خلاطشات شعريه

ليله برد وتلج وريح
فالش عليي حرام احلامي
ومن البرد عنموت بحرامي
وهيي بتسهر للصبح عا النت
ومنشان ادفا..بقلها نامي
بارد الطقس..ودمّها حامي


ما في شي ..يحرز
فنجان قهوه..وملعقة سكّر
تا تروق ..منشانك ما منشاني
سامحت...! واغفرتلك مفكّر؟
وعارف في عندي شعور إنساني
صدّق انا مهما كنت موجوع
بحرفي ما بجرح شاعر بموضوع
حرّمت بعد اللي جرى وممنوع
كلمة عتب تطلع عن لساني
خواطر


ما بخاف الا من الحكي عليكي
ان حكيوا. نصيحة خي..!،بموده
يحكوا ..ما، لازم تزعلي.. ليكي!
تا، توصلي، للمجد.. لا، تردي



ما بحب منّي يزعلوا الشعّار
ولا تفكّروا عندي أنانيه
بعرف .كتير...!وبحفظ الأسرار
وما بحب اجرح .حاقد عليي
هيدي وصيّة ميمتي وبيي
قبل الغلط..حزّرت ما قررت
اهجي حدا..أو مرّق مسامير
رهّبت احساسي قبل ما كفرت
واكتر من اللي صار شو بيصير
كبّوا..! البحر بيساع..قلبو كبير

قلة وفا
ليش المواطن كل ما بيشقا
بيسب عا بلادو بحقد مفضوح
مين اللي الجبرو بالوطن يبقا
ما زال فيه يفل ..!منو..يروح
باب السفر لا يطرقو... مفتوح


شعر غير تقليدي

لما عليك الورد بيزتّوا
ما بيقصدو يهنّوك
ورد البيعبي
صفحة الفيسبوك
لا تجمعو زتو
هيدا ورد مدعوك
الورد لازم تفركو
تفتّوا
لا تفكرو دبلان
عا امو
جرب عا صدرك نيّمو وضمو
بتعرف خلق وترعرع بهمو
عا صدر
امو
وعاش مع ستّو



براعم مواهب
عم تابع الأجيال..صرلي عمر
وعم شوف عنا مواهب كتيره
عندك نبيد وخل عندك خمر
في روس .غشّت حالها كبيره..!
وفي روس ما بتعرف بفعل الأمر
بتعرف بردّة فعلها زغيره!
أزغر من طموحي وتقديري


لما الورد بتقطّفو.. بيموت
وبيصير عطرو ينازع وبيطير
وهيك القصيده بمعبد اللاهوت
تا تعيش ..بدها عاطفه وتصوير
شو كبيــــــر ..يا حرف الشعر شو كبيـــر.!



نصيحة ..هاوي شعر
لما الشاعر .يشطح بيرتاح
عا فراش غيمات السما الزرقا
وبيصير عطرو بالوحي فوّاح
لما القصيده بتغمر الورقه
هيدا الشعر مش صفصفة أوزان
ولا حروف شعر ملزّقه تلزيق
الشاعر اذا ما كان عندو لسان
دافي .بيصفّي شاعر زواقيق
الشاعر خطيّه .بيكتب تراتيل
الشاعر بيسلطن كل ما يغنّي
الشاعر تقيل وتقل حرفو زميل
ع رخامتو بيعمّر الجنة
وعا مفرق الحلوين عندو عيون
عم تنطر اللهفه الحقيقيه
الشاعر وفي مهما الظروف تخون
الشاعر أناني ..بلا أنانيي
الشاعر بيقبل نقد ما بيكون
اعمى وروحو مش رياضيي
الشاعر غني ول حبايبو مديون
واليوم في تسعين بالميّه
عملوا عدّون منبر بدادون
ومش عارفين بكل حريّه
المنبر وسيله ومش هدف مضمون
الشاعر بيعمل كلمتو منبر
وسيوف نقدو حروف شعريه



نقد موضوعي
مين اللي قال النقد مش مقبول
ما النقد موضوعي..بأهدافو
الناقد غني وعن كلمتو مسؤول
وبيشوف اكتر ما حدا شافو
معقول حفله تفشل .ومعقول
من النقد يمكن كلن يخافوا
ولما الحقيقه وبمحبه.. نقول
بيجاوبك .بالحقد..مش مخجول
حامل على كتافو زجل لبنان
وما بيحمل ولادو على كتافو


تحيه للمتعهد
يا ها الرجائي ..بنعرفك ذويّق
بتعرف ..تنقّي للمجد شعّار
بتحرق قلوب... بتكمش خوانيق
ومحب ..للشعّار... ما بتندار
ياما تا تفشل نجّروا خوازيق
وضليّت صامت متل صمت النار
خليّت مجد الشعر يوعى يفيق
وعا منبر بدادون طلعوا كتار
بنطلب الك بمهمتك توفيق
تا يرجع المنبر متل ما كان
موعد محبه بيجمع الأنصار


متابع حفلات الزجل
مش أول المرات .أو بتكون
هي آخر المرات ..في مسبّات
كل البيسبّوا منبر بدادون
تا يقنعونا.. يعمّلوا حفلات
تا نروح نهدم منبر بدادون
ونشنق رجائي ..نشيل بو انطون
***********
مش هيك بيكون النقد مش هيك
ولا كل فاشل يعرض كتافو
يعني اعزروني ..البجّلو بالبيك؟
مبارح..العالم ..كلهن شافوا!!
بقلّو لها الشاعر انشالله ديك
يتكسّرو ..من النقد ما خافوا؟
بنخجل نحط على بيوتن ليك
مش عن حقد عم قولها عن عدل
عم يحرقو للشعر سلّافو
********
بعرف انا عن حرقة الشعّار
وشو في كنوز الشاعر بعبّو
ما في كره نحنا ولاد الكار
علّمونا أهلنا ..حبّوا
تا تنجحوا لا تهرّبوا الحضّار
وكل البينيتوا ترجعوا تكبّو
المتعهد ..البيضل ليل نهار
يجمّعلكن جمهور تا تعبّوا
تا تعملوا حفلات ببدادون
حاجي رجائي بالقفا تسبّوا

قصيده..وعضلات

لما الشعر بيصير شد حبال
والكل بالأعصاب بيغنّوا
يعني القصيده النازلي من البال
غير القصيده الطالعه منو



كل الدني مطبّات..ومهاوير
وما بيعرف الانسان يتوقى
والوقت بطحه والعمر سكيّر
وكرم الحياة معاصرو منقّى

وجرحي الغميق جديد بالطقّه

بحيثك ..!! مرا لا تعلقي بشري
ولا تطوّلي لسانك..! لا تنغرّي
لو كان زهرك لوز ومفتّح
ما بتزهري الا ما تتعري


لما اجى الأوكي عا البسبور
لميت كل قصايدي وفليّت
وما ضل غير وراق بالجارور
وورقه عليها كم نقطة زيت

شو كان عندي قصايد بلبنان
راحوا مع الأيام بالنسيان
وقديش كاتب شعر للنسوان
أكتر ما كاتب خلف سبع بحور

قهوه ودخّان
عايش بلا قهوه وبلا دخّان
تعلّمت وحدي كيف ..بتألّم
وكل البيحب ..النار والدخان
ببحرق صابيعو وما بيتعلّم


مطبات سنويه

كل الدني مهاوير ومطبّات
وعند الحقيقه مغبّشي الصوره
وكلما السنه بتدفش سنه أوقات
بتروح كل سنيــــنا جوره.


لقد اعذر من انذر

حالف ما خلّي وراق فوق غصون
وخلّي السجر عريان بالمرّه
بركي عليي بتفهم ...وبتكون
قبلت قبل ما فوت تتعرّى

حالف ما ابقا ناطرك برّا



بن مطحون.

قالت تروّى يا حبيبي وروق
حقّك عليي...بس عندي حقوق
انشالله عا مطحنة الدني بتفل
وترجع لعندي ناعم ومدقوق

تروى عليي يا حبيبي وروق



مستوحات من مغتربه

صرلي عمر من واقعي هربان
طاير لوحدي بها السما بلا ريش
الساكن بغربه وعايش بلبنان
كيف بدو يا جماعه يعيش



مفتاح الصبر

قديّش بيقولو الصبر مفتاح.
ألا معي المفتاح ..بالمقلوب
وكلما بقول الصبح يا فتّاح
بيصرخ عليي من السما أيوب

خدتو معي المفتاح تا ترتاح


أزعر أنا

أزعر أنا...! والحب مش بالإيد
همي الوحيد بصدرها الكبران
بقرّب تا احكي..بتصرخ من بعيد
خليّك ...ما بحكي مع الزعران

لا تسألوني ليش يا أحباب
مسكّر البيت وقاعد على الباب
لا تضحكو عليي انا مغروم
ناطر حبيبي ..وعارفو كذّاب

تحدي
حامل بقلبي ..وناطر تطلّي
تا شوف ..فيك ضاع تلتيني
وتا حس فيكي وشوف ها الطله
وبيّن الفرق البينك وبيني

حطّي يا وقحه عينك بعيني

هموم مفهمومي

بعد التعب في جروح عم بتنز
وجروح مختومي
وجرح الوطن ..واحد من همومي
وكلما الأمن ينهز
بتتشكّل حكومه
ولعبة دول للناس مفهومي

حريّة القرار

فليّت من لبنان كنت زغير
وتمسخروا عليي
ما شجّعوني كتير
إمي الوحيده بزكر وبيي
هنّي اللي تركولي الحريّه

وحريّتي ملكي وفيها بتطير

هزيان

كان الزهر ملقوح بكتابي
من عمر عشر سنين!
مغروم بالحلوين
كنت فكّر..كل عزّابي
كافر ما عندو دين
بس الوقت علّم على غيابي
وقلّي يا بحر الحب ما لو دين
زميّت بتيابي ..وما بعرف مين
يلّي كمشلي وشد وتّابي

ثوره

ضاقت بها الأيام اخلاقي
حامل حجاره عدل مش عم نام
منشان فيها اضرب الظلّام
بمقلع سنيني نسيت شو باقي

رح ضل اضرب قد ما بلاقي..

باشق وحي لو غط عا الجمله
بيعمل بقانون الشعر اعجاب
واكبر جريمه الزيز والنمله
يتدرسوا لولادنا بكتاب

ازمة شغل ما ضل فينا ننام
للحكم والحكام زايد بغضنا
خايف على ولادي من الاحلام
يمكن مع الايام ناكل بعضنا

الانسان لما يخفف عياطو
بيعرف الغلطه ولو..ما تكلم
واللي بيجهل وين اغلاطو
بتخلص حياتو..وما بيتعلم

لا تزعل وتبرم بكتفك يا شقي
اكتر من اللي راح منا ما بقي
بتعرف اكيد معزّتك بس الظروف
حكمت علينا بالوطن ما نلتقي

ليش الزعل ما زال فينا نحب
ما الحب نعمه والكره نقمه
والكل عم يركد ورا اللقمه
يا رب نجينا بقا يا رب

بتعرف البحر كتير ب عزك
واياك تزعل يوم لو هزك
منشان يسمع صوتك المعسول
العدراج قلبو حزك ومزك
حدّك قعد ....مع ....ل
والياس خييك قهقر وزّك
والله دخيلو قال عنك غول
وتا تموّت الحسّاد شو وزّك
بز الفساد بنعرف المسؤول
وبز البلاغه والشعر بزك
ومش بس وحدي الكل عم بيقول
موسى وطليع وزين والزغلول
ما في حدا بعمرك أخد عزك

بلسان سفير بلد أجنبي
مرّه سفير بلاد عدواني
ومقاوم جنوبي ...
المرجلاني..!
قال بدي فاوضو تا شوف
كنّو انتماؤوا بس لبناني..؟
********
بلا طول سيره راح ع بيتو
وخبّر ...!!
بعد ما الباب دقيّتو..
ما كان يفتح قبل ما يسأل
مين ..الإجى بها الليل ..؟
مسيّنو..
**********
لما فتحلي ...!!
قـــال... لا تزيدو
علينا ...
مصايبنا..!!
شو بتريدو.؟
وبيناتنا...
منّو خفت..لم طل
فردو عا خصرو..
وأكشن بإيدو..!
..
*********
هون..
قلت..بذوق..ويضحكي
لا تخاف جايي بس تا نحكي
وجايي معك..
دردش تعا تانروح
بيناتنا...!!
قلّي جرح مفتوح
وكل اللي لازم ينحكى ...
محكي..!!
**********
لا تعاند ..ولا تخاف ..ما في حرب
في حل..
جايي ..
للشرق والغرب..
وانتي وانا مفروض نتحاور
وعا حل مرضي شوي نتشاور
مشّي سوى نمشي ..
عا هاك الدرب...
*****
طيّب...!!
تركني زيّت سلاحي
وإطبش الباب ...وضب مفتاحي
عندي سلاح...
مقدّس ومجبور
نيّم ..ولادي ...
وضلني صاحي...!!
**********
ولادك...!!
انا بكفلك يعيشو..
ولبنان ...
ما بنرضى بتهميشو
وان..ما قبلت..تسلّم سلاحك
طير الفنيقي ...بينتّف ريشو
والشر ...!
رح نقدر عا تجييشو..
*********
هون انتفض ..ها الشب دوّخني
بزنود سمرا.. ..
وجبهتو السخنه..
وقلّي اذا بتجيّشو شياطين
تا تركّعونا ...
مين انتو مين
بنعمل على اجسادكن يخني
***********
كيــــف ....!!
بدّك عزتّي سلّم...؟
جايي..وعارف...؟..مين..بتكلّم..!!
إبني شهيد..ووالدي..وعمّي..!
ل معلّمينك..قلّن...!
وسلّم...
*******
قلّن أنا...
ما بسلّم الأرواح..
ل ظالم..وغاشم..مجرم..وسفّاح
وان مت أو ما مت بدي ضلّ...!
دافع..وقاوم..هجمة ..المحتل
تا الكل ..يفهم..
كيف...
يعني الكل..!
بس الكرامه...بتنحفظ بسلاح
وحتى اذا ما ضل عنا بيوت
باقي بأرضي ... !
هون بدي موت..
وتا يفل آخر معتدي...
بنرتـــــاح....

قررت اني بيع املاكي
وازهد باموال الدني كلا
وارجع على لبنان اتسلى
بخيمه زغيري.. سقفها تاكي
عا سندياني من عمر الله

************

حلي بقا... لا تبعتيلي تشات
شو مفكره برضا..! يا مجنوني
ومطرح ما انتي منزلي بوستات
رح شيل اسمي وطمش عيوني

***********
انشالله تضلي ملقحه بالبيت
لا تصبحي علينا ولا تمسي
كبرت الخسه براسك ويا ريت
يفتتح الراس وتدبل الخسه

****
نامي ما بدي صالحك نامي
ضيعت حدك كل ايامي
وتا تعرفي قديش حبيتك
رح تاكلي صابيعك ندامي

**********

لا تحلمي فيي خلص ممنوع
بطلت حبك ..صرت حب الكاس
ومطرح ما بدك تطرحي الموضوع
رح اتركك عبره لكل الناس

********
طلت حبك صرت اتمنى
انسا اليوم ..الفيه نجمتك
وقلتلهن هي بنت من عنا
يا ريتني تركتك ب بيجمتك

*************

ما في غزل ..ممنوع بعد اليوم
الا ما منك اخدو ل حقي
ورح احرم عيونك الحلوه النوم
حتى تموتي قهر وتطقي

**********
يمكن عليي كان تحزيرك..!
منشان فرفكلك مناخيرك
لكن ما بدي تفكري مغروم
بحر القصيده ب شفاتيرك

*********

بطلت اكتبلك غزل حردان
الله يبعتلك وبا وحمي
انتي مصيبه ..خاربي لبنان
ووقحه.. وبلا اخلاق.. ومسمي..!

*********
شبعنا تجني .واتهام... ونق
مكتوب انو تحترق بيروت
وان كان بدنا ننتفض عن حق
مفروض نحرق حالنا بمازوت

******

ما زال نق بنق صفينا
والكل عم يتضحك علينا
شو رايكن .نحرق سما لبنان..؟
تا نشوف كن بتنام عينينا

************

خبي الدني بعيونك الحلوين
ولا تهربي من حالك ومني
بكرا الوراق بتدبل ب تشرين
وما بتنفعك صبغه ولا حني

*********

ريحة مرا شميتها فيكي
وقلت المرا مش بس عطر وورد
بشوف المرا باوجاعنا شريكي
ومع كل دقة قلب طلقة فرد

******

من كترما عم سفر الافكار
عا كون مش من كوننا تاني
خايف ما صفي مدمن الاشعار
وع الشعر وحدو يفلت لساني

***********

عا ها البلد..بنقول يا ليلى انخلي
تراب الوطن منو الك..منو الي
وصدقو اللي قالو من زمان بها الوطن ..
نحنا بلينا وبعد جدي ما بلي

******
صافن وعارف صفنتي صفني
وزاهد بها الايام مش عم نام
يومين صرلي..وما غفي جفني
وواقف العمر وراكضي الايام

*****

ما ضل عندي اخ نهنهني الالم
والموت حصه من حلم عمري استلم
وتا قدرت سدد للسما فاتورتي
استغفرت ربي وارفعت روحي علم
*******
يا عمر سامحني ..بلا استحقاق
قلبي خطفني عا دني بعيده
وحلمي غفي عا مخدتي وما فاق
متل الكأنو عاش تنهيدي
يا عمر عم حاكيك من اعماق
شاعر خيالو غيرتقليدي
عبّى الدني من قصايدو اشواق
ودهّب بيوتو الكلها جديده
ارحمني من الأمراض ما بتنطاق
وخلّي بصحه جيّد الأحباب
غير الدعا مش طالع بإيدي
ويا خوف من بكرا يجينا الداء
يقضي علينا كلّنا ونموت
ومن الألف نرجع سوى للياء
نبّلش بأحلام الجميله الخوت
يا رب ساعدنا تا نحفظ ماء
ماء الوجه ويضل عنا قوت
ونتذكّر الأجداد والآباء
وبالذاكره نرجع بحكمه نفوت
ونترحّم على الأصل والأسماء
نخلّد بزكراها مدا التاريخ
ونترحّم على اهلنا ببيروت
يا رب فيي زيد ايماني
وخلّي الصلا ما تفارق لساني
وعلّم ربيعي ما يحب الريح
تا ما بصوت المقصبه يعاني
كانت حياتي رايحه.. عا الزيح
وبعرف انا ها الامر ربّاني
من هيك يا الله اسمعني منيح
سامحت كل اللي خطي بحقي
ويسامحوني كل خلاني
اشتقنالكم انتبه لصحتكن

يا موت بعرف نيتك سودا
ولا يوم حاكمتك على النيي
داءك قسي..بارواحنا اودى ..
والله رحمني وما وصل ليي
**

لو تعرفو قديش مشتاق..وحزين
ل بيي وامي وكل اخواتي
كنتو فهمتو ليش دابحني الحنين
وبتعزروني كتير عا خواتي
*********

اعادة النشر
يا صبر هدي خاطري المكسور
ما ضل فيي احمل همومي
وكلمة صباح الخير والبنجور
صارت بها الايام مسمومي
عا لواح زاكرتي بري الطبشور
وما كنت اعرف نيّم نجومي
يا ها العمر قلبي متل بلور
مكسور متل مراية الاحلام
الطقّت قهر ع شعوب مهزومي
******

عند رغبة المحبين اعيد نشر قصيدة تمثال
دوري بالتمثال
تمثّال بدي موج بحري يصون
ويحمل مجد أسمي ومتلي يكون
بها المعمعه متلي متل غيري
ما في فرق بين حامض وليمون
عطيت البيادر زرع من خيري
ومن غيمتي ياما سقيت عيون
ما في إله وما قصد ديري
وبالجن ما في بعد مني جنون
البحرين هنّي جوانحي وطيري
وكل الكواكب بيض في عشّي
وتمثال بدّي بنص برحليون
*******

ياشعبنا بيروت ساحة رعب
حكامها نواطيرها الفيها
و ما زال كلن ناهبين الشعب
مين البيعرف مين حاميها
****
يا سامعين الصوت حاجي جنان
ها الظرف بدنا نقطعو تقطيع
حتى الجن الازرق بلبنان
ان خاض السياسي صدقو بيضيع
*****
ما تصدقو الاخبار ..كلو كذب
افكاركن عا الوضع مختلطه
بلبنان والمريخ ما في حزب
ما كان حلمو ياخد السلطه
*****
قومي....
ي ريت بتقومي يا مظلومي
صرلك عشر تيام محمومي
انتي الحق..الحق ما بيموت
مهما انطعن برماح مسمومي
مهما عليكي تجبر الطاغوت
وتآمرو المجلس والحكومه
حتى اذا كنتي ببطن الحوت
ومن السهرعا الشط محرومي
لما يطل الصبح يا بيروت
وكرمالك حجاب السما ينشق
رح تدعسي عا الموت وتقومي

********

tnS1suip4 gdoeiclaSeon fishSaogorsteuo rdfedo 20a16 ·
Compartido con: Público
كبّه زغرتاوي
هههه
صدرك عا طاولة النظر مازا
بتشبّع عيوني ..بفواكيها
من ميل برعم فتّق فرازه
ومن ميل في قرصين توجيها
عا مجال عيني بشوفهن طازه
وطبّاخ حاطط شهوتك فيها
مش لحم سيليكون حاشيها

********
لما البشر بتصير متل الناس
تعرف تحاسب.. كلنا معها ..!!
وبرقابها ما تعلق الاجراس
وما نعود نسمع بالوطن مااااااااعها

********
قديش كتبو بيوت عن بيروت
وهيي مستحيي..ما بدها تموت
بتخاف تنفض غبرة التاريخ
وتلعب بغرتها مواج الخوت
بيروت لعبه وحاملتها الريح
زهرة امل زرعو عا مدخلها.
يما عا اسما توزع مفاتيح
وغير القمح ما يهز منخلها
الطامع يجي عليها بلا تصريح
تا يزورها يفوت وما يدخلها

*********
صار الخبث موضى بها الايام
وكلمن حصان بيعتبر.. بغلو. !
مش بس عم بيحرضو الاعلام
كل الدول تا نياس اشتغلو
******
كلن سوا اخوات..
ودكاكهن رخوه
عنا السياسي خوات
بتفرق الاخوه
******
ممنوع يياس شعبنا ويموت
طيور الفنيقيين صارو رماد
لا تفزعي من الموت يا بيروت
بالدم قبلك عمدو بغداد
******
لما الوضع ييصير متداخل
والسوس يضربنا من الداخل
لازم نجمع حالنا ونضل
اجمل سلام نعيش بالداخل
******
ما ضل عنا من الكذب كذاب
يكذب علينا الكذب نفقنا
صارو السباع بها الزمان دياب
معهن ع ل مسالخ ترافقنا
*******
لبنان متل البي عالي جبين
في امور كان مفروض يحزمها
وبيروت متل البنت بالعشرين
عا البحر راح الموت يعزمها
******
طعم السياده بعد ما دقنا
وع كتافنا بقيو بنادقنا
صمدنا بوج الكل حتى نعيش
وبعدو صليب الموت لاحقنا
*****
من كل شي بها الشرق في صلبان
اكبر صليب حملت يا لبنان
وعا جلجلة بيروت صلبونا
الله تركنا و ما حدا سالان
*****
الحاكم قال لو بدو بستقيل
بقدر ساعدك قلو بس تقيل
الفاسد بالنيابي..!! بس تقيل
الدم..وفي خلف منو دواب
*******
خوف والم ودموع عا الاموات
مغطى الحدث عا معظم الشاشات
لما الجرح بيصير من جوا
بتعزف كمنجا الروح بالاهات
*****
مزراب عيني غيمتو من فوق
مطرح ما الله صب دمعاتو
في دموع عم تنزل عا زهر الشوق
وفي دموع عم تهطل على الماتو
******
لا في قراءه بيعرفو واملاء
وحتى بقاموسن ما في ولا لاء
من هيك عم شوف الوطن انقاض
واشلاء عم تلملم الاشلاء
*****
لما الامل بيعيش او بيموت
بنقدر نعزي بروح معتزي
بس اللي صار اليوم يا بيروت
بنحتار بعدو مين بنعزي
***
ا ست ها الدنيا يا مهضومي
من تحت انقاض الوجع قومي
اخواتك بها الشرق مظلومين
بس انتي كتير مظلومي
****
مهما عليك يصّوبوابواريد
ما انت ..مش شغيّل بالأجره
عصفور احلانكمشوبالإيد
ولا ألف طير يضل عالشجره

سالت عزراييل ما بيجوز
يلبس كورونا شعبنا قنابيز
بالامس كنا نفوت بوز ب بوز
اليوم عم بنفوت ط...ز ب...ز
**

بحبك ورق وقلام ما بحبك مرا
بتغار كلما شي مرا ضربت سلام
من هيك ما بتخون ريشه.. المحبره
حتى اذا بيتبدلو عليها القلام
***

بالسر قلتلك شعوري كلمي
عا شرط تبقي ساكتي وتتعلمي
سر الهوى البيناتنا فضحتي خلص..!!
يلعن ابوكي سر ما بتتسلمي
**
عصبت منك ليش ما جيتي ؟
عا الكوع انتي بتعرفي ناطر
لا تقنعيني الموعد نسيتي
بالكذب قدي ما حدا شاطر
*/***
قديش بدو يحمل الانسان
ومهما تا ينسا سم حالو وسب
بيضل عندو ميل للنسوان
يقطع شلش حوا ما الها رب
***
عا حياد فيكي ساكتي تضلي
بيني مسافه فاصله وبينك
بوجي ما بقبل صوتك تعلي
قبالك طرادي..فتحي عينك
***
بتهددي..وبتسالي..!! مسموم..؟
وحجه ضعيفه..عيب..ما لقيتي
عارف طريق البيت ما في لزوم
تودي ورايي كلاب عا بيتي
*

بها الوضع شو مأزوم موطنا
ورغم المراره في امل معليش!!
مين ما بتسال.. شو بقي عنا
بتسمع الكل ..الكل..باقي الجيش

***

خايف ما شوف الدمع فوق الباب
وبعرف بواب العمر ما بتدمع
راحوا اللي كانو ينطروا الأحباب
وما يتركوا الشبّاك تا نرجع

***

شو باك عم تلعب ..ببيت النار
وعارف هشيم العمر صار غمار
لا تحدف على الجمر زهر العمر
بتحرق صابيع العاطفه بالنار
***
لا تسالو لبنان شو صابو
كانت الجوده.. مدستري بقانون
وبها الغلا اللي ضارب طنابو
صابون كلو يا عرب صابون

***
لم كان عندي الخير فايض فيض
تروحي لعند غيري
وهلق اذا بجبلك هديه بيض
بتستكتري بخيري

***

لما رفيقي دق ..رن ولح
جاوبت جيب التكت ..ولحقني
قلي يا بو شربل كلامك صح
ما كنت صدق وصلت الدقني

***
من وين سالو الغرب قلت بفخر
من جبال برحليون غنيه
المرحوم بيي كان يطحن صخر
وامي الحنونه تحمل شبييه

***

ما حنيت راسي غير ل الله
وحتى اليأس مش قادر عليي
وما قبلت اركع بالوطن إلا
عا قبر امي وعا قبر بيي

***
ليّت سقف قصايدي من شي سنه
ونشّفت صدر الموهبه حرمت السباع
وفتّحت كل بواب فلسفة الدني
بفزع اذا بعرّض كتافي ما تساع
***

ليّت سقف قصايدي من شي سنه
ونشّفت صدر الموهبه حرمت السباع
وفتّحت كل بواب فلسفة الدني
بفزع اذا بعرّض كتافي ما تساع

البيكون متل شباط كذبه بالسنه
لا رب قادر يقنعو ومافي اله
لا تتعب تجادل الجاهل بالدني
الفاضي ما فيك تفرغو من محتواه
**

اعادة النشر
ا.لحب ما بيطعم
لما القلب بيدق للحلوين
صوت الهوى بيخف و بينعم
وبالرغم ما االرجال مي وطين
ومهذّب..بتبقا المرا انعم
ومصيبة الرجّال بالتكوين
مفكّر الحب بيطعم..المسكين
وناسي بأنو الحب ما بيطعم

***

ما ضل عندي ركاب بالغربه ارتخو
ومن الشقا تعبو كفوفي وفسّخو
وبغربتي صفيّت اكفر بالبشر
وكلما شفت نصّاب .عم قلّو /نفخو/

***
ظلم البشر بيهزني.. وبيي
هوي الزرع ها العاطفه فيي
ومن كتر ما قلبي حنون كتير
بخلي الحجر يبكي بايديي
***

لومي عليكن كيف بعتو الصوت
للي اشترانا وباعنا بالرخص
ولو كان قابل يشترينا الموت
كنا اربحنا ولادنا ..ولك اخص..!!
***

مرقت سنه واسبوع
..ووحياة هاك الرب
ما كان عنّا جوع
كـان الأكل ينكبّ

***
لما اختلف كانون مع تموز
تشرين تاني عمر المتراس
فات الوقت بالوقت بوز ببوز
وصار حادثهن حديث الناس

**

من كتر فقري وغيرتي بخليك
تعبي مواج البحر بقناني
ما ضل عندي خل تا اسقيك
رح اصلبك عا شفاف عطشاني
***

من كتر فقري وغيرتي بخليك
تعبي مواج البحر بقناني
ما ضل عندي خل تا اسقيك
رح اصلبك عا شفاف عطشاني

***

اعادة النشر
سلّم بالعرض
-------
كل الدني
بتصير صيّاده
لما الشرق بيصير
مرج طيور
وبيغزلو
من الدم سجّاده
وبيبلشو يصلّو شهود الزور
وشو بيعمل
الدستور يابلادي
مازال فيكي
رصاصة العميان
بتمشي بلا شرع وبلا دستور
وجع
***

نايم ع ضهري عا السطيحه وما بقوم
الا ما حوش قد ما بقدر نجوم
وناطر تجي الرزقه ل عندي وبعدها
عا الشغل بدي انتخي واعمل هجوم
*****

متل الزهر عم عد بعيوني
ودخر مواسم غربتي بقوني
ومن كتر شوقي ل ضيعتي ولبنان
خايف ما اقدر عقلن جنوني
***

بعصر البراءه وزوغة الاحساس
كان انشنق لو كان في قاضي
وتا نعيش متل الناس بين الناس
مفروض فينا نقبر الماضي
**

خزان قلبي من الحقد طفران
راضي وقانع جاه ما بدي
كلما لوحدي بطلب الغفران
بحس فيكي راكعه حدي
**

شبابيك ديكي..فاتحتلي فوت
عليكي.. بعد ما سلّم عليكي
ضم الورد تا يصير يحكي سكوت
ويطير عطرو من حواليكي

لميت كل خصايل النسوان
وضليت زلمي ولابس كرافي
وبردخت ذاكرتي بسما النسيان
واشربت كل مصايبي صافي

ما بحب ..اترجاك تغمرني
وتلمني من مطرح شفافي
وقلك تقلي بحبك..اعذرني
بالمجتمع ..يا بحر منشافي
وباللاوعي تا تحبني صافي
غفي ضميري ..بقلبك اثرني
ولا تشتري حبي..
استاجرني

ليكي اسمعيني..دشري غرورك
غرور المرا قتال
خصوصي اذا الرجال دستورك
يا ها المرا ما زال
بتفيلتي طيورك
عا بيادر الاهمال تا يزورك
بحر القصيده ....حامل الغربال

الك ونص