| صفحة الشاعر الدكتور اياد قحوش | |
|
|
|
كاتب الموضوع | رسالة |
---|
سليمان المدير العام
عدد الرسائل : 2970 تاريخ التسجيل : 13/03/2008
| موضوع: صفحة الشاعر الدكتور اياد قحوش الأربعاء ديسمبر 02, 2009 7:35 pm | |
| | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:39 pm | |
| الكفرون
نيسانة مناخ الروح
بتلبس طقس بيخايل
وبتروح
بتسافر بعبّ المدى .. لمحه
بتضوي شجر
مدّ الزمان شلوح
..
بتجمح فرس
من صهلتو الجمحه
بتطرش وقت .. صوب الأبد مفتوح
بيشوف من عرشو
الأرض قمحه
والشمس قمطة راس حاصودي
والريح لهته
والليالي سطوح
الدكتور اياد
* | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:40 pm | |
| | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:43 pm | |
| القمر كمان هديي للأستاذ النقيب انطوان السبعلاني
د. إياد قحوش عاكِمّ ألله كان زرّ وكان يضلّ عم يسمع اسم لبنان .. وليله تحمّس قام عالدرزه لْ بالكمّ قطّعها وركد هربان ت يشكّ حالو بالأرض خرزه عاصدر بيروت.. الحلو المليان وبلّش يبحبش هون عاكرزه هونيك عاريحة مجد جبران وهوّي وطاير علّق بأرزه وشاف أقربلو إذا بيضل بنص السما يبرم متل سكران | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:44 pm | |
| الشمس
هديي زغيره للأستاذ النقيب أنطوان سبعلاني
د. إياد قحوش
كل ما المسا بيزتّ.. عابحر التهب بالشوق من نصّ السما كتلة لهب بيزتّ بطرس بالبحر سنّارتو وبيشيل سمكه وشي بيفتح تمّها بيشوف فيه معلّقه ليرة دهب. | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:46 pm | |
| شرودك
قصيدة شكر للشاعر الأستاذ عمر تنن
د. إياد قحوش
"الرؤى" فلشت
على عيونك طبقها
فتحها جفن
والتاني طبقها
متل شمعه
حرقها ليل شارد
وحرق حالو بمطرح ماحرقها
..
وعِلي بابك
تصار الطقس بارد
وحمامة تلجك
بجوّو طلقها
كأنها روح
بمغارة عطارد
مخبّايي
وعَلي بابك سرقها
..
إنت دنيا مداها جْناح.. فارد
مجرّات..
القمر: حلْقه بحلقها
..
وأبد
كان القيامه عم يطارد
وكتر ما عجّل بوقتو سبقها
..
وإذا صبحك سكب
عالكون مارد
حلاك
الشمس بيشرقط عرقها
وبتصير الطبيعه
بغير وارد
وبدَل ما عاحبقها الضو ينزل
بيصير الضو
يطلع من حبقها. | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:48 pm | |
| ضيعه عالبحر
هديي للإنسانة الكاتبة سلام كنجو
**
د. إياد قحوش
بتِسْبح كمنجة ضوّ أبيض هاديي شط البحر موجة غناني .. هاديي
**
فيها دهب تشرين بالمي انصهر ألوان بخيوط المدى متماديي
**
والشعر فيها حلم من صدفه ضهَر وحطّ راسو عامخدّه ناديي **
والليل قهوي والبحر ركوة سهر وكلْ ما انطلبت إيدها بتقلّنا عم إنطبخ عانار صفنه هاديي. | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:51 pm | |
| هديّي للشاعر سمير هلال
د. إياد قحوش
فتحت الصدى دوّر ع غنيّه خبّيتها ببلاد منسيّه لقيت اللحن عابسكليت الروح جايي عُرب ع حبال صوتيه متل السّفينه الحطّ فيها نوح بطوفة قيامه سْنين ضوئيّه
**
وشفت الشعر متل الألف بيروح عالياء وبإيديه ألفيّي وبيسكرو عالأبجديّي سطوح
ضيعه وشربتْ ليل صيفيّه
**
والصوت زيتون الصلا وبشلوح قلبو السّما بتدوب حنّيي وبتنزل تبحبش ع دم جروح بقيت لآخر يوم عيديّي
**
ياريت بيضل الوقت مفتوح متل ل كأنّو أرض بريّي تنروح عاماضي عمر مبحوح ذكرى.. ونِجي حلم بزمن بكرا ونعيش بالرّوحه وبالجيّي. | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:55 pm | |
| الباب العالي
تعليق على حوار موقع "مشتاوي" مع عصام يوسف
د. إياد قحوش
**
ياشاعر الوجهك سما
و دمّع
شمْس
البحِر من تحتها مشمّع
نحنا طيور
وصوتنا حِنّه
وعاقدّ ماحفّ الهوا
تلمّع
..
فتنا على الجنّه
عم نغنّي
وأكبر جمع
للموهبه تجمّع
من حيث إنتي الباب للجنّه
وبطرس نسي
بالباب مفتاحو
وقت ل عشعرك صار يتسمّع.
17/09/2009
حوار مع الشاعر المشتاوي عصام يوسف
رامي خوري | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 7:57 pm | |
| الطفل العصفور
رد على تحية عصام يوسف بمناسبة مولودي الجديد - جود
د. إياد قحوش
**
فتحلي قفص صدري الطفل عصفور خبّيه فيّي ومن صباح النّور جبلي حْرام يهزّ كلْ ما دقّ قلبي تيغفى الورد عالمنتور
..
بسقيه دمعة عين شاعر.. طقّ بليل الشتي بللورها المسحور
..
بطعميه من خبز السّما لْ مَ نلقّ إلا بلهتة فيّ حاش زهور
..
بلفّو بعمري متل صوت الحقّ الضّاوي ومش رح يكسرو موشور
..
وبْتَشِتْشو عالروح كل ما هقّ وبغسّلو
بميّة شِعر وشْعور
..
وبعلّمو كلْ مـاالجرح انشقّ يتمتمو بسمه بزمن دوّار بيدور كلشي وهالأرض بتدور.
17/09/2009
إلى د. إياد بمناسبة مولوده الجديدي - جود
عصام يوسف
كنّا مَ نَعرف
كيف بَدنا نْجود ..
عِلـّـمتنا نْجود بْسَهل ..
و نْجود
و كنّا مَ نَعْرف
نِسْمَع الشّـمّي
عِلـّـمتنا
إنّو العِطر مَوجود
.....
يا بَيْ عَيلي
بتشبه الضَّمّي
ورود فيها
عم تضم ورود
عـَ حْروفها
بْتِتْحرّك الضَّمّه
تِفتح قْناني هَالفَضا
المَسدود..
عِنْدك
على طلوع الصِبح
هِمّي
طلعة نَغَم طالع
بِبال العود
.....
بتضيّف
من جبالك القمّي ..
قبّوع تلج
بيلبسو صنّين
و قبّوع بوظا
بإيد إبنك جود | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء ديسمبر 02, 2009 8:00 pm | |
| مْهـاجـر
هديي للأديب الشاعر إيلي مارون خليل
د. إياد قحوش
بيمدّ إيدو
عاسما الورقه
وبيشدّها
تايقطُف البرقه
وبيصبّها
بكاس السّهر أسرار
تايشربو
عند الصبح سرقه
وبيدوُر بالبحر
بيجي دواّر
وبتصير
روحو مْن التّعب زرقه
بيوقف ع باب المملكه
محتار
وضايع
مَ بين الفقر والفرقه
كيْف رح يفوت
بقصر والع نار
وكيْف رح بْيرجع
صوب بيت العمر
ومْراكبو عالشطّ محترقه | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الخميس ديسمبر 03, 2009 5:53 pm | |
| إنسان الكهف | أضيف بتاريخ :04/07/2009 | الكاتب :د. إياد قحوش - إلى الشاعر عمر تنن | |
إنسان الكهف هديي للشاعر عمر تنن
د. إياد قحوش
فيّي هوا وتراب فيّي همس صخور نمّل فوق منها الّلمس وملّ الوقت من صرختي .. وماملّ صوتي ل تفجّر من حواسي الخمس: الّلون ل ضوي درب الزمان و حَلّ ع قماشة البكرا صدى للأمس وبكرا بعد م بموت بدّو يضلّ منّي نوازل فايتي بالأرض ومنّي صواعد طالعه عالشمس
|
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الخميس ديسمبر 03, 2009 5:55 pm | |
| فيّي هوا وتراب فيّي همس صخور نمّل فوق منها الّلمس وملّ الوقت من صرختي .. وماملّ صوتي ل تفجّر من حواسي الخمس: الّلون ل ضوي درب الزمان و حَلّ ع قماشة البكرا صدى للأمس وبكرا بعد م بموت بدّو يضلّ منّي نوازل فايتي بالأرض ومنّي صواعد طالعه عالشمس | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الخميس ديسمبر 03, 2009 5:57 pm | |
| تنميلة إيد - "كيف اخضرّ السّجر" أضيف بتاريخ :19/02/ | الكاتب :د. إياد قحوش
تنميلة إيد
"كيف اخضرّ السّجر"
د. إياد قحوش
هديّي للعزيزه جداً للأخت ليلى الأمين
كانت السجره من زمان بعيد
إيد .. بْأرض
صابيعها عْواميد
بتحكّ ضهر الريح
بمسامير
بتجرّحو .. بينزّ عالقرميد
وكان عيد اللون .. عيد كبير
وكل الدّني
بتلبس نهار جديد
شافت السجره طيور عم بتطير
بالعيد
مدّت إيدها للعيد
وكترة مَ حمْلِت إيدها عْصافير
"اخْضرّت" الإيد من التعب
والزّهر
بيَّن كأنو خدّ فوق الإيد | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الخميس ديسمبر 03, 2009 5:59 pm | |
| شـوحـه - ليلة شتي أضيف بتاريخ :02/12/2008 | الكاتب : د. إياد قحوش
شـوحـه
ليلة شتي
د. إياد قحوش
دْموع الْغُيوم
خْيوط مسحوبه
بْكفّ الشّتي
عا أرض
طيّوبه
وديانها
فْناجين مفتوحه وجْبالها
فْناجين مقلوبه
*
و ببيوتنا
مْزاريب مبحوحه
وسْطوحنا
العل خوف مطبوبه
نامت بعبّ الرّيح
مرجوحه
وفاقت
ع خشْبة برد مصلوبه
*
والغابِةِ الْعَ تلّ
مشلوحه
وبين النهر والنهر
مزروبه
بتنزل عليها العاصفه
شوحه
وبتنتّف بشعر الشجر
إيدين ..
طفله وعم تشدشد بلعُّوبه
**
كانت أمي بليالي الشتي وقت تنيّمنا أنا وأخواتي تحكيلنا حكايات عن الشّوحه.
هالقصيدة هديه لأمي بمرمريتا.. | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الخميس ديسمبر 03, 2009 6:00 pm | |
| أوبـاما - عيديه زغيرة لشاعرنا الكبير هنري زغيب أضيف بتاريخ :08/12/2008 | الكاتب :إياد قحوش
أوبـاما
عيديه زغيري لشاعرنا الكبير هنري زغيب
إياد قحوش
ياما الوحي
عامنبرك ياما
تفرّع كأنّو بْمشهد دراما
وقفت قصيده
فايقه من النوم
تلبس صبح
وتكبّ بيجامه
*
ياشاعر
النّجمك ضوي عالدّوم
عمرك
ع حيط الشعر رزنامه
وكل ما انقطف
منها .. بإيدك يوم
من طوفة العتمه
بسما لبنان
بتخلق لدولة شعر
أوباما | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأحد فبراير 28, 2010 1:03 am | |
| تمّك وعيوني ** تمّك ملاك و وقت بتكوني عم تضحكي بتبيّني قوني بتقدّسيني بعلّقك عاحيط بتنفّضو برموشها جفوني وبشيل من شريان قلبي الخيط تاكلّ مابتّمتمي شفافك يطوف جرن الزيت بعيوني
شردة تانية
هالكون إنت كتير نطّرتو حتى نجوم زغار قطّرتو لازم نعلّي قِبّتو بالجو تتصير تمرق تحت قنطرتو
هونيك دعساتك ع تلج شباط بقيت صدى من صرخة الصبّاط كتبت حروفك عالأرض لوحه تسلم اللوحه .. ويسلم الخطّاط والريح بالجيّي وبالروحه بتمرق على الدعسات تخفيها متل القطب من إبرة الخيّاط ** ياشاعر ل وهجك صفي خيله و دكتورمتلي .. وبالشعر خي لي كل ما بتنصب هالجبال خيام وبتكون نارك شاعله قدّام خيامك بهدّي قبالها خيلي وبنزل تنتسلّى متل عيله
هدية للأستاذ الرياضي صاحب كبسة الهوبّبلا والشاعر الرقيق طلال عين الشايبة
يارا ورندلى **
جبالي مشط
و بعضّ بسنانو على
ريح الوحي
تََ تصير تركد بالفلا
وتبكي .. امبلا
مبارح شفت بحر الشعر
عم يشرب من دموعها
حتّى انتلى
والشعر يمكن نار
مَ بتحرق مرَق
من حدّها نهار الأحد
صفّى صلا
بتعرف بإنّو الشعر
لمّا بينسرق
بيروح من وجه الدّني
كل الحلا
وألله بغيمه
متل محرمة الورق
بيمسح دموعو
و وقت بيزخّو العرق
بيدير ضهرو عالأرض
وبيفتح الإنجيل
وبيقرا .. بِ "يارا و رندلى"
**
صوت الشعر
بالسّقْف أول ما شرق
جنّ الأبد
دحْكت ع تمّو ل ياهلا
صوت الشعر
ضوّ السما .. ل مَ بينحرق
غرّق خيالي
و وقت شلتو من الغرق
لونو انجلى
من هَيبتي
وشرقط كواكب بالفضا
نزلت كأنها الهوبّلا
**
د. اياد قحوش
نُشرت في موقع ضيعتنا يرجى عدم النقل والنشر إلا مع ذكر المصدر واسم المؤلف | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأحد فبراير 28, 2010 1:14 am | |
| ذوق **
ن حطّيت كرسي فوق كرسي فوق كرسي تَ تلبس .. هالكواكب طوق بتضلّ .. مَ بتطلع إجر كرسي بعين الدني ن ماكان عندك ذوق
أنا ورد اللحن لما ستفني تلج عودك .. نغم خالد عزفني وبأول إيد صوتك شدّ صوتي وبتاني إيد عامهلو قطفني ولأنك صرت تعرف يوم موتي سكنت بمرايتك عطر القصيده ومرق وجهك عالمرايي وخطفني ********** نيسانة الكون هديي زغيري للدكتور باسم زريق **
الكفرون نيسانة مناخ الروح بتلبس طقس بيخايل وبتروح بتسافر بعبّ المدى .. لمحه بتضوي شجر مدّ الزمان شلوح .. بتجمح فرس من صهلتو الجمحه بتطرش وقت .. صوب الأبد مفتوح
بيشوف من عرشو الأرض قمحه والشمس قمطة راس حاصودي والريح لهته والليالي سطوح
حفله ** كان المجد عمر وكنت طفله زغرت - بعد ماكبرت - ع غفله ولأنو قفل باب الوقت طلّق جبت شعري وقفلتو بفرد قفله .. وشفت بكرا بغصن هلّق معلّق سألتو بسلّة الجايي شو شفلي عربش عالسما وبالغيب حلّق ورجع من بعد هالغيبه اعترفلي قللي إنت ميت قبل هلّق لأنو بالسما الحفله بتخلص قبل بالأرض م تبلّش الحفله
---------------- د.إياد قحوش | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأحد فبراير 28, 2010 5:38 pm | |
| هيفا العنداري Hayoufa An يا سليمان كبّر الخط شوي لنقدر نقرالو للدكتور اياد قصايدك خطن كبير بس للدكتور اياد بدو الواحد يلبس عوينات ليقراهن
الدكتور اياد قحوش
الخطّ ياهيفا طريق حروف ونحنا كأنّو بهالطريق ضيوف شفنا الألف هل فوقها همزه قصبه .. نغمها من الوجع مقطوف والياء شفناها متل غمزه من العين لمّا بدمعها بتطوف والضاد قمزت بالسما قمزه الشرق منها كرّ كنزة صوف بس السكون بلونها الرمزي بقيت بقلب الشاعر المسكين حبّة ندي بحسْكة قلم مقروف
الدكتور اياد قحوش | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الثلاثاء مارس 02, 2010 12:34 am | |
| سطورك قناني **
يا حكيم.. سْطورك قـْـناني وكل سَطر عَم بيضيّف التاني و بَعرف لَ شو سْطورك بيضلـّوا قـْـصار ؟! حتّى الوراق تْضَل عطشاني .. ...... عندك ورق بيدوخ عـَ البوخار بينِشْ متل خـْيال زنزاني و عندك ورق متل السَهر خَمّار بيشرب قمر وجّك بوجداني .... و عندك ورقْ من مَرقتك بيغار و بيصير بدّو متلك يعاني ...... و عندك ورقْ .. يمكن .. إبن نجّار!! ... لمّا سقيتو نص قنّيني حَس حالو نِص قرباني ** المهندس عصام يوسف _______________________
لاعب الريشه ** ياشاعر لْ إيديك عرّيشه بوراقها النجمات تنميشي عاإيد بتغطّ السما راكيت وعاإيد بتطيرالشمس ريشه .. بتلعب ورق مع روميو و جوليت بيربح دغول الحرب عافيشي بتغزي بشعر الفلسفه الكويت بيركد يباركلك مهاريشي .. ياشاعر ل لبّستني جاكيت مقصقصه من وراق درويشه صارت الريشه تغطّ ببلاكيت دمّ القلب وتزوزق عليها حكايات عالموته وعالعيشه
** د.إياد قحوش | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الأربعاء مارس 03, 2010 8:19 am | |
|
الدكتور اياد قحوش
شبه سوريالي ** اشبهني أنا مافي حدا اشبهتو ألله انتبهلي وكيف نبّهتو؟ ! ماكنت أعرف كيف بيقولو بصبح القيامه .. شربت جهجهتو !شو طيّبه حسّيتها لولو من البحر فاض بعزّ نهنهتو وْ لَهّت عليّي ضوّ وخيولو .. ركدت ع درب الريح وجّهتو مدري الزمان انفتحت قفولو مدري نجوم ل بالسما انبهتو قولك خيالي بيشبهو طولو ؟ ونبيد عيني كيف لوّنّي وبينام "ببّو" بحضن زهزهتو
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الثلاثاء مارس 09, 2010 12:27 am | |
| مخاطب باسم وشاكرا تعليقو اباد قحوش
ياباسم بإحساسك المجروح بتنزّ منّك عل القصايد روح حكيك سما لعيون جوعانين بتصير مره بيوت .. مره سطوح وحروفك بعيد الحلا شْعانين قدّامها باب المدى مفتوح لاتروح .. نحنا اليوم سهرانين و رموشنا فوق الليالي شلوح عليها بيغطّو طيور نعسانين ونحنا النعس عاقدّ ماعيّط من حسرتو علينا صفي مبحوح
**
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الثلاثاء مارس 09, 2010 12:29 am | |
|
كون تاني
في كون تاني بعيد فيه الناس ناس جبالو جراس مدهّبه والتلج ماس وكل مابيدق الماس .. بجبال الدهب بيندقّ كاس الحبّ عاصوت الجراس زيق الفجر بتفكّرو جرح التهب والشمس حبّة مشمش بطاسة نحاس والطقس ناسك.. موهبة رسم انوهب بيرسم قوَن من غيم برياش الهوا بيتعلّقو عاسجرة العالم كياس
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الثلاثاء مارس 09, 2010 12:30 am | |
|
اياد قحوش يتابع
برج بابل ** شفت السما بالحلم قنّيني من نبيد .. عم بتشرشر سنيني بلّشت غبّ وصرت كتر الغَبّ ختيار .. عم دوّر ع فلّيني تاسدّها من قبل ما ينكَبّ عمري بحيره بسهل قطّينه وتصير فيّي من حمص تندبّ حماشيل وتجلّط شراييني ومن هيك لما برج بابل قَب راسو .. رفعت جناينو زينه وفكّرت فيني فيه حاكي الرّب لاكن بلوني ب بلبله كبيره وعرفت تاحاكيه مافيني
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر الدكتور اياد قحوش الثلاثاء مارس 09, 2010 12:32 am | |
| ما بغار **
لا تفكريني بغار لمّا الورد بيشمّك .. وبيمشورك بالجرد ولاتفكريني بغار لما النار من عيونهم بتقوّسك بالفرد لاتفكّريني بغار بسّ بغار إي بطقّ متل قزازة البللور بضو كاز متكتك من البرد | |
|
| |
| صفحة الشاعر الدكتور اياد قحوش | |
|