شوية خرطشة غزل

وصلت لعندي بليل من شوبو رهيب
و الجو معتم و الطقس وضعو عجيب
على الصدر قبة مزنرة بنفحات طيب
و ايمانها لابس صليبو للحبيب
قعدت و جبت المي بحرفة لبيب
قالت يا هاني بعهدك شاعر نجيب
من اجل عملة روية القلب الكئيب
تمنى شو بدك انت عني مش غريب
قلتلها مؤمن انا بفادي البشر
المؤمن يا حلوة واجب يبوس الصليب

قالو ولد يسوع يا هاني استحي
ارجع لربك حاج تكفر بالوحي

قلتلهن يا ناس هيدا مطمحي
البس خطايا الكون فوقي مشلحي

و كلما ببوس شفافها عند المسا
باخد البركة و الخطايا بتنمحي

نصيحة لهاني
جميل أن يكون الشعر جميلا، ولكن على الشاعر الفذ أن لا يتطرف وعليه أن يحترم الدين ولا يتعرض له أو يمس مقدساته.... حبذا لو تقبل الملاحظة والنصيحة والسلام.

تمنيت لولا كنت كاس الما اندقر
تا تشربي و يضل من طعمك خبر
قعدتي بيبيتك و الطقس رعد و مطر
عم تشربي نبيدك تا تدفي يا قمر
و صفيت زارع شفتي بشفة الكاس
تا كيف ما شربتي انا اخد اثر

معتاد بليالي الشعر و الترغلي
انزل على الميدان نزلت بو علي
اخوت على الشعار افجر قنبلي
امشي عا اجسام الضحايا حنجلي
اتمرجل و ابطش و انهي المشكلي
و خلي الدني من تحت مني مزلزلي
لاكن لاجل عيون حلوة يا بشر
بقلب حمل و بعيف كل المرجلي

قالت يا هاني ليش صاير تشتكي
مكتر بكي بهالليل و مخفف حكي
قلتلها يا جفن عين مدهدكي
يا مربعة على عرش قلبي و مالكي
حسنك جبرني دوب عا غيابك انا
و البعد عودلي عيوني عالبكي

طلعت عا قلب الباص قعدت عاليمين
قالت يا شاعر حارقك هالقد مين؟
قلتلها محروق من قهر السنين
و محروق اكثر من عيون الشايحين
محروق من عينين سود مكحلين
و محروق من عناب للشفة امين
محروق من شعرات سود مجعدين
و محروق من وجنات سمر مبودرين
محروق من نهدين جوا ضايعين
و مدري بقلب بلوزتك متحجبين
جاية تا كفي صرخة و قالت كفا
الله يكون بعون كل العاشقين

ممكن الشعر احيانا ما يعجب جميع القارئين و خصوصا لما يتطرق لمواضيع تحمل ابعاد دينية او ايمانية
انا اعتبر الردتين اللي كتبتن من باب الفكاهة بالشعر و يمكن خلفيتي الماركسية هيي اللي خلتنا اتطرق بهالاسلوب اذا كان الردتين بيسببو ايا مشكل ما عندي مشكل انو نحذفن و نعتبرن
سقطوا سهوا

له يا هاني منتدى برحليون لا بحذف زجل مقفّى واكيد انا معك من ها الناحية الشاعر لازم يشطح وما شفت في شي تطاول عا الدين
وزكّرتني ببيت بيقول ختمتو شوف ههههههه

ومن كتر ما الخوري انغرم بعيونها***عاد وبرم بالكاس مرّة تانية

شي حلو والشاعر اوقات بدو يدافع عن الكفر مش معناتها كافر انا يا انسة ليلى ضدك بها الشي وتحياتي والا شو رأي الشعراء الأفاضل

هاني يا هاني مكتر الاعداء.....وصاير على الصفحات متل الداء
بس الحقيقة شعرك الموزون.....علا المقام و كتر القراء

والله شي حلو و ما بظن الو علاقة بالدين

شعري حقيقا واضحا قبال الملا
و من وهج شعري الكون بالحب انتلى
و حتى الخوري كل ما بشعري يطوف
بيصير يقرا الشعر محل الصلا

مرة كنت بالمستشفى و في ممرضة اسمها حلا من بعد جمعة بالعناية الفايقة ما قدرت ما قلها هالبيتين

من كتر ما فيكي حلا يم الحلا
تمنيت لولا بضل عايش بالبلا
منشان شوفك الف مرة بالنهار
و يضل عا خدي طعم بوسة حلا

حاجي تقولي ما بقا مني نوا
جسمي مكسر متل ريشة بالهوى
هاني يا حلوي بس بدو بوستين
بالفعل بيكونو الي انجع دوا

مرة قصدني شاعر الحب العظيم
قلّي يا هاني حالتك الله عليم
شفلك حكيم يكون واعي مش غشيم
تا يعالجك من داء حب المستديم
قصدت الحكيم و صرت اروي من الصميم
عن بنت اية مجسدة بجسم السليم
شفت الحكيم اصفر لونو و شي اليم
و قلي يا ابني ما الك الا الرحيم
ما خدت منو غير حكمي بدون ميم
و طلعت باكي ما اللي الا الكريم
و تاري اخونا عاشق و تاني نهار
جابو حكيم جديد تا يشفي الحكيم

أنا هنا أناقضك يا سليمان ولا أوافقك البتة وحتى أنت غير محق، لأن الشاعر عليه أن يحترم المقدسات ولا يقترب منها وخاصة أن المس بها يؤذي مشاعرالناس، وبالنسبة لك يا أستاذ هاني أنت حر في أن تؤمن أولا تؤمن، في أن تكون متدين أو ماركسي، ولكن لا يحق لك أن تذكر مقدسات الاخرين فالصليب مقدس وغير مسموح أن تستعمله في مقام الغزل وبوس الحبيب وما إلى ذلك.
إن احترام معتقدات الآخرين ومقدساتهم دليل على أن الكاتب أوالشاعر شخص محترم، قصده العطاء الشعري ويزيد احترامنا له لو عرفنا مثلاً أنه على غير معتقدنا ولكنه يحترم ما نعتقد ونحن نحترم ما يعتقد، وإن جرى حوار تناول المعتقدات كان حوارا حضاريا.
لا تنسى أن كارل ماركس كان فيلسوفا والفيلسوف يؤمن بالمنطق...

هل يشطح الشاعر?
تصور يا سليمان شاعرا شطح وبدا بشتم أعراض الناس!!!!! الشاعر يضع لكل مقام مقال، ولا يأتي شعره خبط عشواء، تصور هذا الشاعر مثلا شتم القرآن الكريم هل تعتبر سبابه شطحا أدبيا?!! وشعريا?!! الصليب هو أقدس ما عندنا، ولا نسمح لأحد بابتذاله وإن لم يكن يؤمن به. ولا نسمح البته لأنفسنا بالاستهزاء من الماركسية ولو لم نعتقد بها. هي فكر ونحن نحترم كل فكر ومعتقد وهذا أضعف الإيمان.
ودعنى أقول لك من أن صاحب هذا البيت الذي استشهدت به شاعر غير محترم، وتلاث نقط على السطر.

layla كتب:: هل يشطح الشاعر?
تصور يا سليمان شاعرا شطح وبدا بشتم أعراض الناس!!!!! الشاعر يضع لكل مقام مقال، ولا يأتي شعره خبط عشواء، تصور هذا الشاعر مثلا شتم القرآن الكريم هل تعتبر سبابه شطحا أدبيا?!! وشعريا?!! الصليب هو أقدس ما عندنا، ولا نسمح لأحد بابتذاله وإن لم يكن يؤمن به. ولا نسمح البته لأنفسنا بالاستهزاء من الماركسية ولو لم نعتقد بها. هي فكر ونحن نحترم كل فكر ومعتقد وهذا أضعف الإيمان.
ودعنى أقول لك من أن صاحب هذا البيت الذي استشهدت به شاعر غير محترم، وتلاث نقط على السطر.

هذه فرضية ومعك حق اذا شتم الشاعر لا يحق له لا القران ولا الأنجيل ولكن برأي هاني لم يشتم الصليب بل كما قال من باب
المزح فالشاعر موسى زغيب كتب وخليل روكز ولم يكونو كفّار ولم يشتموا المعتقدات فلذلك لا نريد محاسبة هاني على بيت غزل
وهو معروف أنهو ملقّب بأبو علي هههههههههه وأبو علي كان يقول

وحق النبي الكفي على بابو طرق***12سنة الخمر بشفافي ما مرق
بصلّي ببيتي لا جموع وفرق***وبعد الصلا بالموهبة بعبي الورق
وقال شو ما بيسوى الا صلي بالجامع اكيد من باب المزح مش عدم احترام المعتقدات واحتقار اللي بيصلّوا
موسى زغيب كتب
مرّة عملت خوري بأيام الصيام***وفتت على كرسة الأعتراف عز الدوام
وفجأة أجت ركعت بتقوى وأحتشام***متل سيّدة النجا عليها السلام
قالت يا بونا في خطية بالغرام***قلتلّها لا شك هيدا أمر هام
قالت في شاعر حوّل سنيني ألام***أسمو كذا وألّا عا صوتو ما بنام
هوني شلت طابيتي ودقني قوام***ونقذت وقالت بعد ما تعيد الكلام
قلتلّها توبي يا بنتي وكفّري ***بخمسة أبانا لأجلنا وخمسة سلام

فهنا نرى الشاعر لم يشتم سيّدة النجا فقال عليها السلام وكان متنكّرا بخوري ولا اعتبرأنه لم يحترم الكهنة

أما بالنسبة للشاعر حكمة الحلو حسب خبرتي ومعرفتي ليلى وضعت نقطة واحد لتترك مجال للنقاش لأنه موضوع يستحق
المناقشة وكلّون له رأيه الشخصي ومساحة المنتدى تتسع لجميع الأراء

يا عمي ليش البلبلة هلقد ؟
انسة ليلى برجع بكررلك اذا بيتين غزل زغار و حلوين و ما فين ايا شيء من تهجم على الدين سببوا هالبلبلة محيهن
انسة ليلى شرود الشاعر مش كفر و الشاعر المحترم ما بيعمل متل بعض الشعراء المعروفين و بيسب العدرا او المسيح او النبي
هيدا الشرود مقدس و محترم متلو متل الدين
و عفوا على الازعاج

لهاني وحكمة شديد حلو

أولاً: نعتبر رد هاني قد طيب خاطرنا وقد أوضح أنه لم يقصد التعرض للمقدسات وقد جاء كلامه عرضا، فشكراً.
ثانيا: أنصحك يا أستاذ حكمت إنك إذا ألتقيت يوما بعابد بقرة فالأحرى بك أن تحترم معتقده ولا تتعمد الإساءة، ولو كنت قد أكلت تلاث أرباع بقر البلاد، كما لو ألتقيت بمسلم متدين فلا تتعمد شرب الخمر أو أكل لحم الخنزير أمامه ولو لم يكفك عنب البلاد عرقا ونبيذا.
المعنى هو أن رموز الدين من صليب وكنيسة وقربان وغيرها في الأديان الأخرى مقدسات لا يجب الاقتراب منها في الهزء والمزح ... لأنها تمس بالأشخاص.
وما كان اعتراضي إلا من إيماني أننا في هذا المنتدى العريق نشكل فريقا من المفكرين والشعار والأدباء وأصحاب الكلمة الراقية والمنهجية، وقديما قيل أن الشعوب فئتان: النخبة والعوام، وهما تتصارعان على الدوام، فإذا غلبت النخبة كانت المسيرة لفوق، وإذا تغلب العوام كانت المسيرة لتحت.
ليحدد كل منا في أي فريق هو.

أما بشأن النقطة الرابعة فهيدي سندي تما يكرجو.

هيدي ميزت هاني بيعرف من اين تؤكل الكتف بيطريها دايما
هيدا بيت موشح بس للترفيه
تنرجع نحمي جو النقاش
بشرع الدين الموضوعي
بوحدة مربوط
و ما بيشفي نار ولوعي
الوعد المشروط
و كرمال تجف دموعي
و اصبح مبسوط
لازم شرع اليسوعي
يحلل نسوان

رايي أن حرية الإنسان مقدسة وفوق كل اعتبار شرط أن لا يتعرض لحرية الآخر. يعني كيف شرب الخمر . اذا إنسان متدين لا يريد شرب الخمر فهذا رأيه...ولكن أرفض إن يتعدي على حريتي ويمنعني من شرب الخمر. أكيد ليس مسموح أن اشرب خمر وأقود سيارة لأن بذلك تعدي على حق الغير بالعيش بسلام.

ليس بطريق الصدفة معيش شعوبنا وتقبل حياة القمع من أنظمة متجبرة.

يا حكمة حكمة الشاعر حقيقة***وشعورو بالزجل سلسي ورقيقة

ولا تزعل من رأي ليلى لأنوّ***هدفها تشذّب زهور الحديقة

انا بو شربل المعروف عنّو***القصيدة بطقّها قبل الدقيقة

ولا بعتب لو شطح شاعر بفنّو***عا شرط تكون ابياتو دقيقة

انا هاني صديقي حرقت بنّو***أصيل وجار من عيلة عريقة

ورغم ما زغير ها المضروب سنّو***عمل زين المنابر بالتحدّي

وبموقعنا شعرنا ولّع حريقة

شفت الفرق بيني و بينك يا حكمت انا كنت برد ببيت غزل يلا يا دونجوان الفيس بوك

قالت يا هاني ليش نولك ما غزل
ردت غزل حتى الغزل دغري انعزل
قلتلها للغزل لازم تدفعي
بوسة زغيري لكل ردة من الغزل