صفحة الشاعر عصام يوسف

يا "رواد" العيد
عم بيدوب
عا غيبتك .. و الضو
بيتو غروب
و النّبيد
اللّي شِرب
كاسَك
عم يشربَك بالبال
يا محبوب
عطّر
من الإحساس
أنفاسَك
حتّى الزّهر يفتحلك
المكتوب
و منشان إكتب شعر
عا قياسَك
شوك
الورد فتّح
جروحاتي
و الله مْصبّرني صبر
"أيّوب"




هيدي
يَ"رامي " هالدني
هَيْدي
بتصيدنا ..
و بتكبّر الصَيْدي
مرّه
الحبق بيصير
مشتاوي
و مرّه بيصير
بْغربتو "سْوَيدي"
قدّيش
بدها العاطفه
تْداوي
و تطلع
عا حيط الحلم
مِدّيْدي
و دخلك شو بدّو
الشاعر يْساوي ؟؟
شعّل
إلك شمعه
بوجدانو
و شمعه
بِقلب" كنيسة السَيْدي



"عامر"
من البال بنْدهلك
بقطع
جْبالك .. بمْرُق
بْسَهلك
عم إركض
بْلهفه تَ إحضى
فيك
و كلشي حلو بالكون
شبّهلك
بْدَحرج قمر زنبق
عن رْوابيك
و الضّو
صِبْحيّي بْجَهْجِهْلك
و حتّى
بألوان الشعر
سَلّيك ..
و حتّى تنقّي
من أحاسيسي
بْضل
حَزّر فيك ..
تا تـِهْـلك




يا "سُهيل" الفكر
دَوّنتو
و فاضوا القصايد
من مْدَوّنتوا
شو كان لون العقل
بالإنسان
لوما بلون جديد
لوّنتو
حامل
بقلبك دفقة
الوجدان
يلّي ببيت الشعر
سَكّنتو
إنت
و حلم "مشتى الحلو"
إخوان
و شو كان بدّو
يصير بـِ "الدلبه"
لوما
عا "راس النبع"
بَيّنتوا


يا إسْتاذ "جوزيف"
بخيالي
عَلم صوتك بفكري
عم يْلالي
إنِت
علّمتني الفكره
الجديدي
اللّي فيها بْشِقْ
عتمات الليالي
حْملت
مْواهبك نجمه
بإيدي
و زحِت عن منطق
الشعر.. الجهالي
و من يوم لْ شِرب كاسَك
نبيدي
عرفت إنّو اللي بدّو
يصير شاعر
لازم
بالشعر
يحْمُل "رسالي



يا "كلود" ..
يافرحة نهار
العيد
يا نجمة لْ عم ترهج
من بعيد
قلبك متل بيت
القصيده صار
و منتور
خدّك لبّسو
قرميد
البسمه ..
ببالِك طالعه
مشوار
و حامله صوتك
بلون جديد
و من كتر مَ عليكي
الصبح بيغار
بيبرم
حواليكي بسيوف
الورد
و بيعملْ من زْرارها
بْواريد ..




لمّا ..
يا "سالي" بسْمَعِك ..
بيلِقْ
سَقف السما
بْشبّاك أحْلامي
و بحِسْ
وهجك متل لون
الحق
لْ بيزيّن بْساتين
أيّامي
و "آندي" ..
عا باب قلبي
دَق
و فتّح زهور الشعر
عا كمامي ..
عا ديكن خوابي
الندي بْتِـنْزق
و بتصير
تشرب أخضر ..
عيوني
و بتصير تشرب أزرق ..
قْلامي



أهلا بْ"حسام" ..
و مَرحبا بْ"لارا"
يا زهور
بالألوان فوّارا
تا شوفكن
بعيون مشتاقين
عا قياس
عيني بْوسّع
الطارا
شو اسمعتكن
من ريشة التلوين
خيط
نور بإيد
سنّارا
عم تغزلوا بأرض
الهنا بساتين
تا تزهّر
محبّتكن بهالكون
و يفرح
بعيدو "طفل لِمغارا



يا إستاذ "جرجس"
من خَيالك
رسمت
العيد من رهجة
مقالك
مرّه
من خيالي العيد
زهّر
و مرّه عم يْزهّر
من خْيالك
و لمّا وجّك من النور
شوهر
صار الصبح
يطلع
عن تلالك
كأنّو وجّك من الضو
جوهر
كل ما تطلع بْبّالك
قصيده
بتغلى الشاعريّه
بْراس مالك


"سيرجون"
حلوين كلماتك
بتحس
فاض العطر
جوّاتك
و حتّى الشمس صارت
عليك تدوب
و كل يوم تتفيّى
بفيّاتك
إنت
الخوابي و صوتك
المشروب
و الزهر عم يعزف
عا ناياتك
من غيبتك عم إشرب
الدانوب
قال ..
إنت و مارق
عْلى النهر
من قلبك انكبّوا
نْبيداتك ..




يا "بو جوني"
سْمِعِت
صَوتك مندّي
كأنّو
حِلم عا وج
المخدّي
صار الشرشف يغنّي
قصيده
و زر
الضو عم بيقول
ردّي
و إدن العاطفه تسمع
نهيدي
و كتر ما الصوت
عا جرودك بيودّي
شوفك
طلّة الشعر المجيدي
و لوحك عا جبل سينا
مْهدّي
يا شاعر ..
بالفكر عندك عقيدي
و شفرة
سيفك لْ من زهر ..
حدّي
ضلّك جود بالكلمه
الجديده
و مطرح
ما بتوصل في
طموحك
بيصير
الشعر يشمخ
بالتحدّي

عصام يوسف مبخرة الأوف .. سمير هلال
....
قطـِّع عجين الوقت ..
يا خبّاز
و "رَيِّحو" عا كفَّـك
الهزّاز
و حتّى العمر
يطلع "خبز تنّور"
شو قولك
من الشاعر بيعتاز ؟!
....
بيقلـّبو عـَ الجمر
و البخّور
بيشرّبو
ضو القمر.. "نِزّاز" ؟
بيرقّصو ..بْعينو.. بْطبق
منتور
بيدوّقو بإيدو..
صَبا و حجاز؟
بيسهّرو
بالعتم تسع شهور
و بيتركو
ينعس عـَ "ضو الكاز" ؟
و لولا طلع
متل الحرف مكسور
بيسحبو
من تحت .. بالعكّاز؟!
لا ..لا .. اللي متلك
من سما و شعور
عا " صورتو عِمْلو"
بَلا برواز
و من كتر ما بيعجن
وهج بالنور
طيْلع رغيف العمر
بيضوّي ..
بيجوز حِطّيتو
بفرن قزاز !!

للخال أنهل ..
....
"الحاموش" كنزي ..
و النهر "سحّاب"
بْتفتحو .. بيبيّن
الوادي
بتفكّرو ورقه انطوت
بكتاب
بإيدو فتحها الشوق
عَالهادي
بيكون تاركلك
بقلبو جواب .. الشبّاك
عم بيغيّبو بْرادي
و بين البرادي الضو
مِمْحي غياب
و عَالطراف
مْعَلّم .. زيادي
نص القمر
مطلع "موشّح" داب
و داب نص
الشمس .."قرّادي"
و بيناتهن
يا "خال" في غيّاب
وصلوا
قبل ما ترجع بْلادي
يمكن
لأنّو الصيف
ودّع آب؟؟ ...
حلم الدني دشّر
"بساط الريح"
و مْنِ البرد جايي
عا سِجّادي



تأمّل
يا كيغام
بْحلا الصوره
و شوفها
قدّيش أمّوره
انفلشت
من طواق السما ..
بيجوز.. كانت
بكمشة
ضو مَصْروره !!




قطّف
يا عبدو من
بَساتيني
و عا جبال "الألب"
دفّيني
عِنْد مـَ جْبال القلب
بتدوب
بتكون عم تسرح
شراييني
...
ببْعت
من المشتى
إلك مكتوب
تا يوصلك عا جوانح
سنيني
من لهفتو
بيشوف بالمقلوب
و بيرجع
من الشوق يقريني
...
لا عاد
رح إبعت عطر
و طيوب
و لا حبوب
قلبي و لا طواحيني
دشّرت
صوتي بالنهر
مَصْبوب
بلكي إذا بيوصل
عا شط البحر
بْعَينيك..
بفرنسا .. بلاقيني

للخال جورج...
....
باللون ..
مَحْلا الشعر
يا " بَـتريس"
لمّا على قدّك
قصيده.. يْقيس
و بالضو
تا ما يحرق
عيونو
بيصير .. نتفي ..
ينوّسك تنويس
بيفتّح
عْلى وجّك
جفونو
بيشوف ملكه ..
و طالعه "بلقيس"
بيصب
عطرو و زيت
ميرونو
و بيصير بيقدّملك
قداديس
و حتّى الكل
بدربك يكونوا
صلّى إلك
عالنبع "مار الياس"
و "ماري حنّا" بقلب
"بَتْ سركيس

"كيغام" ..

يسلم بالشعر

ذوقك

صارت اللهفه

تدوق من شوق

من تحتك

الألوان عم بتدوب

و عم يعصرن

قوس القدح ..

فوقك



خدني
يا "عبدو"
عا جناحاتك
شو مشتهي
إسهر عـَ طلّاتك
نشرب
من نبيد "الفرنسي"
كاس
و إتضيّف
"الجبنه" بديّاتك
و يكون ..
شي إنّو سراجي
ناس
و بلّشت
إسكر من نبيداتك
بْصِب
كاس بدوّق
الإحساس
بيردّها ..
و بيقول دشّرني
إسكر
من الشوق
اللي جوّاتك



للخال فاضل ..اللي ما شفتو إلّا "بالبال.."
....
بْبَسمة شفافك
دِق
عا وجّي
و إعمُل بـِمملكة
الشعر .. ضجّي
قلبي
أنا مفروز عـَ حسابك
و كل "قطعه" ..
و في لِها "حِجّي"
...
إشتاق
عا صيف الفرح
"آبَك"
و تَ تْضل غايب
ما إلك حِجّي
...
الصخره مستويّي
عـَ أهدابك
من يوم
ما دشّرتها
فجّي
و مطرح
مـَ كنت تْمر
عا ترابك
لليوم .. دعساتك
عم يْهجّي
...
دَق الحبر
عا صفحة كتابك
و راس القلم
ما حَس
بالطجّي ..
...
لو كنت بعرف
بالدني .. غيابك
منشان
تِفرط غيبتك ..
و تعود
ضربت الأرض
و كسرت هـَ "القِجّي"

لمّا يَ "بو جوني"
قصيده .. تْمِرْ
تشرين
من كلماتك
بيخضَر
بيبكّل عْلى كمَّك
زرارو
و تَ يْفوح ..
بيفتّح
عـَ إيدك زر
....
بيمَشْور بعينيك
مشوارو
بترجع
على تلالوالشمس
تِشْقر
و حتّى يْقلّك كل
أسرارو
بيقرّب و بيوشوشك
بالسِّر
....
من يوم ما حروفك
مدى صارو
و عنقودك
بكرم
الجمال اشقرر
لْ بيخمّر
مْنِ كرومك جرارو
بيسهر
على سِفرة خيال
الروح
بيشرب سما ..
و بيصير
شاعر حر


هانيبال ..
عواطفي ناجا
متل.. لْ مَرَق
عـَ "الهند"...
"مَهْراجا"
جايْ ..
من "روما" بْحلم
خيّال ...
تَ يْعمّر من الشِّعر
"قرطاجا

Issam Youssef
صار القمر آخر الليل يْحوس...
متل لْ كأنّو العتم عم بينوس...
و حتّى النهر مـَ يْفيّق الضفّي...
عا روس صابيعو الخضر بيدوس

و كان الفجر بالضو متخفّي...
متل لْ غْطيطه اللابسه فانوس...
رايح يزور الصبح عـَ "الحفّي"...
لْ صرلو من مبارح فِيا مَحْبوس...
لفّيت إلهن هالنهر "لفّي"...
...و صبّيت صوت الشمس بالناقوس...
و عند مـَ لْقيتو مـَ بيكفّي...
و حَدّي "قطرميز" الجبل مكبوس....
شقّيت فيه الصخر عا كفّي...
لقيتو بشجر جوز و ندي متروس ...
و زيت العطر فوقو عم يْصفّي ...
و لون الشفق لفليفه الحمرا ...
قعدوا سوى يتروّقوا "مكدوس

Issam Youssef قيس جرجس
صوتك تياب الضو .. من "ليلك"... ضوّى بفانوس الفرح ليلك .. مرّه الثريّا تمسك بإيدك .. مرّه يغنّي ميجنا "سهيلك" ... من كتر ما الشلاّل ... بيريدك ... صار يدلق نهر عا ميلك ... و لمّا الشعر قطّف عناقيدك ... شال من إسمك حرف منتور .. من أبجديّة زنبق "جبيلك" .. و صهلت بساحات الفرح خيلك
El Viernes a las 18:32

Issam Youssef
شِفت شِلاّل النهر..
بوري ..
و المَيْ ..
دَخنة عِطر منتوري ...
شِعّلت بالمنتور ..
... نار اللون ...
و حتّى يْهب ..
فـْـتحت جاروري..

سِرّحت سَطر العاطفه..
من هون ..
خلّص ..
و نقّط حَرْف بخّوري ..
و عا وهج قلبي صار ..
يدفى الكون ..
فكّيت زر الأرض ..
عن كمّي ..
و حِطّيت ..
تلجه بْكاسة ..
الجوري

Issam Youssef

وج الفضا كل ما دهنتو وش .. من كتر ما بيضحك إلك بيكش
و صوتك مويّي مقدّسي بْجرّه متل الغطاس و إنت عم بترش
بيزرق لون الأرض من برّه إي ..حاج تكتب عالدني خيالك
بيجوز كرتون السما بينش



Kahwash Eiad ‎:

ضربت القمر بالمنجنيق
افتاح
عبّك تينزل متل نقطة ميّ
...بليل الشتي
سرحت من المفتاح
عابيت من شعرك .. شوي شويّ
..
عاستّ إخوي .. إنت سابع خيّ

Issam Youssef
لمّا يا شادي بتسكر خوابيك .. بيكون كاس الضو عم يسقيك
و بيتدق صابيعو عالمزمار .. قال صوت قصايدك دبّيك
و حتّى يساع محبّتك آدار .. بيفتح خيالو .. بواب و شبابيك


Issam Youssef
يا ياسر الأيّام أيّامك .. زهّرت آدار عا كمامك .. تا كل سني بالعيد بتصبّك
و بتضل جمعه تمز أحلامك .. و بتدوق قهوي بهال بخيامك


Issam Youssef
يا سام يا كاتب إنكليزي .. و قاعد على الأهرام بالجيزي ..
خدلي صور من طلّة عيونك .. و نجّر من الزنبق براويزي

Issam Youssef
و يا كلود في هالعيد نيّالي .. لمّا الربيع يطل عا قبالي
و بشوقك من بعيد بالفوحه .. و العطر عم بيقول .. يا خالي
و بيفوح من صوتك على خيالي






Issam Youssef
تسلم يا فادي عيد .. يا غرّيد .. بتستقبل الفرحه بلا مواعيد
.. كل ما بشوفك بهالصوره .. دواليبك بتظبط عا ناعوره
.. بترفع الضو من القلب عالأيد .. و بتشرب عيوني ربيع جديد

Issam Youssef
و يا ميشيل الشعر لابقلك .. لمّا عا درب العيد يمرقلك
.. بيكون عم بيلوّح من بعيد .. و وقت اللي قرّب صار يشتقلك
.. و بالسر باقة ورد مرّقلك

Issam Youssef بإسمك يا ماغي حروف مجتمعه .. و من كتر ما فيها حلا و لمعه .. حسّيت منها الوهج عم بيشع .. من كل منتوره ألف شمعه


Issam Youssef كل عام إنت بخير يا تامر .. صوتك حنين قصايدي غامر .
. و بيت الشعر تا يفرح بهالعيد .. بيصير عيد بطلّتك عامر




Issam Youssef يا رواد اللي الفرح مكتوب عا وجّك ...اللي من زهر و طيوب ..
قلبي صبر بالعيد تا يشوفك .. يا ريت لو صبرو متل أيّوب
..قلبي العطش و عيونك "الأنبوب



Issam Youssef
يا حكيم العيد من إيدك .. قطّف من الفرحه عناقيدك ..
عنقود ما بينداق إلاّ حب .. و عنقود داقو الكاس بنبيدك.
. من هيك مستحلي الفرح عيدك





Issam Youssef
مع كل سني يا مازن الورقه .. بتمرق على إيّامنا مرقه .
. بتفتح خزاينا ببيوت الشعر .. و بتسرق من قلوبنا سرقه .
. يمكن ما في متل السما الزرقه




Issam Youssef يا سميره قصايدك حلوين .. شي من الزنبق شي من النسرين .
. بفتح وراق الشمس يوميّي.. يمكن عا شط العطر مكتوبين ..
و البحر يشرب موجك فناجين

Kamal Mehtar
عيدك متل ثالوث قدّستو....أم وربيع وانت كرّستو..
..حتى الشعر يفرح معك بالعيد..شرّع إلك ابواب مدرستو..
.ضوك لمع مع غيمة التجديد....شاعل دفا لما تحسستو...
انشالله زهور العمر رح بتزيد...وبتظل شمعاتك عامذبح شعر.
..ناسك عم يصلي بمحبستو


Issam Youssef
يا شاعر لْ بتقوم من آيي .. و السحر منّك رايح و جايي .
. بتنزل على دراج الخوابي السمر .. بتوصل بساتينك عالمرايي .
. بيشعّل الموّال كاس الجمر .. بيصب ليلك .. بشرب حكايي
.. متل لْ كأنّك دفتر من الخمر .. كل ما سقيت الحبر ورقاتو .
. بسكر ..إذا بتقّل بالقرايي


لشاعر سليمان طراد
بيّاع التنك

عندك بشر..بتجمّع
حراتيق
بتبرم عا ضو ...وراسها
...مطفي
ولمّا تشرقط عا الورق
نتفي
بيفزّ شيطان الهبل
بيفيق
وبيقول موج البحر عضمو
رقيق

بحر الزجل



Kahwash Eiad
لون
------
في تحت إيدي لون
مالو لون
بيدخل بإبرة ضو
...شعرة فيّ
بيحلّ لما بتنشرو
عالكون
بينشف
إذا نقعتو ببحر المي
..
قوس القدح قلّي اتركلي شوي

Issam Youssef

رد عا الشاعرة هيفا العنداري

يمكن عليكي تأخّرت .. ليكي !! لا تزعلي كل الدني هيكي ..
بتشيلنا من الوقت حتّى نصير .. ندبك عا سطح العمّر دبّيكي ..
و نتمرجح بأحلام و مشاوير .. و نكتب شعر عا خطوط إيديكي
.. و تا تلتقى الصدفه اللي حلوي كتير .. بتبرم جبل لبنان و سطنبول .
. و حتّى الأرض لِمْدوّرا .. عا طول .. بتصير "ساعه" تبرم عليكي

Issam Youssef
هالبحر متل المنشفي الزرقا ..
بتضل منشورا عا حبل الشط ..
و الريح متعوّد على السرقا ..
بيشدّها .. بتشوف فكرو شَط ..
و كل ما عصرها "عصر" بالمرقا ..
...بقبّوعتو "غياب" الدني بينحط ..
و تحتها خيال السما ورقا ..
من "العصر" بتنقّط عليها نجوم ..
و ما في ولا حرف بيجي عالخط ..
..............
بس المرايي شاطرا بالخط

Issam Youssef
كل ما انطرتـَـك حَد عينيّي ...
بْـتتأخّر .. بـْـتتكهرب الفيّي ...
ببّو عيوني الأخضر .. بيسود ...
متل العبد عا باب حريّي ...
رموش عينيّي .. بيصير يعد ...
...و من قبل ما يوصل على الميّي ...
بتمرق .. و بيعود أخضر ند ...
الله .. يا مرقة "سعيد العقل" ...
فكّرت حالي " قايدالميّي

Issam Youssef
لمّا مْرقت عا بيتك زيارا
وقت اللي حدّك كنت بالحارا
شو فارت القهوي من الألوان ؟!
فورة نغم صوتك عا قيثارا
و دَيْكي فناجين .. شْربت فِنجان
...و فِنجان شِربو الصّبح يا جارا
و منشان تا بصّرلك .. و منشان
تشوف "إيديّي" .. حلاكي مليح
لبست الفنجانين .. نِضّاراVer más
04 de


Issam Youssef posted toألشاعر سليمان طراد
كل ما بطلع على حلقا ...
بإدن السما بشوف الشمس حلقا ....
تا صيبها بمسك بإيدي الريح ....
و بْدِك فيها الأرض .. بالغلقا .....
بتعلّم بْهَالجو.. صيب مليح .....
...طلقا .. ورا طلقا .. ورا طلقا ......
بشوف السما من الأرض عم بتزيح ....
واقعا منها الشمس خِلقا .....
.........
إي .. لمّا السمع بيكون نبع شحيح ...
بمحبّتك لمّا بيصير يطوف ....
إدن السما الطوفان .. ما بْتلقا

Issam Youssef posted toSteven Boudrgham
طقّيت صوتي متل فلّيني ..
انكسرت من قناني شراييني ..
صبّت إلك بالبال مرجوحا ..
تا مرجحك من سكرة سنيني ..
و لو ما بقي شرايين مفتوحا ..
...والحبر عتّملي دواويني ..
و لو ما بقي مواويل مجروحا ..
يا شاعر من القلب بشهقلك ..
و بكسر على إجريك قنّيني

ألشاعر سليمان طراد هزيّت عرش الأووف
ما انهزيّت
وكان الهوا يا صاحبي
ضدّك
وعمّرت عا كتاف القصيدة
...بيت
وما في تجدد متلك
وقدّك
خربط سمانا متل
ما بدك
بأيّا نتيجة...كلّنا
حدّك

بحر الضوVer más
26


Issam Youssef يا فيزيا ..
شو قصّتو هالضّوْ
بْيـِـضْحَك على الإنسان
و بْيجبرو وج الحقيقه
يْشوف
...و بيخربط الألوان ..
بيلبّسو نِجمه ..
وبـِتـْـكـِر هـَالخيطان
بيحمّلو هـَـمّو
وبيشلـّـحو التيجان..
و ما في حَدا بيخاف
من هـَالضو ..
قـَـدْ هـَالسلطان ..

.............

مَعْقول عِندو
عْيون ؟؟
هـَالضو هـَالمَلعون
و ما في حدا
عِرْفان
...
إي كل عِمْرو
بـِالعتم خِلقان
و مْرافق
العِمْيان

Issam Youssef
متل هالساعه أنا دولاب ..
مكسور من كرّيجة الغيّاب ..
و متل الصبي .. مفتاح موسيقا ..
بيبرّم خيالي عا قفل الباب
و كل ما تْمِرّقت تمريقا ..
...بعتم القفل ليل الصدى بينساب ..
و بيصير قلبي يحس بالضيقا
أكبر من خيال الدني الكذّاب
...
من هيك ..كل بوابنا .. سِحّاب

Issam Youssef
شو الريح ؟!..جدّولة شَعِر شي خْيال *** لابس تياب الحكي لْ ما انقال ..
راكض بوديان الفضا صوره *** و كل ما دعس بيوقّع الشلاّل ..
حامل بإيدو النهر ماسوره *** بتقول عم بيقيس طول البال ..
و عند ما شاف السما جوره *** قمّز حْصانو فوقها و كفّى ..
يا ريتني متل متلو أنا خيّال

Issam Youssef
متل الجرس عينيك صحّوني .. و بحبال صوتك عم يشدّوني .
. من كتر ما شدّيتني عالضو .. بشمعات صابيعك صرت قوني