لاقيني عا البيطرة يا بو شربل هههههههههههه

هاني ناصيف كتب

يا بو شربول شرّف يا نديمي
تا نعمل بالزجل اكبر جريمي

ونفتح فرع ونمشّي السكافي
تبيطر للبشر مش للبهيمي

انا هاني غبت عنكن مسافي
تا لاقي شاعر بجولة حميمي

لقيت العت ضارب بالكنافي
يا بو شربول لا تعمول وليمي

بيع المطعم وحاجي سخافي
وتعا تا نبيطر النفس الغشيمي

ويا حكمة حل شقلي عن كتافي
ويا شربل روح وتعلّم تغنّي
ويا فادي يوم ما بعدّك غريمي

لعيونك يا هاني
بو شربل

يا هاني روق ما بتسوى العداوي
بموقع شعرنا لا تكون هاوي

عا حكمة أو عا طوني بالتحدي
حرام عليهون تحمّي المكاوي

انا يا صاحبي ما كان بدّي
بيع المطعم ولا كنت ناوي
بيطر بالزجل مع كل ردّة
لأنو الشغل بالسخرة بلاوي
ههههههههههههههه
قنعني روح فادي بشرح جدّي
بيع المطعم وعيف المشاوي
هههههههههههههههه
وقلّي قناع يمكن بعد مدّة
نرجع للتبيطر بالمعنى
وزرار الموهبة تفتّق عراوي

هههههههههههههههههههههههههه

فادي فياض

حدي يا حكمت ضل بالساحة
لا تخاف كل دروبنا رياحة
سيف هاني وسيف بو شربول
أطرا من البسكوت والراحة
حدي يا عملاق المنابر جول
بفكر صافي وعين لماحة
انت وانا بساتين عرض وطول
فيها زهور الشعر فواحة
وهاني بو شربل عم يجو عاطول
تا يعملوا ببستاننا سياحة
هاني إخد من زين إسم فحول
لكن بيطفي متل قداحة
وبحر الزجل هيدا لقب معسول
حملوا سليمان اللي رح خليه
يقطع محيط الأطلسي سباحة

ههههههههههههههههههه عا مهلك عليهن يا حكمت دخيلك هههه

» لاقيني خيي بو شربل
» مين في يصفصف حكي هههههههههههه
» لاقيني يا فياض
» لاقيني يا حسن ويا عمار عا الشباب
» لاقيني حتّى قلّك