صفحة الشاعر عصام يوسف

المشاركة الأصلية كتبت بواسطة انهل دبس

آآآآآآآآآآآآآآآآآآآآآآآآآآآآآه يا رسّـام !!!

أهلا برجعتـك الغالية ...
ذكَّـرتني بطوفان فاتح أوَّل ما بلـَّش ...

بكل الحـب
أنهل دبس

دشّر.. يا أنهل

يخوت

الطوفان...!!

ويهدّ

سور

الصين

واليبان

ولا تربّطو

بكلمات

معسولين...؟

بنخاف يفقد

قيمتو ...؟؟

الفنان

ويصـــــــــيـر ..!!

يبخل

بالعطا

تخمين...!!!

خليّــــــه بين

الجوز والرمّان

يفقّش حلا

ويفرفط...؟ طرابين

بحر الزجل تركونا نخربش

شدّي عا ايدي

ودشّريني

روح..!!

ولا تعاتبيني

قبل ما تروحي

وتحمّري

السكيّن بجروحي

خلّي العذاب

يغب خمر

الروح

ويسكر..

حنين الااخ

يا روحي

بحر الزجل ونتابع التخربش لا تعتبو

__________________

ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو

خلّيك متل الشمس سجّادي****تستقبل النجمات لمّا تفوت
بعرف انا خلقان ببلادي****لكن ما بعرف ويّن بدّي موت

amigo

صفحة الشاعر عصام يوسف - صفحة 4 User_online

vbmenu_register("postmenu_47334", true);

مـديـــر الموقـــــع

من مواضيعه :
0 ايقاف كل من مايك 75 وكوبا والزلزال واديداس
0 ابو الياس الغالي شــكراً إلك
0 لقاء اعضاء موقع مشتاوي يوم الجمعة 28 تموز
0 مبروك هيام دبس وجورج ابو شعر المولودة الجديدة
0 اعتذار للسيدة ثناء حيدر ولقراء مشتاوي

تاريخ التسجيل: Jul 2004
الدولة: Mashta al helou
العمر: 29
المشاركات: 601
صفحة الشاعر عصام يوسف - صفحة 4 Reputation_pos

حـــوار مـع الشــاعر المشــتاوي عصــام يوســف

permalink

1-شو هوّي الشعر برأيك ؟ وبالتحديد شعر الكلمة المحكية؟
الشِعر هوّي الروح اللي بتتجسّد بالكلمه العَـزّيفي ( و مُمْكن تتجسّد بالحَجر .. باللون .. بالصَوت ...و عندها بتصير شي راقي كمان.. بس غير الشعر )
كل ما كانت هالروح قادره تضحّي و تعطي .. بيصير الشعر يتمجّد
وكل ما كان فيه شي من المَعرفه الكليّه .. بيقدر يرقّي الوجود
تلاميذو هنّي الحواس .. ممكن يكونوا خمسه .. سِتّه ..أو أكتر !!

و الشِعر هوّي الشِعر .. بأي لغة كانت .. سواء لِبس من جوخ الإنكليز أو حرير الصين أو حتّى !! شِرْوال مشتاوي ..
..................................................

2-كيف بيصير الواحد شاعر ؟
بيصير شاعر.. بالمَحبّه و المَوهبه و المَعرفه
.................................................. .............

3- مين بتحب من شعرا الزجل وشعر الكلمة المحكية و شو القصايد أو القصيدة يللي بتحبّها أكتر شي ؟
ما فيّ إختصر اللوحه بْلون واحد .. و حتّى اللون الواحد فيه كذا درجه
...............................

4-أيمتى بلّشت تكتب شعر و شو أحب قصيدة من تأليفك ع قلبك ؟
بلّشت مع الشعر قبل ما بلّش مع الكتابه .. يمكن علّمت الكتابه تقول شعر!! ..
و أحلى قصيدة ما كتبتها لهلّق ...
............................

5- كيف بتكتب شعر يعني من وين بتبلش و كيف بتبلّش ؟ وشوهيي طقوس الكتابة عندك ؟
بكون أنا و حالي .. أوقات بكتب عنّو أوقات بيكتب عنّي .. كيف ؟ يمكن حدا تالت بيعرف
..........................................

6- بالزجل شو أحلى حفلة أو حفلات برأيك ؟ وليش ؟
حفلة المدينة الرياضية .. وحفلة بيت مِري .. لأنّو بتخلّينا نْحِسْ بْعَظمة الزجل و بْمَجدو
.................................................. .

7- هل بتفتكر في شاعر كامل أو في قصيدة كاملة ؟
الكمال هوّي نِقطة الذروه بالنسبه للشاعر و عا قد ما بيقدر يْألهـِن قصيدتو بيكون عم بيقرِّب أكتر للذروه
..............................

8- شو سبب ازدهار الشعر بمشتى الحلو و بالمنطقة المحيطة ؟
الحقيقه الفضل الكبير للشاعر الكبير حسان بسطاطي اللّي خلق النهضه الزجليه بالمشتى وكان حلقة الوصل بين أرقى ما وصل إلو الشعر اللبناني و ما أُضيف على الشعر المشتاوي من طبيعه ساحره و بيئه مثقّفه و ناس طيبين بْيـِلْبَقلن الشِعر .. و يمكن فيّ قول
إنّو هالمنطقه أخدت من الله أول ست تيّام .. أكتر من غَيرا !!!؟؟
..........................

9- شو العلاقة بين مهنتك و الشعر ؟ وهل كان لعملك دور سلبي أو إيجابي بموهبة الشعر؟
المهنه أو العمل هوّي نوع من أنواع المعرفه و أكيد المعرفه بتغني الشعر و بتفتح آفاق جديده للبَدع و الرقي الإنساني و الأدبي و بتفتح شبابيك و بتزيح بْرادي بيجوز أوقات ما نعرف إنّو في ضَو ممكن يجي من خَلْفن
.................................................. .

10- مع مين من الشعرا بتحب تقعد و تدردش وتسمع منو وتسمعو ؟
الشاعر إيّاد قحوش .. هالحكيم العبقري .. عندو إزميل.. معلّم بالنحت كيف ما ضرب بتطلع منحوته .. و لمّا بيكون حظّي حلو بتصيبني شي طرطوشي !!
.............................................

11- هل الشعر والشاعر آخدين حقون ببلادنا أم الشعر والشعرا مظلومين ؟
الشاعر ما بدّو شي .. " زَقّفلو و بـِكفّي"
.................................................. .....

12- شوبتحب تغير لو بيطلع بإيدك تغير ؟
رد المشتى شي ألف بنايه لَ ورا و عمّر محلّن شي ألف بيت شعر لقدّام
.............................................

13- شو لون الحب ؟ والوطن ؟ والسما ؟ والحرية؟
لون الحب .. متل ريحة التراب بعد أول شَـتْوي
لون الوطن .. متل صَوت النهر بالذاكره
لون السما .. متل طعم القصيده المكتوبه بالنجوم
لون الحريّه .. خِيَّال ما بينشاف !!!
..........................

14- من وين إنت جايي ولوين رايح وشو بعد حابب تقول ؟
جاي من السَفَر.. و رايح عالغِربه .. و أكتر من هيك ما بينقال ..

...................

15- شو بتتمنى موقع مشتاوى و ضيعتك المشتى يعملو تايساهمو بنشر الكلمة الحلوة ؟
ينفّضوا الدِّني عن تْيابُن
...................

البعض بيقولو إنو مشكلة الشعر المحكي هيي إنو كتير محلي و ما بيقدر ينتشر متل شعر الفصحى, شو رأيك إنت ؟
عا طول الشعر وين ما راح .. ما بيعزموه إلاّ ولاد الإحساس .. والإحساس ما بيحكي .. بيدوق !!
.............................

-شو هيي نقط القوة و نقط الضعف اللي بتشوفا إنت بشعرك ؟
نقطة القوّه ..صدى الصوت
نقطة الضّعْف .. صوت الصدى

كلمه أخيره ..
يا ليل ..
طفّي العَتْم
بـِتْرَجّاك !!
شو مِشْتهي ..
إسْهر أنا ويّاك
و هيّي إلي
هَالجرد أركيلي
و حِط القمر
فَحْمي على التِنْباك ..

بختام هل حوار بتمنى ينال اعجابكن وان شاء الله بنقدر نقدم حوارات مشابهة بالمستقبل القريب .

عصام شكراً إلك ...شكراً إلك دائماً ع دعمك وحماسك وكلشي عم بتقدمو لمشتاوي .. بكل صدق بنفتخر فيك وبنتمنالك دوم الفرح والتوفيق وراحة البال إلك ولعيلتك .

كمان الشكر الكبير للدكتور أياد قحوش على فكرة هل الحوار وتعاونه وحماسه الراقي والمميز .
__________________
أنـــــــــــا مشتــــــــــاوي

يسلم تمك وتمو شاعر وبيلبقلو[/size][/color][/center]

المشاركة الأصلية كتبت بواسطة slayman

تعلمّوا يا ولادي كيف بتخلق القصيدة

يمكن بعد ما تعمّر بيوتك

ويكوي جروحك ملح دمعاتك

يصير العطر يطلع من سكوتك

ويغفا الورد بمروج كلماتك

عصام يوسف

سليمان يا عتّال !!
هم الكل ..
بس الشغل
مش عيب بيقولوا
شغلك شغل
إيد العطر بالفل
و شغل صايغ بحر
باللولو
و شِغل الشّعاع
لْ عـَ الفضا بْـيـِـنْسَل
بيعلّم المجد لْ
على أصولو
و شِغل بال الشاعر
لْ بيحل
لون الحلا
المغزول عا طولو
.....
بتضل
حامل همّنا
بتضل
بتقطع
طلوع الدرب
و نزولو
ولمّاعلى
مشتى الحلو بتطل
صوت
الدهب ...
مشغول من فيروز!!
بيضَيّفك
من شغل أيلولو ..

__________________

مدّيت إيدي .. مسحت وجه الشرق ... رجّعت إيدي كلـّها غـَبرا

عصام يوسف

يا رب
بيت الشعر سَـلّملي
و سُلّم عطر
عالورد سَـلّملي
تا إطلع
وإسهر مع سليمان
و قلّو على الأحباب
سَــلّملي
.....
اللي استزوقوا
الإحساس و الألوان
بيسترخصوا
البرواز و العِمْلي
يا ريت معهم عيش
عا نيسان
و ما عيش
لا شَغلي و لا عَمْلي
.....
الفنّان ..
لون جديد للإنسان
بيحمل سَما
و بيتقّل الحَمْلي
لولاه كان الخالق
من زمان
نفّس الأرض
وفش هالدِمْلي
......
ما أروع لْ بيعيش
بالحرمان
من شان
يعطي الحُب بالجِمْلي
وشو قيمة الجِمْلي
بألف ديوان
نْ مَ لقيت
كلمة حُب الجملي
......
هيكي أنا ...
يمكن حدا... خلقان
بس !! طالع أرز
عا رملي ..
ما بريد
إلاّ يزهّر الوجدان ...
.....
اي !! حاج ..
تبقى ناقصه
هالأرض
شوف السما
عا طول مكتملي ؟؟!!

__________________

مدّيت إيدي .. مسحت وجه الشرق ... رجّعت إيدي كلـّها غـَبرا

نتابع مع عصام يوسف

يا أنهـــــــــل اكتبني إلك مكتوب *** من قبل ما يخلص نهاري غروب
بخاف عطــــــــــر الورد ينسيني *** و صــــير متل الموقع المحجوب

مرّق عَ ســـــــــــــكّيني شراييني *** حتّى يْنـَوْفر من حنيني طــــيوب
بس انتبه تِجْــــــــــــرح السكّيني *** بَعْرف بأنّو قلبها طـــــــــــــيّوب

فلفش عـــــــيوني و ضل حاكيني *** قبل المَســا ما ينزل"الصاحوب"
مدري انا عا مفرق ســــــــــنيني *** مدري انا عا كـــوع بَتْ "أيّوب"

دخلك "بهالحــــــــاموش" خلّيني *** مســـــكوب مع شلاّلها المسكوب
و كل ما ضَرب وجّي بجدع تيني *** يبلسـم جرح وجّي جدع خرنوب

أوصل عا جســـر الحامل جبيني *** متل اللي حامل عن غيابي ذنوب
و تفرح الدلــــــــــبه العم تلاقيني *** فرحة العدرا بإبنها المصـــــلوب

و القنطـــــــــره بلهــــــفه تدفّيني *** متل الحبيبه الناطــــره المحبوب
و إركض على النبع بْبَســـــاتيني *** قال.. العنـــب مشتاق للمشروب!!

و لمّا الفرح يشــــــبع من الزيني *** أوصل على أنـــــبوب عم بيدوب
يقلـّي غيابك شـــــــــو مبكـِّيني!! *** و مشـــتى الحلو بتشتاق لَ غيابك
حتّى مَ تنشـــــــف دمعة الأنبوب

ونتابع مع الشاعر عصام يوسف

كان في خبّاز

مدري وين ؟

وصّاه بيت الشعر

عـَ رْغيفين ...

فَضّى طحين الوقت

من بالو

و مي و ملح

من جرن

دمع العين

.....

و صار

يعجن بالدني

خْيالو ...

.....

و تَ يْخمّر العجني ..

شِرِب كاسين !!

....

و لمّا الرْغيف

ارتاح خـِـيّالو

بتقول !!..

شهر ارتاح

من يومين

.......

وودّع

بمشوار العمر

حالو

متل مـَ الزغلول

ودّع زين ..

.....

و بالنار

فوخر هالفضا

قبالو

قال .. الحقيقه

لْ في لِها وجّيْـن !!

.....

و لمّا الحروف

تْأمَّروا ..

شالو الخبّاز

حتّى يقسّمو ..

عـَ تنين

....

حَرْفين ..

ضيّف سَطر

عـَ شْمالو ...

و حَرْفين .. ضيّف

سَطر عـَ يْمينو

.....

و نيّال سَطر

بْيـِشْبع بْحرفين !!
__________________

مدّيت إيدي .. مسحت وجه الشرق ... رجّعت إيدي كلـّها غـَبرا

المشاركة الأصلية كتبت بواسطة انهل دبس

الغالي عصام ...

تـْأكَّـدْ ... بإنَّـكْ عَ القلـب غالــي
بحِـبَّـك أنا ... يمكن مِتِـلْ حالــي
جاري وحبيبي , وإنت بالتَّـأكيد
أقـْرَبْ إلي من الخَـمِـر لَ الدّالِي
*****
إنتَ بْحياتي ... كَ الـدَّوا بالطـِّبْ
وأسمى المَعاني , بالوفا والحُبْ
ما بحِبْ واحِدْ تحِتْ عَرش الرَّبْ
قـَدَّكْ ... ومَهْما كانِـتْ الحالِـــــة

بكل الحب
أنهل دبس

عصام يوسف
يا أنــــــــهل بلـّشت إقرا قصيدك *** سـِكر وج القرايه من نبيــــــــــــدك
و خـَتم جِـــرح المحبـّي بالمحبّي *** كأنـّك عَ الجـــــــــــرح مرّقت إيدك

إنــــــــــت بلبل نقد حبّي و حبّي *** من بيدر أحاســـــــيسي .. و نهيدك
ترك ريشه فريدة .. و عود حُبّي *** مَ بيســـــــــلطن بَلا "ريشة فريدك"

كل نهار شـــــــو بصلـّي لـِ ربّي *** رســـــــــــاله أوصلك بـِنهار عيدك
و كترما الشوق بسـطوري معبّي *** بعد ما أوصـــــــــــل يسكـّر بريدك

إذا ضــــربوا إلك عَ الغيــم قبّي *** و قالوا هَ البشـــــــــــر نحنا عبيدك
تَ تحضنهن بصــيغه مُسْـــتـَحبّي *** بتجي بتضيّـــــــــــفن فستق عبيدك

و لأنـّك زر ورده .. فتحـت قبّي *** بفســـــــتان القصيده .. و ما بريدك
تبقى بـِلْ عَــراوي مســـــــتخبّي *** الحـــــــــلا بيحب يلبس من جديدك

و لأنّك شـــاعر و شـهم و مُربّي *** إذا جرحوا الورد .. جرحوا وحيدك
مَ في قـوّه لِها قِــــــــــدره تلبّي *** بـِقلب الكــــــــون عن قلبــي تحيدك

و لأنّك من نســـــيم الروح هبّي *** بناقوس الفرح بســــــــــــمع نشيدك
و لأنّي نهر و عـــيونك مَصــبّي ***لابـِتـْنقّصـــــــــــك عين الحــــــسيده
ولا عين اللغـــــــــــــه فيها تـْزيــدك

ونتابع مع الرائع عصام
من محاورة مع الشاعر وليد رضا

قدّيش مشــــــــــــــتقلك يَ جولاني = يا ليل بـِغـْصــــــــون السَهر حاني
من يوم ما دِقـــــت القمر... مشتاق=قطـّف من غصـــــــونك بـِرتـْقاني

كنـّا أنا و الشـــــــــــعر فيك رْفاق = فينا صَـــــــــــــــبايا الريح جَهلاني
و كل مَ الهوى حَرّك غِصن سِمّاق = تـُوقع عَ غصـن الشوق قِصـــداني

و هاك الحَــــبق قدّيش فاح طـْباق = و بعدو صَـــــــــبي بْيــِلعب بألواني
من يوم ما إحــــــساس قلبـي داق =إخضــــــــرّوا عيونو متل وجداني

يا عــين .. قني الصـــــبح لمّا فاق = زورق عَ وج الضَـــــــو مَشّـــاني
بخـّــــــــور عينـي فاح بالأحــداق = عا مقام السِـــــــــــــــــت شعواني

و لمّا الشــمس دابت من الأشواق =و قامت بنص الليــــــــــــل برداني
جدّلها جـْــداديلها الخـــــــــــــلاّق = و بقيت بمجـــــــدل شمس نِعساني

ومن ليـــل بَـقعاتا الحـــلو البرّاق = تلج الحــــــــــــكي دوّبت عَ لساني
صار الشِـــعر يطلع من الأعماق = و رمح الخضر يسأل عن حصاني

و يا مســـعدا.... يا مسعدا العشّاق = اللي بـْتـِشـــــــــعل بْبُـركان تحناني
من كتر ما فيكــــي الشعر عملاق = تــْـرابك من تـْـرابات بُركانــــــــي

وبانيـــــاس و نهــــــرها الرقراق = متل القلم عم يكــــــــــــتب غناني
لو شِـــــــــفت حَدّو ورقتين رقاق = هَودي الوراق وْراق أجـــــــــفاني

الجولان طلـّه مشعشعه و إشـراق = ضْـــــــــــياعك بكاس العز سكراني
و كيف مانك بالخــــــــــمر ذوّاق = و تلجك عرق و جــــبالك قناني !!

و مهما وليد .. فرّق ليالي عتاق=و ســـــــــــنـّد سندياني و سَنْ دْياني
الجـــولان ما فرّق حدا يَ رفاق = و لا ســــــندياني من ســـــــــندياني

و مهما بجـــــــهلو ينقض "الميثاق"=و يتكــــــــبّر عْلا فلان و فلاني
الجولان لونو بالمحــــــــــبّه راق = يمكـــــــــــن لأنّو لون ربّاني !!

ما في فكـــــــــــر للمعرفه توّاق = ان ما كان عندو بُعد إنســــــاني
و ما زال بيقولوا العقل خـــــلاّق = يا ريت ســـاعة ما خلق هالناس
جــــــــــــــــــــــاب كل الناس فهماني

عصام

هالقفل ..
شو بيدوّر المفتاح!!
بيسفّرو..
و بيطيّرو
بْلا جناح..
بيتعّبو
تا يفتح بْوابو
و بيدوّخو و ما بيتركو
يرتاح
....
مرّه فتحلو
قصر غيّابو
حط عينو
عا بنت يفتاح
و مرّه فتحلو مصر
عـَ حْسابو
شد الهَرَم
و النيل نِتْفه
زاح
...
قدّيش كان
يودّع حْبابو
و تبكي السّفيني عليه
و المَلاّح
و كل ما إجا
يسأل عن صحابو
يقولوا إلو
اللي كان ناطر
راح
.....
قدّيش بدّو
يكز عـَ نْيابو
جرح
من ناح و جرح
من ناح
و قدّيش بدّو
يدور دولابو
و تخسر معو
الأجساد و الأرواح ..
.....
بكرا
عند مَ بيفتح
ترابو
و بيحس إنّو
الوقت عم ينزاح
بتمرق شي إيد
بتفتح كتابو
و صابيعها
فوق السطور
قْداح
بتشرب تَ تنسى
هالدني
غيابو
..
و كيف بدّها تطلّعو
من البال ؟؟
و الباب مقفول
و بلا مفتاح

صوت اللون

عصام

طِرّه !!
عـَ نقش العمر
مَنقوشي
و صُورةْ صَبي
بالبال
مَنقوشي
تأخّر عـَ مَدرستو
و نِسي المَرْيول
و عم يشتري مْن الفرن
منقوشي
....
؟؟؟!!!!
ويضل
باب المدرسي
مقفول
و ضيّق
عـَ مملكتي
و على عْروشي
ود قّات قلبي تحس
بالمجهول
و روحي
بلون الصوت
مَدهوشي
....
و شو كنت خربط
بالوقت
عا طول
و شوف الفضا مرايات
مَخدوشي
و مْشربكي
خطوط العرض و الطول
و ساعة الإيّام
مَغشوشي
....
من صغرتي
إلبس "دهب أيلول"
و إعمل زهر رمّان
طربوشي
و كل ما طِوِل شَعري ...
الحَبَق بيقول ..
عندي .. متل عصام
"كَـنفوشي"
...
و شو كنت
بكتاب الحلا
مشغول ..
فرفط وراق الشِّعر
عـَ رموشي
ورقه ..
بْقلب درج الشتي
المَبْلول !!
و ورقة عـَ بَـنك الصيف
مَفلوشي ؟!
.....
و مَطرح مـَ كان
خْيال وجّي
سْهول
بْعطر و نِدي
عالورد
مَرشوشي
بَعدو خْيالي
بالفضا
بيجول
و كل ما بقرّب قطّف
الأحلام
بـِتْـشتدّني
عـَ تْرابها
شْروشي ...

المشاركة الأصلية كتبت بواسطة امطانيوس الزحلاوي

قبال منني ها النقروشي

زرزقت

من زممول

شعرك

بيت

فرفط وراق الشِّعر
عـَ رموشي

وخبييت

فيي

عواطفي

وضلييت

أشرب

عصير

بيوت

منقوشي

ولو كنت

عمري

ما تركت

البيت

هوشلت

خلف

زهور

مرشوشي

بركي

بيصفا

العطر

متل الزيت

وبيصير

وج الورد

منقوشي

عممك امطانيوس

عصام يوسف

وينك يّ عمّي
مْطانيوس ..
يَ كْبير
يا مارق
مرور المجد
عـَ المير
تفرش بيوت قصايدي
كفوفك
هوني خزينة عطر ..
هوني سرير
...
شفت وهج العمر
عـَ سيوفك
عم يستوي
فيه الشعربكّير
و أيلول
عم يعصر
من حروفك
كرم الحكي
حتّى قصيده يصير
....
ضل غامرني
بمعروفك
تا إغرق
بحلم الندي لْ بيطير ..
شو بيغتني
قلبو .. اللي بيشوفك
و بـِتـْمرِّقو
من خِرْم إبري
صْغير !!!

__________________

مدّيت إيدي .. مسحت وجه الشرق ... رجّعت إيدي كلـّها غـَبرا

قديّش...!! فيك

من الحلا...؟

يا صوت..

يــــــــا حلم

بعدو...

بيلبس

المريول

يا زهور ..!!

حمرا...

عا حفافي

الموت

فيّق

دفاك..

بشرشف

المجهول

وغطّي

المسافي

مكشّفي

يا صوت

بركي ...الرسم

بيصير

تحفة

نــــقول

بو شربل بحر الزجل

رائع يا شاعر العصر

__________________

ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو

خلّيك متل الشمس سجّادي****تستقبل النجمات لمّا تفوت
بعرف انا خلقان ببلادي****لكن ما بعرف ويّن بدّي موت

عبييت وقتي

وجيت

عا وراق

الحكي

أشرب

بيوتك

من نمير

الروح

وما سألت

مررة

أسرقك

مسموح

وما عرفت

أننو

الهم

مفتاح

البكي

شكرا عممو عصام عا ها التحف

عممك امطانيوس

المشاركة الأصلية كتبت بواسطة Firas H

كل ما ردت تعليق إنّي قول ـــــ بلاقي كلامي راجع عليي

عينيك
زنزاني و أنا
محبوس
و جفونك شبابيك
عا طرطوس
بطلّع
من رموشك
على إرواد
بْشوف
السفينه ناطره
قدموس
بسمع عـَ هالشاطي
لْ بعيد ولاد
و الريح
حامل هالقمر
فانوس
و عم تعجق
الألوان و الأبعاد
تَ يحمّموا
بموج الحلم
" ڤينوس"
...
الله !!
شو حبسك حلو ..
يا بلاد !!
فيها الشِعر طالع
عن الناموس
و فيها العقل واقف
متل جلاّد
بحرف الوعي
عم يجلد القاموس

__________________

مدّيت إيدي .. مسحت وجه الشرق ... رجّعت إيدي كلـّها غـَبرا

وليد

كلما عملت للشعـر مرجوحـة***وعلقتهـا بجوانـح الشـوحـة

بيتمرجح عليها صدى الازمان***تيصير ضيق الوقت بحبوحـة

وقديش عندك للصوت الـوان***وفكرك خزينـة در مفتوحـة

بدي شي صوت جديد للجولان***لونو بجمال اليوسفي مجبـول

ولحنو عصامي بارض مبحوحة

اشتقنالك

يا شاعر
لْ بتغيب متل الطّيب
و لمّل بتجي ..
"مَجْدَل شمس"
بتجيب
ضوّى مَسا قلبي
إلك شمعه
إي .. طفّي المسا
بْعيدك
قبل مَ تغيب ..
و خلّي إلي
مْن محبّتك لمعه
لـِبْسِت
بعرس الضو ..
"ميني جيب"
و قطّف
نجوم و ضيّف
الجَمْعه
شو طيّبه ..
نجوم القصيده .. زبيب !!
....
بْصدفة عيوني
إلتقى دمعه
يمكن
اللولو مْن الجرح
بيطيب
انشلله القلوب
تضل مجتمعه
و تلتقي
مْزاريب ..عـَ "مْزاريب"
...
يا شاعر
اللي في إلك سمعه
أكبر من التشريق
و التغريب
عم ينطرك
عصام ..كل جِمْعه
متل ما بينطر برج بابل
يمرق
عـَ قصر الشمس
" سَنْحاريب" !!
__________________

مدّيت إيدي .. مسحت وجه الشرق ... رجّعت إيدي كلـّها غ

عصام يوسف

الحلم

صَابيعك مْزاريب ..
خمر و طيب
و كفّك
سَطِح فوقو
الدني
بتغيب
بيصب قنّينة سَهَر ..
ليلك
و بيضيّف بساتينك ..
مْزاريب
...
و بيصير "جوري"
يسكر ..
و "ليلك" يكتب قصيده
لْ زهرة "التوليب"
و بيروح
بغنّي على ليلك
الله !!
ما أحلى الورد ..
شَـرّيب !!
...
و بيشرد
بهاك المدى ..
سْهيلك
و بيشوف غيمه
من تلج
و لْهيب
بالريح ..عم بيجرّها
خيلك
و شمس
و قمر عـَ جْنابها ..
دواليب !!

دولب غيوم

ومسمر

النسمات

وحرّك

هوى

بعواطف

الغيري

وخلّي

الدني

يا حلمنا

زغيري

ولا تعيش

بين الأااااخ

والأااهات

بحر الزجل بو شربل

طيب وخمر

صابيعك مزاريب

والسطح كفّك
فوق منّو

طيب

وليلك

بيصب

من العتم

كاسات

وبيضيّف

نجوم المجرة

زبيب!!

وبيطير

عطرك

عا السما

ترييات

بياخد قصيدة

من الحلا

وبيجيب

وبيكب

كل عواطفو

مرايات

بترشح

حلا

وبتعشق

الترتيب

العم امطانيوس

اختر قلما

عصام يوسف

شِفت الزهور..
قلام بتندّي
و الشمسْ
شِفت قلامها
حَدّي
و شِفت النهر
آخر قلم .. بيطوف
متل القصيده
من جرد خدّي
...
و شفت الصبح متلي
قلم مَقطوف
عم يرسم غْطيطه
عالمْخدّي
و ساعة مَ دابوا
حروف فوق حْروف
حسّيت أنّو
الناس صاروا
قلام ..
عم يكتبوا
عـَ وْراق مِسْودّي !!

عصام يوسف

سليمان ..
يَ سْليمان يا عَـزّيف
بْتلعب بأوتاري
مَ بعرف كيف ؟!
مرّات
بتنقّص ربع
درجي
و مرّات درجه
كامله بتضيف
...
"نقّي إلي زهره"
من المرجه
بلكي
بلحّنّي "زكي ناصيف"
....
....و شاقوف ..
" عمّرلي
يَ معمرجي"
و يبدا "وديع"
بْهالفضا ..
تِشْقيف
...
مَركب خيالك
بالشعر
فِرجي
بتوصل
على الشاطي
بلا مْقاديف
و الشمس جوهرتك
يَ جوهرجي
بترصّع
شواطيك بــِ " المَلْديف"
...
كل مَ طْلعت
عا سلّمَك درجي
بْحِسْ حالي
عا جبال " الريف"
بْخاف ..
يتقل عالأرض
برجي
بعلّقو بالغيم ..
لَ " التخفيف"

خايف

عا حالي

صدّق

وأنغر

وبلّش

يا يوسف بيع

رزقاتي

وتكبر

براسي

أعرق

وأنحر

وأنسا

مع الأيام

رفقاتي

تركني

بربك

عيش

عمري حر

وأزرع

بشير

الأوووف

ورداتي

وأغزل

بخيط

الروح

كلماتي

بحر الزجل

--------------------------------------------------------------------------------

اقتباس:
المشاركة الأصلية كتبت بواسطة امطانيوس الزحلاو

طيب وخمر

صابيعك مزاريب

والسطح كفّك
فوق منّو

طيب

وليلك

بيصب

من العتم

كاسات

وبيضيّف

نجوم المجرة

زبيب!!

وبيطير

عطرك

عا السما

ترييات

بياخد قصيدة

من الحلا

وبيجيب

وبيكب

كل عواطفو

مرايات

بترشح

حلا

وبتعشق

الترتيب

العم امطانيوس

عصام يوسف يرد عا العم امطانيوس
ضل
شرقط وهج
يا ختيار ..
يا موقد
الأحلام و الأسرار
إن كنّو الجمر
بيدوب
لو شافك
قلّو ..
الدفا مَ بيخجل
مْن النار
....
يا سيف
عاش الدهر
عَ غْلافك
متل الندي
لْ بيعيش عـَ الأزهار
وقلبي
كتاب بيفتح
غْلافك
بإيد القصيده
لْ من عطر
و قمار
...
يا نهر
عم بيميل
صفصافك
كل مَ التقوا قلبين
بالمشوار
ضل نقّلني على
ضْفافك
ضفّي
بتعزفني عـَ منجيره
و ضفّي بتعزفني
على غيتار...

__________________

» محاورة مع الشاعر عصام يوسف
» مقومات الشعر ومعايير جمالية جديدة الشاعر عصام يوسف
» عصام يوسف طوني شلهوب
» توقيع كتاب عصام يوسف
» شَعرِك يالون الرّيح عصام يوسف