اشتقنا لحسن كوتراني

من بعد ما خلّصت عا مواقع كتار***ما ضل غيرك يا حسن تحت الحصار
يا بتغرق ببحر القصيدة والزجل***يا بيسحبك تيّار عا شط الفرار

وينك

يا بحر شط المعرفي مشتاق لَيك *** وماشي مع التيار تكرم عينتيك

ناطر هياجك يسكن بحيث النبي *** ما خاف مــِنـّك إنما خــَوفو عليك

على وصلتي أشتقنالكن مش عم يكبر الخط عرضت القصيدة بمشتاوي ونقلتها عاموقع

عدّلت بناء على طلب الشاعر حسن كوتراني السبب التشابه بالقفلة مع الشاعر احمد السيّد ادارة برحليون

تمشّى عا بحر الميّت الفوقو جليد***وايّاك تمشي فوق بركان الأسيد
بيقطّعك شقفات يا موسى الزجل***وبيوصّلك بكياس عا شطوط القصيد

سلامتك يا حسن

بموســى إذا حبل التواصل ينقطع *** ببحر الزجل يا طراد ما بتلمح قُطع
وبقطع عابحر الميت وبحر القصيد *** متل ما الفادي على الموجةقـــَطـع

ان كنت عيسى ومؤمن بالله قطوع***وان كنت توما ما بتنجا من القطوع

وان كنت شاعر شق موجات الحكي***وضوّي بزيت الموهبة ليل الخشوع

عا حب برحليون ما فَتّحت عين *** لو ما يكون طراد حامل رمح زَين
متل توما جيت مادد إصبعي *** تا شوف برب المعنى الجرح ويَـن

جرحي ورق عطشان دماتي حروف***وبحري وجع أنسان ومواجي كفوف
تا تشوفني وتحس فيي يا حسن ***وتشيل شكّك دك ها الأصبع وشوف
ههههههههههههههههه

عطيتك فُرص يا طراد ضيعت الفُرص *** وبكل ردة بقولها عم تنقرص
كفوفي على جروحك إذا مرقتها *** لازم يا إبن طراد.. تشفى من البرص

ياما فرص ضيّعتها وما في حرج***وبقيت ناطر عمر تا يطل الفرج

ومتل الأسد فرصة حياتي اقنصتها***وضليّت نايم انت عا كعب الدرج

علي الموج يا حسن والتيار جارف بدو ياخد عا بلاد العم سام وعالم الفرص
ههههههههههههههههههههههههههههههههههههههههههههههههههههههههههههههههه

قالو الفرصة سانحة وطراد قال *** التيار ب أسم اللوطن موجو جبال

لو.كنت بالتيار مآخذ فرصتك *** كــِنا رفعنا رآيتك يا جنرال

بحر الزجل بو شربل

تركني مع التيّار تا قلّك لوين***رح وصّلك بالشعر وحياة الحسين

ومش هم كيف ووين ترفع رايتي***ل مهم أنّي رفّعك ديك التنين

ما قلتلك يا حسن علي الموج هههههههههههههههه

خيــكْ حسن من لهفتو ومن غـيـِرتو *** بيشـفـّق على التيار جبلك سيرتو
وكلما رفعت دييِ عمحراب اللحـُسين *** بناجي إلاهي يــاخدك عا ديرتو

فهمان عليك من أول ردة؟؟؟؟ مش عم أقدر ضلل النص من شان كبر الحرف بس على هيدا الموقع معقول أنا كابس شي شي بالغلط

يا رافع العشرة بدعاوي الأرملات***ما في أجابة و بالبحر ما لك حياة

والكل شافك يا حسن رافع يديّك*** رفعِة غريق اللازمو طوق النّجاة

يمكن عم تكبوس عا الشمال عا حرف a
لازم تكبوس عا اليمين

رافع إديــــي والمواج منرفزي *** وتيار جارفني على شاطي الممــات

يونس نبي عا الشط رجع بمعـــجزي *** أما البحر يا بحر ردو للحيات

تركلي النبي وعا الدين لا تفتح طريق***معروف عنّي الطائفيي ما بطيق
هههههههههههههههههههههههههههههههههههههههههههههههههههههههههههههههه

عا الشط لوما الموج شلحك تا تفيق***ضليّت يا حسّون بعبابو غريق
لكن انت متل الطحالب عا الصخور***بتعيش عشبة مكبّشة وشرشك رقيق
ههههههههههههههههههههههههههههههه

قيس الفرق خلقك قبل ما تطلعو... ما بَين دين وطائفية مُرعبي
*************
أكبر شرف شرشر عا صخرك تزرعو *** وإغرق ببحر المعرفي والموهبي
لو ما شروشي عا صخورك يطلــعو *** شو؟ قيمتك يا أرز جبران النبي

ضيّعت بالموضوع مديّت الشروش***وتركت بحري يغرّقك وفتحت boucheبووووش هههههه

وبتقول شرشك صار عا راس الجبل***وعا نص متر موّي ما بتقدر تفوش

ولك يا حسن صفيّت عا الجبل اكيد الموج قدفك عا راس الجبل
ههههههههههههههههههههههههههههههههههههههههه

كلْ عــمري ما بطيق الزاحلي *** وشرشي بحقل الموهبي فــَرّخ ســَبلْ
ما زال بحرك ما بيغمر كــاحلي *** يا عوج إبن عناق ضلـّك عا الجبل

عا البحر ما في مرجلي ...

المشاركة الأصلية كتبت بواسطة hassankawsarani

يا بحر شط المعرفي مشتاق لَيك *** وماشي مع التيار تكرم عينتيك

بأيدي عصاموسى وبإيماني مسيح *** أو بقسمك نصين أو بمشي عليك

------------------------------------------------------------------------
شادي موسى كتب
ياكوثراني جلت بالمضمار ......... وبمأتمك ... ع العيد لاتعيِّد
ولاتشيل من قلعة الغير حجار .......... بتهبط عليك ن كوخك مشيِّد
مش عيب انك تسرق الأشعار؟ ........... ت نظن انك بالشعر جيد
هالردة ال قلتها ياجار .......... من شغل أسياد الشعر " ياعبد "
........................ وموقعة من أحمد السيد ..................

-----------------------------------------------------------

يعني اسمحلي عيب تستخف بخصمك وبالقراء وبالشعراء يلي عم يتابعوكن....

وتكتب ردة مش الك

بحر الزجل والأمواج العاتية
بو شربول

يا شادي رووق غلط الكوتراني***وسرق من أحمد السيّد معاني
افتكر بالمنتدى بتمرق علينا***وانا بالبيت عندي الأسطوااااااااانــــــي
هههههههههههههههههههههههههههههههههههههههههههههههههه ههههه
بلعناها وقلنا ما علينا***عا شرط يكون شاطر بالغناني
فتحنا محاورة وفيها ابتدينا***وعطيتو مجال ..تا يصون الأماني

انا ويّاه في مرة لتقينا***بمشتواي افتكرتو صار جاني
وعدنا اليوم بالملقى ابتلينا***وعا انترنيت صفيّنا نعاني

وكتّر ما تشتشوا تعبوا يدينا***وبقلب المنتدى نعمول قـنــــــــــانـــــــــي
هههههههههههههههههههههههههههههههههههههههههههههه
انا وشعّار معروفي ارتقينا***نفطم يا حسن جوعك لأنو
منعنا بمنتدى الكلمة الحضاني

__________________

ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو

خلّيك متل الشمس سجّادي****تستقبل النجمات لمّا تفوت
بعرف انا خلقان ببلادي****لكن ما بعرف ويّن بدّي موت

أول شي بعتذر من الجميع . بمجرد ما قريت ردتك خطرتلي القفلة وكتبت الردة
بس والله العضيم عن غير قصد لأنها راسخة بذاكرتي ولو كانت مقصودي شو بيمنع قول
بمشي عا بحرك متل ما عيسى مشي أو بعبر متل ...هيدي الحقيقة بشرفي هفوة لا تضلمونا يا جماعة

مين قال إنو بعد ها الشيبي *** بجني بمواقف حاسمة الخيبي
وحدو حسن عن ها الحكي مسؤل *** خلــّو الحكي من اللعبْ للجيبي
كل موسم في إلو محصـــــــــول *** وكل طلة وفي لها هيــــبي
وخــلّو سهام النقد با المعقــــــول *** لا تقصدو التشهير والغيبـــي
وسوء التفاهم يا طراد يزول *** وعا الللي ما عرف العيب منها عيب
عيبي على اللي بيعرف العيبي

اشتقنا لحسن كوتراني Progress

شو صار حتّى تعتذر يا جار***ما كلّنا بالمنتدى أحرار
ان حطيّت بيت زغير مش مشكل***المشكل مع اللي كاتب الأشعار

من جهتّي لا تخاف ما بزعل**وبعرف حسن شاعر بيوتو كتار
وانتي أكيدي هيك ما بتقبل***تشفط البيت وتنكر الــــي صار
ههههههههههههههههههههههههههههههههههههه

رح اقترح ها البيت يتبدّل***وتعطي الفكرة زاتها وتختار
ها القافية أو غيرها توكّل***عـــــــا ربّك ولا تخاف يا حسّون
بتنعدّ شاعر زينة الشعّار
هههههههههههههههههههههههه

ما صار شي بقترح تطلب من الادارة تعديل البيت وتخلي الفكرة زاتها وكاسك

__________________

ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو

خلّيك متل الشمس سجّادي****تستقبل النجمات لمّا تفوت
بعرف انا خلقان ببلادي****لكن ما بعرف ويّن بدّي موت

يا بحر شط المعرفي مشتاق ليك *** وماشي مع التيار تكرم عينتيك
ناطر هياجك يسكن بحيث النبي *** ما خاف مــِنـّك إنما خــَوفو عليك

أقسم بأولادي عن غير قصد .حذفو أول ردة العلقة مع المخابرات أسهل من العلقة معكن

لا تقسي كتير يلّا يا أدارة***حذفيلو البيت نزّلنا الستارة
خلص بالمنتدى فصل التحدي***وعطينا المخرج المسرح أشارة

ويا أنهل مشرف الموقع الجدّي***اعترف حسّون بالغلطة بمهارة
تركوه يعدّل البيت بمودّة***وانا من جهتّي قبلت الخسارة
ههههههههههههههههههههههههههههههههههههههههه
انا من المبتدى ما كان بدّي***كسّر روس شعّار الأمارة
بس البحر ما بيقبل يعدّي***قراصنة المراكب والتجارة

انا بو شربل المعروف قدّي***محيط الأطلسي ان ضدّي تبارى
بيركع متل بركة ميّ حدّي***وهديري بيجرح خدود الحجارة

ويا حسّون ضليّتك مهدّي***بوجّي وكان في عندك جسارة
وما بقبل فيك بعد اليوم ضدّي***اذا ما كنت جاهز للتحدي
وقصيدك بكر وبيوتك عذارة

وكاس الشباب وكاس حسن كوتراني حبيب القلب وكانت جولة موفّقة والى اللقاء في حلقة قادمة بحر الزجل بو شربل
هههههههههههههههههههههههههههه

__________________

ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو

خلّيك متل الشمس سجّادي****تستقبل النجمات لمّا تفوت
بعرف انا خلقان ببلادي****لكن ما بعرف ويّن بدّي موت

أنا يعجبني في شعر أبو شربل وخاصة في باب المفاخرة انتقاءه للألفاظ رنانة تترك أثرها في الإذن وهذا خير دليل أنه شاعر متمرس في الشعر والأدب.

» روائع زين شعيب تركرم يا حسن كوتراني
» اشتقنا للشاعر بو شوقي
» اشتقنا ...ووين الشباب