عطشوا المواقع يا بو أسامة

يا بو اسامة اشتاق موقعنا الغني***يشوف الزهور بمنتدانا ملّوني
خمر السما سكّردماغ الأزمني***وخلّى النجوم قداح والكركة دني
طقيّتك من زمان عضمك ما فني***وخايف انا ما تعيش اكتر من سنة
يا بتعصر عناقيد حلوة بالزجل***يا بتنتهي عناقيد شعر معفّني

ياأبو شربل عيب تحكي بنرفـــــزة = مع شـــــــاعر مروجو عبير مبروزي
إجلس ع كرسي الإعتراف البارزة = وشوف القراعي روس سَــدِّة مدروزي
ولما بإبرةّ سحر بسحب مخـــرزي = بتغـمـّــض عـيــــــــونك بهيك مبارزة
ياعربش على منبر نبيذ الخــيـــال = يابترجـع بأكفــــــــــان بيضة مطرزي

* * * * * * * * *

شو عم بيصير هجوم سليماني وهجوم مضاد عماري، عمروها بالزجل يا شباب، واطربوا الصبايا والشباب.

عربشت متل الخمر عا كاس الدماغ***لقيت الوعي هربان من فكرك وزاغ
لو غبت خمس سنين تا تغيّر صباغ***بالمنتدى لا تخاف ما بتترك فراغ
شد العزيمي و بالزجل شد البراغ***لا تروح تهجر متل جعفر عا براغ
رح ضل أجلد فيك بسياط الزجل***حتّى بجسمك ما يضل محل صاغ

سلامتك ابو اسامة

ههههههههه

شو هالشعر يا سليمان? حلو حلو
طرقت الباب حتى كل متني، وعندما كل متني كلمتني
فقلت لها يا أسمى عيل صبري فقالت يا اسماعيل صبري

يابو فكار الجعجرة والبهــــــــــــورة = عقليتك شــــــــو معثرة ومتحجرة
أعمى القلب ماشفت صورة مصــورة = وعندك عمى ألوان حاجي مسخرة
الما تعلّم النكهة بنبيذ الأديــــــــــــرة = مابيسكـــــــــر بخمرةّ قوافي نيرة
ومن ريحةّ الخمرة دخت ع منـــبـري = من قبل مـا تذوق الخوابي مخمرة
* * * * * *
مش محرزة شد العزيمة وياتـُـــــرى = ع طفل متعـوّد ع طبشة ومســطرة
جِـبلي الإنس والجن جبلي عــنــتـرة = بعركات شعري بترجعوا ع المقبرة

* * * * * * * * * *
قالت رح بربك من امامي = فقلت لها بربك انتي روحي ههههههههههههههه

طرقت الباب حتى كل متني، وعندما كل متني كلمتني
--------------------------

طرقت الباب حتى كل متني، ولما كل متني كلمتني

معقولي يا ست ليلى عام تكسري البيت؟

(هيدي من قبيل المزح) والنقد البناء....

مشرف عدد الرسائل : 519 تاريخ التسجيل : 15/03/2008

مظبوط ابن شديد افكارو انتخوا = يمكن ضمير البيت كسرو وبخــو
من هيك حط النقد بمحلو الحلو = وأثبت حلو وشديد نقدو مش رخو
=========
جل من لايخطىء ولا يهمك ياليلى خيرا بغيرا ولو بعرف حالي بلا خطيئة بضربك حجر ==========================

تركني خمرمدلوق عا أطيب شفاف**** أسكر انا ومحبوبتي بليلة زفاف
شعرك أراضي بور تفكيرك نشاف***وبيني وبينك بالوحي في أختلاف
عليي انا من الشرب عمرو ما انخاف***بعرف الخمرة الجيّدة وطعم السُلاف
لكن انت جايب أَلافي سبيرتو***دوّختني ...؟ من الغش عرقاتك خفاف
ههههههههه

بما إنو الشاعر عمّار خبير بالخمرة أكيد بيعرف شو السُلاف من أجوّد أنواع الخمرة

بين الخوابي متل سكّرجي وقاف ****بحياة الله حاجتك تعرض كتاف
لو كنت وردة شالحة تياب العفاف ***معقول دوخ بريحتك ما في خلاف

تغديت لحم اسود وعملتا مـــــــــرق = ودست الجماجم وطحنت عظم الفرق
شلحتك ببحر الموهبة فزعت الغرق = شفافو نزع خلّك ع كثرت ما انهــرق
السبيرتو قطرت أعملك عـــــــــــرق = مافهمت قصدي ومجدك يكدو العرق
ومن فرد سحبة دخت داخل كركتي = وتاثلـثــّك بكتب عيارك ع الـــــورق
* * * * * *
بيني وبينك بالوحـــــي فكرك فــرق = ع كثر مابالنوم إيحـــــــــائك خـرق
مارد نبوغي حنكةّ الجبــــهة اخترق = وع النار لو قرب ابو شربـل حـرق

* * * * * * * * * * * * * *

عيار العرق ما زال كاتب عا الورق***بلّ الورق بالمي وشراب العرق
سعّر الخمر ومين ما بابك طرق***قلّو عليي رووق كاددني العرق
بقلب الكازينو كم قمّرجي مرق***وعا طاولة لقمار فايق تا احترق
تركني مع الحلوين دايخ بالجمال***ولا ضل واعي بس تا ألعب ورق

بين الوعي والسكر موضوع انطرق***وموج البيوعى موت زارع بالغرق
شوف الحرامي ضل واعي تا سرق***وعقد البيغفا عا الصدر غير الأرق

بالخمر ياسليمان فــــي عندي غمار = ومش كل خــــــمـرة بتنعمل ذات العـيار
في خمر للتعتيق جـــــــــوات الجرار = في نبـيـذ مـــــــز وفي حلو ليكور صـار
وبين الوعي والسكر بـــــدك إختـبار = وخمر الإيـمان دلقــت تاتفرض حـــوار
هيك بابـــو النواس بتجســــــــــد الك = الخمــــــرة سقيـني الديك تاشوفـو حمار

* * *
مازالك على السكر عن تاخد قرار = إوعـــــــــى وإشرب خل كوعك بالفرار
شو نفع قنيــــنة وغالون زهر صـــار = قيمة ما إلهن دون ورقــــــــة وإعتـبار

* * * * * * *

تركني حلم غفيان بجفون الجمال***ولا ضل واعي متل ثعلب أحتيال

الخمرات يا عمار عن سرّون سآل***مفروض يغفوا دهر تا يصيروا تقال

در الغفي من دهور للمتحف انشال***وسر الظهر عا النور بيضعضع رجال

وسرّك ببيري بحفظو وما في فزع***سر الصديق بيحفظو ابن الحلال

شو باك غايب عن الموقع يا غزال***انشالله الصحة تكون يا عمّار عال

بين الوعــي والسكر عندي إلـتــزام = وبعــقل واعي برشدك ع الإحترام
انغفيت ع وسع السما بفلش حـــرام = وبــوعى تا إبعد عنك ولاد الحرام
لكن إذا بتغفى ع خطةّ إنـتـــــــقـــام = إجرام نومك والوعي مسك الخــتام
ما انمت واعي رح تضل بلا وعي = ومنشان توعى بجبرك عندي تنام

* * * * * * * * *
سليمان حفظ السر بدو إهتمــــــــام = إيــاك تغفى وهذرمة تحكي بمنــــام
عمار واعي بتعرفو من كم عـــــام = إلا العا ضيــمو نام مابيلقي المـــلام

* * * * * * * * * * * * * * * * * *

دايما مبيضها بالشعر والمعاني والأفكار يا عمار
ولا اشك بشعر سليمان المعتق كالخمر الذي يجب أن يغفو دهر.

نايم عا صدر القافية أحلم وقول***جيبوا من الشعّار عا الموقع فحول

زهر البيوعى بالشتي بين الحقول***بيعيش مدّة قصيّرة بعد السيّول

شوف الورد تا يفتّح بيبقا خجول***وسرّو بزّرو حافظو رغم الفضول

وفصل الربيع سآل بفصول السنة***عايش ملك متربّع بأربع فصول

ان كنّك ملك خرج الرعية والجنـــود = بعين الوعـي خليك عم تحمي الحدود
الدخان لمــّا ينام بالجـــــو الحـــــقود = وعـّي الهوا والريح ســلّــــم للصعود
ونوم الربيع زهور ع جباه الصمـود = عكس الوعي بالأرز عنوان الخـلـــود
ولو فقـت كنت قريت عنتر شـو كتـب = ع الضيــــم مابتنام عينين الأســــــود

* * * * * * * *

شوف الدهب معروف سرّو بالغفا***بينام نور وبس وهجو ما اختفى

وعي الثعالب مكرها عكّر صفا***عيشة هنيّي بين حنا ومصطفى

عنتر غفي أيام بالبيدا اختفى***تا صار زلمي وخاف أنو ينّفى

ووعي الهوا بالنار طفّى الصوبيا***ونوم الجمر بالموقدة فيّق دفا

الوعي سجّل باسمي انتصـارو = وغفا سليمــــــان أرّخ انكسارو
غفي تازرزب بـ ّخل الخطــية = ونبيذ المغفـــرة فـــيّـق جرارو

ياجايي بالحلم تربح هديـــــــة = الغفا للشعر ماطـــــوّل عمارو
إوعى واعتلي بظهر المطــيـة = الوعي بيزيد للشـــاعر وقـارو

الغفا للدر بيجيب البـــــــليـــة = الوعي بالصـــقل بيلمّع عيارو
وانـا لوما الوعي زرعتو بديي = خصمي ذبحت كنت بعقردارو

الوعي بلبنان نلغي الطائفـــيـة = الغفا جاهل بيحـرق دار جارو
الوعي للمعرفة بالشاعريـــــة = بيهدي الشـارد بعـودةّ مسـارو

ولوما بحسب سليمــــان خيي = تركتو نايــــــــم مشـتت فكارو
لها الأسباب وعيتو بوصـــيـة = الغفا مشكل اذا الإخـوي تبارو

ومسيح الحق بالنفس التقيـــة = تأمل واقتدي بنهـجو ومسـارو
وحتى تشوف فرق الأفضلـية = النوم حــجار نيـّيم ع ضريحـو
لكن بالوعي انزاحو حجارو

* * * * * * * * * *

حلووووو

يا بستان القصايد والغناني***عا شطي نام وتزكّر حناني
ولا تنسا تفيّق الزكرة الجميلة***متل ما فاق حبي الأولاني

السهر يا صاحبي دروبو طويلي***ورفيق الليل حارس عا المباني
وغفا التاريخ بين جيلك وجيلي***عطانا للوطن أكبر ضماني

غفا الجمرات شعّل بإركيلي***وعلى التنباك غفيت نوم هاني
ولوما الزيت يغفا بالفتيلي***انطفى القنديل والسهرة ملاني

غفا الأنسان نعمة يا زميلي***القلق بيأنب البيكون جاني
البنج بينام بنفوس العليلي***المرض بيفيق بالجسم المعاني

الخمر بينام بجرار التقيلي***تا يغلا الخمر سعرو بالقناني
النحل بيفيق عا زهور الخميلة***وبينام الشهد تا يضوّي الصواني

انت انسان فايق عا الرزيلة***وعا سهرات الروسيي والروماني
واناعا كتاب نايم مش قليلي***بفيّق روح جبران ونعيمي
وبصفنة شاعر بوعي المعاني

بحر الزجل

يا سلام روعااااات دام نبض احساسكم

» روحانيات بو أسامة وبو شربل