هاني ناصيف يشكّل وزارة ههههههههههههههه

مشكلنا عتادو الاخوان....متل دجاجة ومنتوفي
وننتج لحكومة بلبنان....صعبة ياليلى تشوفي
بعمرك شفتيلي طفران....بيتديّن حتّى يوفي
و بيراهن متل الخوتان.......عا حكيات البصارة

حطيت ايدك عا جرح معمل( الميم مشددة، لا كان شدة على قلبك وقلب الوطن)، عزيزي شامخ، خلينا نألف حكومة الشعر ( الشين مكسورة، لا كُسرت أرادة فيها الخير للوطن)، قبل أن يوصلونا إلى بيوت الشعر( الشين مفتوحة، وقد يوصلونا إلى القلب المفتوح، فتح الله أذهانهم على الحق، وعيونهم على المصلحة المشتركة)

بحـــُب الجارة مفتون *** وعِــــندا ناوي تقضــّي الصَيف
بتمنا ما تبني حصـــــُون *** أحلامك ع رمل الـــــــــزَيـــف
الجارة يا إبــــني البتــكون *** ليلية في عندا ضــــَيـــــــــــــف
ويوميي في عندا زبــــون *** مأكد جارة عهــــــــــّارة

يا هاني ليش قدّمت اعتذارك
بعد ما كنت عم تاخد بتارك

وقلت رح تحكم بعدل وتساوي
وعلى الأعلام أكدت بحوارك

اذا يا صاحبي ما كنت ناوي
تعطي الحق ا وتكشفت سرارك

ما لازم بالوطن تعمول عداوي
بتفقد بالسياسي اعتبارك

الحكم لا تفتكر أكلة حلاوي
نصيحة رجاع تا تحدد مسارك

طبيخ الحكم أسمع عن هداوي
قلل ملحك وكتّر بهارك

وحتّى الناس بتحب المشاوي
وخفيفي كتير يا حبّوب نارك

وانا من جهتّي حبيّت ساوي
المعارض والموالي الزار دارك

بس كتير بعتب شفت واوي
عطاك الضو يا هاني أفندي
اعتذرت وبعد ما المضروب زارك

بعد سبعين يوم من النفاقة
وما شفت الديك مرة صبح قاقا

اعتذرت وقلت رح خلّص بجلدي
وانا انسان في عندي لياقة

قبل ما اكل من الشعب جلدي
اعتذرت وقلت ما بدنا مراقة

رجعت عالليستا حطيت جردي
وقلت بالمنتدى بدنا رشاقة

وبردت لسان بو شربول بردة
وتركتو بلا حقوقو بالوزارة
و شوفو للهريبي فتحت طاقة

وقبل ما روح قدّم اعتذاري
قلت معليش بسأل بس جاري

ونصحني روق شي جمعة تروّي
ووعدني اليوم يرجع اعتباري

انا ما ردمت بالتأليف هوّة
وما كان القصد حق الغير جاري

على الطميش حاورت بتروّي
وحوار الطرش أوضح من حواري

وصوتي ضل بالمجلس مدوّي
وخطابي ضل بالأعلام ناري

ولأنو بحس يا عالم بقّوة
اعتذرت ورحت تا مسّح دموعي
وارجع للأصل جمّع مصاري

كمان هيدي مقصود رئيس مجلس الوزراء المكلف هاني ناصيف لا تمس بصلة لكائن من كان و لا حتى الرئيس سليمان ابن منطقتي و جاري

Comentario nº 23Ghada Bfd ha escritoHace 21 minutos
حلوي يللا نشطتكن هالسياسي جودو
بس يا هاني يا ريت بترجع عن قرارك وبتشكل حكومة تاني
وسلمني انا الماليةDenunciar
Comentario nº 24Hany Nassif (Lebanon) ha escritoHace 18 minutos
ايه محل محمد شطح

ارفض ها التشكيلة واعلن العصيان
بو شربل

ما بقبل هيك يا غادة اعزريني
الوزارة ملك جدّي والخزيني
ههههههه
وبدّي تطوّبوها يا جماعة
بأسمي ومذهبي من حق ديني

انا حاورت معكون ربع ساعة
وما فيكي يا حنوني تقنعيني

انا بدّي المالية والصناعة
وحتّى تصدّقيني جربّيني

وما بقبل بالتنازل والمراعة
ما فيني كون متواضع ما فيني

انا بالحكم في عندي قناعة
وخصوصي خدت بيتي بالمدينة

وكل نهار بزحف عا الأزاعة
بقلّون في حقوق بتجهلوها
ويا غادة ليش منها تحرمييني

هههههههههههههههههه

بدولة الشعر وحكومة الشعار سليمان بدو المالية والصناعة وصوت مدوي بالإذاعة. شو قولكن رح تأفلس معو دولة الشعر?!

غادة
كتبت

هههههههههههههه حلوة ..................بما انو نحن ببلد ديمقراطي , انا بدي اعمل اعتصام ضد الاحتكار ممنوع تسجل اية حقيبة وزارية باسمك

فادي فيّاض كتب ومصرّ على التشكيل

انا وهيفا بعد جلسي نقيي
شكلنا الوزارة المخمليي
ووزعنا حقايبها بساعة
على الأقطاب ونهينا القضيي
هاني قدر ما عندو شجاعة
اخترنالوا وزارة داخليي
وبالمهجر أبو شربل مراعى
بتلبقلوا وزارة خارجيي
وحكمت رح يربي عن قناعة
بوزارة تربيي جيال الفتيي
وطوني مهندس بيهوى الصناعة
بوزارة عالصناعة منسميي
وعم مطانيوس بدو الزراعة
تا خمرتنا تصفي عالميي
وغادة حرصها عالمال راعى
الدين العام والخزنة غنيي
وأبو مجاهد الأشعارو إذاعة
مع الإعلام طلاتو هنيي
وبراهيم من عز و نصاعة
عطي الدفاع وقفة عنتريي
وعدل بسام ببيوتو تداعى
بوزارة عدل عندو الافضليي
وعلى الطاقة منقشع إندفاعة
لشربل عبس تا يحسّن شويي
ووزارة إتصال المش مباعة
لهند اللي إدارتها زكيي
وحتى بجسمنا تقوى المناعة
الصحة لإبن بستاني وفيي
وهالتشكيل راجع يا جماعة
لتكنوقراط مش للطائفيي
بمجلسنا الحلو وبهيك قاعة
يا بتحمل ثقتكن هالحكومة
يا بتسقط بصوت الأكتريي

ابراهيم ياسين يدعم كتب

يسلم تمك يا فادي و أول صوت هوي صوتي ..أكيد لتسهيل التأليف مش للتعطيل ههه

غادة تدعم ايضا فادي فيّاض كتبت

الله يا فادي حلوي كتير هيدا حق ههههههههههههه شفت يا استاذ سليمان هيك بشكلو الوزارة

فادي فيّاض يعاند كتب

يلا صاروا صوتين داعمين للتشكيلة ابراهيم وغادة بيهمنا نعرف رأي باقي الوزرا والكتل النيابيي كمان هههههههههه
ابراهيم نحنا أكيد بدنا نسهّل مش نعطّل منشان نمضي المرسوم عالسريع ونسهل أمور الناس
غادة يا وزيرة المال ما بقا تحرقصي سليمان أحسن ما يعرقل التشكيل مع إنو وزارة الخارجيي مهمة كتير بس شرط تضلي تصرفيلوا إعتمادات سفر هههههههههDenunciar

بلا ما تحسب الأصوات حاجز طيّارات ومنتخبين من الدول اللاتينيي ههههههههه
وبعدان غادة وابراهيم صوّتولي ههههههههههههههه
عا الحالتين لازم تاخد رضا عمّك بو شربل وبو علي هههههههههه
تا تقدر تشكّل حكومتك هههههههههه
بحر السياسي النتّي
بو شربل

انا ترشّحت مرّة للنيابي
وغادة صوّتتلي بأنتخابي
ههههههههههههههههههههه
ولا تحسب صوت برهوم بحسابك
قبض ألفين يورو من حسابي
ههههههههههههههههههههههه
يا فادي ليش تا تخسر شبابك
وانت استاذ عا التعليم رابي

نصيحة روح وتصفّح كتابك
وما تدخل يا حمل عا هيك غابي
هههههههههههههههههه
انا ما جيت تا أوقف عا بابك
واشحد حق تا عبّي جيابي

حقّي باخدو وناطر جوابك
بوزارة أتصّال ومش غرابي

صرلك عمر بتعبّي جيابك
وسبب للدين ما اسمعنا أجابي
هههههههههههههههه
وما زالو اغتيال الحق جابك
ما فيك تضلّ تستأثر بحكمك
قبل ما تسمع الليلة جوابي

هههههههههههههههههههههههه

كرامة ليلى وغادة بو شربل يتنازل عن المالية ههههههههههه

وشوفو حتى بو شربل بيكتب شعر بالنثر انتبهت للنثر طلع مطلع قصيدة ههههههههه
وبما انو بحر الزجل ما بيرحم
رح نركب قصيدة كرامة عين غادة
وزيرة المال ما عندي اعتراض عا غادة قدّمت تنازل هههههههه
بو شربل

وبلا ما تحسب الأصوات حاجز
طيّارت والتصويت جاهز

وتا اخد بالوزارة الأكتريي
ما فيك تحط بالتشكيل حاجز
هههههههههههههه

لوما يتفّق بيّك وبيي
استقلالنا ما صار ناجز

ويا فادي حاج تحكي بعنجهيي
لوما حاجتك لوجود هاني
ما كنت اليوم يا حبّوب عاجز
ههههههههههههههههههههه

غادة توافق على التشكيل ههههههههههههه
وكتبت

هههههههههههههه اسا رتحت صار فيي نام ههههههههههه اهم شي المالية

طار سليمان من المالية، والله هالاسم بتلبقلو الرئاسة.

هلا بشعار هالارزة الابية
العلا التشكيل عم تعمل مطية

ووزرتو المعقد و المبهدل
يا ضيعان الوطن و الشاعرية

يا فادي قبل ما تشكل تعقل
تا تفهم وين فحوى هالقضية

القضية مش شخص دخلك تمهل
القضية يا حبيبي الطائفية

قلي انكنت يا قلبي بتقبل
شيعي يكون راس الجمهورية

يما بمركز التالت المهمل
يجي الدرزي تا يحمل بمسؤلية

انا بهالصيغة الوضعة مزلزل
قلت معليش عيفوني شوية

كيف الاول البيضل اول
فقط تعطيه انت الداخلية

انت ما فيك تلغي شخص اجمل
من دموع الصلا بعين الصبية

انا ما بريد اتوزر و اقبل
بموطن فيه شي مية دياني
لاني عم بنادي بعلمانية

انا ادعو لعصيان مدني و انتخاب سليمان طراد رئيس جمهورية
ابراهيم ياسين رئيس حكومة
و حسن كوثراني رئيس مجلس نواب

و ليلى مستشارة الرئيس .

Hanoud Bfd wrote4 hours ago
ههههههههههههههههههههههههههه
ما عجبتني "بنوبببببببببببب"

عم تعمل متل رجال السياية عنل هلق محساب بدك تغير

Post 42Fadi Fayad wrote4 hours ago
ههههههههههههه عصيان مدني قال ولك كلكن 2-3 ما بتحرز نبعت صهريج مي هههههههه يلا بلا هالحركات انت وسليمان ويا بو علي انت على أساس علماني شو قصتك صاير تحكي بتوزيع المناصب على أساس طائفي ؟؟؟؟؟
كنا عم نفكر نوزركن انت وسليمان بالموقع هلق خلص رح نحكم لحالنا يا بو عصيان ههههههه بدك عصايي تعلم عا جنابك ههههههههه

انا مني مشردق يا عيوني
بوزارة و مسخرة ما بيعجبوني

انا الا الرئاسة الاولية
ما فيكن يا حبيبي تسلموني

انا يا ضعيف عندي عبقرية
و قادر حل هالوضع بمروني

عندي شروط يا فادي قوية
واذا انتو الثقة ما بتمنحوني

بطلع بفجر الوضع بيدية
وبحطم مواقع هالمعنى
وهدير البحر ما بيهم جوني

[color:2e65=red

]يا هاني إرحمو بيوت القداسي *** بسياسة صايرة البند الاساسي
وبأسلوب الخثطابات المنقح *** الجماعة أتقنو اللون الحماسي
وإذا بتدعي طرف مفروض تسمح *** لطرف تاني تا يصيرو سواسي
مننسى اصلنا ومنصير نمسح *** جُوخ بقصر ورات الكراسي
فادي ان كان نائب أو مُرشح *** مِنو شو ؟ جنو أهلي وناسي
بيستر عيبتو غيرو بيفضح *** وبعلمي الأهل جايي تا يواسي
أنا مش عادتي بالناس إقدح *** كل الناس عا عيني وراسي
لاكن مواقعنا تصير مسرح *** صار المسألة بدها دراسي
استديو اللفن نجومو بينصح *** اللباقة وا للياقة والكياسي
وتا إرضي الكل قصدي الليوم إطرح *** تا أدّبْ مجلسي خلّي المجلس
ستديو فن لرجال السياسي[i][b]

خدني يا هاني بالحلف جنبك
نكسر ايدين ليوقف بدربك
انتي و انا نحكم سوا لبنان
نسقي رصاص لبلورد ضربك
لا تخاف فادي عالمجد هفيان
هاني عفيف النفس بيجربك
ما بيوم نفخ عا جمر دفيان
و ما كان عندك بالوطن طائف
لوما تشعل بالجمر حربك

فادي فياض كتب

يا هاني هالحكومة فك عنها
زمانك انت ما بيقرب زمنها
بدها رجال موهوبي ووفيي
الدهر بالشعر والخبرة عجنها
ربيت بموقع الكلمة الغنيي
اللي هنّا مواقع الشعر وحضنها
طلعت غدار ما حملت الوصيي
وروحك شر شيطاني سكنها
عيّنتك عميد بطيب نيي
ولما هالرسالة طلعت منها
صرت ورقة خفيفي ومرتميي
بهوا سليمانها ونسمة حسنها
وكلمة مسخرة كلمة دنيي
ولا مرة تحط حالك في كفنها
وعا سيرة هالشروط المهتريي
المافي ميزان عقلاني وزنها
نساها نحن حلينا القضيي
وحكومتنا هديرك ما طعنها
وجوني هالمديني الجوهريي
الفؤاد شهاب بالماضي سكنها
عطت لبنان والدولة القويي
رجال بيفتخر فيها وطنها
وبعدا سيدة لبنان هيي
بتخفف عن بلادي محنها
وانا بآخر قصيدي شاعريي
جايي دفّع فكارك تمنها
يا هاني بلادنا الحرة الأبيي
مش العلة بقراها وبمدنها
العلة بناس متلك موسميي
بتهجي سفرة المجد الغنيي
اللي شبعت من عسلها ومن لبنها

ققبل ما اسمعك روق شوية
اسمعني منيح يا شاعر خطية

انت شو انت يا فادي المسير
انت لزقة على الفكرة الابية

انا ما كنت اقطاعي زغير
و لا بقبل بهالكلمة الدنية

انا عا ميدنة لبنان اكبر
بقدم للفدا قلبي هدية

و يا فادي قبل ما تحكي تصبر
تا تفهم شو انا بين الرعية

انا بالحرب فخر الدين عنجر
حميت الارض من عالم غبية

بكفي هالحكي عليي تبصر
عيبي تقول هالكلمة يا خيي

انت ما عملتني ضلك تزكر
عميد على كراسي مهترية

انا يا طفل اكبر من المصدر
خود المركز و انهي القضية

انا اللي كنت للشعار معبر
تا توصل للمجد تحتك فيي

انا اللي بضل عا منبر موقر
رمز للمرجلة و العنترية

انا للشعر و الالهام مصدر
بكفي تتهمني بفوضوية

انا ما شربت من بير المعوكر
و رجمتو ... ريتهن يعمو عينية

انا اللي عملت حلف على المكبر
تا احكم بالعدل عالاكترية

انا ما بريد هالحكي المزنطر
حرام تجرح بهالليل فية

و بجون البحر يا خامل معتر
ليش قلبتها عن سوء نية

هيدا جون روق يا مهرهر
حرام تدور على الطائفية

لها الاسباب عا خشابك يا منبر
انا قررت اتنازل و امشي
لانو عيب يتحامل عليي

غادة كتبت

كتيييييييييييييييير حلوة

بحر الزجل بو شربل
شو عملتو بغيبتي هههههههههههه

انا انسان مؤمن بالشراكي
وعا وضع غروبكون بالشعر باكي

واذا هاني لموقع شاعريي
انتسب مش عيب شاعر احتكاكي
ههههههههههههههههههههه
يا فادي ها الحكومة المهتريي
ما فيها بعصرنا تعيش بركاكي

اعطيه الداخليي بطيب نيي
ان شيوعي كان يمّا اشتراكي
هههههههههههههههههههههههههه
انا بدي وزارة لأبن خيي
ووزارة عدل بالموضوع حاكي
ههههههههههههههههههههه
ويا غادة دشّري فادي عليي
المالية هديّتي وبحفظ وفاكي
ههههههههههههههه
ويا حكمة انت راسب يا خطيي
يمكن نتركك تزرع بطاطا
ونعمول شي وزارة للفواكي
هههههههههههههههههههههههههه
هيدا منشان ما يقول ما في مشاركة حقيقيي شو يا هاني بنعمول شي وزارة لحكمة
وبنغيّر شي وانا معك بنرشّح ابراهيم ياسين لرأسة الحكومة وبدنا نزت فادي وما نسمّيه هههههههههههه
ونتعامل معو بالمثل هههههههههههه

عميد الفن بالموقع اساسي
وجيشي الموهبة وشعري حماسي

وانتو يا جلابيط المعنى
ما فيكون تاخدو منّا الكراسي

انا هاني المواقع زند بنّى
فلشت الريح خيمي عا الرواسي

بموقع شعر بو شربل تهنّى
بشعري وقال يا هاني عا راسي

وعا الفيسبوك كلما ديك غنّى
يقولوا بو علي معقول ناسي

انت مينك يا فادي اللي تحنّى
خدّك من كفوفي وقلت قاسي

انا شاعر حماسي من وطنّا
ضربت بشردتي الرقم القياسي

وما في شاعر زجل عا النت تنّى
لأنو كتير قاسي بالتحدي
وما عندك متل ما عندي سلاسي

يا فادي قبل ما سيفك تسلو
غلّو يا بشر هالحكي غلّوا

صارت عركتي قبالك جكارا
بعد ما غصونك قبالي تدلو

انا يا ضعيف ما بكن الحقارا
لشاعر قلب هاني عم يجلو

لاكن لو ضربتك بالحجارا
اعتبر انو امير الشاعرية
غضب عا موقعك و الفيه كلّو

» فادي فياض و هاني ناصيف
» هدية ل هاني ناصيف والمؤتمر
» تفضل يا ثرثار ...!!!هاني ناصيف
» هاني ناصيف مطلوب تكسير روس
» هاني ناصيف وبسام العنداري منقول