قصيدة ختيارة

موضوع: قصيدة ختيارة الجمعة ديسمبر 04, 2009 11:33 pm

قصيدة كتبتها عجوز بعد أن اودعها أبنها في دار المسنين

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك .. والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايــا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف ما تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

رائع يا ليلى وانا رح فسّر بالزجل شو القصيدة واعطي رأيي وبطلب من اكل المشاركة كل واحد عا طريقتو

عمار حرف حكمة محمد علي طوني فادي الكل

وينك يا أبني الهجر مش عادي***يا غصن قلبي البالوجع نادي
يا مسندي ويا مصدر وجودي***ما عرفت غيرك بالعمر نادي

*****************
صرلي يا روحي شي تلات سنين***ببكي عا حالي وغيبتك سكيّن
لا سألت عنّي وليش ناسيـــيني ***وعارف ما عندي غيرك محبيّن

***********
قديّش كنت من البرد غطيّك***وتا تعيش أطلب ربّنا يخليك
وياما سهرت الليل يا حمدان***خاصم دهر لو حب يغدر فيك

***************

عشت الفقر تا تعيس بالأحساس ***وتصير زلمي مهم بين الناس
وما كنت أرضى تحس بدموعي***نكران زات الحب ما بينقاس

***********
ولمّا كبرت قبال عينيي***ونقيّت همّك قلت لا يهمّك
مرتك عرفت بكل حديّي***قالت ما بقعد يوم مع أمّك

**********

ما كنت منّك يوم زعلاني***لو كنت صادق قلّت يا أمّي
مرتي معي بتضل علقاني***بفهم يا روحي وبقبل بهمّي

*********
لكن قلت رح ضل تا أشفا***وما تركتني ودّع ولا جارة
وصرلي تلات سنين بالمشفى***وماكنت تغلط يوم بزيارة

*******
وهلق انا عم اختوم المكتوب***وبوّ س حروف اللي انكتب بالنار
بركي بحس بطيفك المسلوب***بيفوت عا حنايا القلب مشوار
الله يا ابني يلهمك تا تتوب***ويبعد ولاد الشر والأشرار
ويغفر أله الخير ألنا ذنوب***وما يضل فيك الكفر وصمة عار

*************

وهلق انا شو بقول للأم

يا حاملي قفّة صبر أيوب***قديّش قلبك عا الوجع بيغار
وأبنك حقير وجاهل المطلوب***الأحسان والأكرام للختيار

********
لا تسامحي السفّاح والجلّاد***ولو كان عايش يضحك بسرّو
بكرى بعد ما يصير عندو ولاد***بدو النمل عا المقبرة يجرّو

*******
وها القرد مرتو الزارعة عنّي***ومفكّرة بتعيش بالجنّة
مأكد بعد ما يبرم الدولاب***بدو يجـــيها متلها كنّة

*******
لا تفزعي يا أم الله كبير***وبينصر المظلوم عا الظالم
لا تفكرّي بحمدان بدّو يصير***يشحد الملح ويطلب الغفران
والله الوحيد بوضعنا عالم

والحقيقة يا استاذ سليمان شو حلوي كلماتك، عسل من قفير قواميس العسل. شو حلوي هالتعابير القويي المتناغمة شعريا وبالمعنى الصحيح المتناغم مع الوزن والموسيقى الشعريي، عدا عن العاطفي القويي ، وعن العنفوان والغضب عن شواذ مش مقبول.
وهلق وينني هالشعراء ما بينبرو اي يظهرو مش ينبروا سليمان، ويترجمو قصيدة الأم بشعرن وبلغتن ويتحفونا بكلام حلو متل كلام أستاذنا الكبير سليمان.