شميلة موشح facebook

Fadi Fayad (Lebanon)
كلما بقلك يسلملي الجفن الدلوع
ما بلحق كفي الجملي تا يفيض دموع

شعرك بالعطر مذوب ---- عاكتافك مال
وبحبالو النسمة بتلعب ---- متل الأطفال
وتالنبع تصفي أطيب ---- مياتو قال
يا ريتو تمك يشرب ---- من هالينبوع

Hikmat Chedid Helou عَ خدودِك وقعِت جَمرا
فوق التَلجات

سقيتيها دَمعا حَمرا
صارِت وردات

جنّنتيني يا سَمرا
بهالغِمّيْزات

وطَمّعتيني بالغَمرا
وقلتي مَمنوع

ألشاعر سليمان طراد

حاجي تخبي يهالقبي***عناقيد كبار
عاصرهم حبّة حبّة***بشفاف النار
قوليلي قرب عبّي***من الكرم غمار
حاجي العنقود تخبّي***بيطلع منزوع

يا استاذ سليمان ما بيزبط تكتب فايس بوك بلا ما كون انا فيه

لمّن بحتلّلي بحبّك
ما عرفت النوم
واتخايل اني جنبك
ويطول اليوم
صرت بحالي اتلبّك
وعليك اللّوم
بعدا هالدقّه بقلبك
صوتا مسموع

من جنينة خدّي نقّا
الزرّ العطشان
وصار بحنيّه ورقّه
يسقي البستان
وبيّن من بعد مشقّه
جهد الفنّان
وفوق زرار المزرقّه
اسمو مطبوع

تركتك يا حلوة و قلبي....من الحب رتاح
و قصدنا بلاد الغربي....نحصد ارباح
لاكن وحياتك صعبي....قلبي بفتاح
يتسكر متل اللعبي....و ينسا الموضوع

Daniel Nasreddine (Lebanon) ha escritoHace 4 minutos
كنّا نلعب بالحارة .... بالبيت بيوت
نتسلّى جار وجارة .... واللّيل سكوت
هلّق صرنا يا خسارة .... دفّ المفخوت
وختيارك يا ختيارة .... بدّو زلّوع

سليمان طراد

شييلي الحمرة ولا تخلّي***عا شفافك لون

ومتل الغنيّة طلّي ***وضوّي عا الكون

ورغم الغربة والقلّة***مش باقي هون

وتا أرجعلك عمصلّي***وعم ضوّي شموع

هيفاء العنداري كتب:: يا استاذ سليمان ما بيزبط تكتب فايس بوك بلا ما كون انا فيه

لمّن بحتلّلي بحبّك
ما عرفت النوم
واتخايل اني جنبك
ويطول اليوم
صرت بحالي اتلبّك
وعليك اللّوم
بعدا هالدقّه بقلبك
صوتا مسموع

يا عنداري ما بداري***أكبر شعّار

بس بموقع أشعاري ***بقلّك شو صار

أشعارك خبز وفارvery ***,وعا النت قمار

ومش ممكن يا عنداري ***ما نحس بجوع

يا مََــــــوُج اللحُبْ الجـــــــارف
بـــحّـــر اللعيـــــــــــــنـــين
روحـــــي بالضـــــل الــــــــوارف
بَــــــــين الجَــــــفنيـــــــــــــن
مــن غيمي الدمع الــــــــــــذارف
مَـــــــــــوجي وتـــــــــــــنــــيـــــــن
مَوُجــــــــــــــــوعْ ومَنّــــــــــي عارف
من شـــو مَـــــــــــــــــوجُــــــــــــــــوع

لبستي التَنّورة الحَمرا
وشقَّيْتي الباب

ولِعنا ومن وهج الغمرا
سِلسالِك دَاب

بشفافي المتل الجَمرا
عصَرت العنّاب

وغِصْت بعَيْنَيكي الخَضرا
مِن دون رجوع

عيونِك خُضر ونسّوني
مَرجِةْ آذار

بنَظْرة وغَمزي خًلّوني
والِع بالنّار

مهما بسِحرُن دَبحوني
لو غابو نْهار

بشوفو أطوَل بعيوني
منسنين الجوع

بلَوْن الأرزة الجبّارة
عينيكي خضر

الدنيا بسحرِك محتارة
يا دِنْيِةْ سِحر

لو زِرتي النّهر زيارة
بيوقاف النهر

ولو طرتي بالطيارة
بتشَتّي طلوع

مبارح طلبت مني ست إسما غادا عالفايسبوك تا اتغزل بعيون الخضر. هودي الأبيات يلي كتبتن فوق كنت كتبتن عا موقع زجل عالفايسبوك.

بيتك عا كوع الحارة
أهلو حبيت
وشو مشوق طل زيارة
عا أهل البيت
بس الجارة الثرثارة
كلما طليت
بتقعد متل البصارة
عا هاك الكوع

هَيدي ل لارا فيّاض...بما إنّا عندا واسطا من فادي...مبيني بالصورة لابسي نظارات كبار سود

لارا.... النّور بعينيكي
ضوّا السّهرات

لَيش خفَيتيهن هَيْكي
بهالّنظارات

لَو هَجمو جيوش علَيكي
بوَهج البَسمات

بيِنميحيو منِحَوالَيْكِي
ولو لِبسو دروع

شعر وحرب وحب وموت
يا ريتهم بالحقيقة
خلو العالم يدخل حرب
بكلمة حلوة ورقيقة