هاني ناصيف يشكّل وزارة ههههههههههههههه

يا محلل التاريخ و عصور العظام
لا تجرح القديس بشوية كلام
نحنا عرفنا درب الله بالقعود
لاكن انت ما عرفت غر درب الحرام

يا بو علي بهنيّك عا ها المرجلة***صاير بشعرك متل نهر الأولي
ولا تقول كفتا هاجموني بالزجل***مطلوب راسو بالمواقع بو علي

*******************

ياهاجم على الموت لاتشمخ طلــوع

نيران حمرة مشعل بشمس السطوع

ولما المتل حسون يمرق حدهـــــــــا

منقل لجمر الشوق بعمل بالضلـــوع

* * * * * * * * * * *

حلوي عمار

يا بو اسامة جماد لا ترغي كتير
قبال الملك ممنوع تحكي يا خفير
و انت و حسن من كتر فعل الختيرة
صرتو يا خيي متل عجنة بلا خمير

ما معود على تنين اهجم يا بشر
عشرة ورا عشرة تعو عالمختبر
وين الخطر موجود و في هاني وراه
صار الخطر موجود مني عالخطر

ما معود على تنين اهجم يا بشر
عشرة ورا عشرة تعو عالمختبر
وين الخطر موجود و في هاني وراه
صار الخطر موجود مني عالخطر

[color:31f9=red
]مين قال عنك مش خطر عا المنبرين *** شوهت منبر بو نبيل وبو حسين
العشرة قبل ما يعلمو عا رقبتك *** لازم يا هاني تحترم شعر التنين

يا بو علي حاجي بقا هالولولي
مش انت بتهدد امام المرجلي
لا تقول عشرة علمو عا رقبتي
رح قص ايدك قبل ما تقرب الي

اللي قَـطعو دَينا يا هاني وروسنا *** بكربلا ما غَيرو نا موسنا
ومش هم يبلغ مأربو منا الجبان *** البهم ما يبلغ مقام نفوسنا

نفوس الضعيفة لهربت بوقت المحن
وقت اللي عصفت بالدني رياح الفتن

هيدي نفس متلك انت يا بو علي
رح تحترق ع محرقة ارض الوطن

لأجــــل اللوطن وين؟ المــَذلة بالحريق *** وجان دارك حرقوها على نص الطريق
وتا تصير تعرف قيمة كبار النـــــفوس *** إرجع الأصلــك واثبت ان كنك رفيق...

يا بو علي حاجي تجني و شقلبي
بعدو اليسار بهالوطن هوي الاساس
وقت الصمدنا بارض لجنوب الابي
كنتو عم تعبو المصاري بالكياس

ان كنت اليساري بضل مآخد راحتي *** ان كنت اليميني بضل بآسط راحتي
مش هم تعمل بو علي بيســــــاحتك *** ال بيهم تعمل بو علي بيســـاحتي

[b][i]

يا بو علي ضيعت موضوعك حرام
خليك ثابت فوق منبر للكرام
و لا تطلب من الارز يثبت موقفو
بعدو الارز اكبر من حروف الكلام

الأرزة بموضوع انطرح ما خـَصْها *** ولوحة جلاء الأرز إقرا نـَصّها
خطيتها ع الصخر بالإيد اليمين *** لا تمسها بأيد اليسار بقصــــها

الله يوجع قلبك

لو ما الجبهة تصد جيش الاحتلال
كانت اللوحة يا حبيبي عالزوال
و ما كنت واقف يا رفيقي يا حسن
ان ماكان عندك قلب عا ميل الشمال

[i

]الله لا يوجع قلب حدا[/i]

ييا جيل بو . درسَين عقلاتو قلال *** باقي اللوطن والإحتلال علىَّ الزوال
لو .ما أنا بجنوبنا إحلف يميـــــــن *** يا شمال بعدك تحت حكم الإحتلال

جيلي انا جيل التقدم يا حسن
و غر عا الصدق ما منحلف و شرط الحسن
متلك متل انطون لحد بهالدني
حالف يمينو كان تا يخون الوطن

حلووووووووووووووووووووووووووو يا هاني بربي

عـــَنّكْ حــَكو عــِندك جواهر مش بخيس *** شبهتني بأنســـان مأجور وخسيــــس
لازم يا هاني تبوسها وجْ وقفـــــــــــا *** الإيـــــد لي صافحت فيها بو أنيــــس

بي المقاوم بالدني بعدو اليسار
رعبنا اليهودي ميل اسر و ميل نار
و ما ببوس ايدك حيث ايدك يا حسن
رجعت بنص العام زرعت انفجار

يا عيني عا الشعر والله كبار وموضوع جريئ

حلوووووووووووووووووووووووووووووووووووووووووووووووو

في هذه العركة لا بد من أن ندلي بدلونا، لأنها تحمل في مطيات الشعر مواقف وطنية حماسية، فهل تضيع الطاسة بينهما، لنتابع العركة الحامية، بين اليمين واليسار الذي ما عدنا نعرفه في لبنان.
حسن خط لوحة الجلاء بيده اليمين، ويرفض مسها بيد أخرى، وهذا موقف مبدئي، إذا أن هذه اللوحة لم تُخط بالمداد، بل بالدم والشهداء الأطهار، والبذل والتضحيات التي ما زالت مستمرة ومنهمرة... ما موقف هاني من هذا الموضوع?
يؤكد هاني على دوره في هذا الجلاء والذي يبدو أن حسن ينكره ضمنا، ويحتكر لنفسه صراعا تتعد حدوده حدود الوطن... ولكنه قال أن تحرير الجنوب حرر الشمال، فاي احتلال قصد? والاحتلال احتلال أكان من هذا أو ذاك. وفق حسن في ما قاله.
رد هاني مشبها حسن بأنطون لحد? ما علاقة هذا الشبه?! اتساءل ولا أجيب?
يا اعزائي الموضوع سيف ذو حدين: جميل وشائك، والدخول في مضماره للناقد يعني فخا من هنا، وفخا من هناك... ولكنكما تحاورتم في الشعر فيا ليت كل حاور شابهه، لكن أجلسناكما توا على طاولة الحوار.

تا عا يميني كون يا هاني أمين *** جرّب وأسألْ كل كتب المسلمين
منسجد ع محراب الصلا لما نقول *** يا ربْ أعطيني كتابي باليمين

تا نختم الموضوع يا شويعر عقال

وجاوب بمنطق يا حبيبي عالسؤال

لو ما الشمال يكون قيمة ما الو

ليش العواطف خلقت بميل الشمال

» فادي فياض و هاني ناصيف
» هدية ل هاني ناصيف والمؤتمر
» تفضل يا ثرثار ...!!!هاني ناصيف
» هاني ناصيف مطلوب تكسير روس
» هاني ناصيف وبسام العنداري منقول