ضوئيات بو شربل

شالح هموم الكون عا كتافي
وحاطط بفكري اسرقك عا العيد
وعا محل سرّي بعرفو قافي
جيبك معي ..واشرب غيابي نبيد
ويدنق حنيني وتعرق شفافي

كلما كمشت العاطفة بالإيد
وانتي تحسّي بنار وتخافي
وتتوّسليلي بشوق حسّو جديد
ضلّك حبيبي حراق سلّافي
وفرفط وراق العمر... بدي زيد
واشرب شهد ها الكاس عا الصافي
ما العمر سكرة والسعادة عيد

وانتي حبيبي بعيد عني بعيد

بحبك يا محنونة

ليش الحزن بعيونك الحلوين
ما العمر اجمل لون بعيونك
عندك عتب قولي بقا من مين
زعلان قلبك خيب ظنونك
انتي قصيدة بدّها تلحين

والورد ما بيعيش من دونك
انتي فلب ملّاك ما بيلين
وبيحترم بالحب قانونك
انتي خطيّة آدم من سنين
زهر الخيانة عاش عا غصونك
من هيك فيك مغرم المسكين
وما في حدا بيفهم عليكي كتير
وحدي انا بفهم على جنونك

بحر الزج

فتحت قبالي سكيب .....ملّا سكيب
تا قول شوللّي صار والله عيب
ههههه
وشو شفت مش رح قول تا تطقّوا
ولا تحللوا بالمندل وبالغيب

...
وشو حكيت معها وشو حكت هيي
اجمل من الصورة ...!!طبيعيي
خفّة الدم وروحها الحيّي

وجنونها وعيونها الحلوين
السرقوا القلب متل الحراميي
..
الغايي بعد ما شفتها طبيّت
وما وعيت حتى قام...إحساسي
حرّك بعاطفتي الدني ...بالبيت

قديّش حلوة ورد بجنيني
وشفافها سكر على سكّر
وما لحقت نزّل عا الجسم عيني
الّا قبالي سكيبها سكّر
هههههههههه
انقطعت الكهربا عندا

[center]مجنون فيكي...وبعدني مجنون
وعابش حياتي اسرق خبارك
وعرفت سرّك من بحر العيون
وطيفي بيسهر دوم بديارك
وبنص إسمك في همس وسكون

وقوس القدح تا بصير زنّارك
فكّي زرار الصدر للمسجون
تا يطير عقلي الجن واختارك

ولو شفتك بتحكي مع الحسون
بنزع صباحك بخرب نهارك
وبصير عهدك يا حياتي خون
وان ما فهمتي غيرتي عليكي
بيكون عند البحر دبّارك

بحر الزجل بيغار هههههههه[/center]

مسكيني

بعد العتب ...دقّت وقالت ليش
منّي حبيبي ..ها الزعل كلّو
ما مرقت متلي ..بمرحلة من الطيش
شو كنت بحر الشعر عا حلّو؟
كل السمعتو بالهوا فتيّش
وانتي بتعرف قلبك محلّو
الحبيتهن عا النت هو فوفيش
وانتي بتملك ها القلب كلّو

لما بتجي كلن رح يفلّو
هههههههههههه
مجنونة رح تشوفو الجواب
يتبع

انتي مرا عن جد مجنونة
بكره الأرض الماشيي عليها
ومطرح ما انتي بغمض عيوني
ونظرة عيونك بدعس عليها

بكره جمالك بكره جنونك
بكره رفاقي ليش حبوكي
ما عرفت شو عم تعمول عيونك
بدي بوردك سيجّ شكوكي

عم تكذبي عليي ما بعرف كيف
وما كنت قادر افهم عليكي
ايام بلمح طبعك من الريف
وايام بقرا قصايدك وبقول
يتكسّرو يا خايني ديكي
ههههههههههههه
قديّش قلبك قادر يخبّي
انّو الغرام العايشي أوهام
انتي ما فيكي عارف تحبّي
قلبك عواصف مارقة عا خيام

حبيّت توعي كتبت كرمالك
لا تفكري عا النت منحبّي
انتي زكيّة بتعشقي حالك
لحالك وفيي ...؟وهيك بتحبّي

لا تسأليني ...؟بعدني بحبّك
بعبد سماكي وبكره عنادك
والضو زاتو يوم ما صبّك
تكسّر لحالو بيوم ميلادك

روحي بعتيلي خاتم الفضّى
ما عدت بعد اليوم اهديكي
اجمل حياتي عندك مقضّى
بطلب آله الكون يهديكي

سبّي عليي فشفشي فيكي

خلصنا بقا ..لا تكذّبي عليي
كمشتك وشفتك واقفي حدّو
هونيك ..كامش ايدك بفيي
والتانيي عم تلعب بخّدو
ههههه

وما سمعت الا توووت ...!!شولّي صار
الخط انقطع ....؟من فورتي ارتاحت
يمكن مرق عا بيتها اعصار
مدري خطيي الكهربا راحت
خخخخخخخخخخخخخخخ
جرّبت اني دق ما علّق
وضليّت اطلب خطهّا لهلّق
وحسيّت هيي طبشت المحمول
كل الحكي اللي انقال ما علّق

ضليّت سبسبلا واتخلّق
خخخخخخخخخخ
يتبع القصة مشوقة مجنونة البحر

قديّش عمرك ...!!ليش مخجولي
محتار فيكي مبيّني زغيري
بصدق الصورة....؟ بصدقك...!! قولي.؟
لا تشتتّي عا النت تفكيري
ههههههه
قديّش طولك واصلي ل طولي..؟
وبرمات كفّك ..؟ شايف كبيري
ههه يا ويلي
قولي وكوني ست مسؤولي
خلف البحر عم موت بالغيري

وانتي وانا كل واحد بديري
هههههههههههههههههههه
بدو اوصاف البحر وقياسات هههههههههههههههه

بعشق حبيبي وبعرف ظروفو
بيحب يعمول عا الفرس مشوار
ولولا ورايي بركبو ..!! يشوفوا
انّو البيحب بيركب الأخطار
حصاني أصيل ...!!حصان منّو حمار

مشّ معي تا نروح ها المشوار

هههههه

ألشاعر سليمان طراد

أخطر مرا معقول ...غشّتني
تواعدت معها نلتقي وشو صار

حسيّت عم بتحضّر الفتنه
قررت ألغي بينا المشوار
ورحّ دق احكيها بتاني نهار
...
اطيب صديق مبارح تخلّق
عليي وقلّي بعدني مقلق
وما عرفت شو عامل انا عن جد
وبيدق تا يحكي معي هلّق

بالأذن من الشباب عم بيدق التلفون

خلصنا بقا ..لا تكذّبي عليي
كمشتك وشفتك واقفي حدّو
هونيك ..كامش ايدك بفيي
والتانيي عم تلعب بخّدو
ههههه

وما سمعت الا توووت ...!!شولّي صار
الخط انقطع ....؟من فورتي ارتاحت
يمكن مرق عا بيتها اعصار
مدري خطيي الكهربا راحت
خخخخخخخخخخخخخخخ
جرّبت اني دق ما علّق
وضليّت اطلب خطهّا لهلّق
وحسيّت هيي طبشت المحمول
كل الحكي اللي انقال ما علّق

ضليّت سبسبلا واتخلّق
خخخخخخخخخخ
يتبع القصة مشوقة مجنونة البحر...

قديّش كنتي تكذّبي عليي
تا صرت حبّك قد عينيي

ومنعت حالي شوف حالي كتير
وحسيّت انّو مطنّشي عليي

ما بحب شارك حبّك وانسم
وعندي همومي ..وليش اعتل هم
رح ضل شوفك بالحلم برتاح
وعطرك اذا عا صدر غيري بشم
ههههه
روحي تا ننسا قصّة الماضي
ونترك العمر يقرر المشوار
بالغصب عنّي تاركك ...راضي
والقلب عايش صار عا التزكار

كنتي بحياتي أجمل جنيني
وعا مواج بحري شوفك مرايي
صرتي بعيدي كتير عن عيني
وما بحس فيكي ايمتى جايي

ما عرفت كيف بتعشقي ستّه
وبتقنعيني بحب ..!!مش موجود
وحتّى عليي مفرّسي نتّي
ما عاد يسمع كلمتي ويجود

معتاد حب الكل مش معتاد
علّق بحبي روح مضطربي
انتي وانا بها العمر عشنا بعاد
وأحلامنا بواخر عا الشط الروح
عم تنقل الآمال عا الغربة

عطشان قلبي بيحلم بشربي
الله يسامحك ههههههههه

قديّش كنتي تكذّبي عليي
تا صرت حبّك قد عينيي

ومنعت حالي شوف حالي كتير
وحسيّت انّو مطنّشي عليي

ما بحب شارك حبّك وانسم
وعندي همومي ..وليش اعتل هم
رح ضل شوفك بالحلم برتاح
وعطرك اذا عا صدر غيري بشم
ههههه
روحي تا ننسا قصّة الماضي
ونترك العمر يقرر المشوار
بالغصب عنّي تاركك ...راضي
والقلب عايش صار عا التزكار

كنتي بحياتي أجمل جنيني
وعا مواج بحري شوفك مرايي
صرتي بعيدي كتير عن عيني
وما بحس فيكي ايمتى جايي

ما عرفت كيف بتعشقي ستّه
وبتقنعيني بحب ..!!مش موجود
وحتّى عليي مفرّسي نتّي
ما عاد يسمع كلمتي ويجود

معتاد حب الكل مش معتاد
علّق بحبي روح مضطربي
انتي وانا بها العمر عشنا بعاد
وأحلامنا بواخر عا الشط الروح
عم تنقل الآمال عا الغربة

عطشان قلبي بيحلم بشربي
الله يسامحك ههههههههه

أطيب مرا

أطيب مرا البتكون متل الضو
ناعم جسدها وما بيحمول لوّ
وبتضل ترسم للشمس ألوان

تا نشوف ضحكة مصورّة بالجو

أطيب مرا البتحس بالكلمة
وبتشرب المعنى بكاس الروح
بتعرف برأيي قيمة الزلمه
كلما الهوى يفتح بقلبا جروح

أطيب مرا البتكون غنّوجي
بتغفا عا شط الروح ما بتنام
بتسمع هدير مواج مطعوجي
وبتضل عم بتعيش بالأحلام

اطيب مرا البتعيش حتى تعيش
بتخلق دني من وهمها المحنون
بتعشق سما السكران والعيّيش
بتحسها بعيدة ومعك بتكون

هيدي مرا من أطيب النسوان
ولو كانت بتلبس قياس كبير
بيكفيك خفّة دمّها منشان
تنسا القسا والهم والتعتير

اللي بحبها ناصحة وبتلبوس قياس 40 ههههههه

محرور ...!!فيي مش عم تحسّي
تا تصدقيني قرّبي ودسّي
شو صرت منّك بالعمر مرتاح
قلبي حنون وصرت عم قسّي
بحر الزجل يا ظالمي سفّاح
بالحيط بعدا ملزّقة البسي
ههههه
مهما العطر من ورد ضوك فاح
هجر الحبيب الآخ بينسّي
بالحرب عمري ما حملت سلاح

ببيوت شعري فطاحل مخسّي
هههه
مهماقبالي تعرضي التفاح
وتتزوزقي وعا النت تتمسّي

بتضل اطيب طعمة الخسّة

بحر الزجل هههههه

ما أجملك يا حب لما تكون
ثورة جنون وعاطفة مجنون
يا حبّني عا كل علّاتي
يا ضل غازلني بحلا العيون
قبل الغدر ما شفت آهاتي

وبعد الحكي خوّنتني ...؟وما بخون
تزكّر شو قلنا عمرنا الآتي
شجرة محبة وراقها عربون
لا تكون تيني وراقها شماتي
خليّك متل الأرز والزيتون
لو جن ريح مزمجر وعاتي
بيضل صامد قد ما يجنّوا
ما الحب ثمرة والحياة غصون

بحر الزعل

كف شكل بدي حبك بعيده
وما بحس قادر تلمسك ايدي
ومصيبتي انّي بحر أحلام
حاجي عا قلبي مصايب تزيدي
عايش بعيد وعايشي بعيدي

لوّح القلب وقال بدو يطيب
وحصرم غرورك ضل عا أمو
وعمرك عزم عا قطاف كرمو الديب
وبحر الزجل معزوم عا همّو

وحب الوقع عا الارض ما بلمّو

شو مفكرة كرمك ملان حبوب
وملهوف يحر الحب عا قطافو
الأنسان بدو ذنب حتى يتوب
وذنبو الوحيد البحر ألطافو

كرمك ملش..!! ما في حدا شافو

طيّب ما بدّك بعد تحكيني
وتجرّحيني بحد سكّيني
عندي طلب عا النت بدي شوف
صورة عا شطي بطقم بيكيني

ومن بعد منها دممم بكيّني
ههههه
بيت الشعر ما بصدقّك...بيتك
عندك صراحة بحر يا ريتك
لا تعييّريني بحبك الضوئي
عا سراج قلب الروح حبيّتك

وبجروح بيت الآخ خبيّتك
من كل قلبي كتييييييييير حبيّتك

بحر الحب والغرام

فات الوقت..ما عاد فينا نحب
كف الوقت والعمر صافعنا
بنخاف نعصر همنّا ونصب
بكاساتنا خمرة! مدامعنا
غير الصلا ما عاد ينفعنا

..
ختيّر صباكي ودبلت ورودك
ومزهَّر العنَّاب!! ع نهودك!!
وبيّن علامي تحت عينيكي
تغطّت بشعرك بيّنو ورودك
لا تفزعي مغروم بجعودك

عندك سبب تا تفضّلي غيابي
وعندي تا أكتوب شعر اسبابي
يوم الما بخلق بيت شعر بموت
وببكي حبر عا غياب أحبابي
ويمكن معك اطلع من تيابي
هههههه
مشغول عنّك بس مش مشغول
جروحي عطر وجروحك بتكوي
أفضل طريقة غسّلي عا طول
وتياب همّك رتّبي وأكوي
وجيبي تا يشرب قهوتو ركوة
هههههههههههه
انتي مرا للبيت خلقاني
تجلي صحن وتظبّطي خزاني
ولا تطلعي عا النت بتموتي
كلما عشت حبّي بقصداني
لا تقنعيني كتييييييييير زعلاني

تارك النت يحن لبيوتي
ال برمش عين الشعر منحوتي
وحامل معي أشواق ما بتموت
تا يموت فيي الحب وتموتي
فوتي عا سجنك روجي فوتي
بوج الحكي سكّرت ملكوتي

قصيدة بعد عملية التجميل

[center]قول ..بحبِك

بتحبني ..!!وما بتعرف تخبّي..؟
ونظرات خوفك نايمي بعبّي
قلّي ..بحبِك..بس علّي الصوت

صوتك صلا وسكوتك مسبّي

...

فتّق عراوي الخوف قلبي طق

من الشوق دبل الورد عا شفافي
بتحبّني بجنون..!!لو..في حق
ومن بعد منها ...حراق سلّافي

ههههه....
.
هم الدني...مرتاح عا كتافي

طرقني ..؟شي بوسة ...!!حاجتك تطنيش
حلمي كسرتو ...!!واكسرت ..ايدي
وشحدت منك عاطفه تا عبش
وما قدرت عشت وعنك بعيده

...
بعشق الفوضى ..؟ بعلّتي قبلني
لعبّتني بها العمر لقيّطة
عندي حلم مجنون....قاتلني
شوفك حبيبي بدون برنيطة
ههههههه
قلّي بحبّك بس علّي الصوت
بتحبّني وما بتقدر تخبّي
عم شوف كل نهار حبّك موت
صوتك صلا وسكوتك مسبّه

يتبع

جواب الحبيب

ما قدرت قلّك ...ليش ما بحبك
********

اعترفي ما فيكي تجبريني قر
ولو كان الله بالحلا صبّك
بحبك انا بالسر شو بيضر
ن ما قدرت قلّك...!!ليش ما بحبك
نيّمت نظراتي عا هاك الزر
تا يطق بركي بينفضح ها السر
وبيهر زهر اللوز من عبّك
وما قدرت قلّك...ليش ما بحبّك

***
طيّب اذا بجنون موجاتي
من بعد منها حرقت سلّافك
وضاع الحلم من بين ديّاتي
من وين بدّي حمّر شفافك
وحرف المزهّر عا السطر بيهر
كلما الهوا بيهز كلماتي
..
ما قدرت قلّك ...ليش ما بحبّك

***

حلمك تكسّر بعد ما تفسّر
وتا تخلقيني حلم عا قياسك
اشحدتي الهوى تا راسك تكسّر
عا حساب رقة صخر احساسك

ومن بعد منها ...!! بترفعي كاسك ؟؟

ما قدرت قلّك...ليش ما بحبّك

****
حبيّتك بعلّة وبلا علّي
وما همّني ولا يوم علاتك
طيّب اذا برنيّطي العلة
بطلب انا تشيلي عويناتك
خخخخخخ

تا تعشقيني تعوّدي عليي
عيشي القصيدة بتعشقي الفوضى
وتا اكرهك بالعمر ما فيي
بحلم نكون تنينا بأوضة

وقلّك بحبّك قد ما فيي
مشّي معي عا بلاد حريّة

بحبّك بحبّك بس ما فيي
قلّك بحبك ..لأ ما بحبّك
بعبد سماكي ودايب بحبّك

وهي القصة يا شباب ملاحظة

ها القصيدة لا تمت بالواقع ولا تتناول اي عضو بها الموقع واتمنى على الأداريين وخصوصا الأداريات عدم محي اي حرف تحت طائلة المسؤولية البحرية هههههه[/center]

سرساب

متسرسبي ...عم دق..؟ما بيرد
يا الخط عاطل يا زعل منّي
زعلان منّي قولكن عن جد
يا جن منّي يا مجنني

متسرسبي..وعم شد اعصابي
ولون الفزع بيّن على خدودي
ومسكّرة عا عواطفي بوابي
وعا النت كل الليل موجودي
وما حس ها المحتال بوجودي

السرساب قاتلني وما بعرف خاف
ومنّو حبيبي كتير مرعوبي
استحليّت ...!!شي كفيّن منو نضاف
تا حس مرّة واعرف ذنوبي
وما ضيع بين الناس عا دروبي

يتبع

بنت مظلومي

امّي..يا أمي ليش ما فيي
حب ..وعليي حاطين سياج
انتي عشقتي بالعمر بيي
وقلبي انا للعاطفة محتاج

****
امّي تركيني قابلو رح طق
بيي حرمني شوف رفقاتي
وين العدل يا ميمتي والحق
شوفي خدودي ولون دمعاتي

..

أمي دخيلك خبّري بيي
ولا تتركيني بحالتي وحدي
عن جد أمي ما بقا فيي
ضاعت حياتي وبكره الوحده

...
لا تحاسوني مبارح حكيتو
هوّي الطلبني وزارني عا البيت
وفل وتركني قبل ما جيتوا
ولو ضل حتى يشوفكن يا ريت

يمكن فزع ما تفهمونا وفل
ويمكن يا أمي ما بقا شوفو
ومعقول راجع بعد عندو محل
بالقلب حتى يظبّط ظروفو

حسّوا معي بها الشب مغرومي
بنسا معو يا ميمتي همومي
لا تتركيني بغربتي وحدة
بنتك يا امي كتير مظلومي>

بحر الزجل بناء على طلب القراء بلّش بعالج مواضيع اجتماعية ههههه للفائدة

ر سليمان طرادZajal
تأخرت جايي اغمرك
بالضو
وفرفط عليكي من السما
النجمات
تا تعرفيني بشوفك

من الجو
وبتنفّس حروفك
من الكلمات
***
بحبك وجع مطرح

ما بتكوني
ولولا عملتي بلوك
عا عيوني
ما بتعرفيني بتعرفي
جنوني
بنزل على لبنان
بالشوبات

..
لا تهربي من الموعد
الدافي
ولا تفزّعيني وترجعي
تخافي
لون الفرح رمّان
عا شفافي
وبحري قصيدة بتعشق
اللزّات

لا تجرّبيني وتزرعي
نهدات

عنّك تافيكي حقدن
تحوشي
رح احملك بالضو
عا رموشي
ومن بعد منها شيل
طربوشي
وانتي تضلّي لابسي
عوينات

وهيهات فيهن يفهموا
هيهات

ههه
عا موعدي تأخرت بدي
روح
فتّق عراوي حبّنا
نكايي
وقطّب بتّمّ الورد
جرح الروح
وضلّي انطريني تأكدي
جايي
ولا تخبّريهن بعدني
مجروح
ضلّي عن عيوني
مخبّايي
وبحبّنا الغالي ما فينا
نبوح
بتنزل علينا دموع
المرايي

رايح العمر وعمرنا
جايي

بعرف عليي حاطي
بلوكّات

بتنفس حروفك
من الكلمات

بحر الزجل
...
Ver trad

[center]لدين

مبارح سرقني الدين من الفراش
وبلّشت همّي بغربتي احكي
ما في جرح بيطيب لوما الشاش
والهم ما بيرتاح للضحكة

---
ومعروف عنّي بضحك وكيّف
وقلبي حبستو وقفلت بابو
وضحكت عا حالي وتا إضحك كيف
والكل جايي وحامل حسابو

وبحر الزجل بتصوفر جيابو
خخخخخخخخخخخخخخ

يا دين كيف بخلّص اعتقني
وبتضل كل الليل قالقني
المديون قالوا الناس ما بينام
ما كنت صدّق وصلت ل دقني
خخخخخخخخخخ
تركني بحالي شوف كيف بشيل
همّك ما قادر يحملو همّي
يا تعبت منّو الدين هم تقيل
يا خفت منو وخفّت الهمي

ومعروف عندي بالصدق ذمّه

***
من هيك بدّي طيّرك ها العام
بركي بتتركني شي ليلة نام
يا بنحكم بالسجن يا بخليّك
تضعف وتنساني مع الأيام

وتا اركع قبالك يا دين حلام

بحر الزجل...[/center]V

[center]وعواطفي للشوق محترقة
وجروح قلبي ضو عم بينوص
وسهران حدي الحبر والورقة
************

ضليّت ابكي والوجع سكيّن
والروح تشهق يا وطن مشتاق
بعيش الثواني هون متل سنين
ومن كتر ما عم شد بالغربة
خايف يجيني من الزمان فتاق
هههه
مارق عليي الدهر هم كبير
والكتف حامل هم من همّو
والعمر راكض متل طفل زغير
والموت عامل بالدني أمو

فاتح بوابو وناطر الأنسان
تا يحايبو عا كل أعمالو
واللي ما عندو قلب يا أخوان
قولوا معي ما حب نيّالو

بحبّك وطن عيّش يا لبنان
للبيك صرت ومش للمعتّر
صفّى صباحك عاصفة ودخّان
وأرزك بورد جروحنا تعطّر

تركناك ونسيناك واشتقنا
وما كنت تعرف قيمة الحبّك
بنشوف ضوّك كل ما فقنا
والقلب جوّى ضلوعنا ملبّك

تركنا بغربة عمرنا دراويش
ما العمر راح وما بقا يرجع
نحنا بنركض هون حتى نعيش
وغيرك ما عنا بها الدني مرجع

كتبتك قصيدة ضو حتى تصير
تسأل عن ولادك بغربة موت
لقيتك وطن عايش على التهجيّر
وما في ضمير يدق باب الصوت

من هيك صرنا يا وطنّا أوت

بحر الزجل....[/center]Ver traduc

ما قدرت افهم طبعك القاسي
وجرّبت انّي اتركك تا شوف
لقيت الهجر بيزيد وسواسي
ومعقول نحنا باعدتنا ظروف
***
بعرف انا ولا يوم حبّيتي
كنتي عليي بتضحكي..!! ممنون؟
تعلّقت فيكي تا اخترب بيتي
بحبّك يا عمري الغايبة بجنون

****
انتي مرا بتنحب ما بتحب
بتكسر الشهوة بعاطفة قدّيس
بتعيش قصة بين بنت وشب
وبتكون هيي مخاويي آبليس
****...
بعرف عليي بينحكى مغروم
والكل قالو يا بحر مش لاك
قلّتلهن من وجّها محروم
وبشوفها كل يوم عا الشبّاك

قالوا هني
جنيّت... كيف قشعتها شو باك؟
***
ما النت ما في بواب وشبابيك
ولا ورد احمر ريحتو بتفوح
بحياة ربّك يا بحر ما فيك
لا تضل عاشقها ...!! ولا فيك تروح

حبّك وهم عا النت مش مسموح

***
هزيّت راسي وقلت محتالي..؟
ما بيعرفوني بحس ..لوما بدس
بكبسة الكيبورد طالعة قبالي
وكيف لولا بشوفها وبحس
****
بتنفسّك عا النت وبشوفك
وما بخاف منّك يوم تنسيني
بعرف عليكي ضاغطة ظروفك
من هيك حاسس ما بتحكيني

وما طلبت منك تا تحبيّني
ههه

بقبل بتاني حساب اقرالك
كلما كتبتي بيوت شعريي
ومتل الشمس رح طارد خيالك
وتا عيش وحدي هون ما فيي

بتنفسّك مطرح ما بتكوني
ولولا عملتي بلوك عا عيوني
مجنون عم بيحب مجنوني
رح اغرمك ببيوت ضوئية
ويحكوا البغاروا كلّننننننننننننن عليي

باااي بدي غيب جمعتين بداعي المرض القلبي ههه

» وينك يا بو شربل
» روحانيات بو شربل وبو علي
» أبو شربل والاستقاله
» ابني شربل
» ارتجاليات بو شربل بحر الزجل