس حجاب المعرفة واسرج خيول

جعفر حيدر

يا ريح .. ع سليمان شو صعب المنال
هلكان .. لا وصل لا شــــمس ولا هلال

ويا تراب أرضي ويا سهول ويا جبال
غيرك ما بدي لا جبـــال ولا تــــــلال

بممرغ جبيني بالوحـــــــول وبالرمال
للرب يللي حرمني ذل الســــــــــؤال

وهالأرز ... لوما طالع بصــدري غلال
ما تعمر المنبر يمين ولا شـــــــــمال

والشمس والريح بييجو يتســـــــابقو
تيلبســـــوني من رحيق النور شـال

***

بتشكرك .. حلوة النصحية .. والمثال
بتشكرك .. والشـــــكر زينة للرجال

بتشكرك .. لكن معك يا ابن الحــلال
الشـــغلة ما بدها لا خيول ولا خيال

__________________

وطنـي غربتـي .... وشــعري زمـاني

سليمان بو شربل

عيبي وجريمة تنحني للمرمغة***ولو كان عندك للتواضع مبتغا
السيد حسن بجنوبنا الخيبة لغى***وحرّم مقاوم ينحني يوم الوغا
راس النعامة بيختبي تحت الرمال***وما بيشمخوا بالعلم ألّا الأدمغة

لا تعيدها يا شيخ متل الببغا***وتزعج لسانك تا تبيّن باللغة
سليمان شاعر بالمواقع نابغة***ملوّن قصيدو بس عمرو ما رغى

جعفر حيدر

يا قلب كلما ســــــــــجدت للرحمــن
دوب
وخلي الأرض تشــــرب من الروح الحبوب

لا بنحـــني ولا بختبي ..... وقلبي دروب
للمجــد مندورا .... بشـــــــرقها والغروب

الإيمــــــــــــان بالأرض وبعلام الغيـــوب
لا تعتبـــــــرها جرم ... عــــنو ما بتـــوب

السيد حســـــــــن مش بالهوا ولا بالسـما
السيد حســــن مزروع في أرض الجنـوب

******

ســــليمان شاعر بس يتركلي الحروب
ويكتب شـــعر للسحر ورموش القلوب

سليمان صورة شـــعر ملياني طيوب
ومشرشـــــــة بالحلم وبأحلى زنوب

__________________

وطنـي غربتـي .... وشــعري زمـاني

مش كل شاعر موقع الكلمة اعتلى***بيصير يشمخ بالبلاغة يا ملا
استغفر يا جعفر ربّك وقلّو انتلى***قلبي حقد هدّام حتّى بالصلا
....!!لولاركعت ندمان ما بتوفي الذنوب***تا تقول جملة المجد لّلاه بالعلا

يا موت قرّب دق فيّي يا هلا***بعز وكرامة بموت راسي بالفلا
حرب الجنوب جنون كانت مش كلا***وياما انباعوا رخاص بسنين الغلا

يا شـــــــــعر بدي بالبلاغة حبّرك
وبدي على ارض المعـــارف كبرك

وان كان غيري بجو الله عبـــــرك
من تشــيكيا من براغ فاتح معبرك

وفعل الندامه ما ذكرت عا منبرك
لوما الخطايا فاتحــــه بقلبك برك

كل الخليقــه للتراب ... من التراب
الا انت .. !!! ... محتار وين منقبرك

*****

ســليمان شغّل بالقوافي مخبرك
جايي اللي - يادوّام - بدو يدبرك

رح طحبشك رح زغرك رح كبرك
اللي زاح رايح والحرك عندي برك

__________________

وطنـي غربتـي .... وشــعري زمـاني

يا حــــــــاج جعفر حــاج ...!!!حلّك تستحي***وتجيب صورة مفرفحة عا مسرحي
ابن التراب تـــراب ..؟باقي ما صحي***وأبن المواهب بالبلاغة بينمحي
ولا تضل ضايع وين قبري بتحفرو***قبرني بسما الألهام بنزل بالوحي

يا مبدع بفن الهجاء المسرحي***ان ما كنت سابح...!! ما تقّرب مسبحي
ويا عيون شر القافية ...لا تقدحي***جعفر حبيب القلب ...؟مرّة سامحي

» الاستاذ جعفر حيدر
» هجوم بلا وعي
» هجوم مزدوج من حرف
» هجوم من محور شفيق ديب
» هجوم كاسح اجتماع بالخوابي