| صفحة الشاعر عصام يوسف | |
|
|
|
كاتب الموضوع | رسالة |
---|
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد مايو 10, 2009 11:30 am | |
|
ومع روائع عصام يوسف
وطن أطرش
عْيونـك نْبـيـد و هَ الـدنـي مْطـفّـي...و ليـلـهـا .. إفريـقـيـا مْـطـفّـي و جَفنك مصر .. و الكحـل نهـر النيـل....بيفيـض مـن ضَفّـي عـلـى ضَـفّـي ....................................... تِمّـك بَحـر أحمـر وقــت بيسـيـل...بيتشهـونـوا كـلّـن عـلـى شَـفّـي و حتّـى الـغـرب يْـحـب إسرائـيـل...سَـرقـت مْــن شفايـفـك شِـفّــي ....................................... تونـس الخضـرا مفصّلـي مـراويـل....حـتّـى بْحبقـهـا جسـمـك تْلـفّـي لكـن .. لأنّـو طـولـك مـواويـل !!....طلعـت قصيـرا .. و النِّـدي مْكـفّـي ....................................... وصَـدرك "جبـال الأطلـس" .. تْماثيـلي....مكـن نَحتهـا البـحـر عــا كـفّـي انتبهـي تْـدوب و ينـعـس القنـديـل...و الأندلـس تـوقـع عَــنْ الحَـفّـي .......................................... و "سيّـاب" دجلـه يبـعـت مراسـيـل...و "بنـت بْحَلـب" رفّـت إلــو رَفّــي و عَ "الحـدود" محمّـلـي "شْناشـيـل"....و النهـر مـا خـلّـى حــدا يكـفّـي ........................................... شَعـرك "خلـيـج" و فـلّـت جـداديـل....صحـرا.. و مَ بَعـرف ويـن بِتْصَفّـي ! الريـح عَ خــدود الـرمـل إزمـيـل....و إيــد الشـمـس بِتْحفّـهـا حَـفّـي ........................................ خصـرك سفينـه.. و بحرهـا تِرْتـيـل....و كـل الـدول عـم تـدّعـي العِـفّـي و بْيحفـظـوا الـقـرآن و الإنـجـيـل....تـا يوضعـوا دَيْهُـن عـلـى الـدَفّـي ......................................... آه يَ بــلادي ..يَ حـلــم تـقـيـل...قـدّيـش كــان عيـونّـا يْـغـفّـي سكّيـن بيـن "المـوصـل" و "أربـيـل"....و غَـزّةْ رمـح "غَـزّه" مـن "الضَفّـي" ......................................... دمّـــك بْـيـنـبـاع بالـبـرمـيـل....و الـغـرب بـيـكـرّر و بيـصـفّـي و حكّـام عـم تقبـض بـلا تحـويـل....بيدّيَّـنـوا ..و شْـعــوب بِـتْـوَفّـي ......................................... اللـي تخرّجـوا مـن معهـد التمثـيـل...كلمـا خـبـر زفّــوا إلــك زَفّــي بيبلّـشـوا التزمـيـر و التطـبـيـل......بيعملـوا زفّــه عَ صــوت الـديـك و وحـدوا الوطـن أطـرش بِهَالـزَفّـي
__________________
مدّيت إيدي .. مسحت وجه الشرق ... رجّعت إيدي كلـّها غـَبرا
| |
|
| |
علي عامر عضو مميز
عدد الرسائل : 218 العمر : 40 العمل/الترفيه : المطالعه المزاج : ناقم تاريخ التسجيل : 02/07/2008
| موضوع: رد: صفحة الشاعر عصام يوسف الأحد مايو 10, 2009 7:50 pm | |
| مَ بِسْتغرب إذا بْيطـرَب حَنينـي***بِصوت الريح عَـم يفتـح كتابـي مَ زالـو تنينهـن للـورد زينـي***شو فيها العْود لو يعشق رَبابي ؟! كيـف حجـار بتعمّـر مدينـه***؟و مشتل ورد مـا عمّـر ترابـي!
عزميني كل ما عطشو الخوابي *** وعلى صدرك بساعة إنطلاقي أنا بنزف على سطورك كآبي *** وورقة ترتوي وعطشان ساقي
يا عيني ع الشعر | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين مايو 11, 2009 12:45 am | |
| ومع روائع عصام يوسف
بالمنتـــــــــدى ماني حَكـــــــم ماني *** و لا إنت "زَرْدِشْت" و أنا "ماني" بْهالجــــــنينه كـلـّنا أزهــــــــــــــــار*** و ما في زهر أحـــــــلا من التاني
ورود الشـــــــــــعر باقات من نوّار *** و من كل باقـــــــــه فاح تحــــناني هون ورده... بْخمس ســــــت زرار *** و هونـــــــيك ورده زرارها تماني
بس القصــــــــــــــيدة في لها معيار *** و الشــــــــــــــعر بدّو بعد إنساني مش مســـــــــألة تمدح إنت "بشّار" *** و إهجـــــــــــي أنا "باسم القبّاني"
الشــــــــــــــــعر بدّو عقل بالقنطار *** و بدّو وعي و إلهــــــــــــام ربّاني و بدّو نحــــــــــت بالخيط و البيكار *** نحت الصـــــــــــلا عا وج قرباني
و الشعر إحســـــــاس ووهج وقمار *** و نهر الشـــــفق عَ شفاف عطشاني لو دوّبك بـِ (ســــــهار بعدي سهار) *** ما مـــــرمرك عا (مَرْمَرْ زْماني)
بكرا إذا صـــــــــــــار القمر ختيار *** و صــــــــــــــار يتغطـّـى بأجفاني رح تعرفوا في آخـــــــــر المشوار *** إنـّي أنا مَ حـْكــــــــــــــيت منشاني
من كـم ســــــــني لمّا مرقت عالدار*** مرقت قيــامه عا جســـــــــــد فاني و كان بيـــــــت الشِـــعر عم ينهار *** رحــــــــــــــــت سنـّدتو بـِحيطاني
في وقتها كانوا الشــــــباب صغار *** ما مـــــــــــــــيّزوا قناني من قناني و ساعة مَ شربوا من حنيني جرار *** غِرقت أحاســيسُن بطـــــــــــــوفاني
و اليوم صاروا كلـّهن شـــــــــعّار *** فيهن قصـــــــــــور المجد عمراني و كلما حدا منهن رســــــــــم آدار *** مَ بيرســــــــــــــــــــمو إلاّ بألواني
و ما زال شادي اليوم شاعر صار *** و شِعرو حَفر إســـــــــمو بوجداني كرمال عـــــــــــينو بحترق بالنار *** و بروح من مشــــتى الحلو عالشام تا إعتذر من كل إخـــــــــــــــــــــــــــــــــــــــــواني [b] | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الخميس مايو 28, 2009 4:09 pm | |
|
عصام يوسف
يا شــــــاعر .. لْ بتعيش بالحلم العتيق متل ما بتعيش حبّات العقيق كل ما بْتنحتها بإزميل الزمان بيسيل جرح الذاكره عليها .. بَــريـــــــــق
و كل ما عَ صابيعَك بـِدوب البيلسان و بتفرفط غيابك على الجرح الغميق بْتبقى في خصلة شَعْر من ليل الحنان تحفر أسامينا على " الحور العتيق" __________________
| |
|
| |
layla مشرفة متميزة
عدد الرسائل : 472 العمر : 48 العمل/الترفيه : Engineer المزاج : very good تاريخ التسجيل : 10/05/2008
| موضوع: رد: صفحة الشاعر عصام يوسف الخميس مايو 28, 2009 9:46 pm | |
| حلوي يا أبو شربل، شعر عصام يوسف بيمجّد الخالق يا حورة عتيقة عنيدة ما بتهزها ريح. | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: شاعر العصر الجمعة أغسطس 28, 2009 10:04 am | |
| لمّا الجِرِح بيصير تِمْ و خَدْ و دقّات قلبو بْتـِنْرَسمْ عـَ القَدْ .. بتعلـّمو حلوي .. الحَكي بالنــــــار و بيصـــــــير يِقْرا خْيالها وِ يْعِدْ !!
لا تســـألو ... عـَ ولاد كانوا صغار عم يلعبوا بين الزهر و النَدْ و لا تسالو عـَ ترابنا الختيار.. بْعكّازتو نهر العمر بيشِــــدْ
و لا تسألو عـَ الوقت .. شو ما صار ؟! و كيف الفضا عـَ وجوهنا بينهد ؟ ... يمكن لأنّو ساعتو فخّـــــــار و سَمْ العقارب فيه طعمو .. حَدْ !!!
تنهّــــــد ... و قلـّي من الدني لا تغار و صار يضحك بين مزح و جَد ...... لمّا الربيع بْيورَتو السِمْسار .. دقّات قلبو بْساعة الإيام بتصـــــير عـ َ حْجار الوقت تِسْوَدْ !! عصام يوسف شاعر العصر __________________ مدّيت إيدي .. مسحت وجه الشرق ... رجّعت إيدي كلـّها غـَبرا | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة أغسطس 28, 2009 4:41 pm | |
| شق المدا وخليك معنا هون وضوّي الدني قدّامنا تا نشوف ورد الحكي من قصايدك مقطوف وعطر السمع شمّع عا أذن الكون يا مرج طالع كل وردة بلون
رائــــــــع يا شاعر العصر
بو شربل | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت أغسطس 29, 2009 10:19 am | |
|
ددعوني ازرع هذه الوردة في بستان شاعرنا عصام يوسف
شعر بو شربل
بكرة اذا شباكها بيدلف قمر بوعى بغيبوبي عا صدر محبوبي بسرق سهر تا نام بقطّف من الأحلام وبزيّين دروبي وخصلة شمس بتلفني بليلة قدر
وبعمل جسر من ريح بوراق الشجر وبزين النسمة وبقلها ابتسمي رايح لعندك أسرق سنيني ضجر وأسأل عا شبباك الهوووووى المكسووووور من ضربة حجر
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت أغسطس 29, 2009 11:46 am | |
| كتب لي الشاعر المهندس عصام يوسف :
حكيم التـّلج إلى صديقي إياد
**
يا ليل طفّي العتم بتْرَجّاك ..
شو مشتهي إسهر أنا ويّاك !!
و هَيِّ إلي هَالجِرْد أركيلي
و حط القمر فحمه على التِنْباك
......
و مِنْ غِرْبتي بشفافك مْحيلي
قدّيش صَرلي عُمْر بـِستنّاك
لا قِدْرت تْزَهّر مَواويلي
و لا فَـتّحوا جْروحي بَلا أشواك
.......
لوما حكيم التلج يـِحكيلي
بالجمر.. شوق الشمع للنِسّاك
لا قْطفت من عينيك تِشْكيلي
و لافي حِبر أزرق على وْراقي
و لا في حَبق أخضر على الشبّاك.
________
المهندس عصام يوسف
*****************************************
وكان جوابي:
عازف المزراب
إلى توأمي بالشعر عصام
**
مزراب عامشتى الحلو مفتوح من سطح الله.. وبالمدى بيروح.. منوزّعو بيصير جسم الليل منجمّعو بيصير ضوّ الروح
**
بيركد بهالوديان متل الخيل لْ خلفها صوت الهوا مبحوح بيروح حتى يبوس بنت جبيل بيقشع أبوغريب بيجي مجروح
**
من ميل بيروّب بكي ومن ميل بعطرالفرح فوق الورق بيفوح ياشاعر الحامل العالم كيل فضّي السما مازال قلبك فيك طوفان وضلوعك سفينة نوح
____________ د. إياد قحوش | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت أغسطس 29, 2009 11:50 am | |
|
بما انّو توأم ها الشاعرين الكبار حبيّت خلّي العطر يحكي وانقل كل وردة بحس بيعطرها
كيف اخضرّ السّجر " تنميلة إيد "
*******
كانت السجره من زمان بعيد
إيد .. بْأرض
صابيعها عْواميد
بتحكّ ضهر الريح
بمسامير
بتجرّحو .. بينزّ عالقرميد
وكان عيد اللون .. عيد كبير
وكل الدّني
بتلبس نهار جديد
شافت السجره طيور عم بتطير
بالعيد
مدّت إيدها للعيد
وكترة مَ حمْلِت إيدها عْصافير
" خِضْرِت " الإيد من التعب
والزّهر
بيَّن كأنو خدّ فوق الإيد
******** د. إياد قحوش
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين أغسطس 31, 2009 5:45 pm | |
|
عصام يوسف آه .. يَ سليمان بَرْحِليون يا قصر بِليالي السَهر مَسْكون مِنْ "سين" إسْمَك سِكرت وراقي وقت اللي شِربت كلْ حَرْف " النون" ومتل أرزي .. خْضَرّت وراقي و صارت رموشي للوراق غْصون ..... من كتر مانك شاعر .. و راقي جايي تَ إشرب كاس بعيونك.. و إسهر أنا ويّاك عـَ البَلْكون __________________ مدّيت إيدي .. مسحت وجه الشرق ... رجّعت إيدي كلـّها غـَبرا | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين أغسطس 31, 2009 6:27 pm | |
| يا ريت بنلتقي يا شاعر
تركني سهر دفيان
ومدنّق
بريحة قصيدة
طالعة
وفكرة
مرقت عليي وشافت البكرى
وقالت
يا شاعر
حلمك تحقق
*********** من وين بتجيب
الحلا...؟
قلّي ...!!!!
وبتسرق...؟؟
الألهام من ألله
رح نلتقي بلادنا ...!!!
انشالله
بيتي انبنا ..؟
هونيك...!!!
عا التلي
ناطريا شاعر...!!!
طلّ ...؟
شي طلّي
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الخميس سبتمبر 03, 2009 6:10 pm | |
| المشاركة الأصلية كتبت بواسطة هادي ما أشبه اليوم بالامس
حبيت رحب فيك يا شاعرنا الرائع عصام بتحفة من تحف البسطاطي
لأني ما لقيت كلمات بقدر عبر فيها عن سعادتي برجعتك عا موقعك
فاتح*= عصام
|
لمّا يَ هادي بْترجع وْراقي لابسي قصايد شغل إيدي بْفك زر بْقبّة خْلاقي و بدخّن الغيمي بتنهيدي و بتضمّك اللهفي بأشواقي متل لْ مَيـِستقبل سني جديدي .... أيلول عم بيخزّق وراقي ... .... قطّف عـَ ذوقك من عناقيدي __________________ مدّيت إيدي .. مسحت وجه الشرق ... رجّعت إيدي كلـّها غـَبرا | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الخميس سبتمبر 03, 2009 6:11 pm | |
| | | هَالأرْض لـَوْح و هَالبشر طـَـبـْشور شو بيكتبوا وبْيرجعوا يْمَحّوا ؟! ..... و من دون مَ يْحسّوا الأرض بِتْدور و كل بَرمي .. شوي... بيمِحّوا !! __________________
مدّيت إيدي .. مسحت وجه الشرق ... رجّعت إيدي كلـّها غـَبرا
|
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الخميس سبتمبر 03, 2009 6:11 pm | |
| | كان في حَدّاد عِنْدو كُور و كان في عِنْدو حَرف مَكسور هوّي .. و مَيـِنْفُخ تا يْحَمّي النار خَرْبَطْ .. و بَدْل النار حمّى النور ..... مدري بهاك الحَرْف شو اللـّي صار ؟؟ مَطرَح الشِعْر لْ فيه صار شْعور !! و من يومها .. هالحَرْف كل نهار.. بيمرق على الحدّاد تَ يْقلـّو .. يْصبّحك بالخير يا "دكتُور" !! __________________
مدّيت إيدي .. مسحت وجه الشرق ... رجّعت إيدي كلـّها غـَبرا
|
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 04, 2009 5:53 pm | |
| المشاركة الأصلية كتبت بواسطة انهل دبس
نـَوَّرْ المَوقِـع ... وَيـن هالغيبة ؟؟؟ من الحَـلا بَعْـدَك ... فِضْيتْ الجَيبة اشتاقِـتْ إلك ... شجرات ضيعتنــا ما اشتـَقِت تِقطـُف عِـرقْ (دِنـَّيبة) ما اشتـَقِت لَ ( شماميط ) تينِتنـــا عَـنـَّـك بتسأل ... صابها ريبــــــة ما اشتـَقِت ... لَ عناقيد دالتنــــــا للهنـدبـة ... لَ عـروق ( كِلـَّيبة ) اشتاقِت إلك حجـــــران حارتنــــا انشالله نشوفك يا حبيب الـــروح قبل الجسم ما تاكلو الشّيبـــة !!!
اشتقنالـــــــــــــــــــــــــــــــــــــك
بكل الحـب أنهل دبس
|
ونبقا مع روائع الشاعر عصام يوسف ردا على الشاعر المبدع أنهل الدبس يا أنهل بْطلـِّع بالمْرايي بْشوفك غطيطه من الجبل جايي بتنزل على العطشان تتملـّي بـِتْوَقـِّع من جْيابَها حْكايي
بْتفرش خيالَك على التلّي و بْصير إقرا وجّك قـْرايي متل اللي بَدّو عن حدا يقلـّي و السّر .. محّى الصوت تـِمْحايي !!
مشتاق إرجع للورد صَلـّي آيي.. ورا آيي .. ورا آيي .. .... و نْ مَ رْجِعِت .. دوِّر على ظِلـّي صِبْ بطحة هالجبل و اسقيه و ضيّف "العطشان" كبّايي ... __________________ مدّيت إيدي .. مسحت وجه الشرق ... رجّعت إيدي كلـّها غـَبرا | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 05, 2009 11:17 pm | |
| المشاركة الأصلية كتبت بواسطة شفيق رائـــــــــــــــعـــــــــــــــة
|
قدّيش إدنَك بالحَلا بـِتْحِس و بتصير تِقرا المَحْبَرا عـَ اللـَّس ..... يا ريتها صارت إدن جَرّا !! تا صِبْ فيها نبيد قلبي .. و بَسْ __________________ مدّيت إيدي .. مسحت وجه الشرق ... رجّعت إيدي كلـّها غـَبرا [size=25]عـِبّيْت بِرْكِةْ هَالسَما بالفَيْ .. تا سَبِّح عليها خْيالي شوي مَ لـْقيت إلاّ الفَيْ شعشع نور و الضَو سبّح فيه إبن و بَيْ !! ... بكّلت زر قصايدي المكسور عـَ كمام إحساسي.. و طوَيْتو طَي ... و لمّا حْملت حالي متل عصفور فاتح جناحو بْجرْح مِكْوي كَي .. ما شفت إلاّ هالصَبي الظغتور قلـّو لَ بيّو نْداه صوبو .. خْطَيْ !! ... و متل لْ كإنّو .. صوت فاض شعور !! ... قلّو .. قبل مَ تسبّحو بالضَوْ .... شِفلو شي غيمي تْسبّحو بالمَي !!! __________________
[size=29]مدّيت إيدي .. مسحت وجه الشرق ... رجّعت إيدي كلـّها غـَبرا [/size] [/size] | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 05, 2009 11:17 pm | |
| فضّي السما ...!!!بقصايدك
فضّي..؟
وخلّي الدني
تعرق..!!
حلا.. وسكّر
ولملم خيال...؟
من الوحي
تعكّر...!!!
وشلبن بشعرك.
شعرنا
الفضّي
قبال ها التخربشي بس لا تقيّد
بحر الزجل بو شربل
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 05, 2009 11:20 pm | |
| المشاركة الأصلية كتبت بواسطة Firas H
ولك انشالله ما تبلى يا عصام
|
عصام يا شــــــاعر عْيونك يَ أرض البور جْفونك خْيول .. رْموشـــــــــــك السّكّي بـِتـْشدّها صَــــوب الورق بـِسْطور بْيـِقلب تـْراب الوقت عَالتكّي سِكّي على الغوطه وعلى الشـــــــاغور و سِكّه عـَ لِمْديني و على مكّي ... و بتصير بتزهّر دفا و شـــعور و بتحس لو بتشكّها شكّي !!
هيك التعبّ ... إحســـــاس من منتور ... مرّه يْضحّك هالدني علينا و مرّه علينا هالدني يْبكّــي !! __________________ مدّيت إيدي .. مسحت وجه الشرق ... رجّعت إيدي كلـّها غـَبرا | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 05, 2009 11:21 pm | |
| كلما بقرّب..!!!
للحلا..؟
بتعب
وبحس ..!!!
قلبي...؟ من الوحي
مقطوع
وببرم..!!1
عا كلمة
تعيّش الموضوع
وبضل ...!!حدّك
طفل ....عم
بلعب
عذرني مرة تانية
بو شربل __________________ ايّاك تضوي للحياة شموع ***ما العمر شمعة وهيك ترتيبو خبز القصيدة بتاكلو تا تجوع***وخبز الدني بتجوع تا تجيبو
خلّيك متل الشمس سجّادي****تستقبل النجمات لمّا تفوت بعرف انا خلقان ببلادي****لكن ما بعرف ويّن بدّي موت | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 05, 2009 11:21 pm | |
| المشاركة الأصلية كتبت بواسطة slayman
كلما بقرّب..!!!
للحلا..؟
بتعب
وبحس ..!!!
قلبي...؟ من الوحي
مقطوع
وببرم..!!1
عا كلمة
تعيّش الموضوع
وبضل ...!!حدّك
طفل ....عم
بلعب
عذرني مرة تانية
بو شربل
|
خِدْني معَك عا دير "ديرونا" الأيّام .. متلو حجار هدّونا قـْريلي "السِنكسار " بْـقـَـبو خِتيار و خلـّي حْجارو شْموع .. يـِقـْـرونا .... و كِلـْما خـَـوابي العمر و الفخّار من نْبيدهن بـِالبال يـِسقونا مِنْعمّرو مْن جديد عا آدار .... شوالسَقف ؟؟ من بَحّات مِنـْـجيره !؟ مَسْنود عا حيطان دلعونا ؟!! __________________ مدّيت إيدي .. مسحت وجه الشرق ... رجّعت إيدي كلـّها غـَبرا | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد سبتمبر 06, 2009 12:19 pm | |
| --------------------------------------------------------------------------------
ونتابع مع تحف عصام يوسف
جبتلـّها الليل الحلو المهضوم بسلّة نِدي .. تا قدّمو هديّي ... قالت فرطلي العتم كلـّو نجوم تا إشتري كل يوم سهريّي .... قلتلـّها هالليل ما بيدوم .. و مَ بينشرب إلاّ بألفيّي ..... هالليل ؟؟ بِعيوني إلِك .. معزوم ... نْ فتّحت عينيّي معِك بيضل ... و بيروح .. ... لو غمّضت عينيّي !! __________________ | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد سبتمبر 06, 2009 1:15 pm | |
| | |
|
| |
layla مشرفة متميزة
عدد الرسائل : 472 العمر : 48 العمل/الترفيه : Engineer المزاج : very good تاريخ التسجيل : 10/05/2008
| موضوع: رد: صفحة الشاعر عصام يوسف الأحد سبتمبر 06, 2009 4:59 pm | |
| روعة، شو هل الفصاحة والجمال الأدبي... رائع! | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين سبتمبر 07, 2009 7:06 pm | |
| كرامة عين ليلى نتابع مع عصام يوسف يا بنت جدّوله وصَلا و ضِحْكه .. بـِطَعْم الـْ " يا هَلا" هَالأرض لعّوبه .. بـِإيديكي الحَرير رَقْصت بعيدك هُـبّلا .. من كتر ما بَرمت كتير هَالكون ..باللون نْتلا !! و من يوم ما بلـّش يْصـــير .. و من صوتك الطّهر نْجلا ؟! ........... من رْغيــــــف وجّــــك هالصـــغير ... شِبْعوا الـْ خَمِسْ تالاف من خبز الحَلا !! __________________ مدّيت إيدي .. مسحت وجه الشرق | |
|
| |
| صفحة الشاعر عصام يوسف | |
|