حوار بين شادي موسى وطوني شلهوب

قالوا في شاعر وهج أفكارو التهب
ولوّن عنب ... بدّو حدا يعصر عنب

المنبر يا شادي كان عرش بينحسب
حامل ملوكو عا كراسي من دهب
وممنوع نسمح من بعد جيل الغرَب
يصفّي خشب حامل كراسي من خشب

ولازم تا يخلد شعرنا كلما انكتب
ما بين ردّ وردّ ، جمهور الأدب
يشوف طوني تغلّب بردّو عليك
ولمّا تردّ يشوف شادي ما انغلب

-------------------------------------------------------------

شادي إجا من الفلسفة لابس كفوف ........ يمسح غبار الأمس عن وج الرفوف
ويرصّع ب در الزكا نحاس الدفوف ........ ويصف خربطةْ الصفوف ال بالصفوف
الجمهور ياشلهوب ب ألوف وألوف ........ بيشوف مكتوبي المعنوَن ع الظروف
بيشوف تصويري و نحتي ال بالحروف ........ متل نحت المي ع خدود الكهوف
وبيشوف " كيف ب رد شادي بتنغلب ........ لكن ( تاتغلب انت ) مش ممكن يشوف

-------------------------------------------------------

استاذ شادي رائع ما قدرت اتمالك نفسي وما علّق انا معوّده عالتعليق عالفايس بوك بس كتير حلوه طوني لو عالفايس بوك كنت حمّست بس هون ما فيني قلّك غير تقّلوووووووو ههههه بالاذن من ليلى

عالعولمة الأجيال أوّل ما وعوا

الفنّ الأصيل عْلى ورق جهلن نعوا

وكيف بيشوفوا النجوم بيلمعوا

انما كان فيهن بالأعالي يطلعوا

صوت هيفا بتقشعو وما بتسمعو

وفيروز صوت بتسمعو وما بتقشعو

وجيل البشوفك ... كيف بدّو يشوفني

وبيمرّ جنبو المجد ما بتفرق معو

حلووووووو لاتواخذني يا شادي وهلق ياهيفا شو وين ليلى

وجيل البشوفك ... كيف بدّو يشوفني

وبيمرّ جنبو المجد ما بتفرق معو

وشعنينة مباركة للجميع رايح عالشعنيني وراجع

----------------------------------

هالعولمة ال فرضت ع جيلي الإحتلال .... ووسّعت أفاقنا وزاد المجال
وزاد العبء عاكل مبدع بالجمال .... يحط بصمة تخلّدو بعد الزوال
المتلي تعب عاكلمتو وخاض المحال .... يستقطب بجيل الوعي وجيل الدلال
تايشوفني بعين الحقيقة والكمال .... وبعد موتي يشوفني بعين الخيال
وانت وقفت عاجز وحاير بالجدال .... وكيف بدو يشوفك سألت السؤال
مازالك بتفقد وعي تستقطبو .... ب سطر الدنة بتضل صفر عْلى الشمال ..

----------------------------------------------------

حقـّك يا شـادي شـهر عن طونـي تغيب

وتعـمل متل شحـّاد بالظـّرف العصيب

ناطر عـَ درب الموهبة يمرق أديب

يحـنّ على فقـرك ... تاخـد المنـّو نصيب

*

يــا جيل نوم العقـل بالعتم الـرّهيب

نور الشـّمس عن نور شعري مش غريب

الأجـيال دورة بين .. معدوم .. ونجيب

وهيـك الأرض بتـدور بالجوّ الـرّحيب

ولو ميل حلّ العتم من بعد المغيب

في عتم تاني ميل عم يرجع يشيب

وبتـشـوف نور الشـّمس صفر على الشـّمال

الميلة الما فيها تلمـح شعـاع اللـّهيب

wanou chedy ra7