نقل قصيدة بدون ذكر اسم صاحبها

فتحت النت عم فلفش وراقـــــــي***شو صار بغيبتي وشو رح بلاقــــي
لقيّت النت عم يرقص ل حالو***وهدير المرتجل عبّا السواقــــي

شفت عمّار بيشاقط خيالو***وبيعاتب سارقينو بشعر راقي
قصايد بكر من عندو انشالوا***ونزلوا بأسم تاني بغير موقع
وانا ما رضيت اسكوت يا رفاقي

*****************
اشتاق الوحي للشعر للشعّار***لباقات ورد تزيّن السلّة
واشتاق عنّا المنتدى ل عمّار***ويا حرف قلّي أيمتى الطلّي

كفتا تركتو المنتدى شو صار***وبحياة ربّك شو جرى قلّي
عمّك أبو شربول ليل نهار***حامل بأيدي مسبحة تا تعود
وتا حرف يرجع راكع بصلّي

*********************
طلمس خيالي بغيبتك يا شريك***وما ضل عندي للهجا جلادي
والصّوص صار بمنتدانا ديك***وشبشب الطفل لكان بيدادي

لا تغيب عنّا ربّنا يخليّك***نجوم ووحي وللشمس سجادي
وقلّو لحرف لا يطوّل بوصيّك***ويعود من افريقيا بخير
ويكتوب ولنّو بيت قرّادة
***************
شو بخبّرك بالمنتدى صفيّت***ابرم عليكون متل جنّيي
وحتّى ولادي يسألوا بالبيت***شو صار مع عمّار يا بيي

من كل قلبي صدّق تمنيّت***ابعت مع النسمات غنيّي
وطعّم بلهفة رفقتك شي بيت***يوصل لعندك ....!!بس ما فيي

الله عطاني توم شو استحليت***أول ضيافي ضيّفك هيي
وتسمع عن لساني كنت يا ريت***اجمل ما في بالكون خبريي

ومع كل هيدا صورتك خليّت***ببرواز روحي وعايشي فيي
وبالفيس بوك عملت صدّق ديت***وعم ااااكول فراريج مشويّي
ههههههههههههههههههههههههههههههههههههههههههههههههه
وسيفي المبولد بالقبو حطيّت***من حيث ما في اسود بريي
وفتحت مطعم للأكل مع نيت***وبلّشت اطبخ حقّك عليي
ههههههههههههههههههههههههههههههههههههههه
وبالوزن والأبداع ما خليّت***وضليّت موج بحور شعريي
وصفيّت ااكول طبختي بلا زيت***ولا تخاف في شعّار عا الفيس بوك
عم يسألو عن حرف يوميي

اللله عا ايامك يا بو شربل

اشتقنا لحرف

هههههههه