مارون بستاني يتهجّم على بحر الزجل

مارون بستاني



يا منتدى سليمان ما عندك رصيد
منطلب نسورا تطل.... بتودي هداهيد
وما زال يا ابن طراد انت عليه سيد
تفضل لاقيني انت....ما تبعت عبيد
مع احترامي لكل من غنَى قصيد
مش قاصد التجريح فيهن شي اكيد
لكن انا بمواهبي غلبت العديد
اما بقطع الروس يما بكسر ايد
وصفَيت للمنبر انا سيدو الوحيد
وعندي هواية كسَر الراس العنيد
ومن هيك تا الطلاَب مني تستفيد
قررت عن روس الصغيرة اليوم حيد
وتا ضل مارس هالهواية بالزجل
غير روس اسياد المواقع ما بريد

حبيبي مارون هلق شفت ردك ههههههههه
حلوووو بتضل أحلا من حكمة ههههههههههههههه
وانتي نبّر ون بالموقع


عا المسافات الطويلة يلا


بحياة ربّك ليش يا مـــــارون
تراشق حجارة وبيتك مقزّز

ما بتعرفوا عملاق برحليون
ألّا بنسور النت ما تلزز

مرّة دخل عا المنتدى بكانون
حكمة أفندي جلّد وأزز

وفادي حبيب القلب مع أنطون
وهاني ناصيف المرجلة وحسّون
وأللي في عندو موهبة تعزز

هههههههههههههه
قبل العشا معتاد اشرب كاس
وبفرض الله أحفظ دروسي
ونيّم بتخت الموهبة الأحساس
وعند الصبح فيّق ببقّوسي
ههههههههههه
ألّا بيجيني بالزجل نسّناس
ب بيع بيتنجان مقدوسي
وبيصير بالموقع يكبّر راس
وعندو سلاح مجنز وروسي
هههههههههههههههه
بحر الزجل تاريخ ما بينقاس
بيحط عا الشعّار ل أكوسي
وانتي يا طفل الما ألك مقياس
توقّى البحر الغدار ...يا نوسي
هههههههههههههههههه
نحنا محيط الشعر ما بننداس
وبالموج ياما جبال مدعوسي
منّي نصيحة قشّر القلقاس
وفتّش عا شغلة روح يا مارون
تاجر بكشّي وبيّع لكوسي

ههههههههههههههههههههه
اكيد بتوفّي يا غادة لأنو في قطع كهربا كتير ههههههههههه

مارون بستاني


مساء الخير يا طراد وعوافي
يا ريت بقيت شي شهرين غافي
وما تقشع ردَتي وتبقى مطنَش
لأنو صارت ردودك سخافة
انا طبَاخ ما تعودت تشتش
ببحر الفكر وبحور القوافي
وقيمة عملت للشعر البيفرفش
وضريبة انت عالقيمة المضافة
انا الأرز وتركني الرب شلَش
بأرض الموهبة وأرض الثقافي
ومهما يا بحر تفضل تعربش
بتبقى بيننا بعيدة المسافة
انا القلقاس قشراتو مقلَش
وكل ما تكون يا سليمان حافي
بدربك بوضعوا وشغلي بيبلَش
اضحك عا زحوطك ب لطافة
ولأنك عالطبخ متل المحشش
وتا تشفى ما لقينا علاج شافي
رحت عا مطبخك بلَشت فتَش
لقيتو كتير لازملو هفافي
ولأني ما معي اصرف وبخشش
ولحتى الناس تاكل عا نظافة
بدي شعرك بهالليل حلَش
وما خلَي وبر من راسك يهرهر
عا جاط القطر او صدر الكنافة
ههههههههههههههههه
هيدي من وحي رداتك يا ابو شربل واعذروني عا هالقافية المشربكي

بحر الزجل
بو شربل


يا بطيّخ المواقع يا أناني
عا ردّك شوف رح ردّك معاني
وما ردّك متل ما حكمة مفكّر
صحن فتّوش يرقص عا الصواني
ههههههههههههههههههههههه
انا طبّاخ شعر وقول أكتر
طبخت النت بمطابخ زماني
وما في شاعر زجل عا النت يظهر
اذا ما بيمرق بفرن الغناني
هههههههههههههههه
انت بالمنتدى شاعر مقصّر
وجايي ومفتكر عنّا حضاني
قصفلك عمرك بشعرو الموقر
عميد المرجلة والطق هانيييييييي

ألك شهرين بالموقع مشفتر
ووجّك صار متل البتنجاني
لأنو طعمتك سفرجل امّرمر
وعا صاج الموهبي مرقت بثواني

قلت قلقاس بالموقع مقشّر
ودخلت مطابخي يا فهلواني
دخلت تا تسرق الجوز المكسّر
وتطعم حكمة وفادي وطانييييييييي

ههههههههههههههههههه
منيح للضهر هههههههههههههه
وانا يا ست هيفا اليوم مجبر
عا مارو المدعي عرّج حصاني
ومتل ما بضيعتي بنعمول الزعتر
بجرن وجاط ومدقّة كبيرة
بدّي نعّمو بجرن المعاني

مارون بستاني


يا ابن طراد شو صرلك خطيي
لحتى هجمت هالهجمة عليي؟
وبموقعنا انت انجق بتطلع
حبة برغل بشلال ميي
عملني زعتر وكلني تا تشبع
حتى ذهنك يفتَح شوية
وانا واثق متل ابن المقفع
بصفَي فيك فكر وعبقرية
وعميد المرجلي بيشهد الموقع
ضحيَة صار لما احتك فيي
وانت متلو بهالليلة يا اصلع
جايي عنتر وراجع ضحيَة

ههههههههههه هيدي عا ذمَة حكمت

انا عا مطبخك ما دخلت اجمع
جوز مكسَر بيغلق شهيَة
ولا فادي في الو بهالأكل مطمع
وحكمت مطمعو شفاف الصبية
وعميد الوزن يا سليمان اقنع
بيطعمي عا شكالك خمسمية
وشو بدَو ياكل بمطبخ مجمَع
صناديق البطاطا المهتريَة
واذا محتار يا طراد المدلَع
شو فتت عملت؟ رح قلَك يا خيي
عملت حملة نظافة وصرت اوضع
علامة...وصفر طلعتلك هديَة
رجعت جرَبت يا سليمان إنقع
بجاط الشعر راسك من عشيَة
بلكي بينظف وبيصير يلمع
من الطبخ ومن الكبَة النيَة
ووضعت ال اودجافيل وصرت اقشع
روحك عم تصفَي منتهيَة
لأنك من فجل بيروت انزع
ما فيك تعيش الا عا الجيَة ههههههه
على كل حال بدَي ياك تسمع
انت وجوقتك والأكتريَة
انا ما عاد بدي فيك اشفع
وتا ربَي فيك هاني والبقيَة
عا برحليون رح ردَك مخلَع
وقتل طعميك مش كوسى ومحشي
لحتى تركع تبوَس يديي

ملك المطابخ النتيي

بو شربل

حلوووو يا مارون رح تصير مساعد شيف هههههههههههههههه
خليك بالتنظيف هلق

ثابر عا شغلك


يا جايي سكوت...!!!بو شربل تعشّي
وعامل بالزجل عا النــــت عشّي...!!!

دشّر راسك يعشعش عامنبر
ويلا ما تضل طابش بالمعشّي

كنت عملت ثروة...وقوووول أكتر
لولا سمعت منّي وجبت كشّي

وما كنت بموقع الكلمة مشفتّر
بقرنة ضارب على الناس كشّي

على الكافيرا بتضّلك مقصّر
كتيــــــري عليك تاكل قلب مشّي
نوع من انواع السليق هههههههه

وانا بحر المعنى الصرت أخطر
وانت بتفوش فوقي متل قشّي

انا عا مطابخ الكلمات بسهر
تا قش الماألو بالطبخ قشّي

وانت أفلام كرتوني بتحضر
ما فيك تشوفها من دون دشّي
هههههههههههههههههه

ويا فادي بس...؟؟مارونك تصوّر
ب قلب سوكلين متوظّف بيمشّي

زفت أحوال ها الوضع المدهور
وتنك مزتوت بجيابو محشّي
ههههههههههههههههههههههه

انا رح افرمك متل الشمندر
وعا راسك رش كمشة ملح رشّي

تا شوفك ميل أزرق ميل أصفر
وورم بو كعيب ما ب فشّ فشّي

انتي بغيبتي بتصير عنتر
وما فيك نهار تتطّلع ب وشّي

واذا سعر الفجل عنّا تغيّر
وسعرك صار يا مارون طشّي

يمكن وقتها يرخص السكر
ويصير الفهلوي يحاور الطشّي
هههههههههههههههههههه
واذا قررت أنو نهار افطر
عليك بتشتشك بالخل تشّي

وبفرم لحمتك تا تصير أطهر
وعا حكمة بيك يا جمهور...ّ!!!دشّي

وانا عا النت مش معتاد اسكر
ولا المعلاق حبيّتو بلا فشّيييي
هههههههههههههههههه
عا هاني ليش تحكي يا معتّر
وهاني ان خش دفو يوم خشّي

بيصير النت يرقص متل عسكر
وانتي من الفزع عينّك تغشّي

وبما انو الجماعة بهيك محضر
طلبو بردخك تا تنش نشّي

يا هيفا قزمك على النت زمّر
وحتّى انّضفك تا تصير شاعر
نوينا صوبك ندير المرشّي

هههههههههههههههههههههههه

هههههههههه ما توا خذني يا بو شربل بس صار الي يومين بلا انترنت على كل حال منيحة منك هالقصيدة بس تقَلتا شوي بالآخر بالمرشي وبدك تاكل غبَا هيدي هههههههههههههه وبخصوص هاني انا كنت عم حركش فيه بلكي بيرجع لأنو شتقنالو ومن وقت ما تسجَل عندك صار يرجع لورا والبرهان انو ردَ عليي بنفس القافية والكلمات هههههههههههه
يلا شي ساعة وبرجعلك تا تكون ستوت الطبخة براسي ههههههههههههه

مارون بستاني

ضجيج العرس يا مزامير ضجَي
وبسجن الحب ابن طراد زجَي
لأنو بالحقيقة مش مطوَل
تا مرَة تانية ينزجَ زجَة
انت مفروض كان تبقى مكلَل
يا سليمان عا دجاجة بحجَة
منها تجيب بيض بليل مخمل
وتعمل منهن على الصبح عجَة
هههههههههههههههه
انت مش انت يا كوز السفرجل
اللي فيه يرجَ تحتي الأرض رجَي
انت متل السيجارة وقول انحل
ما باقي فيك الا كمَ مجَي
ههههههههههه عا آخر هههههه
وصوص الراح لعندك تسجَل
عليه عطوف تا ما يبجَ بجَي
طعموا تا يكبر ويصبح محلل
وعليي قصَ راسو بحرش بجَة
ويا هيفا ال بالذهب تاجك مكلل
ليش طراد حطَيتي بوجَي
ما بدي كهل عالمنبر مهركل
وتا يمشي بينسند عا كتاف حجَة
هههههههههههههه
يا اما بيعترف انَي الأرجل
يا اما بطجَ راسو الف طجَة
يا بسحبلو الألف تا يصير اسهل
يطلع طرد من عنَا بلا ضجَة
ههههههههههههههه
انا حسَيت بالتهذيب قلَل
ب شيل مرشَتو من قلب قجَة
اذا مظبوط؟ رح يرجع مبلل
لأن بترشَِ متل العم يهجَي
ههههههه نقطة نقطة ههههههه
واذا سوكلين طلبتني ما بزعل
ولازم انت تصرخ يا منجَي
لأني بهالوظيفة اليوم بقبل
تا نظَف هالزجل من جاويينو
ومن جراثيمك الشعَار نجَي

بحر الزجل وجنرال الغزل بو شربل

يا جايب كزبرة وبتقول بقلي
وناقل بالزجل عا النت نقلة

ولأنك سلحفات وما بتوصل
بتنقل كل عشرسنين نقلة

شويتك متل جاجي فوق منقل
ورغم ما جاب هاني زيت مقلي

ولأنو الفحم صحي يا مدلل
وانا استعملت قبل الأكل عقلي

مظبوط شباب ههههههههه

وبعد ما دبحك الليلة تحلل
تعا يا كوتراني خووود شقلي

ويا فادي عزوم طااااني عا المتبّل
وبربّك لحمتو لماااارون دقلي

هههههههههههه رح نصفي من اااكلين اللحوم ههه

ويا هيفا ليش تا غرّك تسلل
ونطقلك بالقصيدة وما نطقلي

وعارف بالزجل عا النت أتقّل
من الجوهر ما في شاعر بتقّلي

وهاني بالمواقع لو تنقّل
نمر ضرغام عم ينقل بحقلي

وقصيدو بالزجل صاير مفلفل
وهاني لو غضب بالشعر تقّل
قليكون بالزجل من دون مقلي


انتبه يا مارون هاني ما بيرحم عهخهههههه
ولسانو مفلفل ما في عندو مزح هههههههههههههه
ناطرك بعدو ههههههههه


بحر الزجل وجنرال الغزل
بو شربل



وعلى زكر المرشّي يا ضنايي
انا ما رحت درتها من زكايي

لمّا شفتك موسخ مجلغم
وبعيــــــد كتير عن هاك القنايي

سحبت مرشّة الشعر المعظّم
وقلت تا تصيرانقا من المرايي

فتحت السكر وتركتك محمم
وطوفي رايحة ومازووخ جاييييييي

هههههههه
واذا هجيّت بالميي تعلّم
كيف بتنسقا حروف القرايي

وتا فيك تحلل بشعري تغرّم
أصول الطق لا تزعج سمايي

انا بحر القصيدة حملت أضخم
مراكب شعرنا لشط الهدايي

وانت ضليّت بالموقع مدمم
ما بعرف مين طقّك بالعصايي
ههههههههههههههههه
لها الأسباب يا روحي تقدّم
وبلا ما تقصّ عا العالم حكايي

انا قائد مواقع مش مقدّم
وعميد الفن بالموقع نكايي

انا طبيّخ كل الناس بطعم
وبعمول خير ما بعمول دعايي

وما باكل بالزجل لحم المحرّم
تا صلّي وحلل وأدبح ووزّع
عا مملكة المعنى والولاييي

ههههههههههههههههههههههههههههههه
يا مارون بحر الزجل قاسي يا ابني

مارون بستاني كتب

يا قاسي حاج تطلع بالأعالي
ان كنت بولاد ...رح تلوي قبالي
واذا صوَان ما بيخيب ظنَي
مفتفت رح بردَك عالحقالي
انا لو سلحفة...مرَة امتحنَي
ارنب متلك بيسبق غزالة
فزت عليه بأسلوب فنَي
وبعدو عا خدودو الدمع شالي
ههههههههههههه
عزمت اصحابك بطنَي ورنَي
عا اكلة لحم مشوي او مقالي
رجع هاني لعندك قرص عنَي
وحسن بيخاف يقرب عا مجالي
ههههههههههههه
انا راسمال للفكر المجنَي
واذا جوعان يا بو راس خالي
بس طلوب انت بدون منَة
الك لحمي ودمَي وراسمالي
هههههههههههه
انا رب الزجل من صغر سنَي
وانت ابليس وركوعك حلالي
انا معتاد اضرب ما بتنَي
وانت محطوط صفر على شمالي
هههههههه
يا سليمان دخلك حلَ عني
لأنَو انت منَك من رجالي
شفلك روح شي شقرا مسنَة
معها كزدر وجيب البقالة
ههههههههههه
فلقت الناس انت وعم تغنَي
بإنَك بحر فيك الدرَ غالي
ونقلت مراكب الشعر بتأنَي
على شطوط الهداية والأصالة
على كل حال يا بحر التجنَي
مهما تعمل من الموج هالة
انا ما بخاف من موجك لأني
مسيح الفن وبأسهل طريقة
بمشي عليك ايام وليالي

حلووووووووووو مارون كتير
قصيدة موفّق فيها هيدا الشعر يا شباب

جنرال الغزل ومحيط الزجل
بو شربل

يا بحر الشعر اطلع عا الشواطي
الموجة عالية ..ومارون واطي
هههههههههه بالشعر كيعا
ولا تسأل عا الصبايا بس تطلع
لأنو مفرعين من الخواطي

انا بحر القصيدة بكل موقع
محيط الأطلسي من احتياطي

وما بقبل وجّه على النت مدفع
قيل ما فرّغ براسك مشاطي

انا بالشعر يا مارون مرجع
بعمرو يوم ما ختير نشاطي

اذا عملتك هريسة بشهر مرفع
ما فيك تكون تبّولة بجاطي
هههههههههههههههه
انا رجّال نسوّنجي وتا تقنع
مع المنزوع ما بحب التعاطي

انا ملّوع بحبّي مش ملّوع
بجيش العشق عالن انخراطي

وما بقبل كون متلك يا مدلّع
مع الزعران ماشي واللوا...ي
هههههههههههههه
عذرني عن مزح اكيد
انا بدي شعر عا النت يلمع
انا الشحرور بدّي والقماطي

انتبه يا صاحبي عا النت تقشع
بحر غضبان في شيطان لاطي

ولأنو بحر بو شربول افظع
من بحور الكريبي التحت باطي

انا قررت اقسا يا منعنع
يا بتذوق طبخات المعنى
يمّا بذوّقك زردة قشاطي

ههههههههههههههههههههههههه
قلتلك قاسي يا مارون

بحر الزجل والمواضيع الحسّاسي
بو شربل


يا نعنوع المواقع لا تبالي
اذا ما قدرت تقرب عا مجالي

ولا تفزع يوم لوما فيك تزلع
جزرة مجزّرة بمطعم خيالي
هههههههههههههههههههههه
وما زالك قلت يا منزوع مولع
بصيصان السفاهة والرزالي

لا تطلع يوم عا المنبر مشخلع
لأنو الديك يا مارون صالي
ههههههههههههههههههههه

انت مش خرج ترحم يا منعنع
ريقك شط ...؟موجي كتير عالي
ههههههههههههههههههه

انت بالكاد تشلط عرق نعنع
مافيك تشد ألا الأنحلالي
ههههههههههه
وما زالك صرت لوو...لو .؟ وشو بيمنع
مع الذئبان تسرح بالليالي
ههههههههههههههه
ولا تعتب لو أجى هاني وتمقطع
فيك وقال اسرح يا غزالي
هههههه
عا شرط تضّل يا مارون تركع
بشارع رزق...!! وتلملم زبالي
هههههههههههههههههههههههه
واذا شي نهار وعيّك حب يرجع
وندمت وصرت بالموقع مثالي

عليي ارفعك تا تصير تنفع
ومع الشعّار امضيلك كفالي
ههههههههههههه
انا بحر القصيدة يا مدلّع
الصبايا بيقصدوني عا جمالي

وعا شطّي بيرتمي الجسم المفرع
وحمـــــاوة عــــاحمــــاوة عا رمــــالي
ههههههههههه

وانت نعنوع صبّاطك ملمّع
وباخش دينتك ذل ونذالي

ومتل ميكل تجكسون يا مطرطع
تا لون الجسم يتغيّر دهونو
ضروري عليك ندلق سم غالي
هههههههههههههههههههههه

وبما انو انا وحبيب القلب مارون تقال الدم وسماااك
هيدي قصيدة من بو شربل للشباب

وتا ما حدا ينتقد مدير الموقع كيف بيسمح بهيك مواضيع تقيلي
رح قلو




قديّش بدّك يا زجل تأصيل

تا يصير يفهم قيمتك ها الجيل

الشحرور كان وطانيوس ارباب

يطقّو بلا استأذان أو تحليل

واليوم صفّى الشعر عندو بواب

بتندق بالشاقوف والأزميل

وسمسار صارو يكتبوا وكذّاب

ويمسّلوا بالأووووف والتدجيل

وما يحسبوا للذوق أيّيا حساب

ومش هيك يا أحبابنا التزجيّل

لولا عليّي بينوضع بوّاب

بكسّر بواب النت يا فادي

ولا تخاف مش رح فلّ دمّي تقيل

هههههههههههههه

وقبل ما نقفل الصفحة تحيّة

لشاعر أفكح تهّجم عليي

لسانو مبرد وتفكير أعور

وب سوق المرجلة بيضل نيّي

ويا أحبابي شو بدكون بعد أكتر

من مسبّات فيها طيب نيّية

كسرنا القاعدة تا صار يسكر

جنون الطق متل المدفعيّة

الزجل يا غرّ بالموقع تزكّر

خدعة مغلّفة بورقة هديّة

وممثل قادر يبين بمظهر

عجوز وشب متل المسرحيّة

وانا ويّاك بالشعر المجمّر

كسرنا الجوع وفتحنا الشهيّة

واللي مدعي وبيقول أشعر

يجي يتحركش ولا يخاف فييي

وبلولو لا يدقّ حرام هرهر

ول حوحو يروح ينتفلو جفونو

بمنتف نار حمرا جهنّميي


ههههههههههههههههههههههه

رائع يا مارون بهنيّك صرت من حاملين الحزام الأسود
ويا ريت الشباب بيكون عندون ها الروح الرياضية الحلوة
بحر المواضيع الممنوعة عا الانترنيت

بو شربل