شعر حديث - طوني شلهوب

شاعر وكتابو
***

أوقاتْ ببكي ،
ومِن بَعد ما موتْ

بِغلقْ عَ حالي ، دَرْفِة التَّابوت

وكِلْ ما الدَّرفِة ، تنطوي ، تا تِنغَلقْ
بْشوفْ الوَرَقْ ، عَم ينطوي ،
فوْقْ الوَرَقْ ...

وْفي حَرف ، جَنبي بالنَّعْش ، مَزتوت
عَم يُصْرخ لخَيُّو ، وْصَوْتو
سْكوت ...

وخيُّو ، عَلى صَوتو اشتلق !
بيرُوحْ ، حالو بالنَّعش يِرْمي

بْيتكي عَ خيُّو ،
بْيِعْلقو مِتل الحَلق
وبِيموتْ كِل ما يشوف خيُّو مات

ومَطرحْ الْ ماتو ، بقفوة العَتمِة
شِي كَمّ كِلمة تِنخلق
و تمُوتْ لمَّا تِخلقْ الكِلمِة ...

ومَيِّتْ أنا والحَرف والكِلمات
وْعَ السَّطر ، ما في
لا نَبَضْ ، لا صَوْت

ننطرْ عْلينا ، تِهتِدي ،
نظرات ...
تْهزّنا ،
وتقيمنا من المَوْت ...

أصابيع اجرين
***

شـو هـَالـمـَدى جــســْمـِك !
ومـطـرَح مــا ابـْـتـدى
مـِـدري انــْـتـَـهـى !
عـَـمْ يـلـتِــقـوا شـــفـــافــي بــْـحـَدا ...
بـْـيـِـشــبــَـه عــَـــشــر حـَــبـّـات
مـِـن حـَـبّ الـنـّـدى ...

هـَــودي صــابـيـعـِـك ! بــَــعْــرفــُـن ...
مـــا أروعــُــن
مـــا أنــْـعـَــمـُــن هـَونـــيـــــــــك
عـَـ طـراف الــمـَدى ...

بـحـِــسّ عـَم يـِـحـْــكــوا مـَــعــي
وعـَم إسـْــمـَــعــُـن ...
هــَـاتـــــي صــا بـيــعـك عــا شـْـفــَـافــي عـالـهــَــدى
تــا صــيـر مـِتــلـــُــن ،
وشــْوشــِــة إحـْــكــي مـَــعـُــن
انـْـمــا كـــان صـَوتــي وشــْــوشــِــــة ،
بـِــيـــــوجـــِّــعـُــن ...

هـَــاتـيــهـُــن بـْ دَيــِّــي ، تــحـْـت أمـْــري
تـا لاعــِـــبــُــن ... تـا مازحــُـن
ومـِـن بـَــعـْــض لــمـّـا بـُــطـْـرحــُــن
بـْـيــُــطــلــع شـــي عـَــشـْــر سـْــنـيــن مـِـن عـُــمـْــري
راحـــوا ســُــدى !
وبـْــحـِــسّ إ نــِّـي مـْــضــيــِّــعــُـن ...

لا ... لا ... ما بـدّي يـمـِـرقـوا سـْـنـيـنـي ســُــدى
ولا ضــيــِّــعــُـن ...
بــِــرجــَـع صــابـيــعـِـك بـِـجـْــمـَــعــُـن
بـْـيــُــطــلــع كـُـفـُـر تـاب ، وعـَـلى ربــُّـو اهـْــتدى
بـْ إيــدوعـَـــشـِـــر حـَــبــَّــات
مـَــسـْـبـَــحـْــة الـصـَّـــلا
وربــُّــو
إله مـْـن الــحـَــــلا ...

ضيْعَة ومغترِبْ
***

قدَّيْش مِن عُمرَك عُمر
فوْق انقضىَ
بْصَرحْ الفَضا ...
كِلْ صَيْف تِسبَحْ
بالفضا

شُو سِرَّك ؟
وشُوسِرّها هِيِّ ؟
تا كِلّ صَيفيِّة ...

بِتعودْ عالضَّيْعة

تِغفا بِ شِي فيِّة
عا ترابْ تِلّيْعة ...

العُمر الصَّرَفتو طايِرْ بْهَالجَوّ
هَالْـ ختيَرت والْـ مِنتِهي
أمْرا
لَوْ تِحذفو لهالعُمر
مِن عُمرا
بْتِرْجَعْ بصَدْرا تِحْرُق الجَمْرة
وبِتحِنّ لِلغمْرة
لِلكِحل
لِلحُمرَة ...
العُمر الصَّرَفتو فوقْ مَوْج وْنَوّ
بِيعَتِّقْ الخَمْرَة ...

مِن وَيْن بَعْد بنامْ
***

تِعْبان كِنت... ومِستوي...
وْكِلّ العَتبْ
عا نْهارْ ما خلاَّ بِجِسْمي حيْل...
واللّيْل حَلّ...
وبَلّشُو خيوط التَّعبْ
يقطبو جْفوني...
تا يغمّضُو عْيوني...
وإغفا عَلى مخدِّة هَنا الأَحلام...

وفَجْأة بيُصرَخ " سِلّولاري "... والعَجبْ!
صَرْخات
يزْرعها بِصَمْت اللّيل...
هِه إسِمها...
شِفتُو عَلى الشَّاشِة انكتبْ
هِه رَقِمْها
مْفَضَّل عَلى الأَرقام
وقَدَّيْشْ تا نِحْكي في عِنْدي مَيْل ...

رَدَّيتْ ...
صَوْتي يِرْجُف ودَمِّي التَهَبْ
وآه صَوْتا العَذب
شُو فِيهْ سِحْر وجَذب...
و" السِلولِرْ " تا يُنصُفْ حْواسي طرَبْ
يِنقلْ بِخفِّة بَيْن مَيْل ومَيْل...
وتا يبَنِّج الإحْساس
تحوَّل بِإيدي كاسْ
ويِمْكن لأِنو بْمَسْمَعي صَوْتا انْسكبْ
زالْ التَّعَب...
مِن وَيْن بَعد بنامْ ! ...

" وبَلّشُو خيوط التَّعبْ
يقطبو جْفوني...
تا يغمّضُو عْيوني"
استعارة رائعة، وتشبيه ممتاز
والأجمل في التعبير أن التعب قد زال على سماع صوت الحبيب.

و"ْفي حَرف ، جَنبي بالنَّعْش ، مَزتوت
عَم يُصْرخ لخَيُّو ، وْصَوْتو
سْكوت "
مبدع هذا التعبير، وهل أبلغ من الحروف يسكبها الشاعر قطرات ندى على الجراح الملتهبة...
(هنا تذكرت الشاعر حرف الذي جرفته عاصفة ما ولم نعد نسمع أخباره)

تْهزّنا ،
وتقيمنا من المَوْت

مـمـنـوع
***

حلمتك بنومي ...

وكان مـش إنتي !!

منـّـك لـحالك ترضخي ...

تتأوّهي ...
وتصرّخي ...

ومن قبل عمرك هيك ما كنتي !!

ما تواخزيني !
حلـمتك بنومي

وما عرفتك متل ما شفتك

منـّـك لـحالك
تكسـري صومي ...

وفقت !!

شفتك متل ما عرفتك ...

وشو بخاف قلـّك بالحلم شـو صار

وتوعي غضب عا جموح
أحلامي

تروحي وتتخبـّي خلف شي كون

خلف الدّني
الـ مش هون ...

وما يعود ليكي يهتدي
مشوار

ياخدك بالحلم عا منامي ...

يا سليمان عن جدّ عيب ، صرت طالب منـّك كذا مرّة صلاحيات تا أقدر نقـّح وعدّل أشعاري.
بهالصفحة ما عندي صلاحيات وبتمنى أحصل عليهن بكل الصفحات وإلاّ بوعدك ما بقا رح يكون عندي مشاركات بهالمنتدى العزيز عالقلب

أضم صوتي إلى صوت الأستاذ طوني، يحق له.

قـهـوة
***

تـْـعـَـرّي ...
التــّـلج شـَـوَّب
ومتـلي جـنّ ...

وكـَـنّ ..

وغـْـفـيـنـا بعـد مـا كـَـنّ !

وْعـيـت الصـّـبـح ...
تلجـِـك بقي غفيان
وبمـَـيـْـل شامة عالتــّـلـج ...
وبميـْـل
شهوة !
كأنـّن متـل بـَـقـْـوة ليـْـل ...

مدري الصـّبح راحت معو سـهــوة
ما ضبّ كـلّ العـتـْـم بالنـّـسـيـان
ومدري الصـّبح عن قصد
قـلـبـــو حـنّ
ودشـّـر إلي هالـْ كمّ حبـِّـة بـَـنّ

ومن وقـْـتها تعوّدت عالقهـوة
وصار إسما
شـَـفـِّـة الفنجان
بوسـة لـ هالشـامة
ولـ هالشـّـهوة

ولك هيدا شعر.... خبرتنا شو صار بالكامل بهالبيتين . كتير حلو هالسبك. ما فيه الواحد يبدل كلمة وحدة. تسلم

تـْـعـَـرّي ... التــّـلج شـَـوَّب ومتـلي جـنّ ...

وكـَـنّ ... وغـْـفـيـنـا بعـد مـا كـَـنّ !

بالفعل مشهد كامل، تعبـّر عنـّو بهالبيتين
تسلم يا حكمت، إنت ذويق وشاعر كبير ورأيك فخر منعتزّ فيه

» طوني شلهوب يرثي صديقو
» طوني شلهوب واياد قحوش
» طوني شلهوب وحرف بين الصخر والنهر فيس بووك
» أهلا بالشاعر طوني شلهوب
» حوار بين طوني شلهوب وأمير الزّجل