| صفحة الشاعر عصام يوسف | |
|
|
|
كاتب الموضوع | رسالة |
---|
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 18, 2010 12:24 pm | |
| Issam Youssef عم يلعبوا عيوني "ورق" ... هنّي و شهر أيلول ... بيهر من إيدو الورق ... بيوَقّع "المريول" .. . بْيرمي إلي "هلّق مَرَق"... بـــِرْمي "ظريف الطول" ... و بـــِخسَر معو عا طول .. آخر كرت عم إلعبو .. بإيدي احترق .. . "بحبّو .. و ما فيّي قول" !!.. | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 18, 2010 12:25 pm | |
| Kahwash Eiad بنتك العرجا ** بتعرف الأرض بإيدها شو شايله تا مشيت على الحبل نتفه مايله ...بيجوز هيي شايله خاتم عروس خايل قمر مطرح مَ هيي مخايله وركدت متل طفلين كتبو بالدروس مش عايله تعلْوِج الريح وعايله والدّوه .. دعست عاوتر بلش ينوس تالرّيه ماشافت شوهيي قايله و المنقله لفّت نهر عانهر كوس دلتا مصر عالبحر إيدو طايله النهرين عاشطّ العرب شافو المجوس قالولهن نحنا اختلفنا بالدروب لكن بعمر المي نحنا مجايله | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد سبتمبر 19, 2010 12:51 am | |
| مهراجا الزجل
** قللي القمر غيّرت مكياجي ...لبست الهلال بْدال الكماجه منشان إطلع مع سمير هلال فوق المنابر .. لبّسو تاجي ياهلال يا سكره على أطلال ناجي .. ومنها الكاس مش ناجي ياتشردقة قهوه بحبّة هال انكبّت صبح أبيض ع حرّاجه ياخيال تلّه وانرسم خيّال من شبحتو .. قال المدا حاجي ياضو وجّ الشمس حدّو خيال من دروتو عم شعّل سراجي صوتك لمهراجا الشعر تمثال ياشعر من صوتي لمهراجي بتدلق دفا إفريقيا الشلال زخات تلج بقصرك العاجي بتمحي الزمن بتوقّف الزلزال رفّه ع باب عيونك سكاجي ياهلال كل مابحرك بينقال طلبة صلا بتجاوبو مواجي بتتغنّج عيونك زهر بالبال وبيشمّك من عيونك غناجي ياهلال لفّيتك لحن موّال عاقلب عمري وصار فيك القلب يلفّ الدني بشريانك التاجي
الدكتور اياد قحوش
**********************
Issam Youssef جفونِك عَلى "رف" الرموش كتاب .. و نظرات عينك من ورق جذّاب .. و سْطورها بتشبه قطار الضو ... لْ بينزّل و بيطلّع الركّاب . . مرّه بتنزل من سطورك "لو" ... مرّه بيطلع بالسطور "عتاب" ... و كل ما دموعك ينزلوا من الجو... بيتأخّروا دموعي عـَ لِمْحطّه.. . وحدي بجي و "بطلع معِك" كذّاب | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد سبتمبر 19, 2010 4:10 pm | |
| Issam Youssef ´ حاج تحكي .. شْفافك انصرعوا !!... لا لا بيجوز قلوبنا... انصرعوا ؟!.. . ... لْ بيموت... عـَ تراب الدني.. إحساس .. بيصير.. يطلع عالسما.. زرعو.. ... يا شاعر حدودك... بَلا مِقياس إنت الأصل.. و الموهبه فرعو . . بكرا .. إذا اندهشوا .. عيون الناس .. و حسّوا .. بإنّو في جمال .. جديد . . مْنعرف بإنّو إنت .. مِخْترعو Kahwash Eiad **
ياشاعر ل سيفك برق مسلول والغيم مَ بيعرف شو بدّو يقول ...وتوب الأرض بخطوطك مقصّب بحّه عرض بتروح .. بحّه طول وكل ما مناخك عالدني عصّب بتطلع خلاقك عالزمان نزول بيورانيوم من شعرك مخصّب بيعمل حدشر معركه أكبر من المعركه ل بحدش من أيلول | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين سبتمبر 20, 2010 8:49 am | |
| .Issam Youssef لمّا الحبق خلّص مَحي الشبّاك ... يلّي كتبتي عليه "بستنّاك .." ... و منشان ما كفّي بالقرايي ... محّا قبل " .. إسهر أنا ويّاك" .. . بيغار بدّو يعمل نكايي ... يمكن ما قلتيلو الصبح " مَ حْلاك".. . ليكي .. شو مـَ كتبتي أنا جايي ... و من شان كل الليل يتلهّى . .. ضلّي اكتبي بقلام ورد سْماك | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين سبتمبر 20, 2010 11:13 pm | |
| . Issam Youssef بيطمّسوني ببركة الأحلام... تا يرتخي خيالي المسا... و ينام ..و بيطبّش خيالي ...بهالبركه... متل الصبي... اللي بيكره الحمّام
.Issam Youssef يا رواد خيالنا بَبّور .. بيحرق الوقت و هالعمر بيفور .. . مندوّرو مع عقرب الساعه و عقرب الحظ بعكسنا بيدور
Issam Youssef بخيال وجّي صرت عبّي دروبكن .. متل قنّينه انتلى منها الزمان .. . و لمّا فتحها الشوق شم قلوبكن ... متل الشمع لمّا بيشمّو الشمعدان | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الثلاثاء سبتمبر 21, 2010 8:48 am | |
| .Issam Youssef يا شجرة اللوز لْ بعينيّي... مرّقي غصونك عـَ إيديّي... بلكي إذا غنّتلنا فيروز ... منمشي سوى عـَ "جسر لوزيّي".... قدّيش حزّيتي بقلبي حْزوز .... متل الشتي المرسوم صيفيّي.. . بيروح آدار بيجي تمّوز... و أيلول ما خلّص "الألفيّي"... . لا تفزعي يعطش عـَ إيدي الكوز... و تنشّف الشمس اللّي بالفيّي .. . و لا تفزعي من "يمكن" و "بيجوز" ...... يمكن؟؟ .. ما فيكي تزهّري بتشرين . .. بيجوز !!.. فيكي تزهّري فيّي | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء سبتمبر 22, 2010 9:13 am | |
| Issam Youssef وجّي أنا... "لوحة قطع تركيب"... مفرفطه ... و عالأرض مكسوره ... و إيديكن .. ولاد الحلا الشرّيب ... اللي استطيب الإحساس بالصوره .. . بتجمّعوني متل كمشة طيب ... و بتلملموني وراق منتوره ... مرّه في قطعه محلّها بتصيب ... مرّه بتطلع زرك .. محصوره ... و بتدوّبوني بلعبكن تدويب ........... بيجوز صوره مخربطه ضلّيت.. . لوما بوجّي تكمّلوا الصوره | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء سبتمبر 22, 2010 5:22 pm | |
| Issam Youssef كنت مارق و المسا مبحوح... و الليل واقع عالدني و مَيْلوح ... و لمّا القمر بالعتم شكّيتو ... هالليل فكّرتو "قرش مقدوح".. . برموش عيني رجعت فكّيتو... خفت "السّهر" لا "يصرفو" و يروح | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 24, 2010 12:00 am | |
| Issam Youssefi : من يوم ما عرفتك كنت ب "بالعين" .. و كانت العين بنص بستانك .. . و اليوم لاقيتك بقلب العين ...طبّقت أجفاني عـَ أجفانك .. و مازال أول حرف منّي عين ... نقّطها نقطه بفنجانك ... تا صار حرف "الغيم" .....حرف "الغين"... اللي بإسمك يحفّو عا خد الشمس . .. و من كل نقطه يفوح لبنانك
Issam Youssef : متل القصيده اللابسي قوني ... عم يلبسوا من شغلك عيوني .. . و حتّى دروبك يوصلوا ليّ ... بعمل جفوني حجار طاحوني ... حتّى إذا وصّلت صبحيّي ... تطلع غطيطه من جفوني ... و حتّى إذا وصّلت غنيّي ... تقمّز بنغماتك عا قانوني .. . و حتّى إذا وصّلت خبريّي ... تطلع همس من طاقة ظنوني .. . و لو قِسْيت علا الوقت عنيّي منشان حتّى تستوي من الشوق .. . حطلّها بالدمع "كربوني | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 24, 2010 8:39 am | |
|
Issam Youssefعم يْشتّي ...هالعتم ......عا وراق ...بيض ...و كتر الشتي... نهر الوحي بلّش ... يْفيض...... . و طوفان... لاحقني... بقلب الذاكره .... و فوق الورق... هلكان ... وجّي مْن الرّكيض
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 24, 2010 8:53 am | |
| Issam Youssef Shafic Dib : عم يشربك تم الشفق سادا ....كل ما بْسَهر عينيك يتهادا ....و الريح بيشوفك بالحكايي ...بيصفّر... و بيقول شو هادا!!!!!!! ...بتفجّر البحر لْ بالمرايي ...لمّا النظر بيصير يتمادا ...بيعرف بحر .. "إيجي" إنت جاي ...بإيدك لجام حصان "طروادا" | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 24, 2010 8:55 am | |
| .Issam Youssef يا ضو لون العطر لابقلك ... جوّر جبين الشمس من تقلك .. . ليلي عـَ ليلك فتّح "الليلك" ... و زنبق بلون الصبح زنبقلك | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 24, 2010 4:15 pm | |
| ...Issam Youssef فتّحت كفّي .. لون صَوتك فاح ... متل المسا اللّي من خمر و قداح .. . و الأرض صارت تشتهي خيالِك .... و بالجاذبيه تقطّف التفّاح.... ... شغّلي بالعطر موّالِك... يمكن إذا الورد اشتغل.. يرتاح... بجنينتك مين لْ شغل بالِك ؟... قال الشعر بجنينتك فلاّح !!... ... لا تحرقصي لْ باب لْ مِشي قبالك... عا ميلة لْ فيها مَرقتي .. انزاح... . ..و عا برمة المفتاح غنّالك... لمّا شرب إيدك عا إيدك داخ.. . و لليوم .. بعدو بيبرم المفتاح
قلّي الوقت ... الله .. شو بالك طويل... و تاركو بالضو تا فحّم ... . متل لْ كأنّو نهر مارق عالأصيل .... عطّش الشمس و قلبها فحّم ... يا وقت ...دشّرني أنا همّي تقيل ... عليّي لا تترك عين تتوحّم .. . بالي متل جرحي على البحر الطويل ... من بعيد بتشوفو فرد شقفه ... قرّب .. و شوفو موصّل ملحّم
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 24, 2010 4:25 pm | |
| Issam Youssef لسانك ... غصن حامل زهر تفّاح .... ووراق غصنك حول منها ... قداح .. .. بيشم قلبي زهرك .. و بيدوب .... و بيشرب من وراقك .. بيرتاح ... سطرك من وراق الشعر مسحوب ... سيف الحلا يلّي بإيدك لاح .... و صوتك على كل السما مكتوب .... و وقت اللي شفتو من القصيده فاح .. . صار المدى بركه و إنت مصبوب ... و النحل عم يسبح على خيالك .. . يا ريتني متل النحل "سِبّاح | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الجمعة سبتمبر 24, 2010 7:09 pm | |
| Issam Youssef يلّي سهرت تا فتّحوا عروقك ... و وج الصبح صار الحلا يْدوقك ... فكّرت إنّك كاتب "شروقي" ... تاري كنت عم تكتب شروقك | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف السبت سبتمبر 25, 2010 12:40 am | |
| Issam Youssef الورقه كـَرِم ..و سْطورك عناقيد .. و غصونها.. خضره مْن المحبّي . .... شي حَب مخمرجي .. عا لون نبيد .... و شي نبيد.. بلّش يشرب الحَبّي .. . و بقلبها الفكره شفق غرّيد ... سلّتو من سْطورك معبّي ... و من كتر ما فيها خيال جديد ... و صوت الشمس بالفي متخبّي ... سور الكَرِم... بيلف متل الإيد... و لمّا بيفلفش بالورق بيحس . ... كل إصبع فيه متنبّي | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الإثنين سبتمبر 27, 2010 1:00 pm | |
| Issam Youssef بْحمّي القمر عالضو يا مخّول .... و بْشِد ..عـَ خطوط العرض و الطول .. . من جيبتي.. بشيل الفرح مفتاح... و بفتحلك خيال الدني المقفول... بنقلّك " الكيمه" عا قلب "رباح"... و بشيل "منشيستر" عا ليفربول" . ..و لولا طلبت منّي بنت "يفتاح" ...بجبلك أساورها من"اسطنبول"... و لو داقت خلاقك من التفّاح.... و جاي عـَ بالك برتقاني .. قول. .. ... بقشّر برتقان السما الفوّاح... و بشيل فصل من الشمس تـَ تصير... سنة اللي فيهاخلقت خمس فصول
Issam Youssef بْبرْكة الدهر بيدعس حصانك... بيرجف الضو بيلحق زْمانك .. . بيوعى عـَ صوت الخيل "هيروكليس"... يهيّي عقود الغار منشانك .. . وبيعزم عـْلا سهرتك "بلقيس" ... بيلبّسك خاتم "سْليمانك"... و بيكذب عْليّي و عا "أدونيس"... بيقلّنا "عشتار" نعساني .. و بتكون سهراني عـَ قصدانك | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء سبتمبر 29, 2010 7:54 pm | |
| Issam Youssef هالسقف فوقي مستطيل تقيل... خف عقلي كتر ما بيشيل ... من يومها .. شو اللي شغل بالو ؟!... ساعة ما ضوّتلو السما قناديل .. .. صار يتمرّا على حالو ... يشرد .. و يسهى .. و يشرب أ ْراكيل . .. و كل ما قمر بالليل غنّالو.... يزيح السطح تا يسمع مواوييل .. .. و دالي على الصيوان كرمالو... فضّت إلو الخزّان عالتنميل . ... و ساعة ما خلّص " ...عصر" عرزالو ... صار يشرب خمر بالبرميل | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء سبتمبر 29, 2010 7:56 pm | |
| Issam Youssef معقول عشقان السما ؟؟ ..و قالوا... كل يوم عم يبعتلها مراسيل !!... و ناسي بإنّوهالسما قبالو... حرّه .. متل صفحه من الإنجيل... و هوّي بإيدو مربّط خيالو .... ...بحيطان... و تريّات... و شباشيل.. و اليوم ناطر رد مرسالو ... و دمعو من المزراب عم بيسيل ... آه يا هالسقف نيّالو !!... لْ بيحس حالو بهالفضا ريشه ... و من تقل أحلامو ما فيه يميل | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء سبتمبر 29, 2010 7:58 pm | |
| Issam Youssef ساعة الرمل شلفتها شلفي ... و راجع و شالح هالدني خلفي .. . و مشتاق بقناني الشتي إسكر ... و خلّط من المزراب و الدلفي | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأربعاء سبتمبر 29, 2010 8:00 pm | |
| Issam Youssef فتّحت كفّي .. لون صَوتك فاح ... متل المسا اللّي من خمر و قداح ... و الأرض صارت تشتهي خيالِك .... و بالجاذبيه تقطّف التفّاح.... .. . شغّلي بالعطر موّالِك... يمكن إذا الورد اشتغل.. يرتاح... بجنينتك مين لْ شغل بالِك ؟... قال الشعر بجنينتك فلاّح !!... ... لا تحرقصي لْ باب لْ مِشي قبالك... عا ميلة لْ فيها مَرقتي .. انزاح... ...و عا برمة المفتاح غنّالك... لمّا شرب إيدك عا إيدك داخ. .. و لليوم .. بعدو بيبرم المفتاح... | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد ديسمبر 19, 2010 9:00 pm | |
| خْيال بالألوان **
لحّن خيالك عامقام النّار متل للي قام ومدّ غيمه .. وطار و زرنِق شتي كانون موسيقا عصرت سماك .. بأرض من فخّار .. بتعرف .. إنت والضو تعريقه برخام ورد .. بمملكة أيار بتعزف عطر بكفوف دقّيقه دقّت وشم صوتك على الغيتار تاغرقت الأحلام تغريقه منها انبلّ الليل صار نهار يدحك بعبّو متل توفيقه توفّق بها "بقيامتو "عازار .. ياشاعر ن غمّقت بدْقيقة بتقطع بحر يابس كأنو حجار بتمحي زمن وبكل تغميقه بتّدور حولك هالدني بيكار
مدري صلاتك إنت شوّيقه بتحقن عمر بالعالم الختيار مدري القُوَن عالحيط عرّيقه بتعرق صدى من آخر المشوار ..
وهلّق يَ جايي بريح مشّيقه وبيادرك صارت ملانه قمار روحك اللبّيسه وخزّيقه لبست غيوم المجد يوم العيد وخزقت بطقس الموهبه إعصار
اياد قحوش
عدل سابقا من قبل سليمان في الإثنين أبريل 04, 2011 10:22 am عدل 1 مرات | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد ديسمبر 19, 2010 9:02 pm | |
| شِفت السما شبّاك عـَ الأفلاك و كفوفك الدرفات بالشبّاك سكّرت درفه نص تسكيرا و فتحت درفه نص .. " مِسْتَنّاك" .... يا إيد متل المجد عمّيرا سمعان فيها من " أنا ويّاك" و صابيعك عواميد " بَلميرا" بْتحكي على " سمعان" للنِسّاك ... زنودك متل هالسهل عمّيرا صبحك .. سنابل عـَ الدني مَشّاك و الشمس دارت نص تدويرا تا تصبّحك .. قال .. القمر مَسّاك !! ... و روحك "هند" بالنور سكّيرا بتشك فيها المعرفه مِدماك و مهما تجي و تروح " أنديرا" بيضل توما متلنا "شكّاك" سوّر بيوت الشعر تسويرا سياجها من صوت "ما أحلاك" بتخربط بشكل الأرض "حيرا" و بتصير لعّوبي بإيد مْلاك
عدل سابقا من قبل سليمان في الإثنين أبريل 04, 2011 10:21 am عدل 1 مرات | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: صفحة الشاعر عصام يوسف الأحد يناير 09, 2011 11:53 pm | |
| يا خال أنهل يسلموا إيديك لْ بيلوّنوا سْطور السما بالريح و بينشَرَب كاس الوحي بْعينيك و بتسكر النظره بَلا تلميح حْمِلني على دقّات قلبك .. هيك .. شو طيّبي دقّاتك مْراجيح ! تْهزّني و توقع غْطيطه عليك و تْضل واقف مطرحَك .. مـَ تْزيح !!
"ليلى" مْرورك .. ياسمين و فاح عا جنينة المنتور و التفّاح و باب الجنينه ناطر خيالِك و حروف إسمِك بَرْمة المفتاح مْنِ الكويت .. البحر عا قبالِك من طيب قلبِك عم يْصبْ قْداح و الشوق "مشتى الحلو" وَدّالِك تا يْسمّعك أحلى قصيدة شعر يمكن إذا قلّك شعر يرتاح ..
و خالد إنت يا رفيق إيّامي بفرفط على إيديك أحلامي و بْصير بيّض صفحة غيابَك و بْحبّر من حضورك قلامي و الذاكره بتصيّف بآبك متل لْ بيشتّي عا جمر حامي حتّى الوفا المعجون بترابك لمّا طلِع "خالِد" متل "عصام" حَسْ حالو صار .. "عيصامي"
"صلاح" و حق وجدانك و نبيد إحساسك و قربانك يا ريت قلبي يكون شمعة عيد و يْدوب متل الوهج منشانك لولا كنت في فنزويلّا .. بعيد بْسابق هبوب الريح عا حصانك بقطّفلك من قصايدي عناقيد و من رموشي بْدقدق مِسْامير مِنْشان علّقهن عـَ حيطانك
حسّان.. عمّرني على كفوفك قلعة كرَم من فيض مَعروفك قال أحلى نزلتك عـَ الأرض هيك .. بيحب الوحي يْشوفك !! من يومها فارض وجودك فرض و نهر الكرامه طاف عـَ سيوفك و كل إنكسَر طول السهر عالعرض و ما ضل عا سِفْرِة الليل نبيد مِنْجيب قنّينه عن رْفوفك
يسعد مساكي شِعْر .. يا "هالا" يا صوت ورده عالفرح لالا .. عم يسألوا إن كنّك بعيدي كتير ؟ مين اللي قلّك هالحكي .. لا لا !! إنتي قصيدي مصوّره تصوير بحروفها الإبداع .. شو تْعالا بتلوّني الإحساس و التفكير .. كل ما مْرقتي و عا شريط البال بتبلّش الألحان تِتْوالا.. ... إي ..حلوي الموسيقا تْفوح من "هالا"
يا "رُبا" لا تطوّلي غيابك شوفي الشعر شو دق عا بابك الذوق ما تعلّم عا لِقرايي لوما ربي بجناين كتابِك كل ما مْرقتي بتنرسم آيي متل الكحل عا خْيال أهدابِك و من كتر ما بتطلع مضوّايي بيصير قرص الشمس زر زغير مِنْفكّرو شي زر عا تيابك ..
للدكتور إيّاد ... لون السما عا دَيْك أزرق مَزْ بتصب منّو هالدني و بتمِزْ متل لْ كإنّو الكون جرح كبير بيسيل منّو غيابَك و بينِزْ بْـتشتقلك اللهفه اللّي بالتفكير بتقرّب .. وعا صَفنتَك بتلِزْ و النحل عا رْوابيك طفل زغير مَتْعلّموا الأزهار حرف "الإز" يا شاعر اللي رموشَك نْواطير و عيونك كروم المجد و العز وقت اللي بَدّك هالوجود يْصير إمسك بإيد الدهر .. بيقولوا .. ختيار إيدو عالورق بتهز
لمّا يَ "عبدو" بفتح .. بْلاقيك بيدق قلب الشعر دقّاتو بنسى الدني .. بتذكّر .. بْسمّيك و بيصير يقرا العطر زهراتو و لمّا النهر يتسمّع غنانيك بتشرب موسيقا الشوق ميّاتو و لمّا الشعر بيشد فيّي و فيك مْنعصر قصايدنا على الأحلام و القلب بيضيّف جْروحاتو ...
عدنان" .. دق الشعر ناقوسك و صار الحلا يقرا بقاموسك مشتى الحلو اللّي بْ"معجمك" بتكون أحلا من فرنسا بِ " لاروسك" منشان تضوي زهرة الليمون زيت العطر نقّط بفانوسك و منشان ترضي شوقك المجنون بطبّع على خدّك نجوم الليل هَيْ مطرح الورد لْ عم يْبوسَك | |
|
| |
| صفحة الشاعر عصام يوسف | |
|