هاني ناصيف و فادي فياض من جديد

هاني ناصيف :

قرب يا فادي عا حوار المرجلي
انقسمو المنابر و الحكي سعرو غلي

ما كان قصدي تنزل على معقلي
بتطلع صغير قبال عمك بو علي

ابعت الي الارجل بهيكي مرحلة
النيران شعلت و الخيول ماصلي

من ساحتي بتروح يا فادي طريح
و مش رح يفيدك غير تسجدلي الي

فادي فياض :

بعدك يا هاني حصرم وسعرك زهيد
ابعت ورايي عند ما تصفي نبيد
بسجد إلك بالحلم وبتعرف أكيد
مش عادة الأسياد تسجد للعبيد
ولما خيول الحرب تجمح من بعيد
بتروح تحت نعالها أول شهيد
تأكد يا هاني كنت عا جروحك بزيد
وبنهي حياتك بالمعنى والقصيد
لوما بخاف الناس بالموقع تقول
انو مدير الموقع بيعدم عميد

رح عيدها كلما الحضور يقول عيد
وحوّل ليالي الهم والأحزان عيد
تعلم يا هاني وبالشعر تا تستفيد
مني ومن شلهوب او حكمت شديد

هاني ناصيف :

مش انت رح تنهي امير المرتبي
لحول جروحو وراق جوا المكتبي

شعري يبن فياض نكهة طيبي
بيدبح متل حد السيوف الطيبي

انهيني جرح من اخ نغمة مرتبي
انهيني يا شمر بكربلا و لا تختبي

قبلك يوضاس الكفر عا سيدو افترا
و انت وقعت متلو بذات التجربي

حكمت قبل منك كعي في ملعبي
و متلو ابن شلهوب صفا ملعبي
و كرسي الرئاسة يا حبيبي مطوبي
عا اسم روكز مش جنين الموهبي

فادي فياض :

يا ريت جرحك كان من جرح القصب
يما بيشبه جرح عيسى اللي انصلب
عا مين بدي حط لومي والعتب
بحكيك هون وعم تجاوب من حلب
يا ضعيف كلما بتنزرك وبتنغلب
بتعمل مسيح وجرحك دياني كتب
تأكد إذا بينحط جمرك عالكلام
تمك بخيطان العدالة بينقطب

حكمت وطوني كبار أعلام الادب
ان ذميتهن يا زغير بدك تنعطب
عم دربك تا تصير تتحدى الغضب
وتقرا سطور الشمس عا حبوب العنب

هاني ناصيف :

تركني يبن فياض كفر و سيئات
جروحي عطو للذات قيمة و كبر ذات

تركني هروب من الحقيقة و انفلات
هربان من شلعة متل فضلك طغاة

تركني جرح عيسى عا خشبة تضحيات
جروحي عا منبر شعر عملو معجزات

ولا تقطب شفاف العدالة بالغلط
بتصير ما عندك عدالة بالحياة

طوني و حكمة ناس كتبو معلقات
و صارو رقابيهن عا ايدي معلقات
مهما طمعت بي صحرتك تعمل واحات
بتضل صحرا قاحلي من دون نبات

فادي فياض :

شفت العلم عالجهل طاغي ومش حنون
وقبلت طاغي يا ابن ناصيف كون
لوما طغى الإحساس ما عرفنا الفنون
ولوما النعس يطغى ما بتنام العيون
عندي العدالي مش عدالة بان كي مون
المن قوة المنشار ما بتحمي غصون
عندي عدالة هالأرض وترابها
وحتى قمح تحصد ما تزرع زيزفون

ما أشطرك صاير بتركيب الديون
شيكات مكشوفي بيوتك عم تكون
طوني وحكمت بالنحو يا أفلاطون
كسرة وضمي وانت عا جنبن سكون
هههههههههههه
يا ويلي عليك عا ريت حرف هههههههه

هاني ناصيف :

الظاهر يبن فياض ضيعت النظام
و بلشت تغلط بالحكي بين الكرام

كيف طاغية و عندك عدالة يا سلام
و جاية تا تطغي و و تدعي و تهجي القلام

هاني يبن فياض عالمنبر امام
قرب لعندي بعلمك تمشي لامام

يا بتحترم هاني عميد المرجلة
يا بحرّمك تطغى على حروف الكلام

هاني فقير المال لاكن عالدوام
عندو غنى بالقافية و كبر المقام
و حكمت و طوني انشرفو لعندي قوام
رح يعلقو بفتحة مشانق عالكمام

» فادي فياض و هاني ناصيف
» هاني ناصيف وبسام العنداري منقول
» هدية ل هاني ناصيف والمؤتمر
» تفضل يا ثرثار ...!!!هاني ناصيف
» مباراة فادي فياض حسن بنوت