وينك يا عمو امطانيوس ؟؟؟؟؟؟؟

يا جارة الوادي ندهي رجال الكبار

اشتاقو المنابر للمعارك و الحوار

لاكن ما بدي غير زحلاوي يجي

ما عتدت اكرع خمر الا من الجرار

حكمة يا عمّو قال اني انت
وما نكرت اني امطانيوس تا يروق
ويمكن اذا بيقول عنّي بنت
تا جاكرو ويشك فيي بقول
غيّرت شكلي بس ما بيذوق

***********
ما كان قصدي تعتب عليي
وما تعود تكتوب شعر بالموقع
عندك معزّة بعزّها لبيي
ولازم علينا تطل يا عمعوم
وعا المنتدى بقصايدك ترجع

**********
ومفروض منّك يعتزر حكمات
ويعرف بأنّو مغلّط بحقك
ويكتوب قصيدة طالعة من الزات
ويجرّب يصلح غلط منشان
نحنا بقلب المنتدى نحقّك
**
محلّك بقلب المنتدى محفوظ

ارجع لعنا لهون ما يهمّك

وقديّش يا هاني انت محظوظ

لما بتكتوب شعر مع عمّك

[b]

اعدرني عممو هاني كانت الانترنيت ضعيفي
وتكرم عيونك انا رح حاول اكتوب محاورة مع انني ما بحب المحاورات

وهيدا ردي

جرار القصيدة ناطرة شفاف
القمر
تشرب نهم عشقان وتزرزق
سهر
وما بتعتق بيوت القصايد
بالزجل
اللا يا هاني بخابية ما
بتنكسر

عممك امطانيوس

اهلا بعمي امطانيوس
جربناك بالغزل و الوجدانيات و انا عبالي جربك بالتحدي و ما في الا بو علي بالميدان

عندك خوابي الخمر منها بيستحي

و عندك خوابي بتعشق نبيد الوحي

و ما بتعرف عيار الخوابي بالزجل

الا ما تتعير عا خشبة مسرحي

عيار الخمر ما بتعرفو غير
الجرار
الفيها دفا كانون بمخابي
الحجار
وعممك خميرة مش خمر
بالخابية
تا تعييرو بميزان شعرك
يا كنار
والله انتي حبيبي هاني أوول محاورة صدقني بكتبها لأننو ما عندي خبرة بالجزل
يا عممي شو عم بيصير بالفيسبوك مش عم اقدر اعرف وين ماشي
فهممونا

عممك امطانيوس

مش كل شاعر قال بتحدى الزمان

بيكون فيه خميرة الشعر المصان

وتا نكشف المخفي فتحنا مجالنا

و بالامتحان المرء يكرم او يهان

وجود الخميرة حق بطحين
الندم
بتشرب دموع الروح وبتغسل
قدم
خبز الخيال بنخبزوا بفرن
الوحي
وخبز الأهاني بنحرقو بفرن
العدم

عممك امطانيوس

طحين الندم ببلادنا كفر انتشر

تا صار وهج الفرن يا عمّو بشر

وعندك بشر لعنة وجود الانبيا

تا صار خبز الكون لعنة عالبشر

بوعلي

خبزك حلا مخبوز بالفكرة

وشعرك قصيدة مطعّمي بياقوت

رح عيش يومي وقول في بكرى

بركي ل عنا بترجع وبتفوت

حلوووو يا عم شعرك خميرة وشعر هاني طحين جيّد متابعين المحاورة الله يقويكون

» تفضل يا عم امطانيوس بكل محبة
» قصايد ممنوعة ل امطانيوس الزحلاوي
» فداء مطر والعم امطانيوس الزحلاوي
» العم امطانيوس وناجي عسّاف
» وينك خيي حسن