| صفحة الشاعر عصام يوسف | |
|
|
|
كاتب الموضوع | رسالة |
---|
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد يناير 10, 2010 8:55 pm | |
| ختــــيار
عم شرقط
وهج
مش نار
الأسرار
صارو
موقدة
أحلام
والجمر
عم بيدوب
فيي
صار
وعم يخجل
من الأرز
ورد
الشام
وسيفي
الدهر
بيعيش
عا غلافو
متل الزهر
تحت
الندي
بيرتاح
وبيكبّس
الوردات
بشفافو
وبيجن
لو جن
الهوى وشافو
وبيضل
عايش
بالدني
سوواح
وهم الدني
بيرتاح
عا كتافو
عممك امطانيوس | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد يناير 10, 2010 9:00 pm | |
|
عصام يوسف رد عا المغربي
دخلك يَ نهر "سْعار" يا خمّار يا مْضيّف الألوان و الأزهار الورد شرّيب و إنت صبّيب ضل "بعد سْكار بعد سْكار" .... "الله ما أحلا الورد شرّيب" يا مغربي يا نبيد بالفخّار كلْ ..ما خمر العمر بيطيب كلْ ما .. بيطيب جرح النار ... لو شفت شَعْر الليل عم بيشيب لا تصبغوا .. يمكن يصير نْهار بكرا .. بيدوّبنا السفر تدويب عا مقام السيد "حَزّوري" هوّي و أنا شمعات بيض قْصار ... __________________
الصدفة عصام يوسف الرائع
الصَّدفه .... تِمِّك ..الصَّدفه !! و الحَكي بَحّار صيّاد لولو .. و شاطر بْهالكار ... بيفتح الصَدْفه .. بْقلبها بيشــــوف كيف .. مِتْخبّى التلِج بالنار .... بيركض على جدّو الشِّعر .. مَلهوف بيخبّرو بالبحر شو الي صار .. بيرفع جبينو الشعر رفع سيوف بيسكّتو .. و بالسّر بيقلّو .. وين حصّة جدّك الختيار ؟! __________________
العم امطانيوس اشتقنالو
يرد عا نفس الموضوع
تممك...الوردة!!
والحكي مشوار
وصياد قلبي
شاطر
بها الكار
بيسرق
عبير
الروح
عا المكشوف
وبيشم
عطرك
يا زهر نووار
بيبرم عاحالو
ليلك
وملهوف
بيفتح
كتاب
مغللف
بأزهار
وبيصير
برداية
حلا
مكسوف
مدندل
عا حيط
النور
بالأنوار
وختيار
متلي
كيف بدو
يشوف
والعمر
بالستين
عا المهوار
عممكون امطانيوس
هنا يتدخل شاعر يدعى لبيب
يامطانيوس قلبك قلب عصفور وفكرك غني عم يزبد وبيفور ولوكان عمرك قارب الستين بتشع من شعرك خيوط النور المتلك اذا بيصير بالتسعين بيبقى بعمر الفل والمنتور ومازال بعد بتعشق الحلوين بتضل انت زغير وفرفور
العم امطانيوس يرد
من وين
بددي
أشحد
الأييام
تا عيش
لحظة
عمر
محرومي
بلوون
بشعري..؟
بغيير
طقومي...!!
بضحك
عا حالي
برستق
الهندام
وبشلح
سنيني..؟
وبحمول
همومي...!!
عيبي..!!
عليي...؟
أجهل
من جديد..
وخللي الورد
يشهق
بلا
غايي..
تغببر..
العمر..!!
قبال
ل مرايي..!!
ودقات
قلبي كللها
تنهيد
والحب ...عن عممك
أكيـــــد...!!
بعيد..
عممك امطانيوس | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة يناير 22, 2010 9:09 am | |
| ألف .. وألف مقصورى
د. إياد قحوش 23/03/2008
ألف .. وألف مقصورى (عصام و إياد) **
بمناسبة عيد ميلاد الشاعر المهندس عصام يوسف
د. إياد قحوش
يمكن ألف صوتك بْبَّحر الأبْجديّي صار أوَّل كولمبس .. عاشجر غيتار أطلس رحيلي يْدقّ برْديـِّـي يمْكِن طلع - عاسطِح عمري- نْهار تَ بْحِضن حرف الّلام يطْفي النّار وينام قونِه بْعِبّ بِبـِّـيِّي ياهالألـِف يلّلي فتحت الدّار بْآدار قلبك في غْناني كْتار طْفال وإجو تايفْتحو هْديّي يمكن تْشَتّي مْن الّلغه الأعمار وأمْرُق ألِف عالسّطر مقصورى بتحني متل ختيار بالصورة ويْنشّ كرتون الوقت أسرار **
خيَّك إياد قحوش
منقول من جماليا | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة يناير 22, 2010 9:11 am | |
| المشاركة الأصلية كتبت بواسطة انهل دبس يا صاحِبْ الكِلمِة ... السّـحريّـة وريشة لـْوانـَك ... ضِلِع جـِنيّـة انشالله يا غالي عيدَك بينعاد ميّـة ... بَعِـد ميّـة ... بَعِـد ميّـة
الغالي عصام ... عيد ميلاد سعيد ... أعاده الله عليك سنوات عديدة , وأنت على أحسن ما يرام من الصحة والسعادة , مع عائلتك الكريمة وبين أهلك وأحبابك ... بكل الحب أنهل دبس
يا انهل إنت يا عطـــر المحبّي *** الندي عم يشـــــــربك مع كل هبّه شـْـقـَد بْحِــــب فلفشـلك وراقك *** ت َ أعرف بعد شو زهرك مخبّي إنت كاس.. الشعر بالعيد داقك *** وقت داقك .. شــــربتو بفرد غبّي و لأنّو ما بيقــــــدر عا فراقك *** فتحلك متل أمريــــــــــــكا طريقو تَ تمرق متل نهر الميسـِسبّي | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين يناير 25, 2010 6:01 pm | |
| ض عصام يوسف
لّي قطفي مجد السما من الغار ضلّي اسرقي النشوي من الخمّار و ضمّي الزهر تَ يعطش المشوار ما بتعرفي ..؟؟ لون الحلا بيغار !!!
شو هم لو .. بجنينتو!!! .. بيبدى الحلا .. متل الصلا .. لا تفزعي ما يسامحك نوّار مش كل سرقه بتاخدك عالنار الله موصّينا .. بسابع جار
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الثلاثاء يناير 26, 2010 6:10 pm | |
|
طيارة ..ورق
برد و شتي و الليل عم ينساب متل الحكي من قصّة الكذّ ّاب و الوقت عم بيضيق عا خيالو .. يفك الزّرار ينزّل السحّاب مخنوق .. مدري شو شغل بالو متل لْ كأنّو في حدا عالباب و عجقة قصايد ما بينقالوا و أصحاب عم بيودّعوا أصحاب ..... طلعوا عـَ سلّم .. هالفضا قبالو و فاتوا من الباب لْ بَلا بوّاب و دمع و شتي فوق السطح سالوا و السلّم معلّق متل مزراب ..... طارت و طار العمر .. نيّالو مبسوط عم بيلوّن السرساب و ما بيعرف شو مخبّالو و شو اللي برم مع برمة الدولاب ..... فجأه ... وقع هالريح خيّالو متل الغروب الواقع من غْياب و العاصفه تدعس على جبالو متل الصبيّه اللابسه قبقاب ... و بقلبها الأصوات يتعالوا و صمت القدر وحدو اللي عندو جواب و بوقتها شو قولكن قالوا ؟؟ لْ ما بيعرفوا إنّو الدني من تراب !! .... هونيك .. حلوي عيونها جالو و شردت بذكرى الورد و العنّاب و قدّام .. شب و كل آمالو تبخّروا بين الضْباب .. ضْباب و ختيار .. بالمقعد على شمالو رايح لحتّى يزور إبنو لْ غاب قال .. وصّى مع إبن خالو يوصّلو عا مدخل الركّاب .. .... خيالك يا طيّاره على هلالو متل الصليب لْمن شقى و عذاب و الليل .. متل الجلجله تلالو عا جوانحك عم يصلب الأحباب ... بلّش الريح يْهوج شلاّلو و القوس يتكسّر على النشّاب و جوانح اللي من التعب مالو تدهدكوا متل النعس عا هْداب ... ... عالبحر وصلت لفّها بشالو و الموج صابيعو عـَ حرف الباب و لمّا البحر فيها نفخ حالو ... فكّرتها ... بالبحر منجيره و الموج .. عم بيسمّع الغيّاب !!!
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين فبراير 08, 2010 5:06 pm | |
|
i هاني ناصيف كتب
أبدعت يا عصام
وهنا رد الشاعر العظيم عصام يوسف عا بو علييا شاعر لْ صوتك عزف عوّاد و كلماتك هْدايا بَلا أعياد و متل الولادْ بتفرح عيوني يا ريت .. لو كل العيون وْلاد بتتفتّح شبابيكها جفوني بتتخربط الأشكال و الأبعاد .. بيتكسّر خيالك على ظنوني بحس حالي عَالخريطه .. بْلاد .. __________________
| |
|
| |
hany nassif بو علي
عدد الرسائل : 340 العمر : 40 العمل/الترفيه : sound engineer المزاج : مية بالمية تاريخ التسجيل : 09/11/2008
| موضوع: رد: صفحة الشاعر عصام يوسف الإثنين مارس 01, 2010 10:02 pm | |
| شفتك بقلبي قبل عينيي شاعر نحت للآلهة تماثيل وقعك جمال بينزل عليي متل الوحي الطالع من الانجيل شعرك حداثة عطر سحرية بخمر الوحي عم تشرب و بتسيل مدري فكارك دوم بكرية مدري الوحي اوطا من كتافك مدري الحرف عم تنحتوا بازميل | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة مارس 05, 2010 3:59 pm | |
| عصام يوسف
لمّا الحرف بيصير كاس نبيد مـَ بْينشرب إلا رباع .. رباع و لمّا الحرف بيصير شمعة عيد بتوطى الشمس .. بتشعّلو بشعاع و لمّا الحرف بيصير حرف جليد بيدوب حتّى يْحس بالإبداع .. لكن إذا بيكون حرف جديد و ضيّق على الصوت اللي قلّو .. سماع .. بتكبّسو نجمه بكف الإيد و بتجوّرو دعسة قمر .. تـَ يْساع
__________________ | |
|
| |
7arf مشرف
عدد الرسائل : 519 تاريخ التسجيل : 15/03/2008
| موضوع: رد: صفحة الشاعر عصام يوسف الأحد مارس 07, 2010 10:22 am | |
| - سليمان كتب:
عصام يوسف
لمّا الحرف بيصير كاس نبيد مـَ بْينشرب إلا رباع .. رباع و لمّا الحرف بيصير شمعة عيد بتوطى الشمس .. بتشعّلو بشعاع و لمّا الحرف بيصير حرف جليد بيدوب حتّى يْحس بالإبداع .. لكن إذا بيكون حرف جديد و ضيّق على الصوت اللي قلّو .. سماع .. بتكبّسو نجمه بكف الإيد و بتجوّرو دعسة قمر .. ============================ ============================ تـَ يْساع __________________
حلوة حروفك مبدع وشاعر كبيــــــــــــر وممنوع سيرة حرف تذكرها كتيــــــــــر بكام هير لما دعيتك قبالي ع بيــــــــــــر ونبع الصفاوي الطعمها عذب ونــمـــيــر قطعت الحبل مع شاعر كفوفو عطــــاك وخلص عصام ويوسف بآخـــــر مصير
===============
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد مارس 07, 2010 1:40 pm | |
| شو خصّك بصفحة ملاني كنوز وبيوت فيها من الحلا ااااييي وقلوب برداني بدفا تمّموز ودموع صارت صافيي يا حرف بتوّج متل دموع المرايي
حبيبي هيدا الشعر كبير عليك فرجينا قوتك كتبلك شي مميز بها الصفحة بس بلا مسبات تا شوف اذا بتقدر بشك هههههههههه
بحر الزجل | |
|
| |
7arf مشرف
عدد الرسائل : 519 تاريخ التسجيل : 15/03/2008
| موضوع: رد: صفحة الشاعر عصام يوسف الأحد مارس 07, 2010 7:22 pm | |
| اعمى البصيرة من زمن معـروف عندو عمى ألــــــــــــوان مابلومو لافهمت شو قصد ولغز الحروف ولا طلعت للحرّوف بلكومــــــــو ============ هههههههههههه ولك روح عمي روح بتحلم نزلك قصيدة من ديواني ع النت وبدك كثير بعد انتي وغيرك تاتوصلوا لمواصيل د - حرف شو باعثينك محامي دفاع ؟ هههههههههههههههههههههههههههههه
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين مارس 08, 2010 4:41 pm | |
| بدي زهر بدي ندي بدي نسيم شو ضل عندك غير تهجي يا فهيم صفحة عصام قلوب وحروفو جمال ومجبور ها العليق يا حرّوف قيم
هههههه يا ابني كتوب سحر وجمال وشعر بتحداك
ههههههه | |
|
| |
7arf مشرف
عدد الرسائل : 519 تاريخ التسجيل : 15/03/2008
| موضوع: رد: صفحة الشاعر عصام يوسف الإثنين مارس 08, 2010 6:48 pm | |
| مبيّـــــــــــض طناجــر بعرفك جلاّ صحون يا مرماطـــــــــــــــون المنتدى وعامل مدير ان قصيت شي مزلوف ع الجوري بجنون من وين بدك تنشق عطـــــــــــــــور العبــير =============== فرجيني بزعك تاشوف هههههههههههههههههههههه
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين مارس 08, 2010 7:45 pm | |
| طلبنا من العليق عطر انشم والناس لاموني عا أعصابي وقالو ألي شو باك حامل هم حرف الما عندو بيوت خلّابي
قلتلهون معقول تقل الدم يخلق بشر بالعمر كذّابي ومهما الأفاعي تضل تنفخ سم بتضل أرحم من شعر معدوم ما قدر مرّة يعطر الغابي
هات تا شوف شعر بلا مزايدات هههههه | |
|
| |
7arf مشرف
عدد الرسائل : 519 تاريخ التسجيل : 15/03/2008
| موضوع: رد: صفحة الشاعر عصام يوسف الثلاثاء مارس 09, 2010 2:06 pm | |
| خوذ تاشوف خلصنا منك ههههههه
ماعرفت مين مكلّف سليـــمــــان يفتح بقلب المنتدى دكــــــــــــان ولو شمعدان كبير ضويـلـــــــــو متل البيضوّي الشمع للعميـــــان
بلا مزايدات الشعر تمـثـيــــــــلو مالي جلادي إنحت القصـــــدان القلك ماعندي بيوت وديــــــــلو لعنة لأنو بيشبه الخوتـــــــــــان
الفتش ع شعر الحرف تايزيــلو خَرفان واستاهل ذبح خِرفــان مجبور قلو الحرف تحنيـــــــلو المافرّق هلالو عن الصلبـــــان
وهالمنتدى كلمـــــــا بـغـنـــــيلو بشهقة صداقة ولهـفــةّ الوجدان هبوط الوحـي مابقدر بشيـــــلو تايطعمّ حروفو حُلى ومـرجان
هــــــــــون بغفى بـّـــُعد تحليلو بطرز وســادي بتشبه التيجان عصفـــــور بوعى عم بصليـلو بلوحةّ خــيالي حروف ناقشـلو ع جذع أرزة من أرض لبنان ============
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء مارس 10, 2010 10:46 pm | |
| f حر الزجل الى الشاعر عصام
يسعد مساك بنسعد وبنصير ننطر عطر هربان من زهرة وبين الحروف الطايرة بكيّر بنشد خيط الليل بالسهرة
اشتقنالك
الشاعر الخلّاق عصام يوسف
وحدك يا حطّاب النحو و الصرف يَ مْشحّل جرود الأرز و الشيح كل ما يبس بالسندياني حرف بتعلّمو و بتحط فوقو زيح و بتطعّمو من الأبجديه حرف و بتنطرو يزهّر بإيد الريح لكن إذا هالحرف متل الـ "حرف" اللي بْمنتداك بيصرخ و بيصيح كسّرو و قرّف " حروفو" قرف و شقّفو .. هيكي "حرف" يابس بالموقده حطّو.. بيدفّي مليح | |
|
| |
7arf مشرف
عدد الرسائل : 519 تاريخ التسجيل : 15/03/2008
| موضوع: رد: صفحة الشاعر عصام يوسف الخميس مارس 11, 2010 5:51 am | |
| لاتعرّموا ..... ولا تعملوا سلاطين حلاسكون تا تغيروا واللون ياما طعمنا ناس جوعانين وإلهن بسطنا كفوفنا بالعون
بالظهر قاموا يطعنوا سكاكين ويمثلوا علينا في الهن مون
وحرف اليباسو زهّر التكوين ع صخر يابس ضل إخضرهون
بعدو بيكسي ناس عريانين وطافي بموقدتك نيران الخون
وهجو مدفي عقول بردانين والجهل محّى بحرف علم كبير بيسوى حروف الكاينة والكون
===========
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الخميس مارس 11, 2010 9:00 am | |
| تعلّم يا حرف
الشعر
بترجاك
وفتّق عراوي
وحاجتك
تجريح
ياما كنت
أرسم انا
ويّاك
عا خدود
نسمّة
مشردتها
الريح
حلّق مع الشعار
عا الأفلاك
يا روح
من درب
القصيدة
وزيح
تا تصير
شاعر
بالتحدي
منيح
والله مانك هين بتعرف تكتب شعر افتكرناك بس بتعرف تسب ههههههههه فرجينا بزخك
هههههههههههههههههههه | |
|
| |
7arf مشرف
عدد الرسائل : 519 تاريخ التسجيل : 15/03/2008
| موضوع: رد: صفحة الشاعر عصام يوسف الخميس مارس 11, 2010 3:05 pm | |
| علمتك ورح ضلني عــــــلـــــــــــــــم كل مدعي خلاق ومعلـــــــــــــــــــــم وقت اللي بدي بحط شعر منيــــــــح وساعةّ مابدي المعمعة بألــــــــــــــم
من شرقنا ع الغرب برسم زيــــــح وبفتح مضيق جديد مابسلّـــــــــــــم بخرطشلك على الغيم ترم الريــــح وهيذا خيال بشعر بيفلــّـــــــــــــــم
وبنصبلك على غابتي مراجيــــــح سبع البرمبو تقدر تقلـــــــــــــــــــم وبجبرلك الشوكات ع التفتيـــــــح تحمل زهور وبالسما تــثـلــــــــــم
الوداك قلو بكره التجريــــــــــــــح وطلاع ربك بالزجل كلــّــــــــــــم وكرمال عينك صرت غيم بزيح تاشوف بدر المنجلي بالشعـــــــر بوسو بخدو وصافحو وسلـــــــم ============
ولو ياسلمون انتي عن تحكي هيك لو كان حدا غيرك خن يعني أوكي هههههههههههههههه اه وخوذ هاي كمان منشان الشك هههههههههههه
كل موقف في إلـــــــــــو رجــــّـال = ولكل مسـرح ناقـــــــد وقــوال لكن على منبر الشاعــــــــر حرف = متلو ماجايب ربنـــــــــا زجال وسلّو صديقي بالنحو وبالصـرف = مربع على عرش القلب مـازال إيمان شعري صرت بغرف غــــــــــرف = وناسي ع قد الخـردلي الإيمـان بيقدر يزحزحلك قمم وجبال
============== | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الخميس مارس 11, 2010 7:53 pm | |
|
ويتابع الشاعر العملاق
دخلك يَ بيـت تراب .. ليلك شاب و قوس محــــــــــــــــدلتك بَلا نشّاب ... ...... سْوالفو كانت ورد جـــــــــوري و اليوم غطّوا سـْــــــــوالفو الأعشاب ....... كنت بْزمانك تشــــرب سْروري متل السَفر مَ بيشـــــــــــــرب الغـِـيّاب و لليوم بعدو لون منتـــــــــوري مْبقّع بفيّة شـــــــــــــــــــجرة العِنّاب ...... بالصـــــيف تتغنّج على نهوري متل مَ تْغنّج قمر عَ غـْــــــــــــــياب تِقرا "بلند الحـــــــيدري" زهوري و إنت تقرا "شاكر الســـَــــــــــــيّاب" و لمّا الغزل يسْكر من عطوري و مَ يْضـــــــــل زر بْوردك الجَـذّاب وبدّك "تفتّح" لونها .. ضــــروري حبّة ندي "بتشــد" بالســـِّـــــــــــــحّاب ..... و كل مَ ســِـــهِر كانون بِحضوري و جرن الشتي موصول عَ المزراب يْحــــط الجمر عا موقد شْعوري بْملقط رعد واقع عَ حــــــرف الباب يسـْــــحب نفس و يدخّن بْدوري و تتفرّع الدخــــــــــــــنه بدون تياب .. و كل مَ احترق بالجـمر بَخّوري تفوح منّك ريــــــــــــــــحة الأحباب ..... عا غيبتك عَصــــفورك الدوري دشّر بِحــــــــــيطانك دمع و عتاب و ما زال لاقالك على سْـطوري كيف بيشتّي بقلــــــــــــــــــب طاقه ؟؟؟ و بيقدر يشتّي بقلب كـــــــــــــــتاب !!! __________________
مدّيت إيدي .. مسحت وجه الشرق ... رجّعت إيدي كلـّها غـَبرا
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة مارس 12, 2010 11:33 pm | |
| Issam Youssef شو بيخطر ببالك وقت بتكون عم ترسم غياب الدني عا جْفون ... Ver más شو صَوتك بيسمع من الإحساس لمّا بيمشّيك النعس بعْيون ... يا بْيشربك شي نبيد من شي كاس يمّا شي ضمّي بتحملك عـَ سكون مدري.. بيصير يغيّبك قدّاس و بيحفظك سر بجرن ميرون
El Mié a [b] | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة مارس 12, 2010 11:35 pm | |
| Kahwash Eiad صليب .. و لون و صوت **
خيالك بشيلو قبل مايوقاع ... Ver más شو بحبّ إني دور فيه ضياع من قبل ما نوصل صليب .. و لون و صوت .. انسكب عالريح ضوّ مشاع و تركد جروحك نهر عبّى الكون وكون المافيه جروح مابيساع إي كيف عم بتكون روحك هون وهونيك ومنعرف بإنّو الروح مابتنقسم ل نصاص أو ل رباع El Mié | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الثلاثاء مارس 16, 2010 8:21 am | |
| عصام يوسف يتابع شفت الصبح جوعان .. صبّحتو و قرص الشمس عالوهج لوّحتو ... و لمّا استوى بالبحر غطّو شوي متل لْ كإنّو البحر مَمْلِحْتو .... داق شقفة ضو .. قلّي خَي شو طيّب الضو اللي سَوسَحتو و من كتر ما هرهر شمس عالفي تعبّى خيال الطاوله تحتو ... __________________ مدّيت إيدي .. مسحت وجه الشرق ... رجّعت إيدي كلـّها غـَبرا وهيدا الرابطhttp://www.mshtawy.com/vb/forum54/6064/index12.html | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء مارس 17, 2010 6:19 pm | |
| هالأرض شجره و النّهوره غصون و وراقها دواوين هالشّعّار مرّات خضره وراقها بكانون و مرّات صارت يابسه بآدار ..... يا شعر قولك ..!! شو السبب بيكون ؟ الحبر؟ .. الحروف؟ .. المنطق؟ .. الأفكار؟ يمّا خيال الصوت عالكرتون لْ بينش بين الحلم و التذكار !!؟ .... مرّه .. التَّمر بيصير قد النون اللّي مْعلّقه بْنقطه بِغصن النار و مَرّه التَّمر بصير قد سْكون مدوّره متل الندي لْ بيغار يمكن لأنّو العطر مالو جفون و يمكن لأنّو الشال مالو زرار .. .... بتخربط حمامي بغصن زيتون و بيخربط غراب العتم بنهار و بتلتقى عيون .. و بيصيروا .. عيون تحكي إلُن و عيون بيصيروا يسمعوا .. و ما يعرفوا شو صار !! __________________
مدّيت إيدي .. مسحت وجه الشرق ... رجّعت إيدي كلـّها غـَبرا | |
|
| |
| صفحة الشاعر عصام يوسف | |
|