لاقيني يا حسن ويا عمار عا الشباب

ملوك الشعر النتّيي***بتسأل لكن ما فيي
ارحم شاعر يا حسّون***بالعركات الشعريي
**************
بلّش يا حسّون هجوم***وما تخلّي شاعر يكبر
خلّيلي حرف المهضوم***بالموقع ماشي مشفتر
وانطون وحكمة ما يحوم***متل البرغش عا السكر
اقصف عمرن يا عمعوم***بالغارات الجويّي

وينوّي الشاعر روّاد***وهيفا الما بتكتب ردّة
جايي الليلة ابن طراد***عا جهنم شعرا يودّي
واللي عندو استعداد***وبيعرف فيه يهدّي
يكتب أسمو متل ولاد***بمعهد محي الأمّيي
ههههههههههههههههههههههه

تــكّرم عيـــنو بو شربول .. رح إعّـــــربهن بها الضرف
تا خَـــلّي الفاعل مفـــعول .. أرفع حَــرف وأكّـسر حرف
وخلّـــي المستقبل مجهول .. وبالجرافي أجــرف جَــرف
لاكن خايف عني تقول .. بتمرجل عا الــــواويـــــــي

مَوقعنا معبد أشعار
الورد معَمشق عَ عتابو

الرَكَّعتُن عا بابو كتار
وإنت بتركع عا بابو

شعري خلاَّ الشمس تغار
لم شعشع نور كتابو

ومحَّى الليل وضَوّا نهار
بالومضات الشعريي

يا حكمة موقعنا صار***موقع شعّار الكلمة
ولمّا بينعدوا الشعّار***بتطلع صفر على علمي
خايف طقّك بالأشعار ***وتنعّد علينا زلمة
وقبلك ياما هجموا كتار***ورجعوا كبّة مقليّي

ههههههههههههههههههههه

بكتب رده باحرف نور
تضوّي الليل وعتماتوا
وصبحيه بيمرق عصفور
بيسرق منها نغماتوا
بس شعارك يا مغرور
في ذات اللحظه ماتوا
وبالارزه شعري محفور
مخلّد ميّه بالميّه

هههههههههههههه

يا جايي من برحليون
بهالافكار التعباني
وعامل بالموقع شمشون
مفكّر منك خيفاني
حاجي في حالك مفتون
جولاتك مش حرزانه
شعرك ما بيطلع موزون
ونصّو بالاسبانيه

عفوا نسيت هي
هههههههههههههههههه

بحر الزجل بو شربل

يا هيفا شعري معروف***ورد منقّى تنقايي
وكلما بموقع بصرخ أوووف***الموقع بيجن كفايي
بالأسباني كتبت حروف***وتا اقصف عمرك جايي
وقلبي قاسي يا هيّوف***وما في بقلبي حنيّي
ههههههههههه
ههههههههههههههههههههه
عزروني شباب بدكن تتيتموا بها الموقع ههههههههه

بحر الزجل بو شربل

وينّوي فادي فيّاض***وطوني مقصوف الرقبي ههههههه
يقشع شعري الثوري فاض***وبحر الما بينضب لقبي
طوني طابش يمكن باض***وفادي ما بيطلع عقبي
ويا حسّوني جيب حفاض***نحفضهم صاروا ميّي

ههههههههههههههههههههههههه

يا حسون شوي عقال
ما بتحرز فوقن تشطح
ما فيهن شاعر رجال
تا يتمرجل عالمسرح
لاحكمت شاغلي بال
ولا للعركة عم يصلح
وطوني بين القيل و قال
عا شوار الكلمة مرنح
وفادي لم طلو العقال
راح تغدى و تسطح
يعني تلات رجال تقال
لو نوزنهن يا حسون
بيساوو نص وقية

الجيل الماضي روحو فتّ
خبز، ودشـّر إلنا زاد

من فوق بيبكي عا لتّ
جيل اليوم وهيك ولاد

وكلمـّا نزّل شعر مرتّ
عا مواقعنا إبن طراد

فوق مواقع شعر النتّ
بتوقع دمعة طراديّة

بمعّهــد مَحـــو الأُمــــيي .. بعض حروف الممحـــــيي
رح إصقلها يا ســـــــليمان .. ع محكْ الــــجوهرجــيي
*******

يا هاني لا تفرض فَرّض .. عا رفقاتك بالمضمار
كلما إمشي بهّز الأرض .. بكعّي كبار بربي زغــار
نص وقية لو بالفرض .. حطوها قبال الــــــقنطـار
القصة منها قصة عرض .. مش بالطول ولا باالعـرض
القصة قصة عقلــــــيي

هاني عندو حق...؟ مرتّ***طوني شلهوب الغالي ههههههه
صارلو شهر ونص يوّت***هيكل عظم ومش بالي ههههههه
وحتّى الكلمة تصفّي ست***كلما بسافر بخيالي
بتنزل دمعة فوق النت***بتطلع وردة جوريّي
ههههههههه

لا بتنشم ولا بتنذاق
اشعارك يا ابن طراد
وما بتناسب غير ذواق
اللي هني بالشعر ولاد
بياتك مجموعة اطباق
ومصفوفه بقلب البراد
لا من طعمتها بتنطاق
ولا ريحتها صحيّه

يامــين بيعمل معــــــروف = الهــاجـم ع الدم يقلو
اهلا وسهلا بهيك ضيوف = الشاعر بالقلب محلو
بس الناوي يسل ســيـوف = ولا مرة علينا انسلو
مايواخذنـا بهيك ظــروف = انجندلـنا الكل سوية

* * * * *

من شـــــّهد الكلمي ترياق .. لا بينداق ولا بينـــــشــافْ
بيعـــّبق فوق جفون رقاق .. وبيسكّـــــب عطرو ع شفاف
الحلوين ونارالأشــواق .. يا بو بو شربل صرنا نخاف
بها العركي يمكن نشتاق .. للــكلمي الـــــنســــوانـــــــــــييِ

Comentario nº 10Hikmat ha escritoHace 3 horas
جابولي سليمان وحرف
وعا شكلن شعَّار زغار

متل الحامل كومة غَرْفْ
وجايي يهدد فيها النَّار

شعري كلّو جوهر صرف
ولازملي شعَّار كبار

يما رح إجرفهن جرف
وإدفع دولار فديّة

مشرف عدد الرسائل : 519 تاريخ التسجيل : 15/03/2008

سليمان وعـمـــــــار حــروف = ولو عزتـو حرف العلة
انشفـتر مرة وســل سيـــــوف = رح بتعــــــزوا بهالشلة
شـــايف ع المنــبر هـــيـــوف = شلتــــــها بتشـكي القلة
ومن فايس بووك انطلو إلوف = بـّــردن ع العصفورية

=============

بو أُسامة مشتاقين .. النور يشعشع موقعنا
خفنا من عيون الحلوين .. بكسرة حرف توقعنا
عا ها الطلة مـــمـنونين .. ولماضينا رّجعــنا
بتجندل تسعة وتسعين .. وفّر واحد بالمِـــيي

الأخ الحبيب عمّار مشتاقين حطلي الرابط لأني ما عمفوت عا موقعك بسبب عدم تمكني من ذالك
تحياتي خيك حسن

مشرف عدد الرسائل : 519 تاريخ التسجيل : 15/03/2008

الصنّف حالو من الشعــار = وهيفا بتعـــــدّو شــاعر
وعم يطلب شعار كبـــــار = بس بضعفو مش شـاعر
لاتنســــــى حرف الجبار = عظمك ياشـويعر شاعر
الحرف انسعرتو بـــدولار = من القرش بتسوى ميـة
====================

يا حرف الشعر المكسور .. ع آخر حرفّــك كَسرة
من خبز الرب المشكور .. عجل كللّك شي كسرة

الحاء بأسمي شعّ النور .. ويا حرف الماخذ كسرة
لا هيفا وهاني المشهور .. بيشيلك من بين ديــي

مصنف حالي وبالتصنيف .. وبمشاعر هيفا شاعر
ومن شلهوب ومن ناصيف .. مِتــــّلي بيهزو مشاعر
يا حرف الناوي التحريف .. إثبت لو إنكّ شـــــــــاعر
حتى تقدم حرف نضيف .. إفّهَم يا حرف علـــــــــيي

مشرف عدد الرسائل : 519 تاريخ التسجيل : 15/03/2008

كسرى مش كسرة بحروف = بيـعـــــدل كلما شرّف ضيف
وسبـع الكلمي ع المكشوف = مش رح يرحم جدي الصيف
لو ضدي جمعت ألـــــــوف = بإيــــدك خليني وياحيــــــف
كلما بتحمل حرف سيوف = بتجــــــــــرح كفك ليليــــــــــة
=============

مشرف عدد الرسائل : 519 تاريخ التسجيل : 15/03/2008

فهمت عليك بشو المطلوب = مش رح اقسى بزيـادي
لاعاد بدي طوف وجـوب = ورحّـل شعرا من بلادي
لكن شرق شمال جنــــوب = اللي بدو حرف يـــعادي
ذنبو ع جنبو مكتــــــــوب = ومنبرنا انجـبلو قنـطــار
من الواجب زيدو وقية
========

» لاقيني يا حرف على الشباب يا دلي عليكن هههههه
» لاقيني خيي بو شربل
» لاقيني يا فياض
» مع الشاعر عمار البراضعي
» لاقيني عا البيطرة يا بو شربل هههههههههههه